“32. Tanim bel na ol Sios Membasip Kaunsil,” Ol Seleksen i kam long Jeneral Henbuk (2023).

“32. Tanim bel na ol Sios Membasip Kaunsil,” Ol Seleksen i kam long Jeneral Henbuk

32.

Tanim bel na ol Sios Membasip Kaunsil

32.0

Introdaksen

Planti pasin bilong tanim bel bai kamap namel long ol wanwan manmeri, God, na ol lain we save kisim bagarap long sin bilong wanpela. Tasol, sampela taim bisop o stek presiden bai nid long halivim ol Sios memba long hat wok bilong ol long tanim bel.

Long taim bilong halivim ol memba long tanim bel, ol bisop na stek presiden save sowim pasin bilong lav na lukaut long narapela. Ol bai bihainim eksampel bilong Seivia, husat i save litimapim bel bilong ol wanwan lain na halivim ol long tanim baksait long sin na tanim igo long God (lukim Matthew 9:10–13; John 8:3–11).

32.1

Tanim Bel na Pogivnes

Long bringim kam dispela plen bilong marimari bilong Em, Papa long Heven i salim Wanpela Pikinini bilong Em tasol, Jisas Krais long aton long ol sin bilong yumi (lukim Alma 42:15). Jisas i karim hevi bilong baim rong bilong yumi we lo bilong stretpela pasin i mas bihainim (lukim Doctrine and Covenants 19:15–19; lukim tu Alma 42:24–25). Long dispela sakripais, Papa na pikinini man i soim lav bilong tupela i nogat pinis bilong em long yumi (lukim John 3:16).

Taim yumi eksasaisim “feit i go long tanim bel,” Papa long Heven bai pogivim yumi, givim marimari bilong Em long Atonmen bilong Jisas Krais (Alma 34:15; lukim tu Alma 42:13). Taim yumi klin na kisim pogivnes, yumi ken kisim kingdom bilong God (lukim Isaiah 1:18; Doctrine and Covenants 58:42).

Pasin bilong tanim bel em i moa long senisim pasin. Em i min olsem yu mas givim baksait long sin na lukluk igo long Papa long Heven na Jisas Krais. Em bai lidim yu igo long senisim bel na tingting (lukim Mosiah 5:2; Alma 5:12–14; Helaman 15:7). Long pasin bilong tanim bel, yumi kamap ol nupela manmeri i kam bek long God (lukim 2 Corinthians 5:17–18; Mosiah 27:25–26).

Dispela opotuniti long tanim bel em i wanpela bikpela blesing Papa long Heven i givim yumi thru long presen bilong Pikinini man bilong Em.

32.2

Ol As Tingting long Tambuim na Rausim Membasip

Sapos wanpela memba i mekim bikpela sin bisop o stek presiden bai halivim em long tanim bel. Dispela bai min olsem, em bai tambuim ol sampela gutpela samting long Sios membasip long sampela taim. Long sampela taim, em bai nid long rausim membasip long sotpela taim.

Pasin bilong tambuim o rausim membasip bilong wanpela ino min em i panismen. Tasol, ol dispela eksin bai halivim wanpela long tanim bel na senisim bel. Ol bai givim dispela man o meri tu long redim em yet long spirit long kamap nupela na kipim ol kavanen gen.

Ol tripela as tingting bilong tambuim na rausim membasip i olsem.

32.2.1

Halivim Lukautim ol Narapela

Nambawan as tingting em long halivim lukautim ol narapela. Sampela taim wanpela man o meri bai givim birua long skin o spirit. Pasin bilong painim ol narapela, long bagarapim skin, bagarapim skin bilong narapela na slip wantaim, kisim nogut samting long bodi, paulim moni, na apostasi em ol sampela wei dispela i ken kamap. Wantaim gutpela tingting, bisop o stek presiden bai sanap long lukautim ol narapela taim wanpela man o meri i laik givim hevi long ol narapela wei.(lukim Alma 5:59–60).

32.2.2

Halivim wanpela man o meri kisim Ridiming Pawa bilong Jisas Krais thru long Pasin bilong Tanim Bel

Namba tu as tingting em long halivim wanpela man o meri i kisim ridiming pawa bilong Jisas Krais thru long pasin bilong tanim bel. Long dispela rot, em bai kamap klin na woti long kisim olgeta blesing bilong God.

32.2.3

Lukautim Stretpela Pasin bilong Sios

Namba tri as tingting em long lukautim stretpela pasin bilong Sios. Pasin bilong tambuim o rausim Sios membasip bilong wanpela man o meri bai imas kamap sapos pasin bilong em i bagarapim Sios (lukim Alma 39:11). Dispela stretpela na gutpela pasin bilong Sios i no inap stap orait taim yumi haitim ol bikpela sin—tasol taim yumi stretim ol.

32.3

Wok bilong ol Jas insait long Israel

Ol bisop na ol stek presiden em ol i kolim ol na setim ol apat long kamap olsem ol jas insait long Israel (lukim Doctrine and Covenants 107:72–74). Ol holim ol prishud ki long makim Bikpela long halivim ol Sios memba tanim bel (lukim Doctrine and Covenants 13:1, 107:16–18).

Sampela taim ol bisop na ol stek presiden save halivim wantaim pasin bilong tanim bel taim ol i kaunsel wantaim wanwan manmeri. Dispela halivim bai kam wantaim sampela tambu long ol gutpela samting i kam long Sios membasip long sampela taim.

Long sampela bikpela sin, ol lida bai holim membasip kaunsil long halivim wantaim pasin bilong tanim bel.(lukim 32.6). Dispela halivim bai kam wantaim pasin bilong tambuim ol gutpela blesing bilong Sios membasip o rausim membasip long sampela taim.

Ol bisop na ol stek presiden bai soim lav na gutpela lukaut taim ol i halivim ol memba long tanim bel. Dispela pasin Seivia i mekim long meri ol i kisim long pasin bilong slip wantaim ol marit man em i olsem gaid (lukim John 8:3–11). Maski Em ino tok ol sin bilong em i raus, Em ino kotim em. Tasol, Em i tokim em long “noken sin moa”—long tanim bel na senisim laip bilong em.

Ol dispela lida i tis olsem igat “hamamas … long heven long wanpela sin man o meri i tanim bel” (Luke 15:7). Ol bai gat isi pasin, bai givim sapot, na igat gutpela pasin. Ol bai givim gutpela tingting. Ol bai tis na testifai olsem bikos long dai na sakripais bilong Seivia, olgeta i ken tanim bel na kamap klin.

Ol bisop na stek presiden bai painim gaidens bilong Spirit long save olsem wanem long halivim wanwan man o meri long tanim bel. Tasol long ol bikpela sin Sios i gat ol rot ol lida bai bihainim (lukim 32.6). Nogat tupela hevi i wankain. Kaunseling ol lida i givim na pasin bilong tanim bel ol bai stretim i mas gat gutpela tingting na bai narakain long wanwan man o meri.

6:18

32.4

Konpesen, Haitim Tok, na Ripotim i go long Gavman Atoriti

32.4.1

Konpesen

Pasin bilong tanim bel em olsem yumi mas konpesim ol sin long Papa long Heven. Jisas Krais i tok, “Long dispela yupela bai save sapos man i tanim bel long ol sin bilong em—lukim, em bai konpes na lus tingting long ol” (Doctrine and Covenants 58:43; lukim tu Mosiah 26:29).

Taim ol Sios memba i mekim sin, tanim bel em olsem ol bai konpesim ol sin long bisop o stek presiden bilong ol. Em bai eksasaisim ol ki bilong dispela gospel bilong tanim bel bilong ol (lukim Doctrine and Covenants 13:1; 84:26–27; 107:18, 20). Dispela bai halivim ol long kamap orait na kam bek long rot bilong gospel thru long pawa bilong Atonmen bilong Seivia.

As tingting bilong konpes em long halivim ol memba long rausim hevi bilong sin na givim ol yet long painim halivim bilong Bikpela long kamap orait na senis. Kamapim “bel i bruk na spirit i daun” i halivim pasin bilong konpes (2 Nephi 2:7). Taim wanpela em yet i kam long konpesin em i olsem dispela man o meri i laik tanim bel.

Taim wanpela memba i konpes, bisop o stek presiden bai bihainim ol gaidlain long kaunseling insait long 32.8. Em bai pre na painim gaidens long gutpela rot bilong halivim dispela memba long tanim bel. Em bai skelim sapos membasip kaunsil bai halivim. Sapos Sios polisi i nidim membasip kaunsil, em bai tok klia long dispela (lukim 32.6).

Sampela taim memba i mekim rong long man o meri bilong em o narapela man o meri. Long tanim bel, em bai konpes long dispela man o meri na askim long pogivnes. Wanpela yut husat i mekim wanpela bikpela sin bai kisim kaunsel wantaim ol papamama bilong em.

32.4.4

Haitim tok

Ol bisop, stek presiden na ol kaunsela bilong ol igat sekret wok long lukautim olgeta toktok ol i save kisim. Ol dispela inpomesen na toktok i ken kam long taim bilong intaviu, kaunseling na ol konpesin. Dispela wankain wok i stap long olgeta lain husat i stap insait long membasip kaunsil. Pasin bilong haitim toktok em i mas stap bikos ol memba bai no inap long konpesim ol sin o painim gaidens sapos wanem ol i serim bai no inap long stap hait. Pasin bilong brukim tras bilong ol bai mekim ol i lusim tras long ol lida bilong ol.

Wankain long wok bilong ol long haitim ol toktok na ol inpomesen, wanpela bisop, stek presiden, o ol kaunsela bilong ol bai serim ol sampela inpomesen olsem:

Ol i mas toktok wantaim stek presiden bilong memba, misin presiden o bisop long holim wanpela membasip kaunsil o ol kain samting.
Dispela man o meri i surik i go long nupela wod (o dispela prishud lida i rilis) taim membasip eksen i wok long kamap yet.
Wanpela bisop o stek presiden lainim olsem wanpela Sios memba husat i stap ausait long dispela wod o stek i bin stap long wanpela bikpela sin.
Em i impoten long autim ol inpomesen long taim bilong membasip kaunsil.
Wanpela memba i ken sus long givim tok orait long lida long serim ol inpomesen wantaim ol sampela lain tasol.
Em bai gat nid long serim sampela inpomesen long dispela disisen bilong membasip kaunsil.

Long halivim ol lida long lukautim ol narapela na bihainim ol lo, Sios bai halivim long painim ol lain i gat treining long ol dispela wok. Long kisim dispela gaidens, ol lida bai hariap tru kolim Sios abius lain bilong halivim we em i stap (lukim 38.6.2.1). We dispela abius lain i no stap, stek presiden bai mekim kontek wantaim eria ligal kaunsel long eria opis.

Long wanpela taim tasol bisop o stek presiden bai givim aut ol hait inpomesen pastaim long ol i kisim gaidens. Dispela em long taim kain inpomesen bai stopim ol hevi long kamap we bai bagarapim laip bilong manmeri na i nogat taim long kisim gaidens. Long ol dispela taim, wok bilong lukautim ol narapela em i moa impoten long wok bilong haitim ol inpomesen o toktok. Ol lida i mas mekim kontek wantaim ol atoriti hariap tru.

32.6

Hevi bilong Sin na Sios Polisi

Hevi bilong dispela sin em i bikpela samting long stretim olgeta rot bilong (1) halivim lukautim ol narapela na (2) halivim wanpela man o meri i tanim bel. Bikpela i tok olsem Em “i no inap tru lukluk long sin” (Doctrine and Covenants 1:31; lukim tu Mosiah 26:29). Ol wokman bilong Em i mas noken pasim ai o tingting long luksave long ol bikpela sin.

Ol bikpela sin em olgeta i bikpela rong i brukim lo bilong God. Ol kain bikpela sin i stap daunbilo.

Pasin bilong pait na bagarapim ol lain man meri o samting.
Pasin bilong slip wantaim narapela ausait long marit
Ol pasin bilong giaman na paulim ol manmeri o samting
Pasin bilong brukim tras bilong narapela
Ol sampela narapela pasin

Taim Membasip Kaunsil I Mas Kamap o I Gat Nid long Holim

Ol Kain Sin	Membasip Kaunsil I Mas Kamap	Membasip Kaunsil I Gat Nid long Holim.
Ol Kain Sin Ol Pasin Nogut bilong Pait na Bagarapim Ol Man Meri o Samting	Membasip Kaunsil I Mas Kamap Pasin bilong Kilim Man Pasin bilong Reipim Kot i painim rong i kamap long bagarapim skin bilong narapela Bagarapim o abiusim pikinini o yut Pasin bilong painim ol pait nogut	Membasip Kaunsil I Gat Nid long Holim. Traim long kilim man Pasin bilong bagarapim narapela,long laik bilong skin, (lukim 38.6.18 long taim kaunsil i mas kamap) Bagarapim o abiusim narapela bikpela manmeri (lukim 38.6.2.4 long taim kaunsil ol i mas holim)
Ol Kain Sin Pasin bilong slip wantaim narapela ausait long marit	Membasip Kaunsil I Mas Kamap Pasin Nogut bilong Slip Wantaim Wanpela Husat i Famili Piksa nogut i gat ol Pikinini Pasin bilong Maritim moa long wanpela man o meri Pasin bilong painim ol narapela na bagarapim ol long slip wantaim	Membasip Kaunsil I Gat Nid long Holim. Slip wantaim ausait long marit, marit namel long man na man, o meri na meri na ol kain pasin bilong man na meri i no marit, wantaim ol dispela i kamap long intanet o pon Pasin bilong ol man meri i stap wantaim taim ol i no marit, na marit namel long tupela man o tupela meri Ol strongpela pasin bilong yusim ol piksa i nogut we i bringim bagarap i kam insait long marit bilong ol memba o famili
Ol Kain Sin Ol Pasin bilong Giaman na Paulim Tingting long Kisim Moni	Membasip Kaunsil I Mas Kamap Ol Pasin bilong Painim Ol Narapela long Giaman na Paulim Moni (lukim 32.6.3.3 sapos wanpela memba i bin stap insait long pasin bilong paulim moni o propati bilong Sios)	Membasip Kaunsil I Gat Nid long Holim. Pasin bilong stil, paulim moni o ol samting (lukim 32.6.3.3 sapos wanpela memba i bin stap insait long pasin bilong paulim moni o propati bilong Sios) Pasin bilong giaman insait long kot
Ol Kain Sin Brukim Tras	Membasip Kaunsil I Mas Kamap Bikpela sin taim wanpela i holim bikpela posisen insait long Sios	Membasip Kaunsil I Gat Nid long Holim. Bikpela sin taim wanpela i holim posisen i gat atoriti o tras insait long Sios o dispela komuniti (lukim 32.6.3.3 sapos wanpela memba i stap insait long dispela pasin bilong paulim moni o propati bilong Sios) Bikpela sin planti lain i save long em
Ol Kain Sin Sampela ol Narapela Pasin Nogut	Membasip Kaunsil I Mas Kamap Planti ol Pasin Feloni o Stilim Moni	Membasip Kaunsil I Gat Nid long Holim. Rausim pikinini long bel (tasol bai nogat sapos hap tok long 38.6.1 i aplai) Pasin bilong Mekim ol Bikpela Sin Min long lusim ol wok bilong famili, wantaim pasin bilong noken baim moni long sapotim ol pikinini Salim ol spak brus na ol marasin nogut Ol narapela bikpela raskol pasin

32.6.3

Taim Stek Presiden i Kaunsel wantaim Eria Presidensi long Sapos Membasip Kaunsil o Narapela Samting I Mas Kamap

Sampela samting imas kisim gutpela tingting na gaidens. Long save moa olsem wanem long halivim, stek presiden i mas kaunsel wantaim Eria Presidensi long ol dispela samting long dispela seksen.

32.6.3.2

Apostasi o pasin bilong lusim bilip

Ol pasin bilong apostasi o lusim bilip i save gat ol sampela hevi bai kapsait ausait long mak bilong wod o stek. Ol i mas hariap long stretim ol long lukautim ol narapela.

Bisop bai kaunsel wantaim stek presiden sapos em i pilim olsem wanpela memba i mekim samting i olsem apostasi.

Olsem i stap long hia, apostasi em i olsem memba i mekim ol dispela kain samting:

Mekim ol samting i no stret na agensim Sios, ol doktrin, ol polisi o ol lida bilong em long ai bilong pablik
Go het long tisim samting ino stap olsem doktrin na lo bilong Sios bihain long ol bisop o stek presiden i stretim em.
Soim pasin bilong mekim ol samting long bagarapim bilip na wok bilong ol Sios memba.
Go het long bihainim ol tising bilong ol lain i agensim Sios bihain long bisop o stek presiden i stretim em.
Joinim narapela sios na tokaut long ol tising bilong em.

32.6.3.3

Pasin bilong Stilim o Paulim ol Moni bilong Sios

Sapos wanpela memba i paulim ol moni bilong Sios o propati, stek presiden bai kaunsel wantaim dispela Eria Presidensi sapos membasip kaunsil bai kamap o nogat.