ንስሀ መግባት እና የቤተክርስቲያኗ የአባልነት ምክር ቤት

የመጀመሪያው አላማ የሌሎችን ደህንነት ለመጠበቅ መርዳት ነው። አንዳንድ ጊዜ አንድ ግለሠብ አካላዊ ወይም መንፈሳዊ ስጋት ሊሆን ይችላል። ሌላን ለመጉዳት ሆን ብሎ የሚደረግ ወንጀለኛ ባሕርይ፣ አካላዊ ጉዳት፣ ወሲባዊ ጥቃት፣ የዕፅ ሱሰኝነት፣ ማጭበርበር እና ክህደት ይህ ሊከሰት ከሚችልባቸው መንገዶች ጥቂቶቹ ናቸው። ግለሰቡ በእነዚህ እና በሌሎች ከባድ መንገዶች ስጋት ሲፈጥር፣ ኤጲስ ቆጶሱ ወይም የካስማ ፕሬዚዳንቱ በሚያገኘው መነሳሳት መሠረት የሌሎችን ደህንነት ለመጠበቅ እርምጃ ይወስዳል (አልማ 5፥59–60 ይመልከቱ)።

ሁለተኛው ዓላማ በንስሃ አማካኝነት የኢየሱስ ክርስቶስን የማዳን ሃይል አንዲያገኝ አንድን ግለሰብ መርዳት ነው። በዚህ ሂደት፣ እርሱ ወይም እርሷ እንደገና ንጹህ ለመሆን እና ሁሉንም የእግዚአብሔር በረከቶች ለመቀበል ብቁ ሊሆን/ልትሆን ይችላል/ትችላለች።

ሶስተኛው ዓላማ የቤተክርስቲያኗን ሀቀኝነት ለመጠበቅ ነው። ምግባሩ ወይም ምግባሯ ቤተክርስቲያንን በእጅጉ የሚጎዳ ከሆነ፣ ግለሠቡን ከቤተክርስቲያኗ አባልነት መገደብ ወይም ማስወገድ አስፈላጊ ሊሆን ይችላል (አልማ 39፥11 ይመልከቱ)። እነዚህን በማስተካከል እንጂ፣ ከባድ ኃጢያቶችን በመደበቅ ወይም በማሳነስ የቤተክርስቲያኗ ሀቀኝነት አይጠበቅም።

ንስሃ መግባት ለሰማይ አባት ኃጢያት መናዘዝን ይጠይቃል። ኢየሱስ ክርስቶስ እንዲህ ብሏል “በዚህም ሰው ለኃጢያቶቹ ንስሀ እንደገባ ታውቃላችሁ—እነሆ፣ ይናዘዛቸዋል እናም ይተዋቸዋልም“ (ትምህርት እና ቃል ኪዳኖች 58፥43፤ በተጨማሪም ሞዛያ 26፥29 ይመልከቱ)።

የቤተክርስቲያኗ አባላት ከባድ ኃጢያት በሚሰሩበት ጊዜ፣ ንስሃቸው ለኤጲስ ቆጶሳት እና ለካስማ ፕሬዚዳንቶች መናዘዝን ያካትታል። ከዚያም እነርሱን በመወከል የንስሐ ወንጌልን ቁልፎች መጠቀም ይችላል (ትምህርት እና ቃል ኪዳኖች 13፥1፤ 84፥26–27፤ 107፥18፣ 20 ይመልከቱ)። ይህም በአዳኙ የኃጢያት ክፍያ ኃይል እንዲፈወሱ እና ወደ ወንጌል መንገድ እንዲመለሱ ይረዳቸዋል።

የመናዘዝ አላማ፣ አባላት ለመለወጥ እና ለመፈወስ ሙሉ በሙሉ የጌታን እርዳታ ይፈልጉ ዘንድ ሸክማቸውን ከላያቸው እንዲያወርዱ ማበረታታት ነው። “የተሰበረ ልብ እና የተዋረደ መንፈስ“ ማዳበር በመናዘዝ ይታገዛል (2 ኔፊ 2፥7)። በፈቃደኝነት የሚደረግ ኑዛዜ ሰው ንስሃ መግባት እንደሚፈልግ ያሳያል።

አንድ አባል በሚናዘዝበት ጊዜ ኤጲስ ቆጶሱ ወይም የካስማ ፕሬዚዳንቱ በ32.8 ውስጥ የተቀመጠውን ምክር የመስጠት መመሪያ ይከተላል። አባሉ ንስሐ እንዲገባ ለመርዳት ስለሚቻልበት ተስማሚ ጊዜና ቦታ መመሪያ ለማግኘት በጸሎት መንፈስ ይጠይቃል። የአባልነት ምክር ቤት በዚህ ሊረዳ ይችል እንደሆነ ከግምት ውስጥ ያስገባል። የቤተክርስቲያኗ ፖሊሲ የአባልነት ምክር ቤት መጠራት እንደሚያስፈልግ የሚያመለክት ከሆነ፣ ይህንን ያብራራል (32.6 ይመልከቱ)።

አንዳንድ ጊዜ አባል የትዳር ጓደኛን ወይም ሌላ አዋቂን ጎድቶ ሊሆን ይችላል። እንደ ንስሐው አካል፣ እርሱ ወይም እርሷ አብዛኛውን ጊዜ ለዚያ ግለሠብ መናዘዝ እና ይቅርታ መጠየቅ አለበት/አለባት። አንድ ወጣት ከባድ ኃጢያት ከሰራ/ች ከአርሱ ወይም ከእርሷ ወላጆች ጋር እንዲማከር/እንድትማከር ይበረታታል/ትበረታታለች።

ኤጲስ ቆጶሳት፣ የካስማ ፕሬዚዳንቶች፣ እና አማካሪዎቻቸው የተሰጧቸውን ሚስጥራዊ መረጃዎች ሁሉ የመጠበቅ የተቀደሰ ሃላፊነት አለባቸው። ይህ መረጃ ከቃለ መጠይቅ፣ ከመማከር እና ከኑዛዜዎች ውስጥ ሊገኝ ይችላል። በአባልነት ምክር ቤት ውስጥ የሚሳተፉ ሁሉ ተመሳሳይ ምስጢር የመጠበቅ ግዴታው አለባቸው። ሚስጥራዊነት አስፈላጊ ነው ምክንያቱም አባላት የሚያጋሩት ነገር በሚስጥር የማይያዝ ከሆነ ኃጢያቶችን ላይናዘዙ ወይም መመሪያ ላይፈልጉ ይችላሉ። መተማመንን ማፍረስ የአባላትን እምነት ይሸረሽራል እንዲሁም በመሪዎቻቸው ላይ እምነት እንዲያጡ ያደርጋቸዋል።

ኤጲስ ቆጶሳት፣ የካስማ ፕሬዚዳንቶች ወይም አማካሪዎቻቸው እነዚህን መረጃዎች ሚስጥራዊ ኃላፊነታቸውን በጠበቀ መልኩ፣ እንደሚከተለው ብቻ ሊያጋሩ ይችላሉ፦

• የአባልነት ምክር ቤት ማካሄድን ወይም ተዛማጅ ጉዳዮችን በተመለከተ ከአባሉ የካስማ ፕሬዚዳንት፣ የሚስዮን ፕሬዚዳንት ወይም ከኤጲስ ቆጶሱ ጋር መነጋገር ያስፈልጋቸዋል።

• የአባልነት ውሳኔዎችን ወይም ሌሎች አሳሳቢ ጉዳዮችን በመጠባበቅ ላይ እያሉ ግለሰቡ ወደ አዲስ አጥቢያ ይዘዋወራል (ወይም የክህነት መሪው ከጥሪው ይለቀቃል)።

• አንድ ኤጲስ ቆጶስ ወይም የካስማ ፕሬዚዳንት ከአጥቢያው ወይም ከካስማው ውጭ የሚኖር የቤተክርስቲያኗ አባል በከባድ ኃጢያት ውስጥ ተሳታፊ ሊሆን እንደሚችል ያወቀ ከሆነ።

• የአባልነት ምክር ቤት በሚካሄድበት ወቅት መረጃን መግለፅ አስፈላጊ ነው።

• አንድ አባል፣ መሪው መረጃን ለተወሰኑ ሰዎች እንዲያካፍል ፍቃድ ለመስጠት ከመረጠ።

• የአባልነት ምክር ቤት ውሳኔን አስመልክቶ የተወሰነ መረጃን ማካፈል አስፈላጊ ሊሆን ይችላል።

መሪዎችን የሌሎችን ደህንነት ለመጠበቅ እና ህጉን ለማክበር እንዲችሉ ለመርዳት እንዲቻል ቤተክርስቲያኗ በሰለጠኑ ባለሙያዎች እርዳታ ትሰጣለች። ይህንን መመሪያ ለማግኘት፣ መሪዎች አገልግሎቱ ባለበት ቦታ የቤተክርስቲያኗን የጥቃት እርዳታ መስጫ የስልክ መስመር ወዲያውኑ ይደውላሉ (38.6.2.1 ይመልከቱ)። አገልግሎቱ የማይገኝ ከሆነ፣ የካስማ ፕሬዚዳንቱ በዋና አካባቢው ቢሮ የሚገኘውን የአካባቢውን የህግ አማካሪ ያነጋግራል።

አንድ ኤጲስ ቆጶስ ወይም የካስማ ፕሬዚዳንት መጀመሪያ እንደዚህ አይነት መመሪያ ሳያስፈልገው ሚስጥራዊ መረጃን መግለጽ የሚኖርበት በአንድ ሁኔታ ውስጥ ብቻ ነው ። ይህም ለህይወት አስጊ የሆኑ ጥቃቶችን ወይም ከባድ ጉዳቶችን ለመከላከል ሲባል መረጃን መግለጽ አስፈላጊ ሲሆን እና መመሪያ ለመጠየቅ ጊዜ ከሌለው ነው። በእንደዚህ ዓይነት ሁኔታዎች ውስጥ፣ ሌሎችን የመጠበቅ ግዴታ ሚስጥራዊ ከመሆን ግዴታ የበለጠ አስፈላጊ ነው። መሪዎች የመንግሥት ባለስልጣናትን በአስቸኳይ ማነጋገር አለባቸው።

አንዳንድ ጉዳዮች ተጨማሪ ጥንቃቄ እና መመሪያ ያስፈልጋቸዋል። እንዴት በተሻለ ሁኔታ መርዳት እንደሚቻል ለማወቅ የካስማ ፕሬዚዳንቱ በዚህ ክፍል ውስጥ ስላሉት ሁኔታዎች ከዋና ካባቢ አመራር ጋር መማከር ይኖርበታል።