Boech e Mo’olung nge Interview ni Ngan Mada’nag e Members Riy

Mu fal’eg rogom u fithik e thothup ni gabe meybil riy, maga be’eg fapi chep nib thothup, maga par nib mat’aw e par rom. Motoyil ko fare laam nima yib ko Kan ni Thothup.

Napan nira yib reb e member ngom nifan reb e interview fa ke tu’uf e ayuw rok’ ko ban’en nibe mo’war riy, ma baga’ ni n’en nib tu’uf roraed e ngan pugorran ngoraed ni yaed ba t’uf rok’ e Chitamangiy nu Tharmiy.

Fapi chep nib thothup nge fapi machib ko fapi profet ko tin tomur e rran e rayag nira pinning fare Thothup ngeyib i machib nib polo’ ga’angin. Fanay e pi machib nem ni nge pii’ e athamgil me thogthog nagraed, gathi nge gecheg nagraed, fa tawasoriyraed, fa pii’ e murus ngoraed (muguy ko Luke 9:56).

Mu pii’ e athamgil ngak fapi members ni ngar sapgaed Ngak ko tin nib tu’uf roraed. Mu ayuwegraed ni ngar feked nga dakeanraed gelngin, me pii’ e gapas ngoraed, me bayul nagraed.

3:8

Gubin ngiyal’ ma ngam moeg ngak fare member ni rayag ni nge un bee’ ngak ko ngiyal’ ko fare interview fa ko fare mo’olung. Napan ni gamew ra mo’olung reb e member nib thil ngom, fa reb e bitir, fa reb e fal’yangren, ma thingar mu fek reb e galibithir fa bee’ nib ilaal ni nge un ngalan fare mo’olung. Facha’ e rayag ni nge un ngalan fare mo’olung fa soen u wuru’ fare senggil, nibe yean u rogon ni ba’adag fare member ni’ir e yibe tay fare mo’olung nifen.

Dam moeg mornga’agen e tiney nib mith thibolngin ngak bee’—nib mu’un le’engim fa figirngim fa boech e tiyugang’ ko Galasia—ma karimus ni fa’anra ke pii’ fare member mat’wom.

Napan ni gamew be mo’olung reb e member, mu fith e duwer ni rayag ni nge ayuwegnem ngam nangfan salpen facha’.

Napan nibe non fare member, maga motoyil nib fel’ rogon ko tin nibe yoeg.

Bachan e t’ufeg rom ngak fapi members, bay ni rayag ni gara papay nigem ngam ognag e ayuw nifan ko tin nib t’uf roraed. Machane, gara tawa’ath nagraed nib gel ni fa’an gara ayuwegraed ngar pire’egned e tin nib tu’uf ma yaed roraed ni ngar duugliyed e n’en nib tu’uf ni ngar rrin’ed (muguy ko Doctrine and Covenants 9:8).

Kemus ni fare bishof fa stake president e rayag ni nge pii’ e ayuw ngak bee’ ko denen nike rrin’ ni rib kireb. Boech e pin’ey e kan yoloey ulan e 32.6. Fa’anra bay reb e member nike rrin’ reb e pi denen ney ni rib gel e kireb riy, ma thingari mada’ nag fare bishof fa fare stake president ni kachingiyal’ nem.

Ngongol ko gafgow nag bee’ e dabiyag ni ngan digey ni dabin rrin’ ban’en ngay. Nongoliy mornga’agen e biney nib fel’ rogon min report nag. Fa’anra gara nang mornga’agen bee’ ni yibe gafgownag, ma thingar mu report nag e biney ngak e police maga yoeg ngak fare bishof. Rogon kanawo’en ni ngan report min pii’ e ayuw ku bee’ ni yibe gafgownag e bay nikan pii’ ko 38.6.2.

Biney e yima rrin’, ni fapi tiyugang’ ko Galasia e yad ma interview nag fapi member ni ngar duugliyed ko:

• Kar fal’aged rogon raed ni ngar thapagned mar uned ngareb e gam’ing.

• Pinning ni nge pigpig ko reb e liiw ulan e Galasia.

Boech mornga’agen e biney, muguy ko 18.10. 2.

Fare temple e ire fare nu’un rok’ Somoel. Yean nga lan e temple ngan un ko fapi gam’ing riy e bugi ban’en ni rib thothup. Tiney e tawa’ath e kemus nifan e pi’in nikar fal’aged rogon raed nib thothup ma yaed be athamgil ni ngar fol gaed ko wo’en Somoel, ni fapi tiyugang’ nibay e priesthood roraed e bayra duugliyed e biney.

Ra ngan duugliy rogon e biney, ma fapi tiyugang’ nibay e priesthood roraed e ngar interview niged fare member ni yaed be fith fapi duwer nibay ulan e LCR (ngkum guy rogon kanawo’en ko 26.3).

Fare stake president e bay fapi kiy rok’ ko priesthood ni ngar pii’ed fare Melchizedek Priesthood. Ma kabay fapi kiy roraed nifan e yibliy ko reb fare office ko elder nge high priest.

Mu’un fare mat’won nike pii’ fare stake president, fare bishof e interview nag fare member nibe fanay fapi duwer nibay ko Melchizedek Priesthood Ordination Record.

Fare bishof fa reb fagli councelors rok’ era mada’ nag tata’areb fapi fal’yangren ni l’agruw yay ulan reb e duw. Kemus ni ta’areb ko gali mo’olung ney e susun nibay fare bishof riy. Tabab ko fare duw nira gaman 16 e duw ko fare fal’yangren, ma fagli mo’olung ulan fare duw e susun ni ngan tay nibay fare bishof riy ni fa’anra rayag.

Fare president ko Young Women e kubay e muruwel rok’ ni nge machib ngak fapi bpin ni fal’yangren ni tata’areb. Rayag ni nge rrin’ e biney ni ngar mo’olung gaed fapi bpin ni fal’yangren ni tata’areb (fa bay bee’ nib ilaal nib mu’un ngay).

Fare bishof e ma tay fare mo’onog ko fal’yangren nib ilaal ni dawri mabgol ni reb e ban’en ni th’abi ga’fan ulan fare ward. Ir fa reb fagli counselor nike duugliy era mada’ nag reb fapi fel’yangren nib ilaal ni dawri mabgol ta’abiyay ulan reb e duw.

Fapi stake presidencies, bishofrics, nge boech e tiyugang’ e yaed ma mada’nag fapi members ni tata’areb nibe report ngoraed rogon fapi pigpig roraed.

Fare tiyugang’ era og nag e magar ngak fare member nge pigpig ni yead be tay me pii’ e athamgil ngoraed.

Tiyugang’ ko Galasia e gathi yibe pinningraed ni ngar manged e counselors ni gidii’en e gidii’ nib salap fa ngar pii’ed e ayuw ko therapy. Rogon e ayuw ni yaed ma pii’ e ba thothup, ni yaed be pii’ e ayuw ko pii’ gelngiy, pii’ e gapas, nge gelngin fare bayul rok’ Yesus Kristus. Ul’ul’ ko biney nib ga’fan nge ayuw nib thothup, boech fapi members era fel’ ko fapi mo’olung ni bay e gidii’ riy nib salap ni fa’anra bay e biney.