“29 Ol Miting insait long Sios,” Ol Seleksen i kam long dispela Jeneral Henbuk (2023).
“29. Ol Miting insait long Sios,” Ol Seleksen i kam long dispela Jeneral Henbuk
29.
Ol Miting insait long Sios
29.0
Tok I Go Pas
Ol Seint bilong Las De mit wantaim long wosip, long skulim wanpela narapela, na long tis na lainim dispela gosple (lukim Alma 6:6; Moroni 6:5–6). Seivia i bin promis, “We tupela o tripela i kam bung long nem bilong me , mi yet mi stap namel long ol” (Matthew18:20). Long mit wantaim em i wanpela wei ol bel bilong yumi ken “wanbel long bung wantaim na lav namel long yumi yet” (Mosiah18:21).
Tasol, long gat wanpela miting i mas noken kisim ples bilong serving na ministerin olsem Jisas Krais i bin mekim.
29.1
Long Planim na kondaktim Ol Miting
Ol Lida bai plan na konduktim ol miting “olsem holi Gos i autim long ol, wankain long ol komanmen na ol revelesen bilong God” (Doktrin na Ol Kavanen 20:45; lukim tu Moroni 6:9; Doktrin na Ol Kavanen 46:2). Ol i askim sample ol wei long invaitim Spirit long dairektim ol miting bilong ol.
Ol Lida mas mekim sua dispela namba na mekim i go moa longpela ol miting i mas noken kamapim hevi long ol memba o famili bilong ol.
29.2
Ol Wod Miting
29.2.1
Ol Sakramen Miting
29.2.1.1
Planim Ol Sakramen Miting
Bisoprik bai planim na kondaktim ol miting. Ol bai mekim sua olsem tingting bilong dispela miting em i long sakramen na long bildim bilip insait long Jisas Krais.
Ol Sakraman miting las long wanpela aua. Em ken inkludim ol dispela:
-
Musik pilai long stat bilong wanpela miting (lukim 19.3.2 bilong ol gaidlin).
-
Tok Halo na welkam
-
Givim luksave long ol het lida o ol narapela ol lida husat i kam long visit.
-
Ol Toksave. Dispela ol toksave i mas long liklik taim tasol.
-
Ol bisinis long wod na stek, olsem ol dispela:
-
Long givim wanbel na long lusim ol opis na tisa long ol singaut bilong ol (lukim 30.3 na 30.6).
-
Long givim nem bilong ol barata long odeinim em long wanpela opis insait long Eronik Prishud (lukim 18.10.3).
-
Givim luksave long ol nupela wod memba, inkluidm ol nupela ol lain husat i tanim bel na joinim dispela Sios.
-
-
Long nemim na givim blesin long pikinini (lukim 29.2.2) Dispela i bai kamap tasol long taim bilong fas na testimoni miting (lukim 29.2.2).
-
Long konfemim ol nupela ol lain husat i tanim bel na jonim dispela Sios (lukim 18.8).
-
Sakraman hym na long blesim na givim aut dispela sakraman. Dispela sakraman em i nambawan samting long tingting long taim bilong dispela miting. Dispela odinens em i wanpela opotuniti bilong ol memba long stretim ol tingting bilong ol i go long Sevia na Sakrifais bilong Em long ol.
Long moa tok klia long olsem wanem long mekim redi, blesim, na long givim aut dispela sakraman, lukim 18.9.
-
Ol tok bilong gosple na ol kongrigesen i singsing o ol narapela musik.
-
Hym long pinisim bung na prea.
-
Wanpela musik i pilai long pinis bilong miting.
29.2.1.4
Ol lain bisop i bai Makim long Givim Tok.
Bisoprik bai makim husat lain bai givim tok long sakraman miting. Planti taim ol i invaitim ol wod memba, inkludim ol yut na pikinini
Ol lain husat bai givim tok bai serim testimoni bilong Jisas Krais na tisim gosple bilong Em thru long ol skripsa (lukim Doktrin na Ol Kavanen 42:12; 52:9).
29.2.2
Fas na Testimoni Miting
Long wanpela fas na testimoni miting, i nogat lain ol makim long givim tok o ol spesol seleksen bilong ol musik Long kisim ples, dispela husat i kondaktim bai serim liklik testimoni bilong em. Em bihain bai invaitim ol memba bilong kongrigesen long serim ol testimoni bilong ol. long serim testimoni i min olsem long tok aut long dispela gosple trut olsem Holi Gos i givim gutpela tingting.
29.2.3
Wod Konferens
29.2.4
Ol Bisoprik Miting
Ol samting long tingting gut i ken inkludim:
-
Long go wantaim dispela wok bilong salevesen na eksaltesen insait long wod.
-
Long strongim ol wanwan na ol famili insait long wod----moa yet ol yuth na ol pikinini.
-
Luksave long ol memba husat i ken redi long kisim o odinens, inkludim prishud odinens.
-
Luksave long husait ol memba long givim singaut long ol wod posisen.
29.2.5
Ol Wod Kaunsel Miting
Bisop bai plenim, Presaid antap long, na karimaut ol wod kaunsel miting. Dispela kaunsel bai nonap long mekim ol bikpela disisen sapos bisop i no stap.
Ol wod organaisesen lida bai kam long wod kaunsel miting long tupela save:
-
Olsem ol memba bilong wod kaunsel husat i save halivim long blesim ol wod memba
-
Olsem ol mausman bilong organaisesen bilong ol
Taim ol mit wantaim, ol wod kausel memba long bungim toktok long ol samting olsem bai karim gutpela kaikai long ol wok bung wantaim bilong olgeta man long kaunsel. Ol wanwan kaunsel memba man o meri i kisim gutpela toktok long serim tingting bilong ol yet long dispela ol samting.
Ol wod kaunsel miting olgeta taim i no save las moa long wanpela aua. Ol bai stat wantam wanpela prea na givim liklik ripot long ol asainmen long ol miting i go pinis. Bisop bai givim lukluk pastaim long ol dispela samting ol nidim moa long blesim ol wanwan man meri na ol famili.
-
Bihainim dispela gosple bilong Jisas Krais. Halivim olgeta memba long bildim bilip bilong ol, long kisim ol saving odinens, na holimpas long ol kavanen bilong ol.
-
Lukautim ol lain husat i gat nid. Serim ol risos na skil bilong yu long blesim ol wanwan man meri, famili, na komuniti. Halivim Ol Memba long kamap Self-Rilaiens o long sapotim ol yet. (lukim Sapta 22.)
-
Invaitim olgeta long kisim dispela gosple. Lukluk gen long ol lain husat i lainim stap dispela gosple sapos ol i mekim gut, wankain long ol nupela na ol memba husat i kam bek long Sios. Bungim tok long ol wei ol memba ken serim dispela gosple long ol narapela. (lukim Sapta 23.)
-
Yunaitim ol famili oltaim oltaim. Lukluk gen long ol memba husat i mekim gut na redi long kisim ol temple odinens. Mekim plan long ol wei long halivim ol memba kwalifai long wanpela temple rekoman. Bungim tok long ol wei ol memba ken teik pat long temple na famili histri wok. (Lukim Sapta 25.)
Ol kaunsel memba i mas holimpas ol inpomesen long ol yet na noken tok aut (lukim 4.4.6).
29.2.6
Ol Wod Yut Kaunsel Miting
Pastaim long wanpela miting, dispela bisop na dispela man husat i kondaktim long lukluk gen long ol aitem long bungim tok.
-
Dispela wok bilong salvesen na eksaltesen.
-
Ol nid bilong ol yut insait long wod na ol wei long adresim ol.
-
Traim long toktok wantaim ol yut husat i les ektiv o ol nupela ol memba.
-
Karim aut ol ektiviti, long inkludim ol opotuniti long sevim ol lain husat i gat nid Planti bilong ol planin i kamap pinis insait long ol kwarum o ol klas presidensi miting (lukim sapta 20).
-
Ministarin (lukim sapta 21).
-
Tokaut na soim ol nupela ol lain i kisim singaut long kwarum na ol klas presidensi.
29.2.8
Ol skeduol bilong Ol Miting long Sunde
Ol wod save makim na yusim wanpela bilong ol dispela tupela aua bilong ol miting long Sunde.
Plan nambawan
|
60 minit |
Ol Sakramen miting |
|---|---|
|
10 minit |
Muv go long ol wanwan klas na ol miting |
|
50 minit |
Olgeta Ol Sunde: Praimeri, inkludim ol rum bilong ol pikinini Ol Nambawan na namba tri Sunde bilong wanpela mun: Sunde Skul Ol Nambatu na namba Fo Sunde: ol prishud kwarum miting, Ol Rilif Sosaiti miting, na ol Yangpela Meri miting. Ol Namba Faiv Sunde: Ol miting bilong ol yuth na ol bikpela manmeri. Bisop bai givim aut dispela topik na makim ol tisa. |
Plan nambatu
|
50 minit |
Olgeta Ol Sunde: Praimeri, inkludim ol rum bilong ol pikinini Ol Nambawan na namba tri Sunde bilong wanpela mun: Sunde Skul Ol Nambatu na namba Fo Sunde: ol prishud kwarum miting, Ol Rilif Sosaiti miting, na ol Yangpela Meri miting. Ol Namba Faiv Sunde: Ol miting bilong ol yuth na ol bikpela manmeri. Bisop bai givim aut dispela topik na makim ol tisa. |
|---|---|
|
10 minit |
Muv go long sakramen miting |
|
60 minit |
Ol Sakramen miting |
29.3
Ol Stek Miting
29.3.1
Ol Stek Konferens
29.3.2
Stek Jenerol Prishud Miting
29.3.3
Stek Prishud Lidasip Miting
29.3.4
Ol Stek Lidasip Miting
29.3.5
Ol Stek Presidensi Miting
29.3.6
Hai Kaunsel Miting
29.3.7
Stek Kaunsel Miting
29.3.8
Lidasip Komiti Miting bilong Stek bilong ol bikpela Man Meri
29.3.9
Stek Yut Lidasip Komiti Miting
29.3.10
Ol Stek Bisop kaunsil Miting
29.5
Ol Lotu na narapela sevis bilong ol lain i dai pinis
29.5.1
Ol Jeneral Principel
Wanpela impoten pepos bilong Sios Sevis bilong ol lain husat i dai pinis em long testifai long dispela plen bilong salvesen, long dispela Atonmen bilong Seivia na Kirap Bek bilong Em. Dispela ol sevis i mas kamap olsem long soim sore, na pilim spirit.
Ol Sios lida i mas noken inkludim ol seremoni bilong ol narapela lotu o ol grup insait long Sevis bilong Sios bilong ol lain husat i dai pinis.
29.5.2
Laik Givim Halivim long Famili
Olsem ol disaipel bilong Jisas Krais, Ol Sios lida na ol memba “laik long krai wantaim ol lain i krai na givim bel isi long ol lain ol i gat nid long bel isi“ (Mosiah 18:9). Taim wanpela memba i dai, bisop bai go visitim dispela famili long givim bel isi.
Bisop bai laik long givim halivim long ol wod memba, inkludin dispela eldas kwarum an Rilif Sosaiti.
29.5.4
Lotu bilong Man o Meri Husat I Dai Pinis (long said bilong kastom)
Wanpela lotu bilong man o meri husat i dai pinis bisop bai karimaut,sapos insait long wanpela bilong Sios o narapela hap, em miting bilong Sios na wanpela sevis lotu. Em i mas kamap wanpela taim bilongspirit.
Lotu bilong man o meri i dai pinis i mas stat stret long taim. Planti taim, ol mas noken stap moa long 1.5 aua, olsem long rispektim ol lain husat i kam.
Lotu bilong man o meri husat i dai em no inap long kamap long Sunde.
29.6
Ol prea insait long ol Miting bilong Sios
Ol prea long ol miting bilong Sios i mas sotpela, isi, na daireksen i kam long Spirit. Wanpela bilong ol memba bilong Sios i ken givim o ofarim wanpela prea long opim o long pasim dispela miting. Ol pikinini husat i no baptais yet i ken pre long Praimeri.
29.7
Holim ol Miting onlain wantaim Intanet.
Bisop i ken, givim tok orait long soim ol sakramen miting na lotu bilong ol dai lain na ol weding we i kamap long Miting haus onlain wantaim intanet.
long lukim laiv wanpela sakramen miting i mas noken inkludim long blesim na givim aut bilong sakramen.
Bilong ol sampela miting, bisop o stek presiden i ken givim tok orait long ol memba husat i no bin kam long tek pat long haus lotu. Dispela ol miting i ken inkludim:
-
Ol lidasip miting, olsem ol presidensi o ol kaunsil miting.
-
Kwarum, Rilif Sosaiti, na ol Miting bilong ol Yangpela Meri.
-
Ol Sande Skul Klas.
-
Ol praimeri klas na taim bilong singsing.
29.8
Ol Poto na Vidio Rekods bilong Miting
Long lukautim gut sekrednes bilong ol Sios miting, nogat wanpela man i mas kisim poto o wokim vidio rekoding bilong ol sakramen miting o ol stek konferens.
Long kisim moa infomesen long strim rekodin bilong ol miting, lukim 29.7.
29.9
Tanim tok long ol Miting
Insait long ol stek we ol memba i save toktok moa long wanpela as ples, wanpela memba bilong stek presidensi i ken singautim wanpela stek intapretesen kodineta. Bisop i ken singautim ol intapreta bilong wod.
Long moa infomesen, lukim Church Interpretation Training and Best Practices long ChurchofJesusChrist.org.