Kukidhi Mahitaji ya Kimwili na Kukuza Kujitegemea

Waumini wanashauriwa kuwa tayari ili waweze kujitunza wao wenyewe, familia zao, na kuwatunza wengine nyakati za uhitaji.

Waumini wanaongeza matayarisho yao ya kifedha kwa:

• Kulipa zaka na matoleo (ona Malaki 3:8–12).

• Kupunguza deni kwa kiwango kinachowezekana.

• Kuishi ndani ya bajeti.

• Kuweka akiba kwa ajili ya baadaye.

• Kupata elimu ifaayo.

Utayari pia unajumuisha kupanga kwa ajili ya dharura. Waumini wananahimizwa kutunza vyote, akiba ya muda mfupi na ya muda mrefu ya chakula, maji, na vingine ambavyo ni muhimu.

Nyenzo zote zinazopatikana katika Kanisa ili kuwasaidia wale walio na mahitaji ya kimwili zinaitwa ghala la Bwana (ona Mafundisho na Maagano 82:18–19). Hizi zinajumuisha matoleo ya waumini ya muda wao, vipaji, huruma, vifaa, na nyenzo za kifedha ili kuwasaidia wale wenye mahitaji.

Ghala la Bwana lipo katika kila kata na kigingi. Viongozi wanaweza mara kwa mara kuwasaidia watu binafsi na familia wapate masuluhisho kwa mahitaji yao kutoka kwenye maarifa, ujuzi, na huduma inayotolewa na waumini wa kata na Vigingi.

Mungu ameanzisha sheria ya mfungo ili kuwabariki watu Wake na kuwapa njia kwa ajili yao kuwahudumia wale wenye mahitaji. Waumini wanasonga karibu zaidi na Bwana na kuongezeka katika uimara wa kiroho wakati wanapoishi sheria ya mfungo. (Ona Isaya 58:6–12; Malaki 3:8–12.)

Kufunga kunaweza kufanywa wakati wowote. Hata hivyo, waumini kwa kawaida hutumia Sabato ya kwanza ya mwezi kama siku ya mfungo. Siku ya mfungo kwa kawaida inajumuisha yafuatayo:

• Kusali

• Kutokula au kunywa kwa kipindi cha saa 24 (ikiwa afya inaruhusu)

• Kutoa kwa ukarimu matoleo ya mfungo

Matoleo ya mfungo ni mchango wa kuwasaidia wale wenye mahitaji. Wakati waumuni wanapofunga, wanaalikwa kutoa matoleo ambayo angalau ni sawa na gharama ya milo ile ambayo haikuliwa.

Waumini wanaweza kutoa matoleo yao ya mfungo na kukamilisha fomu ya utoaji wa Zaka na Matoleo Mengine kwa askofu au mmoja wa washauri wake. Katika sehemu zingine, wanaweza pia kufanya matoleo yao kwa njia ya mtandao.

Askofu ana wajibu mtakatifu wa kuwatafuta na kuwatunza wale wenye mahitaji (ona Mafundisho na Maagano 84:112). Wengine ambao wana wajibu muhimu katika wajibu huu ni pamoja na:

• Akina kaka na akina dada wahudumiaji.

• Muungano wa Usaidizi na akidi ya wazee.

• Washauri wa askofu.

• Washiriki wengine wa baraza la kata.

Waumini wanajitahidi kukamilisha mahitaji yao ya msingi kupitia juhudi zao wenyewe na msaada kutoka kwa jamaa zao. Wakati hii inapokuwa haitoshi, waumini wanaweza kuhitaji msaada kutoka vyanzo vingine kama vile:

• Vyanzo vya serikali na jumuiya (ona 22.12

• Msaada wa Kanisa.

Msaada wa Kanisa unaweza kujumuisha msaada kwenye mahitaji ya muda mfupi kama vile chakula, mavazi, makazi, au vingine vya msingi. Maaskofu wanaweza kutumia matoleo ya mfungo ili kushughulikia mahitaji haya. Pale uagizaji wa askofu unapopatikana, maaskofu kwa kawaida wanatumia hiyo kutoa chakula na vitu vingine vya msingi (ona “Bishops Orders and Referrals” katika Leaders and Clerk Resources [LCR]).

Waumini wanaweza kuhitaji msaada endelevu ili kutatua changamoto za muda mrefu. Elimu, mafunzo ya ufundi stadi, au nyenzo zingine zinaweza kuwasaidia wakuze kujitegemea na kujipatia mahitaji yao ya muda mrefu.

Mpango wa Kujitegemea unawasaidia waumini watambue nguvu zao na mahitaji yao, na nyenzo. Mpango huu unapaswa kutumika kila wakati msaada wa Kanisa unapofikiriwa.

Akina kaka na akina dada wahudumiaji na viongozi wa kata wanaweza kuwa vyombo katika kuwasaidia waumini wenye changamoto za kihisia.

Viongozi wanafudisha kwamba watu binafsi na familia wana wajibu wa msingi kwa ajili ya ustawi wao wenyewe.

Kabla ya kutoa msaada wa Kanisa, askofu (au kiongozi mwingine au Muumini ambaye askofu anampa jukumu) anarejea upya akiwa pamoja na waumini ni nyenzo zipi wanatumia kukidhi mahitaji yao wenyewe.

Lengo la msaada wa Kanisa ni kukidhi kwa muda mahitaji ya msingi wakati waumini wanapojitahidi kuwa wenye kujitegemea.

Maaskofu wanapaswa kutumia maamuzi mazuri na kuomba maelekezo ya kiroho wakati wanapozingatia kiasi cha msaada na kiasi cha muda ambao msaada umetolewa. Wanapaswa wawe wenye huruma na wakarimu wakati huohuo wasijenge utegemezi.

Kama inawezekana Askofu anapaswa kuepuka kutoa fedha. Badala yake, anapaswa kutumia matoleo ya mfungo au mipango ya askofu kuwapa waumini mahitaji ya nyumbani au huduma. Waumini wanaweza kisha kutumia pesa zao wenyewe kulipia mahitaji yao mengine.

Wakati hii inapokuwa haitoshi, askofu anaweza kusaidia kwa kutumia matoleo ya mfungo kulipa kwa muda bili muhimu (ona 22.5.2).

Maaskofu wanawaalika wale ambao wanapokea msaada kufanya kazi au kutoa huduma kwa kiwango cha uwezo wao. Hii inawasaidia waumini wadumishe hisia za utu. Pia inaongeza uwezo wao wa kujitegemea.

Askofu na viongozi wengine wa kata wanatunza siri ya taarifa yoyote kuhusu waumini ambao wanaweza kuhitaji msaada wa Kanisa. Hii inalinda faragha na utu wa waumini.

Kama inawezekana, malipo yanapaswa kulipwa moja kwa moja kwa biashara ambazo zinatoa bidhaa na huduma.

Wakati wa kuwapa waumini msaada wa matoleo ya mfungo, askofu asitumie fedha kulipia bidhaa au huduma kwa njia ambayo itamnufaisha yeye binafsi.

Ikiwa malipo ya matoleo ya mfungo kwa ajili ya muumini yatamnufaisha rais wa kigingi au biashara anayoimiliki, idhini ya Urais wa Eneo inahitajika.

Askofu anao wajibu mtakatifu wa kuwatafuta na kuwatunza wale wenye mahitaji ya kimwili (ona Mafundisho na Maagano 84:112). Ananaibisha sehemu kubwa ya kazi hii kwa Urais wa Muungano wa Usaidizi na akidi ya wazee. Hata hivyo, majukumu fulani yanafanywa na askofu pekee. Kwa mfano, askofu:

• Anaamua aina, kiasi, na muda wa msaada wowote wa kimwili uliotolewa.

• Huidhinisha msaada wa matoleo ya mfungo (ona 22.4 na 22.5) na maagizo ya maaskofu (ona 22.13).

• Yeye binafsi anapitia upya mipango ya waumini ya kujitegemea. Anawapangia viongozi wengine wa kata kufuatilia mipango hiyo kama inavyotakiwa.

Askofu na Washauri Wake wana majukumu yafuatayo:

• Kufundisha kanuni na baraka zenye uhusiano na (1) kuwatunza wale ambao wana mahitaji ya kimwili na kihisia na (2) kukuza kujitegemea (ona 22.1).

• Kufundisha sheria ya mfungo na kuwatia moyo waumini watoe matoleo ya mfungo kwa ukarimu (ona 22.2.2).

• Kusimamia ukusanyaji na hesabu za matoleo ya mfungo (ona 34.3.2).

Chini ya maelekezo ya askofu, urais wa Muungano wa Usaidizi na Akidi ya Wazee wanalo jukumu muhimu katika kuwatunza wale wenye mahitaji katika kata (ona 8.2.2 na 9.2.2). Viongozi hawa wanawafundisha waumuni wa kata:

• Kuwahudumia wale wenye mahitaji.

• Kuishi sheria ya mfungo.

• Kukuza kujitegemea

• Kuongeza matayarisho ya mtu binafsi na familia.

Usaidizi wa mahitaji ya kiroho na kimwili mara nyingi unaanza na akina kaka na akina dada wahudumiaji (ona 21.1). Wanatoa taarifa juu ya mahitaji ya wale ambao wanawahudumia kwa urais wao wa akidi ya wazee au Muungano wa Usaidizi katika mahojiano ya uhudumiaji na nyakati zingine. Wanaweza kumwambia askofu moja kwa moja juu ya mahitaji ambayo ni ya faragha.