Mekim ol Prishud Odinens na Blesing

Dispela odinens bilong nemim na blesim pikinini em ol lain i holim Melkisedek Prishud bai mekim bihainim (Doctrine and Covenants 20:70).

Wanpela man o meri o famili husat i laikim olsem pikinini bai kisim nem na blesing bai kodinetim odinens wantaim bisop. Em i holim prishud ki bilong nemim na blesim pikinini insait long wod.

Bisop bai ken larim papa husat i holim Melkesedek Prishud long nemim na blesim pikinini bilong em sapos papa i no temple woti tumas (lukim 18.3). Bisop bai sapotim ol papa long redim ol yet long blesim ol pikinini bilong ol yet.

Aninit long daireksen bilong bisoprik, ol lain i holim Melkisedek Prishud bai bung long sekol long givim nem na blesim pikinini. Ol bai putim han bilong ol aninit long bebi, o putim hand isi antap long het bilong pikinini i bikpela liklik. Bihain wanpela bai toktok:

1. Bai Adresim Papa long heven long prea.

2. Bai tok dispela blesing em ol i mekim wantaim atoriti bilong Melkisedek Prishud.

3. Givim dispela pikinini long wanpela nem.

4. Adresim dispela pikinini.

5. Givim blesing long pikinini olsem spirit i gaidim em.

6. Klosim long nem bilong Jisas Krais.

1:42

Pastaim long pikinini i kisim blesing, klek bai yusim Leader and Clerk Resources (LCR) long redim Child Record Form. Bihain long blesing, em bai kamapim membasip rekod insait long sistem na redim Blessing Certificate. Dispela setifiket bai bisop i sainim na givim i go long papamama o gadien bilong pikinini.

Nem long membasip rekod i mas wankain olsem nem i stap long setifiket long taim bilong karim, sivil rejistri rekod, o ligal nem.

Wanpela baptisim sevis i mas isi, sotpela na pulumapim spirit. Em bai gat ol dispela:

1. Musik i go pas

2. Sotpela welkam i kam long brata husat bai kondaktim sevis

3. Wanpela opening singsing na prea

4. Wanpela o tupela sotpela toksave long gospel, kain olsem baptisim na presen bilong Holi Gos.

5. Wanpela musik o singsing

6. Baptisim bai kamap

7. Dispela em taim bilong stap isi na soim rispek taim ol lain husat i tek pat long baptisim bai senis go long ol drai kolos (ol singsing o Praimari singsing i ken plei o sampela ken singsing long dispela taim)

8. Konfemesen bilong 8pela -yias-memba i gat rekod; konfemesen bilong ol konvet sapis bisop i mekim olsem (lukim 18.8)

9. Ol konvet i ken berim ol testimoi, sapos ol i laik

10. Wanpela klosing singsing na prea

11. Musik bai kam bihain

Taim wanpela pikinini i gat rekod i redi long baptais, wanpela memba bilong bisoprik na Praimeri presidensi bai kaunsel wantaim famili long plenim na putim long taim dispela baptisim sevis. Wanpela memba bilong bisoprik bai kondaktim dispela sevis. Sapos moa long wanpela pikinini bai baptais long wanpela mun, ol ken serim wanpela baptismal sevis.

Insait long stek wantaim ol planti pikinini i gat rekod, ol pikinini i kam long ol narapela wod i ken serim wanpela baptismal sevis. Wanpela memba bilong stek presidensi o wanpela hai kaunsila i asain ai kondaktim sevis.

Baptisim bilong wanpela famili memba i noken lusim go longtaim inap papa i ken kisim dispela prishud na mekim baptisim em yet.

Aninit long gaidens bilong bisoprik, wod misin lida (sapos wanpela i gat koling) o memba bilong eldas kwarum presidensi husat i lidim misinari wok insait long wod bai plenim na kondaktim baptismal sevis bilong ol konvet. Ol bai kodinet wantaim ol pul-taim misinari.

Dispela odinens bilong baptisim bai wanpela pris o wanpela husat i holim Melkisedek Prishud i mekim. Husat i mekim baptisim i mas gat tok orait i kam long bisop (o i kam long misin presiden sapos wanpela pul-taim misinari i mekim dispela baptisim).

Bisop bai larim papa husat em i wanpela pris o wanpela i holim Melkisedek prishud long baptaisim pikinini bilong em maski papa i no temple woti tumas (lukim 18.3). Ol bisop bai sapotim ol papa long redim ol yet long baptaisim ol pikinini bilong ol yet.

Baptisim i mas kamap long wanpela baptismal font sapos i gat wanpela. Sapos i no gat font, wanpela hap wara i orait long yusim.

Long sefti, wanpela adalt i mas stap na lukluk gut long taim bilong pulumapim font na stap inap ol i rausim wara, klinim, na pasim. Wara i mas rausim long font hariap bihain long wanpela baptimal sevis. Ol dua bilong font i mas lok taim em i no yus.

Wanpela husat i mekim baptisim na wanpela husat i kisim baptais bai werim waitpela kolos i no inap lukluk thru taim em i wet. Wanpela i endau pinis bai werim ol temple gamen aninit long kolos taim em i mekim wanpela baptisim. Ol lokal yunit bai baim ol baptismal kolos wantaim moni i stap long baset na bai noken sasim long yusim.

Tupela witnes, i gat tok orait long prisaiding lida, bai lukluk long wanwan baptisim long mekim sua olgeta samting i kamap gut tasol. Ol Sios memba i baptais pinis, wantaim ol pikinini na ol yut, bai sev olsem ol witnes.

Baptisim i mas ripitim sapos ol toktok i no kamap stret olsem i stap long Doctrine aned Covenants 20:73). I mas ripit tu sapos wanpela hap bilong bodi, gras o kolos i no go insait gut long wara.

Long mekim dispela odinens bilong baptisim, wanpela priss o wanpela i holim Melkisedek Prishud:

1. Bai sanap insait long wara wantaim dispela man o meri bilong baptais.

2. Holim rait han wantaim han kais bilong em (long seifti na bai isi). Dispela man o meri husat i baptais bai holim han kais bilong prishud holda wantaim han kais bilong em.

3. Apim han sut bilong em i go long skwea.

4. Kolim pul nem bilong dispela man o meri na tok. “Wantaim komisin bilong Jisas Krais, Mi baptaisim yu long nem bilong Papa, na bilong Pikinini na bilong Holi Gos. Amen” (Doctrine and Covenants 20:73).

5. Halivim man o meri holim nus bilong em wantaim han sut (bai isi ) bihain bai putim rait han bilong em long baksait bilong dispela man o meri na putim em i go insait tru long wara, wantaim kolos.

6. Halivim dispela man o meri kam aut long wara.

3:16

Wanpela i holim Melkisedek Prishud tasol husat i temple woti bai toktok long konfemesen. Tasol, wanpela bisop bai larim papa husat i holim Melkisedek Prishud long sanap insait long sekol bilong pikinini bilong em maski em i no temple woti tumas (lukim 18.3).

Wanpela memba bilong bisoprik bai tek pat long dispela odinens. Taim ol minisari elda i tisim dispela konvet, bisop bai invaitim ol long tekpat.

Aninit long daireksen bilong bisoprik, wanpela o sampela husat i holim Melkisedek Prishud bai tek pat long konfemesen. Ol bai putim han isi long het bilong dispela man o meri. Bihain wanpela bai toktok:

1. Kolim dispela man o meri long pul nem bilong em.

2. Bai tok olsem dispela odinens i kamap wantaim atoriti bilong the Melkisedek Prishud.

3. Konfemim dispela man o meri olsem memba bilong Sios bilong Jisas Krais bilong ol Seint long Las-de.

4. Tokim “kisim dispela Holi Gos” (i no “kisim presen bilong Holi Gos”).

5. Givim ol toktok bilong blesing wantaim gaidens bilong Spirit.

6. Klosim long nem bilong Jisas Krais.

1:55

Pastaim long pikinini i gat rekod i kisim intaviu bilong baptisim, wanpela klek bai yusim LCR long redim wanpela Baptism and Confirmation Form. Bisop o wanpela kaunsela i asain bai kondaktim intaviu na sainim fom. Bihain long baptisim na konfemesen, wanpela klek bai yusim dispela fom long apdetim membasip rekod insait long LCR.

Taim wanpela pul-taim misinari i mekim intaviu bilong wanpela konvet bilong baptisim, em bai pulumapim dispela Baptisim na Konfemesen Rekod na yusim dispela Area Book Planner (ABP) app. Bihain long baptisim na konfemesen, ol misinari bai rekodim dispela inpomesen insait long ABP na givim ilektronik kopi i go long wod klek. Wod klek bai lukluk gen long dispela inpomesen insait long LCR na kamapim dispela membasip rekod.

Bihain long membasip rekod i kamap pinis, klek bai redim wanpela Bapitisim na Konfemesen Setifiket. Dispela setifket em bisop bai sainim na givim long dispela man o meri.

Nem long membasip rekod i mas wankain olsem nem i stap long setifiket long taim bilong karim, sivil rejistri rekod, o ligal nem.

Bisop i holim dispela prishud ki long edministarim sakramen insait long wod. Olgeta husat i tek pat long redim, blesim, na pasim sakramen i mas kisim tok orait long em o wanpela aninit long daireksen bilong em.

• Ol tisa, pris na ol lain i holim Melkisedek prishud bai redim sakramen.

• Ol Pris na ol lain i holim Melkisedek Prishud bai blesim sakramen.

• Ol dikon, tisa, pris na ol lain i holim Melkisedek Prishud bai givim aut sakramen.

Bikos long sekred pasin bilong dispela sakramen, ol prishud lida mas redi gut bai i kamap gut na wantaim bikpela rispek.

Ol lain husat i edministarim sakramen mas mekim long stretpela pasin, wantaim luksave olsem ol i makim Bikpela.

Pasin bilong pasim sakramen i mas go stret tasol na i noken abrusim gutpela pasin.

Maski sakramen em i bilong ol Sios memba tasol, noken stopim ol narapela long kisim.

1. Ol husat i redim, blesim o givim aut dispela sakramen mas pastaim tru wasim ol han bilong ol wantaim sop o narapela samting bilong klinim han.

2. Ol tisa, pris o lain i holim Melkisedek prishud i mas mekim sua olsem ol trei bilong bret wantaim bret i no bruk, ol wara trei wantaim ol kap i gat klinpela wara, na klinpela tebolklot i stap pastaim long miting i stat.

3. Taim ol wod memba i singim wanpela sakramen singsing, ol lain husat bai blesim sakrament bai isi tru na wantaim rispek i sanap, rausim dispela klot i karamapim ol bret trei, na brukim bret i go long ol hap sais bilong kaikai.

4. Bihain long singsing, dispela man i blesim bret bai brukim skru na tokim dispela sakramen prea long bret (lukim Doctrine and Covenants 20:77).

5. Bisop bai mekim sua olsem sakramen prea em i tok klia, i stret na wantaim rispek. Sapos wanpela i mekim mistek long toktok na stretim em yet, nogat nid long stretim. Sapos dispela man i no stretim mistek bilong em, bisop bai askim em long gutpela pasin long ripitim dispela prea.

6. Bihain long prea, ol lain i holim prishud bai wantaim rispek i pasim bret i go long ol memba. Lida i prisaid bai kisim pastaim long olgeta, bihain i nogat narapela oda. Taim trei i pas i go long ol memba , ol i ken givim aut long narapela.

7. Ol memba bai kisim wantaim han sut bilong ol.

8. Taim bret i pas i go long olgeta memba, ol lain i pasim sakramen bai kisim ol trei i go bek long sakramen tebol. Ol lain i blesim sakramen bai putim klot antap long ol bret trei na rausim karamap long wara trei.

9. Man i blesim wara bai brukim skru na tokim sakramen prea bilong wara (lukim Doctrine and Covenants 20:79). Em bai senisim dispela wod wara bilong wain.

10. Bihain long prea, ol lain i holim prishud bai wantaim rispek i pasim wara i go long ol memba. Lida i prisaid bai kisim pastaim long olgeta, bihain i nogat narapela oda.

11. Taim olgeta memba i kisim wara pinis, ol lain i pasim sakramen bai kisim ol trei go bek long sakramen tebol. Ol lain i blesim sakramen bai putim klot antap long ol trei, na ol lain i blesim na pasim sakramen bai wantaim rispek i go bek long ol sit bilong ol.

12. Bihain long miting,ol lain husat i redim sakramen bai klin ap, foldim ol tebolklot, na rausim ol narapela bret ol i no yusim.

3:32

Stek presidensi i holim dispela prishud ki long givim dispela Melkisedek Prishud na odeinim i go long ol opis bilong elda na hai pris. Tasol, bisop bai givim ol rekomendesen bilong ol dispela odinesen.

Bisop i holim dispela ol prishud ki bilong givim dispela Aronik prishud na odein i go long opis bilong dikon, tisa na pris. Ol bretren i woti bai odein i go long ol dispela opis long ol dispela krismas, na i no pastaim:

• Dikon long stat bilong yia ol bai kamap 12pela krismas.

• Tisa long stat bilong yia ol bai kamap 14pela krismas.

• Pris long yia ol bai kamap 16pela krismas.

Bisop o wanpela kaunsela i asain bai mekim intaviu wantaim ol husat bai odein olsem ol dikon o tisa long mekim disisen sapos ol i redi long spirit. Bisop bai mekim intaviu wantaim ol bretren husat bai odein olsem ol pris.

Pastaim long mekim intaviu wantaim wanpela yangpela man long prishud odinesen, wanpela memba bilong bisoprik i mas kisim tok orait long papamama o gadien bilong dispela yangpela man. Sapos ol papamama i divos, em bai kisim tok orait long ol papamama wantaim ligal kastodi.

Bihain long wanpela brata i intaviu na i woti long odein long prishud opis, em i sanap long kisim sasteining (lukim Doctrine and Covenants 20:65, 67). Ol bretren husat bai odein olsem ol elda na ol hai pris bai wanpela memba bilong stek presidensi i presentim ol long wanpela jeneral sesen bilong stek konferens (lukim 6.3 long ol instraksen bilong ol distrik presiden). Ol bretren bai odein olsem ol dikon, tisa o pris em wanpela memba bilong bisorpik bai presentim ol long sakramen miting.

Dispela man husat bai kondak bai askim dispela brata long sanap. Em bai anaunsim dispela proposal long givim Aronik o Melkisedek Prishud (sapos i gat nid) na long odeinim brata i go long prishud opis. Em nau bai invaitim olgeta memba long sastenim dispela proposal. Eksampel, long presentim wanpela brata long odein olsem elda,em bai yusim ol wod olsem:

“Mipela i propos olsem [nem] bai kisim dispela Melkisedek Prishud na odein olsem elda. Ol dispela i wanbel i ken soim na apim han. [Wet liklik.] Ol dispela i no wanbel, sapos i gat, bai soim dispela. [Wet liklik.]”

Sapos wanpela memba husat i stap long gutpela lukluk i no wanbel long dispela odinesen, prisaiding lida o narapela asain prishud lida bai bung wantaim em bihain long miting. Lida bai painimaut long save gut moa bilong wanem na dispela memba i no wanbel. Em bai lainim sapos memba i save long sampela pasin bilong dispela man husat bai odein long prishud opis.

Long sampela taim,wanpela brata bai nid long odein olsem elda o hai pris pastaim long ol i ken presentim em long stek konferens. Taim dispela kamap, ol bai presentim em long wod sakramen miting bilong em long sastenim em. Bihain ol bai presentim em long narapela stek konferens bai kamap long stretim dispela odinesen (mekim dispela sastening, olsem i stap antap).

Stek presiden o wanpela i holim Melkisedek Prishud aninit long daireksen bilong em bai odeinim wanpela man long dispela opis bilong elda. Wantaim tok orait i kam long misin presiden o wanpela aninit long daireksen bai mekim dispela odinesen (lukim 6.3). Ol lain i holim tasol Melkisedek Prishud bai sanap insait long sekol.

Stek presiden o wanpela hai pris aninit long daireksen bilong em bai odeinim man i go long opis bilong hai pris. Ol hai pris tasol bai sanap long sekol.

Wanpela husat i odenim wanpela man i go long opis bilong Melkisedek Prishud i mas temple woti. Stek presiden o wanpela em i makim i mas stap.

Wanpela pris o wanpela i holim Melkisedek Prishud bai odeinim brata i go long opis bilong dikon, tisa o pris. Em i mas kisim atoriti bilong bisop. Bisop o wanpela em i makim bai presen.

Long tek pat long Aronik Prishud odinesen, wanpela man i mas pris o holim Melkisedek Prishud.

Bisop bai larim papa husat em i wanpela pris o wanpela i holim Melkisedek prishud long odeinim pikinini bilong em i go long opis bilong dikon, tisa, o pis maski papa i no temple woti tumas (lukim 18.3). Ol bisop bai sapotim ol papa long redim ol yet long odeinim ol pikinini bilong ol yet.

Long givim prishud na odeinim wanpela long prishud opis, wanpela o moa lain i holim prishud bai putim han bilong ol isi tasol antap long het bilong dispela man. Bihain wanpela bai toktok:

1. Kolim dispela man long pul nem bilong em.

2. Tokaut long dispela atoriti em yet i holim long mekm dispela odinens (Aronik o Melkisedek Prishud).

3. Givim Aronik o Melkisedek Prishud, sapos dispela man i no kisim yet.

4. Odeinim dispela man i go long dispela opis bilong Aronik o Melkisedek Prishud na givim dispela ol rait, pawa, na atoriti bilong dispela opis.

5. Givim ol toktok bilong blesing wantaim gaidens bilong Spirit.

6. Klosim long nem bilong Jisas Krais.

Long odeinim wanpela man i go long prishud opis bihain long em i gat dispela rait prishud long em, man husat i mekim dispela bai noken mekim step 3.

1:59

Pastaim long wanpela brata i intaviu long odein i go long wanpela opis insait long Aronik Prishud, klek bai yusim LCR long redim wanpela Aaronic Priesthood Ordination Record. Bisop o wanpela kaunsela i asain bai kondaktim intaviu na sainim fom sapos olgeta wotines kondisen i stap stret.

Bihain long odinesen, dispela bisop o wanpela asain kaunsela bai pinisim dispela fom na givim long klek. Em bai rekodim dispela odinesen insait long LCR na redim wanpela odinesen setifiket.

Ligal nem bilong wanpela man o meri i mas yusim long odinesen rekod na setifiket.

Setim apat em wanpela husat i holim Melkisedek Prishud bai mekim. Em i mas kisim tok orait i kam long lida husat i holim ol stretpela ol prishud ki. Ol lain husat i kisim tok orait long mekim wanpela setim apat i stap long.30.8. Wanpela elda i noken toktok o sanap long sekol taim wanpela man i set apat long opis we em bai kamap hai pris.

Aninit long daireksen bilong prisaiding lida, wanpela o moa husat i holim Melkisedek Prishud bai tek pat long setim apat. Ol presiden bai set apat pastaim long ol kaunsela bilong ol.

Wanpela prisaiding lida bai larim marit man husat i holim Melkisedek Prishud long sanap insait long sekol bilong setim apat meri o pikinini bilong em maski em i no temple woti tumas (lukim 18.3).

Wanpela o moa man husat i holim Melkisedek Prishud bai putim han isi long het bilong dispela man o meri. Bihain wanpela bai toktok:

1. Kolim dispela man o meri long pul nem bilong em.

2. Bai tok olsem em i mekim dispela wantaim atoriti bilong Melkisedek Prishud.

3. Setim apat dispela man o meri long koling insait long stek, wod, kwarum o klas.

4. Givim ol ki sapos dispela man i mas kisim ol.

5. Givim ol toktok bilong blesing wantaim gaidens bilong Spirit.

6. Klosim long nem bilong Jisas Krais.

Wanpela o moa lain i holim Melkisedek Prishud bai konsekretim oil. Ol i nogat nid long kisim tok orait long wanpela prishud lida.

Long konsekretim oil, wanpela i holim Melkisedek Prishud bai:

1. Opim na holim wanpela konteina i gat oliv.

2. Adresim Papa long heven olsem long prea.

3. Bai tok olsem dispela em i mekim wantaim atoriti bilong Melkisedek Prishud.

4. Konsekretim dispela oil(i no konteina) na setim apat bilong anointim na blesim ol sik lain na ol lain i gat hevi.

5. Klosim long nem bilong Jisas Krais.

1:13

Ol woti lain tasol husat i holim Melkisedek Prishud bai edminista long ol sik lain o ol lain i gat hevi. Ol bai nogat nid long kisim tok orait long wanpela prishud. Sapos inap, wanpela papa husat i holim Melkisedek Prishud bai edminista long ol sik lain bilong famili bilong em.

Planti taim, tupela o moa husat i holim Melkisedek Prishud bai edminista long ol sik lain. Tasol, wanpela i ken mekim anointim na siling wantaim.

Anointim wantaim oil em bai wanpela husat i holim Melkisedek Prishud bai mekim. Em:

1. Bai putim wanpela drop bilong konsekretet oil antap long het bilong dispela man o meri.

2. Bai putim han isi antap long het bilong man o meri na kolim pul nem bilong em.

3. Bai tok olsem em i mekim dispela wantaim atoriti bilong Melkisedek Prishud.

4. Bai tok olsem em i anointim wantaim oil we i konsekretet pinis bilong anointim na blesim ol sik lain na ol lain i gat hevi.

5. Klosim long nem bilong Jisas Krais.

Long silim dispela anointim, wanpela o moa husat i holim Melkisedek Prishud bai putim han isi antap long het bilong dispela man o meri. Bihain dispela husat i silim dispela anointim:

1. Kolim dispela man o meri long pul nem bilong em.

2. Tok olsem em i silim dispela anointim wantaim atoriti bilong Melkisedek Prishud.

3. Givim ol toktok bilong blesing wantaim gaidens bilong Spirit.

4. Klosim long nem bilong Jisas Krais.

2:4

Ol lain i holim Melkisedek Prishud i ken givim blesing bilong kamfot na kaunsel long ol famili memba na tu long ol narapela husat i laikim ol.

Wanpela papa husat i holim Melkisedek Prishud bai givim blesing bilong papa long ol pikinini bilong em. Ol papamama bai halivim ol pikinini bilong ol long painim blesing bilong papa long taim bilong nid. Blesing bilong Papa i ken rekodim bilong yusim yu yet.

Wanpela i holim Melkisedek Prishud i no nid long kisim tok orait long wanpela prishud lida long givim blesing bilong kamfot na kaunsel o blesing bilong Papa.

Long givim blesing bilong kamfot na kaunsel o blesing bilong papa, wanpela o moa lain i holim Melkisedek Prishud bai putim han isi antap long het bilong man. Bihain wanpela bai toktok:

1. Kolim dispela man o meri long pul nem bilong em.

2. Bai tok dispela blesing em ol i mekim wantaim atoriti bilong Melkisedek Prishud.

3. Givim ol toktok bilong blesing, kamfot, na kaunsel olsem spirit i gaidim.

4. Klosim long nem bilong Jisas Krais.

Long dediketim wanpela hom, wanpela i holim Melkisedek Prishud:

1. Bai Adresim Papa long heven long prea.

2. Tokaut olsem em i mekim dispela wantaim atoriti bilong Melkisedek Prishud.

3. Dediketim dispela hom olsem wanpela sekred ples wea Holi Spirit i ken stap na givim ol narapela toktok olsem spirit i gaidim em.

4. Klosim long nem bilong Jisas Krais.

Wanpela husat i dediketim matmat i mas holim Melkisedek Prishud na i kisim atoriti long prishud lida husat i kondaktim sevis.

Long dediketim matmat, wanpela i holim Melkisedek Prishud:

1. Bai Adresim Papa long heven olsem long prea.

2. Tokaut olsem em i mekim dispela wantaim atoriti bilong Melkisedek Prishud.

3. Dediketim na konsekretim dispela hap bilong matmat olsem hap bilong malolo bilong dispela bodi bilong man i dai.

4. Pre olsem dispela ples bai stap gut long lukaut inap long taim bilong kirap gen (wea i stret na orait).

5. Askim Papa long Heven long kamfotim famili na tokaut long ol tingting olsem spirit i gaidim.

6. Klosim insait long nem bilong Jisas Krais.

Sapos bodi bilong wanpela Sios memba ol i kukim long paia, prisaiding lida bai yusim jasmen bilong em long mekim disisen sapos ol bai dediketim dispela hap wea ol ases bai stap.

1:58

Bihain long em i kisim rekomen, memba bai mekim kontek wantaim patriak na setim apoinmen long kisim patriakel blesing. Long dei bilong apoinmen, memba bai mas go long patriak wantaim pasin bilong prea na long klos bilong Sande.

Wanwan patriakel blesing em i sekred, i no bilong tokaut, na em i bilong yu yet. Olsem na, em bai kisim long wanpela praivet hap inap tasol long liklik lain ol famili husat bai stap.

Wanpela husat i kisim patriakel blesing i mas lukautim gut tru ol toktok, tingting long ol na stap woti long kisim ol dispela blesing i promis bilong dispela laip na long laip oltaim.

Ol sios memba i noken komperim ol blesing na i noken serim ol inap tasol wantaim famili memba i klostu. Ol Patrikel blesing i noken ritim ol insait long Sios miting o ol pablik bung.