მღვდლობის წეს-ჩვეულებების შესრულება და კურთხევები

ბავშვისთვის სახელის დარქმევისა და დალოცვის წეს-ჩვეულებას ატარებს მელქიცედეკის მღვდლობის მატარებელი პირი, მოძღვრება და აღთქმები 20:70-ის შესაბამისად.

პიროვნება ან ოჯახი, რომელსაც სურს შვილისთვის სახელის დარქმევა და დალოცვა, ეპისკოპოსთან ათანხმებს ამ წეს-ჩვეულებას. ის ფლობს მეურვეობაში ბავშვებისთვის სახელის დარქმევისა და დალოცვის მღვდლობის გასაღებებს.

ეპისკოპოსს შეუძლია, დართოს ბავშვის სახელის დარქმევისა და დალოცვის ნება მელქიცედეკის მღვდლობის მქონე მამას მაშინაც კი, როცა ის სრულად არ არის ტაძარში შესვლის ღირსი (იხ. 18.3). ეპისკოპოსები აგულიანებენ მამებს, მოემზადონ საკუთარი შვილების დალოცვისთვის.

ეპისკოპოსობის მითითებით მელქიცედეკის მღვდლობის მატარებელი პირები, ბავშვისთვის სახელის დარქმევისა და დალოცვის მიზნით, წრეში დგებიან, ისინი მოაქცევენ ხელებს ბავშვის სხეულის ქვეშ ან ოდნავ შეეხებიან ბავშვის თავს (მოზრდილი ბავშვის შემთხვევაში). შემდეგ ერთ-ერთი პირი იწყებს:

1. ის ლოცვით მიმართავს მამაზეციერს.

2. აცხადებს, რომ ბავშვის კურთხევა მელქიცედეკის მღვდლობის უფლებამოსილებით ხდება.

3. არქმევს ბავშვს სახელს.

4. მიმართავს ბავშვს.

5. სულიწმინდის კარნახით ლოცავს ბავშვს.

6. ასრულებს იესო ქრისტეს სახელით.

1:41

ბავშვის დალოცვამდე კლერკი იყენებს ხელმძღვანელისა და კლერკს რესურსებს (ხ.კ.რ.) რათა მოამზადოს ბავშვის ჩანაწერის ფორმა. დალოცვის შემდეგ იგი ქმნის წევრობის ჩანაწერს ამ სისტემაში და ამზადებს დალოცვის სერტიფიკატს. ეპისკოპოსი ამ მოწმობას აწერს ხელს და გადასცემს ბავშვის მშობლებს ან მეურვეებს.

სახელი წევრობის ჩანაწერში და მოწმობაზე უნდა ედრებოდეს დაბადების მოწმობაში, სამოქალაქო რეესტრში ან კანონიერ სახელს.

ნათლობის მსახურება უნდა იყოს უბრალო, მოკლე და სულიერად ასამაღლებელი ეს შეიძლება მოიცავდეს შემდეგს:

1. პრელუდია

2. მოკლე მისალმება ძმისგან, რომელსაც უძღვება მსახურებას

3. გახსნითი საგალობელი და ლოცვა

4. ერთი ან ორი მოკლე გზავნილი სახარების თემაზე, როგორიცაა ნათლობა და სულიწმინდის ძღვენი

5. მუსიკალური ნომრები

6. ნათლობა

7. პატივის გამოხატვის დრო, როცა ნათლობაში მონაწილე პირები ტანსაცმელს იცვლიან (ამ დროს დასაშვებია საგალობლები ან დაწყებითი საზოგადოების სიმღერები)

8. ჩანაწერებში დაფიქსირებული 8 წლის ასაკის ბავშვების წევრად დამტკიცება; მოქცეულთა წევრად დამტკიცება (ეპისკოპოსის გადაწყვეტილებით (იხ. 18.8)

9. ახალ მოქცეულთა მიერ დამოწმებების გაზიაერება - სურვილისამებრ

10. დასკვნითი საგალობელი და ლოცვა.

11. პოსტლუდია

ჩანაწერებში დაფიქსირებული ბავშვის ნათლობისთვის მზადებისას ეპისკოპოსობის წევრი და დაწყებითი საზოგადოების პრეზიდენტობა ოჯახთან ერთად აწყობს ნათლობის მსახურების გეგმებს. მსახურებას უძღვება ეპისკოპოსობის წევრი. თუ ერთსა და იმავე თვეში ერთ ბავშვზე მეტი ინათლება, შესაძლებელია მათთვის ერთობლივი ნათლობის მსახურების ჩატარება.

პალოში, სადაც ჩანაწერში დაფიქსირებული ბევრი ბავშვია, რამდენიმე მეურვეობის ბავშვებისთვის შესაძლოა ერთი ნათლობის მსახურების ჩატარება. მსახურებას უძღვება პალოს პრეზიდენტობის წევრი ან უმაღლესი საბჭოს მრჩეველი.

ოჯახის წევრის ნათლობა არ უნდა გადაიდოს იმ დრომდე, სანამ მამა მიიღებს მღვდლობას და თავად ჩაატარებს ნათლობას.

ეპისკოპოსობის მითითებით მეურვეობის მისიის ხელმძღვანელი (თუ ასეთი არსებობს) ან უხუცესთა ქვორუმის პრეზიდენტობის წევრი, რომელიც ხელმძღვანელობს მისიონერულ საქმეს, გეგმავს და წარმართავს ნათლობის ცერემონიას მოქცეულთათვის. ისინი სრული დროის მისიონერებთან ახდენენ კოორდინირებას.

ნათლობის წეს-ჩვეულებას ატარებს მღვდელი ან მელქიცედეკის მღვდლობის მატარებელი პირი. პიროვნებას, რომელმაც უნდა ჩაატაროს ნათლობა, ამტკიცებს ეპისკოპოსი (ან მისიის პრეზიდენტი, თუ სრული დროის მისიონერი ატარებს ნათლობას).

ეპისკოპოსს შეუძლია, დართოს ბავშვის ნათლობის ნება მელქიცედეკის მღვდლობის მქონე მამას მაშინაც კი, როცა ის სრულად არ არის ტაძარში შესვლის ღირსი (იხ. 18.3). ეპისკოპოსები აგულიანებენ მამებს, მოემზადონ საკუთარი შვილების ნათლობისთვის.

ნათლობა უნდა ტარდებოდეს ნათლობის ემბაზში, თუ ეს შესაძლებელია. ემბაზის არარსებობის შემთხვევაში შესაძლებელია უსაფრთხო ღია წყლებში.

უსაფრთხოების მიზნით ემბაზის ავსების დროს იქ უნდა იმყოფებოდეს პასუხისმგებელი ზრდასრული პირი და ის უნდა რჩებოდეს იქ აუზის სრულ დაცლამდე, გასუფთავებამდე და უსაფრთხო მდგომარეობაში დატოვებამდე. ემბაზი უნდა დაიცალოს დაუყოვნებლივ ყოველი ნათლობის შემდეგ. ემბაზთან მიმავალი კარი უნდა იყოს ჩაკეტილი, როცა მას არ იყენებენ.

ორივე პირს - ვინც ატარებს ნათლობას და ვინც ინათლება, აცვია თეთრი სამოსი, ისეთი რომ სველდება და არ ხდება გამჭვირვალე. ტაძარში შემოსილ პირს სამოსის შიგნით აცვია სატაძრო სამოსელი და ისე ატარებს ნათლობას. ადგილობრივი დანაყოფები ყიდულობენ ნათლობის სამოსს ბიუჯეტის თანხებით და არავის არ აკისრებენ გადასახადს მის გამოყენებაზე.

თავმჯდომარე ხელმძღვანელის მიერ დამტკიცებული ორი მოწმე აკვირდება ყოველ ნათლობას, რათა დარწმუნდნენ, რომ იგი სათანადოდ ჩატარდა. ეკლესიის მონათლულ წევრებს, ბავშვებისა და ახალგაზრდების ჩათვლით, შეუძლიათ მოწმეთა სახით მსახურება.

ნათლობა უნდა თავიდან ჩატარდეს, თუ სიტყვები არ ითქვა ზუსტად ისე, როგორც ისინი მოცემულია მოძღვრება და აღთქმები 20:73-ში. ნათლობა ასევე უნდა თავიდან ჩატარდეს, თუ პიროვნების სხეულის ნაწილი, თმა ან ტანისამოსი სრულად არ იყო დაფარული წყლით.

ნათლობის წეს-ჩვეულების ჩასატარებლად მღვდელი ან მელქიცედეკის მღვდლობის მატარებელი პირი:

1. დგას წყალში პიროვნებასთან ერთად, რომელიც ინათლება.

2. უჭირავს პიროვნების მარჯვენა მაჯა თავისი მარცხენა ხელით (უსაფრთხოებისა და მოხერხებულობის მიზნით). პიროვნებას, რომელიც ინათლება, უჭირავს მღვდლობის მატარებელი პირის მარცხენა მაჯა თავისი მარცხენა ხელით.

3. ასწევს 90 გრადუსით მოხრილ მარჯვენა ხელს.

4. აცხადებს პიროვნების სრულ სახელს და ამბობს: „ვარ რა იესო ქრისტესგან უფლებამოსილი, გნათლავ მამისა და ძისა და სულიწმინდის სახელით. ამინ“ (მოძღვრება და აღთქმები 20:73).

5. მარჯვენა ხელით მოაჭერინებს პიროვნებას ხელს ცხვირზე (მოხერხებულობის მიზნით); შემდეგ მარჯვენა ხელს ადებს პიროვნებას ზურგის ზედა ნაწილზე და სრულად დაფარავს მას წყლით, ტანსაცმლის ჩათვლით.

6. ეხმარება პიროვნებას წყლიდან ამოსვლაში.

3:16

წევრად დამტკიცებას ატარებს მხოლოდ ტაძარში შესვლის ღირსი მელქიცედეკის მღვდლობის მატარებელი პირი. თუმცა, ეპისკოპოსს შეუძლია, დართოს ნება მელქიცედეკის მღვდლობის მქონე მამას, დადგეს წრეში თავისი შვილის წევრად დამტკიცებისას მაშინაც კი, როცა ის სრულად არ არის ტაძარში შესვლის ღირსი (იხ. 18.3).

ამ წეს-ჩვეულების შესრულებაში მონაწილეობს ეპისკოპოსობის მინიმუმ ერთი წევრი. ეპისკოპოსი იწვევს მისიონერ უხუცესებს მონაწილეობის მისაღებად, თუ ისინი ასწავლიდნენ ახლად მონათლულს.

ეპისკოპოსობის მითითებით, მელქიცედეკის მღვდლობის მატარებელ ერთ ან მეტ პირს შეუძლია წევრად დამტკიცების წეს-ჩვეულებაში მონაწილეობის მიღება. ისინი მსუბუქად მოაქცევენ ხელებს პიროვნების თავზე. შემდეგ ერთ-ერთი პირი ხმამაღლა იტყვის:

1. მიმართავს პირს სრული სახელით.

2. აცხადებს, რომ წეს-ჩვეულება ტარდება მელქიცედეკის მღვდლობის უფლებამოსილებით.

3. ამტკიცებს პიროვნებას უკანასკნელ დღეთა წმინდანთა იესო ქრისტეს ეკლესიის წევრად.

4. აცხადებს: „მიიღე სულიწმინდა“ (და არა „მიიღე სულიწმინდის ძღვენი“).

5. ლოცავს პიროვნებას (ხელმძღვანელობს სულიწმინდის კარნახით).

6. ასრულებს იესო ქრისტეს სახელით.

1:55

კლერკი, სანამ ჩანაწერებში დაფიქსირებულ ბავშვს ნათლობამდე გასაუბრებას ჩაუტარებს, იყენებს ხ.კ. რ. -ს, რათა მოამზადოს ნათლობისა და წევრად დამტკიცების ფორმა. ეპისკოპოსი ან მრჩეველი უძღვება გასაუბრებას და ხელს აწერს ფორმას. ნათლობისა და წევრად დამტკიცების შემდეგ კლერკი იყენებს ამ ფორმას, რათა განაახლოს ბავშვის წევრობის ჩანაწერი ხ.კ.რ-ში.

როცა სრული დროის მისიონერი მოქცეულს ნათლობისთვის გასაუბრებას უტარებს, იგი რეგიონის დამგეგმავის (ABP) აპლიკაციის დახმარებით ავსებს ნათლობისა და წევრად დამტკიცების ჩანაწერს. ნათლობისა და წევრად დამტკიცების შემდეგ მისიონერებს შეაქვთ ინფორმაცია ABP -ში და ელექტრონულად წარუდგენენ მას მეურვეობის კლერკს. მეურვეობის კლერკი განიხილავს ინფორმაციას ხ.კ.რ -ში და ადგენს წევრობის ჩანაწერს.

წევრობის ჩანაწერის შექმნის შემდეგ კლერკი ამზადებს ნათლობისა და კონფირმაციის სერტიფიკატს. ეპისკოპოსი აწერს ხელს სერტიფიკატს და გადასცემს მას პიროვნებას.

სახელი წევრობის ჩანაწერში და მოწმობაზე უნდა ედრებოდეს დაბადების მოწმობაში, სამოქალაქო რეესტრში ან კანონიერ სახელს.

ეპისკოპოსი ფლობს მღვდლობის გასაღებებს მეურვეობაში ზიარების ჩასატარებლად. ყველამ, ვინც მონაწილეობას იღებს ზიარების მომზადებაში, კურთხევაში და დარიგებაში, უნდა მიიღოს თანხმობა ეპისკოპოსისგან ან სხვა პირისგან (მისი მითითებით).

• მასწავლებლებს, მღვდლებს და მელქიცედეკის მღვდლობის მატარებელ პირებს შეუძლიათ ზიარების მომზადება.

• მღვდლებს და მელქიცედეკის მღვდლობის მატარებელ პირებს შეუძლიათ ზიარების კურთხევა.

• დიაკვნებს, მასწავლებლებს, მღვდლებს და მელქიცედეკის მღვდლობის მატარებელ პირებს შეუძლიათ ზიარების დარიგება.

ზიარების წმინდა არსის გამო მღვდლობის მატარებელი პირები ყურადღებით უნდა ემზადებოდნენ, რათა ის მომზადდეს სათანადოდ და მოწიწებით.

ისინი, ვინც ატარებენ ზიარებას, უნდა აკეთებდნენ ამას ღირსებით, იმის გააზრებით, რომ ისინი არიან უფლის წარმომადგენლები.

ზიარების დარიგება უნდა ხდებოდეს ბუნებრივად და არა მეტისმეტად ოფიციალურად.

მიუხედავად იმისა, რომ ზიარება ეკლესიის წევრებისთვის არის, სხვებს არანაირად არ უნდა შეუშალონ ხელი მის მიღებაში.

1. ისინი, ვინც ამზადებენ, აკურთხებენ ან არიგებენ ზიარებას, პირველ რიგში საპნით ან სხვა გამწმენდი საშუალებით იბანენ ხელებს.

2. შეკრებამდე მასწავლებლები, მღვდლები ან მელქიცედეკის მღვდლობის მატარებელი პირები უნდა დარწმუნდნენ იმაში, რომ პურის ლანგარი მთლიანი პურის ნაჭრებით, წყლის ლანგარი - სუფთა წყლის კონტეინერებით და მაგიდის სუფთა გადასაფარებლები თავ-თავიანთ ადგილებზეა.

3. იმ დროს, როცა მეურვეობის წევრები მღერიან ზიარების საგალობელს ისინი, ვინც აკურთხებენ ზიარებას, მოწიწებით დგებიან, გადახდიან პურის ლანგარებზე გადაფარებულ სუფრას და ერთი ლუკმის ზომაზე ამტვრევენ პურს .

4. საგალობლის შესრულების შემდეგ პიროვნება, რომელიც აკურთხებს პურს, მუხლს მოიყრის და წაიკითხავს პურის კურთხევის ლოცვას (იხ. მოძღვრება და აღთქმები 20:77).

5. ეპისკოპოსი რწმუნდება იმაში, რომ ზიარების ლოცვები წარმოითქვა მკაფიოდ, ზუსტად და ღირსებით. თუ ვინმემ დაუშვა შეცდომა და თავადვე გამოასწორა იგი, შემდგომი კორექტირება საჭირო არ არის. თუ პიროვნება არ გამოასწორებს შეცდომას, ეპისკოპოსი თავაზიანად სთხოვს მას, გაიმეოროს ლოცვა.

6. ლოცვის შემდეგ მღვდლობის მატარებელი პირები მოწიწებით ურიგებენ პურს წევრებს. თავმჯდომარე ხელმძღვანელმა პირველმა უნდა მიიღოს ზიარება, შემდეგ დანარჩენებმა, თავისუფალი წესით. მას შემდეგ, რაც ლანგარი გადაეცემა წევრებს, მათ შეუძლიათ ერთმანეთს გადააწოდონ იგი.

7. თუ ეს შესაძლებელია, წევრებმა მარჯვენა ხელით უნდა მიიღონ ზიარება.

8. როცა პური დაურიგდება ყველა წევრს, ისინი, ვინც არიგებდნენ ზიარებას, ზიარების მაგიდებზე დააბრუნებენ ლანგრებს. ისინი, ვინც არიგებდნენ ზიარებას, გადააფარებენ პურის ლანგრებს სუფრას და გადახდიან სუფრას წყლის ლანგრებს.

9. პიროვნება, რომელიც აკურთხებს წყალს, მუხლს მოიყრის და ამბობს წყლის კურთხევის ლოცვას (იხ. მოძღვრება და აღთქმები 20:79). ის შეცვლის სიტყვას ღვინო სიტყვით წყალი.

10. ლოცვის შემდეგ მღვდლობის მატარებელი პირები მოწიწებით ურიგებენ პურს წევრებს. პირველი წყალს მიიღებს თავმჯდომარე ხელმძღვანელი, შემდეგ თავისუფალი წესით დანარჩენები.

11. მას შემდეგ, რაც წყალი დაურიგდება ყველა წევრს ისინი, ვინც არიგებდნენ ზიარებას, ზიარების მაგიდებზე დააბრუნებენ ლანგრებს. ისინი, ვინც აკურთხეს ზიარება, გადააფარებენ ლანგრებს სუფრას და მოწიწებით დაბრუნდებიან თავიანთ ადგილებზე დარბაზში.

12. შეხვედრის შემდეგ ისინი, ვინც მოამზადეს ზიარება, ასუფთავებენ, აკეცავენ სუფრას და გაიტანენ პურის ნარჩენებს.

3:32

პალოს პრეზიდენტი ფლობს მღვდლობის გასაღებებს მელქიცედეკის მღვდლობის მინიჭებისთვის და უხუცესთა და სხვა მღველმთავრების წოდებებზე კურთხევისთვის. თუმცა, ეპისკოპოსი ჩვეულებრივ უწევს რეკომენდაციას ამ წეს-ჩვეულებებისთვის.

ეპისკოპოსი ფლობს აარონის მღვდლობის მინიჭების, ასევე დიაკვნის, მასწავლებლისა და მღვდლის წოდებებზე კურთხევის გასაღებებს. ღირსეულ ძმებს, როგორც წესი, აკურთხებენ ამ წოდებებზე კონკრეტული წლოვანების მიღწევისას და არა ამ ასაკზე ადრე.

• დიაკვანი: იმ წლის იანვრიდან, როდესაც მას 12 წელი უსრულდება.

• მასწავლებელი: იმ წლის იანვრიდან, როდესაც მას 14 წელი უსრულდება.

• მღვდელი იმ წლის იანვრიდან, როდესაც მას 16 წელი უსრულდება.

ეპისკოპოსი ან მრჩეველი უტარებს გასაუბრებას მათ, ვინც უნდა მიიღონ დიაკვნის ან მასწავლებლის წოდებაზე კურთხევა რათა გადაწყვიტოს, არიან თუ არა ისინი სულიერად მზად. ეპისკოპოსი ესაუბრება წევრ ძმებს, რომლებმაც მღვდლის წოდებაზე კურთხევა უნდა მიიღონ.

ახალგაზრდა მამაკაცისთვის მღვდლობის წოდებაზე კურთხევის მიღებისთვის გასაუბრების ჩატარებამდე ეპისკოპოსობის წევრი იღებს ნებართვას ახალგაზრდა მამაკაცის მშობლებისგან ან მეურვეებისგან. თუ მშობლები გაცილებულები არიან, მან უნდა მიიღოს ნებართვა მშობლებისგან, როლებიც კანონიერი მეურვვეები არიან.

მას შემდეგ, რაც წევრ ძმას ჩაუტარდა გასაუბრება და დადგინდა, რომ ის არის ღირსი, მიიღოს მღვდლობის წოდებაზე კურთხევა, მას წარადგენენ მხარდასაჭერად (იხ. მოძღვრება და აღთქმები 20:65, 67). პალოს კონფერენციის გენერალურ სესიაზე პალოს პრეზიდენტობის წევრი წარადგენს ძმებს, რომლებიც უნდა აკურთხონ უხუცესის ან მღვდელმთავრის წოდებაზე (იხ. 6.3 ინსტრუქციები ოლქის პრეზიდენტებისთვის). ძმებს, რომლებიც უნდა აკურთხონ დიაკვნის, მასწავლებლის ან მღვდლის წოდებაზე, ზიარების შეკრებაზე წარადგენს ეპისკოპოსობის წევრი.

პიროვნება, რომელიც ატარებს მხარდაჭერის პროცედურას, სთხოვს წევრ ძმას ფეხზე ადგომას. იგი გამოდის წინადადებით, მიანიჭონ აარონის ან მელქიცედეკის მღვდლობა (საჭიროებისას) და აკურთხონ ძმა მღვდლობის წოდებაზე. შემდეგ იგი იწვევს წევრებს, მხარი დაუჭირონ ამ წინადადებას. მაგალითად, იმისთვის, რომ რომელიმე ძმა წარადგინონ უხუცესის წოდებაზე, მას შეუძლია თქვას ასეთი სიტყვები:

„შემოგვაქვს წინადადება, რომ [სახელი] მიიღოს მელქიცედეკის მღვდლობა და კურთხევა უხუცესის წოდებაზე. „ვინც მხარს უჭერს ამ გადაწყვეტილებას გთხოვთ, ხელის აწევით გვაცნობოთ ეს. [ხანმოკლე პაუზა]. თუ ვინმე ეწინააღმდეგება ამ გადაწყვეტილებას, შეუძლია ასევე გვაცნობოს ეს აწეული ხელით. [ხანმოკლე პაუზა]“.

თუ კარგი რეპუტაციის მქონე წევრი უარს ამბობს ხელდასხმით კურთხევაზე, თავჯდომარე ხელმძღვანელი ან სამღვდელოების სხვა ხელმძღვანელი პირადად უნდა შეხვდეს წევრს შეკრების შემდეგ. ხელმძღვანელი ცდილობს გაიგოს, რატომ ამბობს წევრი უარს. იგი არკვევს, იცის თუ არა წევრმა ქცევასთან დაკავშირებული დარღვევის შესახებ, რაც ეწინააღმდეგება მღვდლობის წოდებაზე ხელდასხმით კურთხევას.

ზოგიერთ შემთხვევაში წევრ ძმას შესაძლოა დასჭირდეს უხუცესად ან მღვდელმთავრად კურთხევა, სანამ მას პალოს კონფერენციაზე წარადგენენ. ასეთ შემთხვევაში მას მხარდასაჭერად წარადგენენ თავის მეურვეობაში ზიარების შეკრებაზე. შემდეგ მას წარადგენენ პალოს მომდევნო კონფერენციაზე, რათა დაამტკიცონ ხელდასხმით კურთხევა (მოახდინეთ ზემოთ აღწერილი მხარდაჭერის პროცესის ადაპტირება).

პალოს პრეზიდენტს ან, მისი ზედამხედველობის ქვეშ, მელქიცედეკის მღვდლობის მატარებელ პირს, შეუძლიახელდასხმით აკურთხოს მამაკაცი უხუცესის წოდებაზე. მისიის პრეზიდენტის თანხმობით, ოლქის პრეზიდენტს ან ვინმეს, მისი მითითებით, შეუძლია ამ წეს-ჩვეულების შესრულება (იხ. 6.3). წრეში დგომის უფლება მხოლოდ მელქიცედეკის მღვდლობის მატარებელ პირებს აქვთ.

პალოს პრეზიდენტს ან მისი მითითებით რომელიმე მღვდელმთავარს შეუძლია აკურთხოს მამაკაცი მღვდელმთავრის წოდებაზე. წრეში დგომა დაშვებულია მხოლოდ მღვდელმთავრებისთვის.

პიროვნება, რომელიც აკურთხებს მამაკაცს მელქიცედეკის მღვდლობის წოდებაზე, ტაძარში შესვლის ღირსი უნდა იყოს. ცერემონიალს უნდა ესწრებოდეს პალოს პრეზიდენტი ან მის მიერ დანიშნული წევრი.

მღვდელს ან მელქიცედეკის მღვდლობის მატარებელ პირს შეუძლია აკურთხოს ძმა დიაკვნის, მასწავლებლის ან მღვდლის წოდებაზე. მას ეპისკოპოსმა უნდა მისცეს უფლებამოსილება. ცერემონიალს უნდა ესწრებოდეს ეპისკოპოსი ან მის მიერ დანიშნული პირი.

აარონის მღვდლობაზე კურთხევაში მონაწილეობის მისაღებად პიროვნება უნდა იყოს მღვდელი ან მელქიცედეკის მღვდლობის მატარებელი პირი.

ეპისკოპოსს შეუძლია, დართოს მელქიცედეკის მღვდლობის ან მღვდლობის მქონე მამას ნება, აკურთხოს თავისი ვაჟი დიაკვნის, მასწავლებლის ან მღვდლის წოდებაზე მაშინაც კი, როცა ის სრულად არ არის ტაძარში შესვლის ღირსი (იხ. 18.3). ეპისკოპოსები აგულიანებენ მამებს, მოემზადონ საკუთარი შვილების ხელდასხმით კურთხევისთვის.

მღვდლობის მინიჭებისა და პიროვნების მღვდლობის წოდებაზე კურთხევისთვის მღვდლობის მატარებელი ერთი ან მეტი უფლებამოსილი პირი მსუბუქად ადებს პიროვნებას ხელებს თავზე. შემდეგ ერთ-ერთი პირი ხმამაღლა ამბობს:

1. მიმართავს პიროვნებას სახელითა და გვარით.

2. აცხადებს უფლებამოსილებას, რომელსაც ფლობს ამ წეს-ჩვეულების ჩასატარებლად (აარონის ან მელქიცედეკის მღვდლობა).

3. ადასტურებს აარონის ან მელქიცედეკის მღვდლობას (თუ ის ჯერ არ დაუმტკიცებიათ).

4. აკურთხებს პიროვნებას აარონის ან მელქიცედეკის მღვდლობაზე და გადასცემს ამ წოდების უფლებებს, ძალასა და უფლებამოსილებას.

5. ლოცავს პიროვნებას (ხელმძღვანელობს სულიწმინდის კარნახით).

6. დაასრულებს იესო ქრისტეს სახელით.

იმისთვის, რომ პიროვნება აკურთხონ მღვდლობის წოდებაზე მას შემდეგ, რაც მასზე უკვე დამტკიცდა შესაფერისი მღვდლობა, წეს-ჩვეულების შემსრულებელი პირი გამოტოვებს მე-3 ნაბიჯს.

1:59

კლერკი, ძმისთვის აარონის მღვდლობაზე კურთხევამდე გასაუბრების ჩატარებამდე, იყენებს ხ.კ. რ. -ს, რათა მოამზადოს ნათლობისა და წევრად დამტკიცების ჩანაწერი. ეპისკოპოსი ან დანიშნული მრჩეველი უძღვება გასაუბრებას და ხელს აწერს ფორმას, თუ დაკმაყოფილებულია ღირსების ყველა პირობა.

ხელდასხმის შემდეგ ეპისკოპოსი ან მრჩეველი ავსებს ფორმას და გადასცემს მას კლერკს. იგი იწერს დამტკიცებას ხ.კ.რ. -ში და ამზადებს დამტკიცების სერტიფიკატს.

ხელდასხმით კურთხევის ჩანაწერში და სერტიფიკატზე უნდა ფიგურირებდეს პიროვნების ამჟამინდელი სახელი.

ხელდასხმით დანიშვნას ატარებს მელქიცედეკის მღვდლობის მატარებელი პირი. მან უნდა მიიღოს თანხმობა შესაბამისი მღვდლობის გასაღებების მფლობელი ხელძღვანელისგან. პირები, რომლებსაც გააჩნიათ ხელდასხმით დანიშვნის უფლებამოსილება, ჩამოთვლილია 30.8-ში. უხუცესი არ უნდა აკეთებდეს განცხადებებს და არ უნდა იდგეს წრეში, როცა მამაკაცი ხელდასხმით ინიშნება წოდებაზე, რომელიც მოითხოვს მისგან მღვდელმთავრობას.

თავმჯდომარე ხელმძღვანელის მითითებით, ერთ ან ერთზე მეტ მელქიცედეკის მღვდლობის მატარებელ პირს შეუძლია ხელდასხმით დანიშვნის წეს-ჩვეულებაში მონაწილეობის მიღება. პრეზიდენტებს ხელდასხმით აკურთხებენ მრჩევლების წინაშე.

თავმჯდომარე ხელმძღვანელს შეუძლია დართოს ნება მელქიცედეკის მღვდლობის მქონე ქმარს ან მამას, დადგეს წრეში თავისი ცოლის ან შვილების ხელდასხმით კურთხევის დროს მაშინაც კი, როცა ის სრულად არ არის ტაძარში შესვლის ღირსი (იხ. 18.3).

ერთი ან ერთზე მეტი მელქიცედეკის მღვდლობის მატარებელი პირი მსუბუქად ადებს ხელებს პიროვნებას თავზე. შემდეგ ერთ-ერთი პირი ხმამაღლა ამბობს:

1. მიმართავს პირს სრული სახელით.

2. აცხადებს, რომ ის მოქმედებს მელქიცედეკის მღვდლობის უფლებამოსილებით.

3. ხელდასხმით ნიშნავს პიროვნებას მოწოდებაზე პალოში, მეურვეობაში, ქვორუმში ან კლასში.

4. ამტკიცებს გასაღებებს, თუკი პიროვნებამ უნდა მიიღოს ისინი.

5. ლოცავს პიროვნებას (ხელმძღვანელობს სულიწმინდის კარნახით).

6. დაასრულებს იესო ქრისტეს სახელით.

ზეთის კურთხევის უფლება აქვს მელქიცედეკის მღვდლობის მატარებელ ერთ ან ორ პირს. ამისთვის მათ არ სჭირდებათ სამღვდელოების ხელმძღვანელისგან ნებართვის აღება.

ზეთის კურთხევისთვის მელქიცედეკის მღვდლობის მატარებელმა პირმა უნდა შეასრულოს შემდეგი მოქმედებები:

1. გახსნას ზეითუნის ზეთის ფლაკონი.

2. ლოცვით მიმართოს მამაზეციერს.

3. გამოაცხადოს, რომ ის მოქმედებს მელქიცედეკის მღვდლობის უფლებამოსილებით.

4. აკურთხებს ზეთს და არა ფლაკონს და აკურთხებს მას ავადმყოფებისა და გასაჭირში მყოფი პირების ზეთისცხებისა და დალოცვისთვის.

5. დაასრულებს იესო ქრისტეს სახელით.

1:13

მხოლოდ ღირსეულ მელქიცედეკის მღვდლობის მატარებელ პირებს აქვთ ავადმყოფობისთვისა და გასაჭირში მყოფი პირებისთვის მსახურების უფლება. ამისთვის მათ არ სჭირდებათ სამღვდელოების ხელმძღვანელისგან ნებართვის აღება. თუ ეს შესაძლებელია, მელქიცედეკის მღვდლობის მატარებელი მამა ემსახურება თავისი ოჯახის ავადმყოფ წევრებს.

როგორც წესი, ავადმყოფს ემსახურება მელქიცედეკის მღვდლობის მატარებელი ორო ან ორზე მეტი პირი. თუმცა, ერთ პირსაც შეუძლია ზეთისცხებისა და ჩაბეჭდვის ჩატარება.

ზეთისცხებას ატარებს მელქიცედეკის მღვდლობის მატარებელი პირი. იგი:

1. აწვეთებს პიროვნებას თავზე ზეთს.

2. მსუბუქად ადებს პიროვნებას თავზე ხელებს და მიმართავს მას სახელითა და გვარით.

3. აცხადებს, რომ ის მოქმედებს მელქიცედეკის მღვდლობის უფლებამოსილებით.

4. აცხადებს, რომ ის ატარებს ზეთისცხებას ზეთით, რომელიც ნაკურთხია ავადმყოფებისა და გასაჭირში მყოფი ადამიანებისთვის.

5. დაასრულებს იესო ქრისტეს სახელით.

ზეთისცხების ჩასაბეჭდად მელქიცედეკის მღვდლობის მატარებელი ერთი ან ერთზე მეტი პირი მსუბუქად ადებს ხელებს პიროვნებას თავზე. შემდეგ ზეთისცხების ჩამბეჭდველი:

1. მიმართავს პირს სახელითა და გვარით.

2. აცხადოს, რომ ის ჩაბეჭდავს ზეთისცხებას მელქიცედეკის მღვდლობის უფლებამოსილებით.

3. ლოცავს პიროვნებას (ხელმძღვანელობს სულიწმინდის კარნახით).

4. დაასრულებს იესო ქრისტეს სახელით.

2:3

მელქიცედეკის მღვდლობის მატარებელ პირს შეუძლია ნუგეშისა და რჩევის დალოცვის მიცემა ოჯახის წევრებისთვის და ყველასთვის, ვინც მოითხოვს მათ.

მელქიცედეკის მღვდლობის მატარებელ მამას შეუძლია შვილებისთვის მამის დალოცვის მიცემა. მშობლები აგულიანებენ შვილებს, ეძიონ მამის დალოცვა გასაჭირის ჟამს. შესაძლებელია მამის დალოცვის ჩაწერა პირადი გამოყენების მიზნით.

მელქიცედეკის მღვდლობის მატარებელ პირს ნუგეშისა და რჩევის ან მამის დალოცვისთვის არ სჭირდება მღვდლობის ხელმძღვანელისგან ნებართვის აღება.

ნუგეშის და რჩევის ან მამის დალოცვის მისაღებად, მელქიცედეკის მღვდლობის მატარებელი ერთი ან მეტი პირი მსუბუქად ადებს პიროვნებას თავზე ხელებს. შემდეგ ერთ-ერთი ხმამაღლა ამბობს:

1. მიმართავს პირს სახელითა და გვარით.

2. აცხადებს, რომ დალოცვა მელქიცედეკის მღვდლობის უფლებამოსილებით სრულდება.

3. ლოცავს, ანუგეშებს და აძლევს რჩევას პიროვნებას (ხელმძღვანელობს სულიწმინდის კარნახით).

4. დაასრულებს იესო ქრისტეს სახელით.

სახლის დალოცვას ახდენს მელქიცედეკის მღვდლობის მატარებელი პირი.

1. ლოცვით მიმართავს მამაზეციერს.

2. აცხადოს, რომ ის მოქმედებს მელქიცედეკის მღვდლობის უფლებამოსილებით.

3. დალოცავს სახლს როგორც წმინდა ადგილს, სადაც სულიწმინდას შეუძლია ყოფნა და ამბომს სხვა სიტყვებსაც, სულიწმინდის კარნახით.

4. დაასრულებს იესო ქრისტეს სახელით.

პიროვნება, რომელიც დალოცავს საფლავს, უნდა იყოს მელქიცედეკის მღვდლობის მატარებელი პირი და ჰქონდეს უფლებამოსილება სამღვდელოების ხელმძღვანელისგან, რომელიც უძღვება მსახურებას.

საფლავის დალოცვისთვის მელქიცედეკის მღვდლობის მატარებელი პირი:

1. ლოცვით მიმართავს მამაზეციერს.

2. აცხადოს, რომ ის მოქმედებს მელქიცედეკის მღვდლობის უფლებამოსილებით.

3. დალოცავს და ჩცატარებს საფლავის მიძღვნის წეს-ჩვეულებას, როგორც გარდაცვლილის განსვენების ადგილისა.

4. ლოცულობს, რომ ადგილი განიწმინდოს და იყოს დაცული აღდგომამდე (სადაც ეს მართებულია).

5. სთხოვს მამაზეციერს, ანუგეშოს ოჯახი და გამოხატავს აზრებს სულიწმინდის კარნახით.

6. დაასრულებს იესო ქრისტეს სახელით.

თუ ეკლესიის წევრის ცხედარი კრემირებულია, თავმჯდომარე ხელმძღვანელი თავად განსჯის, აკურთხოს თუ არა ფერფლის სამყოფელი ადგილი.

1:58

რეკომენდაციის მიღების შემდეგ წევრი უკავშირდება პატრიარქს, რათა დაინიშნოს პატრიარქის კურთხევის მიღების დრო. დანიშნულ დღეს წევრი მიდის პარიარქთან ლოცვის განწყობით და საკვირაო ტანისამოსით.

პატრიარქის ყოველი კურთხევა არის წმინდა, კონფიდენციალური და პირადი. ამიტომ, მას აძლევენ პირადად; დაშვებულია მხოლოდ რამდენიმე ოჯახის წევრის დასწრება.

პიროვნება, რომელიც იღებს პატრიარქის კურთხევას, უნდა აფასებდეს მის სიტყვებს, ფიქრობდეს მათზე და იცხოვროს ისე, რომ იყოს ღირსი პატრიარქის კურთხევაში დაპირებული კურთხევებისა ამ ცხოვრებასა და მარადისობაში.

ეკლესიის წევრებმა არ უნდა შეადარონ კურთხევები და არ უნდა უზიარებდნენ მათ არავის, გარდა ოჯახის ახლო წევრებისა. პატრიარქის კურთხევებს არ უნდა კითხულობდნენ საეკლესიო შეხვედრებზე ან სხვა საჯარო შეკრებებზე.