Ol Henbuk na kolin
11. Yang Women

“11. Yang Women,” Ol Seleksen i kam long Jeneral Henbuk (2023).

“11. Yang Women,” Ol Seleksen i kam long Jeneral Henbuk

yang women ausait

11.

Yang Women

11.1

As Tingting na Oganaisesen

11.1.1

As Tingting

Yang Women oganaisesen i halivim ol yangpela meri mekim na kipim ol sekred kavanen na mekim bikpela senis bilong ol i go long Jisas Krais na gospel bilong Em.

11.1.2

Yang Women Thim

“Mi wanpela pikinini meri bilong ol papamama long heven ol i laikim mi tumas, wantaim pasin bilong God na laip oltaim bai kam.

“Olsem wanpela disaipel bilong Jisas Krais, Mi traim long kamap olsem Em. Mi painim na mekim samting long revelesen i kam long mi yet na minista i go long ol narapela long holi nem bilong Em.

“Mi bai sanap olsem witnes bilong God long olgeta taim na insait long olgeta samting na long olgeta ples.

“Taim mi traim long kisim mak bilong eksaltesen, mi holim pas dispela presen bilong tanim bel na painim pasin bilong mekim gut olgeta dei. Wantaim bilip, Mi bai strongim haus na famili bilong mi, mekim na kipim ol sekred kavanen, na kisim ol odinens na blesing bilong holi temple.”

11.1.3

Ol Klas

Ol yang women bai kamap memba bilong Yang Women class stat long Janueri long dispela yia ol bai kamap 12.

Ol bishoprik na adalt Yang Women lida bai pre na mekim disisen long ogainaisim ol klas long wanwan krismas bilong ol. Wanwan klas, maski long sais bilong klas i mas gat wanpela presiden na, sapos i isi, wanpela o tupela kaunsela na sekreteri.

11.2

Tek pat insait long Wok bilong God long Salvesen na Eksaltesen

11.2.1

Stap insait long Gospel bilong Jisas Krais.

11.2.1.2

Lainim Gospel

Ol Klas miting bai holim long namba tu na namba fo Sande bilong mun. Ol miting bai kisim 50 pela minis. Wanpela memba bilong presidensi bai kondak. Em bai lidim klas long kolim dispela thim na kaunsel wantaim long ol asainmen na ol narapela samting.

Wanpela klas memba o adalt lida bai lidim gospel instraksen.

11.2.1.3

Sevis na ol Ektiviti

Ol sevis wok na ol ektiviti bai bildim ol testimoni, strongim famili, kamapim yuniti long klas, na givim ol opotuniti long blesim ol narapela.

Sampela sevis na ol ektiviti bai kamap wantaim yang men na yang women, moa yet ol bikpela yut.

Ol Ektiviti bilong Wanpela Yia Wantaim ol dispela yut ektiviti, ol yang women bai tek pat tu long ol dispela long wanwan yia:

  • Wanpela Yang Women Kemp (lukim Yang Women Kemp Gaid).

  • Wanpela wod o stek yut konferens o wanpela For the Strength of Youth (FSY) konferens.

11.2.1.4

Divelopmen bilong wanwan

Long wok bilong ol long kamap moa olsem Seivia, ol yut i kisim invitesen long setim ol gol long gro long spirit, long sosel sait, long bodi, na long tingting.(lukim Luke 2:52).

Long moa infomesen, lukim ChildrenandYouth.ChurchofJesusChrist.org.

11.2.2

Lukautim ol Lain i gat Nid.

Yang women i mas gat ol planti opotuniti long sevim ol narapela insait na wantaim ol famili, long yut ektiviti, na long ol yet.

11.2.2.1

Ministaring

Ol yang women bai kisim ol ministaring asainmen stat long Janueri bilong yia ol bai kamap 14. Long moa inpomesen, lukim chapter 21.

11.2.3

Invaitim Olgeta long Kisim dispela Gospel

Yang women i invaitim olgeta long kisim dispela gospel taim ol i “sanap olsem witnes bilong God long olgeta taim na insait long olgeta samting, na long olgeta ples” (Mosiah 18:9).

Ol papamama na ol lida i ken halivim ol yang women redi long serim gospel long laip bilong ol.

11.2.4

Yunaitim ol Famili long Laip Oltaim.

Yang women ken halivim long yunaitim ol famili long laip oltaim long planti wei.

  • Givim ona long papamama na setim wanpela eksampel long pasin bilong stap olsem Krais insait long haus.

  • Redi long kisim temple odinens. wantaim marit bilong laip oltaim.

  • Painim ol tumbuna husait i nidim temple odinens (lukim FamilySearch.org).

  • Tek pat long ol baptisim na konfemesen bilong ol dai lain taim i gat ol gutpela taim i kamap.

11.3

Lidasip bilong ol Wod Yang Women

11.3.1

Bisoprik

Bikpela wok bilong bisop em long lukautim ol nuipela jeneresen insait long wod bilong em. Em na ol kaunsela bilong em bai lainim ol nem bilong ol and save gut long ol stap bilong ol long ol haus bilong ol. Ol bai bung wantaim wanwan yang women olsem tupela taim long wanpela yia (lukim 31.3.1).

Bisop i gat wok bilong Yang Women Oganaisesen insait long wod. Em bai bung wantaim Yang Women presiden planti taim.

Bisop na ol kaunsela bilong em bai tek pat insait long ol Yang Women miting, sevis na ol ektiviti.

11.3.2

Adalt Yang Women Presidensi

Bisop bai kolim na setim apat wanpela adalt meri long sev olsem wod Yang Women presiden. Sapos yunit i bikpela, em bai rekomendim long em wanpela ol tupela meri long sev olsem ol kaunsela bilong em (lukim chapter 30).

Insait long liklik yunit, Yang Women presiden bai wanpela tasol wantaim koling insait long yang Women Oganaisesen. Long dispela, em bai wok wantaim ol papamama long stretim ol instratksen na ol ektiviti bilong ol yang women.

Sapos wanpela brans i nogat Yang Women presiden,Rilif Sosaiti presiden bai oganaisim instraksen bilong ol yang women inap wanpela Yang Women president i kisim koling.

Yang Women presiden i gat ol dispela wok: Ol kaunsela bilong em bai halivim em.

  • Sev long wod kaunsil.

  • Sev olsem wanpela memba bilong wod yut kaunsil (Lukim 29.2.6).

  • Minista long wanwan yang women.

  • Tisim ol narapela Yang Women lida na klas presiden long ol wok bilong ol.

  • Kaunsel wantaim ol yang women long ol salens we i no nidim bisop o i gat pasin bilong abius (lukim 32.3, 31.3.1, na 38.6.2).

11.3.4

Klas Presidensi na Sekreteri

11.3.4.1

Kolim, Satenim, na Setim Apat

Wanwan Yang Women klas i mas gat klas presidensi.

Wanpela memba bilong bisoprik bai kolim wanpela yangpela meri long sev olsem klas presiden. Taim i gat inap yang women long sev, em bai pre na skelim ol klas memba long rekomendim olsem kaunsela na sekreteri.

Bihain long givim ol dispela koling, wanpela memba bilong bisoprik bai presentim ol yang women long klas bilong kisim sasteining. Bisop o wanpela asain kaunsela bai setim apat ol yang women.

11.3.4.2

Ol Wok

Ol klas presiden bai sev long wod yut kaunsil.(lukim 11.3.4.4). Ol klas presidensi tu i gat ol dispela wok:

  • Lidim ol wok bilong klas long tek pat long wok bilong God long salvesen na eksaltesen (lukim sapta 1).

  • Save gut long ol na sevim wanwan yang women, wantaim tu ol dispela i no save kam long ol miting.

  • Plenim na kondaktim ol Sande klas miting (lukim 11.2.1.2).

  • Plenim na karimaut ol klas sevis na ektiviti (lukim 11.2.1.3).

11.3.4.3

Klas Presidensi Miting

Yang Women klas presidensi bai bung planti taim. Klas presiden bai kondak long ol dispela miting. Ol Adalt Young Women lida asain long sapotim klas presidensi bai kam stap tu long miting.

11.3.4.4

Wod Yut Kaunsil

Lukim 29.2.6 long kisim moa inpomesen long wod yut kaunsil.

11.6

Ol Sampela Moa Gaidlain na Polisi

11.6.1

Lukautim ol Pikinini

Taim ol adalt i go kam namel long ol yut insait long Sios hap, i mas gat tupela adalt i mas stap. Sampela taim em bai impoten long putim ol klas wantaim long mekim isi.

Olgeta adalt husat i wok wantaim ol yut i mas mekim na pinisim dispela treining bilong lukautim ol liklik pikinini na ol yut insait long dispela mun ol i kisim sasteining vot (ProtectingChildren.ChurchofJesusChrist.org).