Li naʼlebʼ isinbʼil chaq saʼ li Jolomil Kʼanjenel Hu

Li wan chi saʼ
Perel re xjolomil li aatin
Chan ru roksinkil Li naʼlebʼ isinbʼil chaq saʼ li Jolomil Kʼanjenel Hu
Xk’ojob’ankil li tzol’leb’
- 0. Tusulal sa’ xtiklajik
- 1. Lix k’uub’anb’il na’leb’ li Dios, ut laa na’aj sa’ li k’anjel re li kolb’a-ib’ ut li taqenaqil loq’al
- 2. Xtenq’ankileb’ li komon ut eb’ li junkab’al sa’ li k’anjel re li kolb’a-ib’ ut li taqenaqil loq’al
- 3. Eb’ li na’leb’ chirix li tijonelil
- 4. Li b’eresink ut eb’ li jolomil ch’uut sa’ lix Iglees li Jesukristo
Xkʼuubʼlajik li Iglees
- 5. Li b’eresink sa’ xjolomil li Iglees ut sa’ li area
- 6. Li b’eresink sa’ li oqech
- 7. Li obiispil
- 8. Li molam reheb’ li xb’eenil
- 9. Li Komonil re Tenq’ank
- 10. Eb’ li molam re li Tijonelil re Aaron
- 11. Eb’ li Saaj Ixq
  - 11.1. K’a’ru rajb’al, ut chan ru naq k’uub’anb’il
  - 11.2. Li tz’aqonk sa’ li k’anjel re li kolb’a-ib’ ut li taqenaqil loq’al
  - 11.3. Li b’eresink sa’ li k’anjel reheb’ li Saaj Ixq sa’ li teep
  - 11.6. Xkomon chik li b’eresink ut li chaq’rab’ink
- 12. Li Tzoleb’aal reheb’ li Kok’al
- 13. Li Dominkil Tzoleb’aal
- 14. Eb’ li komon li ink’a’ sumsuukeb’
- 15. Eb’ li seminario ut instituto
Li k’anjel re li kolb’a-ib’ ut li taqenaqil loq’al
- Xyu’aminkil lix evangelio li Jesukristo
  - 16. Xyu’aminkil lix evangelio li Jesukristo
  - 17. Xk’utb’al li evangelio
  - 18. Xk’anjelankileb’ li k’ojob’anb’il k’anjel ut li osob’tesink rik’in li tijonelil
  - 19. Li b’ich
  - 20. Eb’ li kok’ k’anjel
- Xtenq’ankileb’ li wankeb’ rajom ru
  - 21. Li ilok komon
  - 22. Xk’eeb’al li ajb’il ru re li yu’am a’in, ut xwaklesinkil li tenq’ank-ib’
- Xb’oqb’aleb’ chixjunil chixk’ulb’al li evangelio
  - 23. Xwotzb’al li evangelio, ut xk’eeb’al xkawilaleb’ li ak’ komon ut li yookeb’ chi sutq’iik
  - 24. Li k’a’ru tz’aamanb’il re xik sa’ li mision, ut li k’anjelak sa’ li mision
- Xk’amb’aleb’ li junkab’al sa’ junajil sa’ li junelik q’e kutan
  - 25. Li k’anjel re li santil ochoch ut resilal li junkab’al sa’ li teep ut li oqech
  - 26. Eb’ li recomendacion re li santil ochoch
  - 27. Eb’ li k’ojob’anb’il k’anjel re li santil ochoch choq’ reheb’ li yo’yookeb’
  - 28. Eb’ li k’ojob’anb’il k’anjel re li santil ochoch choq’ reheb’ li kamenaq
Xb’eresinkil li Iglees
- 29. Eb’ li ch’utam sa’ li Iglees
- 30. Eb’ li b’oqok sa’ li Iglees
- 31. Li tz’ilok-ix ut xkomoneb’ chik li ch’uut rik’ineb’ li komon
- 32. Li jalb’a-k’a’uxlej ut eb’ li ch’utam re komonil
- 33. Eb’ li tz’iib’anb’il esil, ut li q’axtesink esil
- 34. Li tumin ut li xtz’ilb’al rix li tumin
- 35. Rilb’aleb’ ut roksinkileb’ li ch’utleb’aal kab’l
- 36. Xk’uub’ankileb’, xjalb’aleb’, ut xk’eeb’al xk’ab’a’eb’ li ak’ ch’uut
  - 36.0. Xtikibʼankil
- 37. Eb’ li oqech, li teep, ut li uq’ej li k’uub’anb’ileb’ choq’ re jun tz’aqal ajom
- 38. Eb’ li chaq’rab’ink ut li b’eresink choq’ re li Iglees

11. Eb’ li Saaj Ixq

“11. Eb’ li Saaj Ixq,” Li na’leb’ isinb’il chaq sa’ li Jolomil K’anjenel Hu (2023).

“11. Eb’ li Saaj Ixq,” Li na’leb’ isinb’il chaq sa’ li Jolomil K’anjenel Hu

11.

Eb’ li Saaj Ixq

11.1

K’a’ru rajb’al, ut chan ru naq k’uub’anb’il

11.1.1

K’a’ru rajb’al

Li k’anjenel ch’uut reheb’ li Saaj Ixq naxtenq’aheb’ li saaj ixq chixb’aanunkileb’ ut chixpaab’ankileb’ li loq’laj sumwank, ut chixchamob’resinkil lix jalajikeb’ xch’ool chirix li Jesukristo ut lix evangelio.

11.1.2

Li ch’ol aatin choq’ reheb’ li Saaj Ixq

“Laa’in jun raarookil xrab’in li choxahil na’b’ej yuwa’b’ej, ut wan inchoxahilal ut lin junelikil eechanihom.

“Jo’ xtzolom li Jesukristo, ninyal inq’e chi wulak jo’ a’an. Ninsik’ ut nink’anjela li k’utb’esinb’il na’leb’ nak’eeman we ut nink’anjelak chiruheb’ li was wiitz’in sa’ lix santil k’ab’a’ a’an.

“Tinxaqliiq joʼ aj yehol nawom chirix li Dios saʼ chixjunil hoonal, ut saʼ chixjunil li kʼaʼaq re ru, ut saʼ chixjunil li naʼajej.

“Naq yooqin chixyalb’al inq’e re naq k’ulub’ejaqin choq’ re li taqenaqil loq’al, nink’e xloq’al li maatan re li jalb’a-k’a’uxlej ut ninyal chaab’ilo’k rajlal kutan. Rik’in paab’aal, tinkawob’resi li wochoch ut lin junkab’al, tinb’aanuheb’ ut tinpaab’eb’ li loq’laj sumwank, ut tink’uleb’ li k’ojob’anb’il k’anjel ut eb’ li rosob’tesihom li santil ochoch.”

11.1.3

Eb’ li tzoleb’aal

Eb’ li saaj ixq neke’ok sa’ jun tzoleb’aal reheb’ li Saaj Ixq sa’ enero re li chihab’ te’xket wi’ 12 chihab’.

Eb’ li obiispil ut eb’ laj jolominel reheb’ li saaj ixq neke’tijok re xk’uub’ankil chan ru naq te’tusub’amanq li tzoleb’aal reheb’ li Saaj Ixq a’ yaal xchihab’eb’ li ani wankeb’ chi sa’. Sa’ li junjunq chi tzoleb’aal, us ta ka’ch’in, tento taawanq jun awa’b’ej, ut b’ar wi’ naru, jun malaj wiib’ laj tenq’ aj k’ehol na’leb’ ut jun aj tz’iib’anel.

11.2

Li tz’aqonk sa’ li k’anjel re li kolb’a-ib’ ut li taqenaqil loq’al

11.2.1

Xyu’aminkil lix evangelio li Jesukristo

11.2.1.2

Xtzolb’al li evangelio

Neke’b’aanuman lix ch’utameb’ li tzoleb’aal sa’ li xkab’ ut xkaa domingo re li po. Neke’wan chiru 50 k’asal. Jun komon sa’ li awa’b’ejil re tzoleb’aal nab’eresink. A’an naxk’ameb’ xb’e li tzoleb’aal sa’ xyaab’asinkil li ch’ol aatin ut sa’ xk’uub’ankil li na’leb’ sa’ komonil chirix li k’eeb’ileb’ wi’ xtaqlankileb’, ut chirix xkomoneb’ chik li na’leb’.

Jun komon sa’ li tzoleb’aal malaj jun ixq aj jolominel naxb’eresi li tzolok.

11.2.1.3

Li k’anjelak chiru as iitz’inb’ej ut li kok’ k’anjel

Li k’anjelak chiru as iitz’inb’ej ut li kok’ k’anjel tento naq te’xwaklesi li xnawom ch’oolej, te’xk’e xkawilaleb’ li junkab’al, te’xwaklesi li junajil sa’ li tzoleb’aal, ut te’xkanab’eb’ li komon chirosob’tesinkil li ras riitz’ineb’.

Sa’ junjunqeb’ li kok’ k’anjel ut li k’anjelak chiru as iitz’inb’ej, tento te’tz’aqonq li saaj winq jo’ ajwi’ li saaj ixq, ut mas wi’chik rik’ineb’ li saaj li xe’ninqan xchihab’.

Eb’ li k’anjel re rajlal chihab’. Rochb’een li kok’ k’anjel reheb’ li saaj li neke’b’aanuman chi kok’ aj xsa’, eb’ li saaj ixq naru ajwi’ neke’tz’aqon sa’eb’ li k’anjel a’in rajlal chihab’:

Jun campamento reheb’ li Saaj Ixq (chi’ilmanq Guía de campamento de las Mujeres Jóvenes).
Jun ch’utub’aj-ib’ reheb’ li saaj sa’ li teep malaj li oqech, malaj jun conferencia Para la Fortaleza de laj Juventud (PFJ).

11.2.1.4

Xchaab’ilob’resinkil rib’ li junjunq

Rik’in naq yookeb’ chixyalb’al xq’e chi wank jo’ chanru li Kolonel, napatz’man reheb’ li saaj naq te’xk’e xmeta re nimank sa’ musiq’ej, sa’ komonil, sa’ tz’ejwalej, ut sa’ k’a’uxlej (chi’ilmanq Lukas 2:52).

Re xtawb’al xkomon chik li na’leb’, chi’ilmanq ChildrenandYouth.ChurchofJesusChrist.org.

11.2.2

Xtenq’ankileb’ li wankeb’ rajom ru

Tento naq te’k’eemanq xhoonal li saaj ixq chi k’anjelak chiruheb’ li ras riitz’in chi kok’ aj xsa’, sa’ ut rochb’een lix junkab’aleb’, sa’eb’ li k’anjel reheb’ li saaj, ut xjuneseb’ rib’.

11.2.2.1

Li ilok komon

Eb’ li saaj ixq naru neke’k’ehe’ xtaqlankileb’ jo’ aj ilol komon sa’ xtiklajik li enero re li chihab’ te’xket wi’ 14 chihab’. Re xtawb’al xkomon chik li na’leb’, chi’ilmanq ch’ol 21.

11.2.3

Xb’oqb’aleb’ chixjunil chixk’ulb’al li evangelio

Eb’ li saaj ixq neke’xb’oqeb’ chixjunil chi chalk rik’in li Kristo naq “neke’xaqli joʼ aj yehol nawom chirix li Dios saʼ chixjunil hoonal, ut saʼ chixjunil li kʼaʼaq re ru, ut saʼ chixjunil li naʼajej” (Mosiah 18:9).

Eb’ li na’b’ej yuwa’b’ej ut eb’ laj jolominel naru neke’xtenq’aheb’ li saaj ixq chixkawresinkil rib’ re te’xwotz li evangelio chiru chixjunil lix yu’ameb’.

11.2.4

Xk’amb’aleb’ li junkab’al sa’ junajil sa’ li junelik q’e kutan

Eb’ li saaj ixq naab’al paay ru chan ru neke’ru chi tenq’ank sa’ xk’amb’aleb’ li junkab’al sa’ junajil sa’ li junelik q’e kutan.

Naru te’roxloq’i lix na’ xyuwa’ ut te’xk’ut rik’in xb’aanuhom li wank jo’ chanru li Kristo sa’ li rochocheb’.
Naru te’xkawresi rib’ chixk’ulb’aleb’ li k’ojob’anb’il k’anjel sa’ li santil ochoch, jo’ li junelikil sumlaak.
Naru te’xtaw xk’ab’a’eb’ lix xe’ xtooneb’ li neke’raj ru li k’ojob’anb’il k’anjel re li santil ochoch (chi’ilmanq FamilySearch.org).
Naru te’tz’aqonq sa’ li kub’iha’ ut li k’ojob’aak sa’ li Iglees choq’ reheb’ li kamenaq, a’ yaal jo’ naru chiruheb’.

11.3

Li b’eresink sa’ li k’anjel reheb’ li Saaj Ixq sa’ li teep

11.3.1

Li obiispil

Li xb’een xteneb’ankil li obiisp a’an rilb’aleb’ li saaj winq ut li saaj ixq sa’ lix teep. A’an ut eb’ laj tenq’ aj k’ehol na’leb’ neke’xtzol lix k’ab’a’eb’ ut neke’xnaw chan ru naq wankeb’ sa’ li rochocheb’. Neke’xb’aanu jun tz’ilok-ix rik’in li junjunq chi saaj ixq wiib’ sut chiru li jun chihab’ (chi’ilmanq 31.3.1).

Li obiisp wan xwankil sa’ xb’een li k’anjel reheb’ li Saaj Ixq sa’ li teep. Nach’utla chi kok’ aj xsa’ rik’in li awa’b’ej reheb’ li Saaj Ixq re teep.

Li obiisp ut eb’ laj tenq’ aj k’ehol na’leb’ neke’tz’aqon chi kok’ aj xsa’ rik’ineb’ li saaj ixq sa’eb’ lix ch’utam, naq neke’k’anjelak chiru as iitz’inb’ej, ut sa’eb’ lix kok’ kanjel.

11.3.2

Eb’ li ixq sa’ li awa’b’ejil reheb’ li Saaj Ixq

Li obiisp naxb’oq ut naxxaqab’ jun ixq choq’ awa’b’ej reheb’ li Saaj Ixq re teep. Wi nim b’ayaq li teep, li awa’b’ej a’an naxk’e xk’ab’a’eb’ wiib’ chik ixq re te’b’oqe’q choq’ aj tenq’ aj k’ehol na’leb’ (chi’ilmanq ch’ol 30).

Wi ka’ch’in li teep, naru naq ka’ajwi’ jun ixq taab’oqe’q choq’ awa’b’ej sa’ li ch’uut reheb’ li Saaj Ixq. Wi jo’kan na’uxman, li awa’b’ej nak’anjelak rochb’eeneb’ li na’b’ej yuwa’b’ej re xk’uub’ankil li tzolok ut li k’anjel choq’ reheb’ li saaj ixq.

Wi sa’ jun li uq’ej re li Iglees maak’a’ jun awa’b’ej reheb’ li Saaj Ixq, li awa’b’ej re li Komonil re Tenq’ank naru naxk’uub’eb’ li k’utuk choq’ reheb’ li saaj ixq, toj reetal naq taab’oqmanq jun awa’b’ej reheb’ li Saaj Ixq.

A’aneb’ a’in xteneb’ankil li awa’b’ej reheb’ li Saaj Ixq. Eb’ laj tenq’ aj k’ehol na’leb’ neke’xtenq’a.

Nak’anjelak sa’ li ch’uut re teep.
Nak’anjelak jo’ jun komon sa’ li ch’uut reheb’ li saaj re teep (chi’ilmanq 29.2.6).
Nak’anjelak chiruheb’ li saaj ixq chi junjunqal.
Naxtzoleb’ laj jolominel reheb’ li Saaj Ixq ut eb’ li awa’b’ej re tzoleb’aal chirix lix teneb’ankileb’.
Naxk’e xna’leb’eb’ li saaj ixq wi wan li ch’a’ajkilal li ink’a’ na’ajman ru naq taarab’i li obiisp, ut naq ink’a’ x’ux li muxe’k (chi’ilmanq 32.3, 31.3.1, ut 38.6.2).

11.3.4

Li awa’b’ejil re tzoleb’aal ut laj tz’iib’anel

11.3.4.1

Xb’oqb’aleb’, xk’utb’al xk’ab’a’eb’, ut xxaqab’ankileb’

Sa’ li junjunq chi tzoleb’aal reheb’ li saaj ixq tento taawanq jun awa’b’ejil.

Jun komon sa’ li obiispil naxb’oq jun saaj ixq re k’anjelak jo’ awa’b’ej re tzoleb’aal. Wi wankeb’ naab’al li saaj ixq, li awa’b’ej a’an naxk’oxla rik’in tijok ani reheb’ li komon sa’ li tzoleb’aal naru te’k’anjelaq jo’ aj tenq’ aj k’ehol na’leb’ ut jo’ aj tz’iib’anel.

Chirix xb’aanunkil li b’oqok a’in, li komon sa’ li obiispil naxk’ut xk’ab’a’eb’ li saaj ixq sa’ lix tzoleb’aaleb’ re te’xaqab’aaq xwankil. Li obiisp malaj jun laj tenq’ aj k’ehol na’leb’ li k’eeb’il xtaqlankil naxxaqab’ li saaj ixq sa’ lix k’anjel.

11.3.4.2

Eb’ li teneb’ank

Eb’ li awa’b’ej re tzoleb’aal neke’k’anjelak sa’ li ch’uut reheb’ li saaj re li teep (chi’ilmanq 11.3.4.4). Wan chik li teneb’anb’il sa’ xb’eeneb’ li awa’b’ejil reheb’ li tzoleb’aal:

Neke’xb’eresi lix k’anjeleb’ li tzoleb’aal re naq yooqeb’ chi tz’aqonk sa’ li k’anjel re li kolb’a-ib’ ut li taqenaqil loq’al (chi’ilmanq ch’ol 1).
Neke’xnaweb’ ru ut neke’k’anjelak chiru li junjunq chi saaj ixq, jo’ ajwi’ eb’ li ink’a’ neke’wulak sa’eb’ li ch’utam re li tzoleb’aal.
Neke’xk’uub’eb’ ut neke’xb’eresiheb’ li ch’utam re li tzoleb’aal sa’ domingo (chi’ilmanq 11.2.1.2).
Neke’xk’uub’ ut neke’xb’aanu li k’anjelak chiru as iitz’inb’ej ut eb’ li kok’ k’anjel re li tzoleb’aal (chi’ilmanq 11.2.1.3).

11.3.4.3

Li ch’utam re li awa’b’ejil re tzoleb’aal

Eb’ li awa’b’ejil sa’eb’ li tzoleb’aal reheb’ li Saaj Ixq neke’ch’utla chi kok’ aj xsa’. Li awa’b’ej re tz’oleb’aal naxb’eresiheb’ li ch’utam a’in. Neke’wulak ajwi’ li ixq aj jolominel li k’eeb’ileb’ xtaqlankil chixtenq’ankil li awa’b’ejil re tzoleb’aal.

11.3.4.4

Li ch’uut reheb’ li saaj re teep

Chi’ilmanq 29.2.6 re xtawb’al xkomon chik li na’leb’ chirix li ch’uut reheb’ li saaj re li teep.

11.6

Xkomon chik li b’eresink ut li chaq’rab’ink

11.6.1

Xkolb’aleb’ rix li saaj

Naq eb’ komon ak ninqeb’ wankeb’ rik’ineb’ li saaj sa’ li Iglees, aajel ru naq junelik te’wanq wiib’ li komon ninq li chaab’ileb’ xch’ool. Wan naq aajelaq ru naq wiib’ li tzoleb’aal te’ch’utlaaq sa’ komonil re taaruuq taa’uxmanq a’in.

Chixjunileb’ li komon ninqeb’ li neke’k’anjelak rik’ineb’ li saaj tento te’xb’aanu li tzolok chirix xkolb’aleb’ rix li kok’al ut li saaj naq maji’ nanume’ jun po chirix naq xaqab’anb’ileb’ sa’ xk’anjel (ProtectingChildren.ChurchofJesusChrist.org).