Mu pir’eg e falfalaen’ u dakean Kristus

Tin ni gara me’eleg e rib ga’fan. Tin ni gara me’eleg ni bay rogon ko fapi machib ko gospel e kanawo’en nrayag ni nge powi’iyem me chugur nigem ngak e Chitamangim nu Tharmiy nge Yesus Kristus. Yesus e ga’ar,“Kugog e re bugithin ney ngomed, … ni bochan e nge yan i mus ngarogon e falflaen’romed.”(John 15:11). Ra reb e tawoq Ngak, ma gara thamiy ni gabe chugur nigem ngak fare Thothup ma fare tha’ rom ko m’ag ngak Got e yira gelnag gelngin.

Machane dar yupfan ni fare pi’i kanawo’ e dabi yib e lumel ngay. Ma bachan e dariy be’ nima yean ulan fare pi’i kanawo’ nib kiki’iy nib polo’, aram fan ni rib ga’fan ni nga’um guy rogon e gin ni gabe sor ngay nge tayfan fapi motochiyel rok’ Got. Mu ayuweg fapi m’ag rom ngak Got, mag fal’ag rogom ni ngeyag ni mu ngongliy boech. Fapi m’ag era ta’areb nigem ngak e Chitamangiy nu Tharmiy nge fare Tathapeg. Ra gelnag gelngin Got ko yafos rom mara fal’ag rogom ngam thapeg e yafos ni manechubog.

Ko urngin mit e me’eleg, fare bin th’abi ga’fan ko me’eleg e ngan leak wo’en Yesus Kristus. I Ir e fare gelingin e fal’yangren. Fare gospel Rok’ e ir kanawo’en e falfalaen’ ngak e Chitamangim nu Tharmiy.