Personal Study Tracker

Pe’e i te ’imira’a a te ta’ata hō’ē

’A pāpa’i i tā ’oe ’ōpuara’a nō te ha’api’i i te reo peretāne.

’Ōpuara’a : Tē hina’aro nei au e ha’api’i mai i te reo peretāne nō te mea :

E nehenehe ’oe e ha’amaita’i i tō ’oe ’aravihi nō te ha’api’i mai nā roto i te pe’era’a i tā ’oe mau tauto’ora’a ’e te ha’amaura’a i te mau fā nō te ha’amaita’i atu ā. ’A fa’a’ohipa i te « Pe’e i te ’imira’a a te ta’ata hō’ē » nō te pe’e i tā ’oe mau tauto’ora’a. I muri mai i te ha’api’ira’a tāta’itahi, ’a ha’amau i te hō’ē fā ’ōhie. ’A ha’apōpou i tō ’oe nu’ura’a i mua ; e ha’afātata atu ā te tauto’ora’a tātā’itahi ia ’oe i tā ’oe fā.

Tauto’ora’a iti roa a’e

Tauto’ora’a au noa

Tauto’ora’a rahi

« Pe’e i te ’imira’a a te ta’ata hō’ē » e nehenehe e nene’i

tāpa’o ’ute’ute, re’are’a, matie ha’a’atihia te ’ute’ute

Lesson Ha’api’ira’a	Study the Principle of Learning Ha’api’i i te parau tumu nō te ’apo i te ha’api’ira’a	Memorize Vocabulary Tāmau ’ā’au i te pu’e ta’o	Practice the Patterns Ha’api’ipi’i i te mau hi’ora’a	Practice Daily Ha’api’ipi’i i te mau mahana ato’a	My Goal Tā’u fā
Lesson Ha’api’ira’a 1	Study the Principle of Learning Ha’api’i i te parau tumu nō te ’apo i te ha’api’ira’a	Memorize Vocabulary Tāmau ’ā’au i te pu’e ta’o	Practice the Patterns Ha’api’ipi’i i te mau hi’ora’a	Practice Daily Ha’api’ipi’i i te mau mahana ato’a	My Goal Tā’u fā Tai’o i te ’ōmuara’a. ’A rave fa’aoti i te tuha’a « ’Imira’a a te ta’ata hō’ē » nō te ha’api’ira’a 2.
Lesson Ha’api’ira’a 2	Study the Principle of Learning Ha’api’i i te parau tumu nō te ’apo i te ha’api’ira’a	Memorize Vocabulary Tāmau ’ā’au i te pu’e ta’o	Practice the Patterns Ha’api’ipi’i i te mau hi’ora’a	Practice Daily Ha’api’ipi’i i te mau mahana ato’a	My Goal Tā’u fā Ha’api’i i te parau tumu nō te ’apo i te ha’api’ira’a hou i te ha’api’ira’a.
Lesson Ha’api’ira’a 3	Study the Principle of Learning Ha’api’i i te parau tumu nō te ’apo i te ha’api’ira’a	Memorize Vocabulary Tāmau ’ā’au i te pu’e ta’o	Practice the Patterns Ha’api’ipi’i i te mau hi’ora’a	Practice Daily Ha’api’ipi’i i te mau mahana ato’a	My Goal Tā’u fā ’Ia pure au, e fa’a’ohipa vau i te mau ta’o reo peretāne ’āpī.

Study Suggestions

Mau mana’o tauturu nō te ha’api’ira’a

E nehenehe e fa’a’ohipa i te mau mana’o tauturu i raro nei nō te ha’amaita’i i tā ’oe ha’api’ira’a.

Study the Principle of Learning

Ha’api’i i te parau tumu nō te ’apo i te ha’api’ira’a

Pure. ’A ha’amata ’e ’a ’ōpani i tā ’oe ha’api’ira’a nā roto i te pure. ’A ani i te Atua ’ia tauturu mai ia ’oe ’ia māramarama ’e ’ia fa’a’ohipa i te parau tumu.
Faʼaroʼo i te Vārua. ’A ara maita’i i te mau mana’o o tō ’oe ferurira’a ’e o tō ’oe ’ā’au, noa atu ē ’aita tō te reira e tū’atira’a i te mau mea tā ’oe e tai’o ra. Pāpa’i i te mau mana’o o tō ’oe ferurira’a ’e o tō ’oe ’ā’au. ’A rave i te mea tā te Vārua e ani ia ’oe ’ia rave.
Pāpa’i i te mau ta’o ’e te mau pereota fa’auruhia. E ’ite mai paha ’oe i te tahi mau ta’o ’e mau pereota e tano maita’i nō ’oe, ’e ’o tē fa’auru ’e ’o tē fa’aitoito ia ’oe. ’A pāpa’i te reira i te hō’ē vāhi e ’ite atu ’oe. ’A tu’u i te reira i ni’a i tā ’oe hi’ohipa ’aore rā i ni’a i tā ’oe niuniu paraparau.
’A fa’a’ohipa i te parau tumu nō te ’apo i te ha’api’ira’a. ’A feruri e nāhea ’oe e nehenehe ai e fa’a’ohipa i te parau tumu nō te ’apo i te ha’api’ira’a, te mau fa’ahitira’a parau, ’e te mau pāpa’ira’a mo’a i roto i tō ’oe orara’a. ’A pāpa’i i te mea tā ’oe i ha’api’i mai ’a fa’a’ohipa ai ’oe i te parau tumu nō te ’apo i te ha’api’ira’a.
Tai’o rahi atu ā. ’A tai’o i te mau pāpa’ira’a mo’a ’aore rā te mau a’ora’a o te ’āmuira’a rahi e tū’ati i te parau tumu nō te ’apo i te ha’api’ira’a.
Ha’api’i mai i te pu’e ta’o ’āpī. ’A mā’iti i te tahi mau ta’o nō roto mai i te parau tumu nō te ’apo i te ha’api’ira’a ’o tā ’oe e hina’aro e ha’api’i mai nā roto i te reo peretāne. ’A mā’imi mai i te mau ta’o. ’A parau i te tahi atu mau pīahi i te aura’a o te mau ta’o ’e te mau pereota nō rātou.

Memorize Vocabulary

Tāmau ’ā’au i te pu’e ta’o

’A fa’atumu i ni’a i te aura’a ’e te fa’ahitira’a parau. ’A ha’api’ipi’i i te fa’ahiti pūai i te ta’o ’e ’a feruri i tōna aura’a. ’A ha’api’i nāhea i te fa’ahiti i te ta’o tāta’itahi ’e ’a parau i te reira ē tae roa ’ua fa’ahiti tano ’oe i te reira. ’A tāmau noa ē tae roa i te taime e nehenehe ia ’oe ’ia parau i te ta’o ma te pāpū maita’i ’e ’ua ’ite ’oe i te aura’a o te reira.
Ha’api’ipi’i ma te mau tāreta mēhara. ’A fa’a’ohipa i te mau tāreta nota (’aore rā te hō’ē fa’aaura’a roro uira) nō te hāmani i te mau tāreta mēhara. Pāpa’i i te ta’o i ni’a i te hō’ē pae ’e te tātarara’a, te ’īritira’a, ’aore rā te hōho’a i te tahi atu pae. Te fa’ahiti-noa-ra’a ’o te tāviri ïa nō te tāmau ’ā’au i te pu’e ta’o.
Ha’api’ipi’i ma te tu’u i te mau ta’o i roto i te mau pereota. Ha’api’ipi’i i te fa’ahiti i te ta’o ’o tā ’oe e ha’api’i mai i roto i te hō’ē pereota. E nehenehe ’oe e fa’a’ohipa i te mau hi’ora’a o te pereota nō te ha’api’ipi’i i te mau ta’o tā ’oe e ha’api’i ra.
’A fa’a’ohipa i te ta’o. ’A feruri i te mau taime e fa’a’ohipa ai ’oe i te ta’o i roto i tō ’oe orara’a tāmahana. ’A ha’api’ipi’i i te reira ē tae roa i te taime e pāpū maita’i ai ia ’oe i te fa’a’ohipa i te ta’o. ’A haere ai ’oe i te ’ohipa, i te fare ha’api’ira’a, i te fare toa, ’aore rā i te tahi atu mau vāhi, ’a fa’a’ohipa i te mau ta’o e vai ra i roto i tō ’oe ferurira’a nō te fa’ata’a i te mau mea.
Vai ara i te mau ta’o. ’A mā’imi ’e ’a fa’aro’o i te mau ta’o ’āpī i te roara’a o te mahana tā’āto’a. E nehenehe ’oe e ’apo mai nā roto i te mau hōho’a teata, te mau ha’apurorora’a ’āfata teata, te mau buka, te mau podcast, ’aore rā te mau hīmene. ’A pāpa’i i te mau ta’o ’āpī.
Ha’api’i rahi atu ā. ’A fa’a’ohipa i te hō’ē buka fa’atoro parau nō te ha’api’i rahi atu ā i te mau ta’o ’āpī. Ha’api’i i te mau tātarara’a, te mau tuha’a paraparaura’a, te mau tuha’a ta’o, te huru fa’ahitira’a ’e te mau hi’ora’a pereota.
Hi’o fa’ahou. ’A rave i te taime nō te hi’o fa’ahou, i terā ’e terā taime, i te mau ta’o tā ’oe i ha’api’i na. Nā te reira e tauturu ia ’oe ’ia ’ite e hia ta’o tā ’oe i ha’api’i mai ’e ’aita i mo’e.

Practice the Patterns

Ha’api’ipi’i i te mau hi’ora’a

’A fa’atumu i ni’a i te aura’a ’e te maumau-’ore-ra’a te parau. ’A ha’api’ipi’i i te fa’ahiti ha’apūai i te hō’ē pereota nō te hi’ora’a ’e ’a feruri i te aura’a o te pereota. ’A tāmau noa ē tae atu i te taime e nehenehe ai ’oe e parau ’ōhie i te pereota ma te pāpū maita’i ’e ’ua ’ite ’oe i te aura’a o te reira.
Haruharu ia ’oe iho. ’A haruharu ia ’oe iho i te uira’a ’e i te pāhonora’a i te mau uira’a i ni’a i tā ’oe niuniu paraparau. ’A fa’aro’o i te haruharura’a ’e ’a ha’apa’o maita’i i te maumau-’ore-ra’a te parau ’e tā ’oe fa’ahitira’a.
Ha’api’ipi’i ’e te hō’ē hoa. ’A ha’api’ipi’i ma te fa’a’ohipa i te mau hi’ora’a nō te ui ’e nō te pāhono i te mau uira’a ’e te hō’ē hoa. E nehenehe e ha’api’ipi’i mata ’e mata ’aore rā nā roto i te niuniu paraparau. ’A ha’api’ipi’i ma te fa’a’ohipa i te mau hi’ora’a nō te pāpa’i i te mau parau hāpono i te hō’ē hoa.
Feruri ’e parau nō ni’a i te mau hi’ora’a. E aha tā ’oe e ’ite ra nō ni’a i te fa’anahora’a o te reo peretāne ? E aha te mau tū’atira’a i roto i te reo peretāne ’e tō ’oe reo ? E aha te mau ta’a-’ē-ra’a i roto i te reo peretāne ’e tō ’oe reo ? Nāhea ’oe e fa’a’ohipa ai i te hi’ora’a o te hō’ē ha’api’ira’a i roto i te hō’ē ’ohipa ta’a ’ē ?
’A fa’a’ohipa i te tahi atu ā mau mātēria. E nehenehe te mau buka tarame, te mau fa’aaura’a rorouira, te mau tahua natirara ’e te tahi atu mau pīahi e tauturu ia ’oe ’ia ha’api’i rahi atu ā nō ni’a i te mau hi’ora’a o te tarame reo peretāne.
Vai ara i te mau hi’ora’a. ’A hi’o ’e ’a fa’aro’o i te mau hi’ora’a ’o tā ’oe e ha’api’i nei ’a tai’o ai ’aore rā ’a fa’aro’o ai i te reo peretāne.

Practice Daily

Ha’api’ipi’i i te mau mahana ato’a

Ha’amau ’ei ’ohipa mātarohia. ’A fa’anaho i te taime ’e i te vāhi ’oe e ha’api’i’ ai i te mau mahana ato’a ’e ’a rave i te reira. Nō te tauturu ia ’oe ’ia ha’amana’o noa, ’a pāpa’i i tā ’oe fā mai te hō’ē fa’ahitira’a parau « ’ia… ana’e ». ’Ei hi’ora’a, « ’Ia ana’e au, e vau. » Teie te tahi mau hi’ora’a : « ’Ia haere ana’e au nā ni’a te pere’o’o uta ta’ata, e hi’o fa’ahou vau i te pu’e ta’o » ; « ’Ia fa’aineine ana’e au i te mā’a o te pō, e fa’ata’a vau e aha tā’u e rave ra nā roto i te reo peretāne » ; ’e « ’Ia pure ana’e au, e parau vau i te mau mea ato’a tā’u e nehenehe nā roto i te reo peretāne. »
’A rave i te mau ’ohipa o te mau mahana ato’a nā roto i te reo peretāne. ’A ’imi i te mau rāve’a nō te mono i tō ’oe reo tumu i te reo peretāne, i roto i tā ’oe mau ’ohipa i te mau mahana ato’a. ’Ei hi’ora’a, ’ia fa’aro’o ana’e ’oe i te pehe, ’a fa’aro’o nā roto i te reo peretāne. Te tahi atu mau mana’o : ’a māta’ita’i i te mau hōho’a teata nā roto i te reo peretāne ’aore rā ma te parau pāpa’i i raro nā roto i te reo peretāne, ’a taui i te mau paramētera o tā ’oe niuniu ’āfa’ifa’i ’ei reo peretāne, ’e ’a tai’o i te mau pāpa’ira’a mo’a nā roto i te reo peretāne.
Tai’o. ’A tai’o i te rahi a’e e noa’a ia ’oe nā roto i te reo peretāne. ’A tai’o i te mau pāpa’ira’a mo’a, te mau a’ora’a o te ’āmuira’a rahi, te mau ve’a, te mau ra’ita’i [blog], te mau parau ’āpī, ’e te tahi atu mau ha’amāramaramara’a nā roto i te reo peretāne.
Fa’aro’o. ’A fa’aro’o māite i te mau mea ato’a e noa’a ia ’oe. ’A fa’aro’o i te mau podcasts [rāve’a fa’aro’o tari’a], te mau pāpa’ira’a mo’a, te mau a’ora’a, te mau fa’anahora’a, te mau video, te mau hōho’a ’āfata teata, ’aore rā te mau hōho’a teata.
Parau. ’A ’imi i te mau hoa, te mau melo o te ’utuāfare, ’e te mau hoa ’ohipa ’e ’a ha’api’ipi’i i te paraparau ’e rātou. ’A fa’a’ite e aha tā ’oe i ha’api’i mai ’e i rave nō te ha’api’ipi’i i te reo peretāne. ’A ha’amau i te hō’ē pupu ’āparaura’a ’e ’a hāpono ia rātou i te mau poro’i reo.
Pāpa’i. Hi’o i te mau rāve’a nō te pāpa’i nā roto i te reo peretāne. ’A ha’amata i te pāpa’i i te hō’ē buka ’ā’amu i te mau mahana ato’a ’aore rā ’a ha’amau i te hō’ē pupu ’āparaura’a. ’A fa’a’ohipa i te mau pereota ’e i te pu’e ta’o tā ’oe e ha’api’i nei.
’A rave fa’aoti i te mau ’ātivite ha’api’ira’a. ’A rave i te mau ’ātivite ’e te mau hi’opo’ara’a o te ha’api’ira’a i ni’a i te natirara i ni’a i te englishconnect.org ’aore rā i roto te Buka ’ohipa EnglishConnect.