Kadkad In

Bok in ekkatak etan EnglishConnect eo kar kōm̧m̧ane n̄an kar kōjerbale āinwōt juon m̧ōttan kein jipan̄ n̄an EnglishConnect 2 n̄an Rikkatak ro. Unin bok in ekkatak in ej n̄an jipan̄ eok kaddōk kapeel ko am̧ ilo Kajin Iñlij im kōļapļo̧k tōmak eo am̧ ilo m̧akūtkūt ko im bwebwenato ko. Enaaj barāinwōt jipan̄ eok kōmālmeli naan ko im wāween ko n̄an kajjojo iaan EnglishConnect ekkatak ko ilo aolep eria in kapeel ko emān: ron̄jake, kōnono, riiti, im jeje. Kajjojo katak ko ilo bok in ekkatak in kar kōjenolo̧ki ilo jekjōn in ej elaajrak ijin ilaļ.

Conversation(s) (Kōm̧m̧ao)

Kajjojo katak ej ijjino ippān juon ak ruo bwebwenato ko. Un in ej n̄an kwaļo̧k kadkad in naan ko, unin kōnono im wāween katakin im n̄an kōkm̧anm̧anļo̧k ron̄jake im riit. Kajjojo “Conversation” jekjōn ej ļoor ejja wāween jōkjōk in wōt:

Listen. Ron̄jake aolepān bwebwenato eo.
Listen and repeat. Ron̄jake bwebwenato eo ļain jān ļain, im āliji ilo eļap ainikien ta eo kwoj ron̄.
Write the missing word. Je naan ko me rejako jān bwebwenato eo. Kāālet jān naan ko me liļo̧k ilo bo̧o̧k in.
Read aloud. Riiti bwebwenato eo kōn ainikien eļap n̄an kōmālmel kilen kōnono.
Answer the questions (ejjab kar koba ilo aolep katak). M̧ōttan in ej etale jon̄an meļeļe eo am̧ ilo iien bwebwenato eo.

Activities 2–8 (M̧akūtkūt ko 2–8)

Nōm̧ba eo kōn oktak in aorōk in m̧akūtkūt ko ippān juon katak. M̧akūtkūt kein ekoba jaat ko rellajrak ilo kōkar in juon kajin; riit, jeje, ron̄jake, im m̧akūtkūt ko an kenono; im bwebwenato ko. Ļo̧o̧r wōt kōmeļeļe ko n̄an kajjojo m̧ōttan juon m̧akūtkūt. N̄an m̧akūtkūt ko ikkijeen ron̄jake, kalikar n̄an kōkar an nōm̧ba in m̧akūtkūt eo im leta eo ilo audio recording eo—n̄an waanjon̄o̧k, “Activity 2B.” N̄an m̧akūtkūt ko an kōnono, kemeemej in kōļap ainikiem̧. Komaron̄ jāāk uwaak ko am̧ ilo “Answer Key” ilo itu likin bok in.

Practice Partner Instructions (Denju n̄an M̧ōttā Katak)

Jekjōn in kar ejake n̄an jipan̄ eok denjuik kōnono kajin In̄lij kōjerbal ta eo kwar katak ilo katak in. Jerbal ippan juon m̧ōttam̧, etale eo“Vocabulary” ilo itu likin bok in im kōm̧m̧ane m̧akūtkūt ko ilo jekjōn in. Ba jon̄an wōt eo kwomaron̄e n̄an kajjo m̧akūtkūt. Kōjerbal iien in n̄an am̧ lukkuun jerbal ilo katak kajin In̄lij.

Expansion Activities (Kōdpakpakļo̧k M̧akūtkūt ko)

Bwebwenato im m̧akūtkūt kein ko kar ļōm̧ņak im lami n̄an kōdepakpakļo̧k maron̄ ko am̧ n̄an riit, ron̄jake, kōnono, im jeje ilo kajin In̄lij im n̄an jipan̄ kōļapļo̧k tōmak ilo Jisos Kraist. Kajjo “Expansion Activities“ jekjōn ej kalek jepooļe juon bwebwenato ekaitoktok limo. N̄an jekjōn in, kōm̧m̧ani lajrak in:

Learn the vocabulary. Katak meļeļe eo kōn katak ānbwinin naan ko im lukkuun meļeļe ko letok ilo jekjōn in m̧okta jen am̧ riiti bwebwenato eo. Menin enaaj jipan̄ eok kepopo n̄an riit bwebwenato eo im barāinwōt jipan̄ eok meļeļe naan im wāween ko ilo bwebwenato eo.
Listen. Ron̄jake kajjojo jekjōn ilo bwebwenato eo. Kwomaron̄ kōm̧m̧ane menin en lōn̄ alen ko einwōt am̧ aikuj.
Read aloud. Riiti bwebwenato eo kōn ainikien eļap n̄an kōmālmel riit im kilen ba naan eo im n̄an jipan̄ eok meļeļe bwebwenato eo. Kwomaron̄ kōņaan ron̄jake bwebwenato eo im riit ippānļo̧k.
Learn the vocabulary. Ānbwinin naan ko im lukkun meļeļe ko ej n̄an jipan̄ eok meļeļe jeje ko urekwojarjar im naan ko āliji me rej rejetak bwebwenato eo. Katak meļeļe ko an ānbwinin naan ko ilo lukkun meļeļe ko im naan ko rej ippān doon leļo̧k m̧okta jen am̧ ekkatak jeje ko rekwojarjar im kout ko.
Read aloud. N̄an ekatak riit im kajjieon̄ ba naan ko, lukkun etale n̄an riiti jeje ko rekwojarjar im ko̧ut ko ilo ainikien eļap ilo jejjo iien ko.
Ponder. Kajjitōk kein raar kōm̧m̧an n̄an jipan̄ eok ļōmņak kōn pedped ko kar katakin ilo bwebwenato eo. Bōk iien n̄an kejekļo̧kjeņ kaki. Kwomaron̄ kōņaan jeiki uwaak eo am̧ n̄an kajjitōk in ak kajjitōk ko.
Write. Ilo jekjōn in kwonaaj kōm̧m̧an juon m̧akūtkūt in jeje kar ejake n̄an jipan̄ eok kōjerbal pedped in katak eo jān bwebwenato eo.
Speak. N̄an jekjōn in kwonaaj kōm̧m̧ane juon m̧akūtkūt in ekōnono kar ejake n̄an jipan̄ eok kōmļeļe kake bwebwenato eo kwar riiti im pedped in katak eo kwar ekkatak. Toļo̧ke m̧akūtkūt kein koba bar āliji bwebwenato eo, ba kōn juon kar iminene an juon make, ak tilmaake jeļā ko ippam̧ im kōtōbar ko rej einļo̧k wōt ko ippān ro jet.

Ki eo n̄an Naan in Kōmeļeļe ko ilo Bok in Ekkatak in

Tebōl in āļkin kein rej kwaļo̧k kōmeļeļe ko me ekkā kar kōjerbali ilo bok in ekkatak in. Pija in kōkaļļe ko kwaļo̧k ijin ilaļ ej kwaļo̧k kapeel ko naaj kar kōjerbali ilo m̧akūtkūt eo. Lale ukok eo n̄an kōmeļeļe ko eļan̄n̄e kwojjab meļeļe kaki ilo In̄lij.

Listening

Ron̄jake

Listen.	Ron̄jake.
Listen and repeat.	Ron̄jake im āliji.
Listen to the question / example.	Kāron̄jak kajjitōk eo / waanjon̄ak.
Listen and read.	Ron̄jake im riit.
Listen, and then answer the question.	Ron̄jake, im āļkin uwaake kajjitōk eo.
You may listen more than once.	Kwomaron̄ ron̄jake elōn̄ļo̧k jān juon.

*Audio eo n̄an bok in emaron̄ kar wōt deļo̧n̄ ilo Gospel Library eo ak ilo englishconnect.org/audio.

Speaking

Ekōnono

Repeat.	Āliji.
Answer aloud.	Kōļap am̧ uwaak.
Introduce __________.	ba kajjie __________.
Retell the story.	Bar ba bwebwenato eo.
Tell the story / scripture to _________.	Ba bwebwenato eo / jeje ko rekwojarjar n̄an _________.
Practice saying the questions aloud.	Kōmālmel kōļap am̧ ba kajjitōk ko.
Say __________.	Ba __________.
Practice saying __________.	Kōmālmel ba __________.

Reading

Riit

Read aloud.	Kōļap am̧ riit.
Read aloud, then listen.	Kōļap ainikien am̧ riiti, innām ron̄jake.
Read the question.	Riiti kajjitōk eo.
Study the chart.	Ekkatak jaat eo.
Choose the correct response.	Kāālet uwaak eo ejim̧we.
Choose all that are correct.	Kāālet aolep ko rejim̧we.
Answer the questions.	Uwaake kajjitōk ko.
Number the pictures.	Nōm̧baik pija ko.
Learn the vocabulary.	Katak ānbwinin naan eo im lukkun meļeļe ko eo.
Read the scriptures aloud.	Kōļap ainikien am̧ riiti jeje ko rekwojarjar.
Ponder.	Kejokļo̧kijeņ.

Writing

Jeje

Write the missing / correct word.	Je naan eo ejako / naan eo ejim̧we.
Rewrite the complete sentence.	Bar jeiki likio in jāntōj eo.
Write what you hear.	Jeiki ta eo kwoj ron̄.
Fill in the blanks / missing words.	Jeje ilo line ko ejjeļo̧k kobbaer / naan ko rejako.
Write an / the answer (in a complete sentence).	Je juon / uwaak eo (ilo juon jāntōj elikio).
Finish the sentence.	Kadedeļo̧k jāntōj eo.
Be creative.	Kwaļo̧k jeļā.

Ekkatak juon kajin ekāāl ej juon jerbal eo me aikuji iien, kijenmej, im kajoor. Anij emaron̄ jipan̄ eok kōttōbrak kōttōpar ko am̧. Jar kōn jipan̄. Tiljek ilo am̧ kadedeļo̧k m̧akūtkūt ko ilo bok in katak in. Kakkōt kōn ta eo kwoj ekkatak. Ilo am̧ jerbal kōn tōmak n̄an kappukōt jipan̄ eo an Anij im kate eok, maron̄ eo am̧ n̄an ekōnono, ron̄jake, riit, im jeje ilo In̄lij enaaj em̧m̧anļo̧k.

Kōjeraam̧m̧an ko ilo ial in ekkatak kajin Pelle in am̧!