Kadkad In

Bok in ekkatak etan EnglishConnect eo kar kōm̧m̧ane n̄an kar kōjerbale āinwōt juon m̧ōttan kein jipan̄ n̄an EnglishConnect 1 n̄an rikkatak ro. Unin eo kōn bok in ekkatak in ej n̄an jipan̄ eok kaddōk kapeel ko am̧ ilo Kajin In̄lij im kōļapļo̧k tōmak eo am̧ kōn m̧akūtkūt ko im bwebwenato ko. Enaaj barāinwōt jipan̄ eok kōmālmeli naan ko am̧ im wāween ko n̄an kajjojo iaan EnglishConnect ekkatak ko ilo aolep kapeel in eria ko emān: ron̄jake, kōnono, riit, im jeje. Kajjojo katak ko ilo bok in ekkatak in kar ajije ilo laajrak in jekjōn ko kar elaajraki itu laļ.

Conversation(s) (Kōm̧m̧ao)

Kajjojo katak ej ijjino kōn juon ak ruo iien bwebwenato ko. Un eo ej n̄an kwaļo̧k kadkad in naan ko, unin kōnono, im wāween ko ilo katak eo n̄an kōļapļo̧k kapeel in ron̄jake im riit im meļeļe. Kajjojo “Conversation” laajrak in jekjōn ej ļoor ejja jōkjōk in wōt:

Listen. Ron̄jake aolepān kōnono eo.
Listen and repeat. Ron̄jake bwebwenato eo ļain im bar ļain, im āliji ilo eļap ainikien ta eo kwoj ron̄.
Write the missing word. Je naan ko me rejako jān kōnono eo. Kāālet jen naan ko me repād ilo bo̧o̧k in.
Read aloud. Riiti iien kōnono eo kōn ainikien eļap n̄an kōmālmel ilo wāween kōnono.
Answer the questions (ejjab pād ilo aolep katak). M̧ōttan in ej etale jon̄an jeļā eo am̧ ilo kōnono.

Activities 2–8 (M̧akūtkūt ko 2–8)

Nōm̧ba in m̧akūtkūt ko kajjojo wāweer ilo juon katak. M̧akūtkūt kein ekoba jaat ko epād ie laajrak in kajin ko; riit, jeje, ron̄jake, im m̧akūtkūt in kōnono ko; im bwebwenato ko. Ļoor wōt kōmeļeļe ko n̄an kajjojo m̧ōttan m̧akūtkūt eo. N̄an m̧akūtkūt ko ikkijeen ron̄jake, etal n̄an nōm̧ba in m̧akūtkūt eo im leta eo ilo audio recording eo—n̄an waanjon̄ak, “Activity 2B.” N̄an m̧akūtkūt ko ikkijeen kōnono, keememej im kōnono kōn ainikien eļaaj. Kwomaron̄ etale uwaak ko am̧ ilo “Answer Key” ilo itulikin bok in.

Practice Partner Instructions (Kōmālmel Naan in Kōmeļeļe ko an m̧ōttam̧)

Jekjōn in kar ejake n̄an jipan̄ eok kōmālmel wāween kōnono kajin In̄lij ilo am̧ kōjerbal ta eo kwar ekkatak ilo katak in. Jerbal ippan juon m̧ōttam̧, etale “Vocabulary” ilo itu likin bok in im kōm̧m̧ane jet m̧akūtkūt ko ilo jekjōn in. Ba jon̄an wōt eo kwomaron̄e n̄an juon m̧akūtkūt. Kōjerbal iien in n̄an am̧ lukkuun jerbal n̄an katak kajin In̄lij.

Expansion Activities (Kōdepakpakļo̧k M̧akūtkūt ko)

Bwebwenato im m̧akūtkūt kein rekar pijaiki n̄an kōļapļo̧k jeļā eo am̧ n̄an riit, ron̄jake, kōnono, im jeje ilo kajin In̄lij im n̄an jipan̄ kōļapļo̧k am̧ tōmak ilo Jisōs Kraist. Kajjojo “Expansion Activities“ jekjōn ej ekkal pelaakin juon bwebwenato ekaitoktoklimo. N̄an jekjōn in, kōm̧m̧ani wāween kein:

Learn the vocabulary. Katak meļeļein ānbwinnin naan ko im lukkun meļeļe ko im wāween ba naan ko im kar litok ilo jekjōn in m̧okta jān am̧ riiti bwebwenato eo. Menin enaaj jipan̄ kepooj eok n̄an riiti bwebwenato eo im āinwōt bar jipan̄ eok meļeļe naan ko raorōk an juon naan im wāween meļeļe ko ilo bwebwenato eo.
Listen. Ron̄jake kajjojo jekjōn kōn bwebwenato in. Kwomaron̄ kōm̧m̧ane menin en lōn̄ kattōn āinwōt am̧ aikuj.
Read aloud. Riiti bwebwenato eo im kōlap ainikiem n̄an kōmālmel riit im ba naan ko im n̄an jipan̄ eok meļeļe bwebwenato eo. Kwomaron̄ kōņaan ron̄jake bwebwenato eo bar juon alen im riit laļļo̧k.
Learn the vocabulary. Naan in ej n̄an jipan̄ eok meļeļe jeje ko rekwojarjar im naan ko rej kwaļo̧k kadkad in bwebwenato eo. Katak meļeļein ānbwinnin naan ko im lukkuun meļeļe ko im wāween ba im kar litok m̧okta jen am̧ ekkatak jeje ko rekwojarjar im kout ko.
Read aloud. N̄an kōmālmel riit im ba kilen ba naan ko, m̧ool n̄an riiti jeje ko rekwojarjar im kout ko kwaļo̧k ainikien eļap ilo jejjo iien ko.
Ponder. Kajjitōk kein raar kōm̧m̧an n̄an jipan̄ eok ļōmņak kōn pedped ko kar katakin ilo bwebwenato eo. Bōk iien n̄an kejekļo̧kjeņ kaki. Kwomaron̄ kōņaan jeiki uwaak ko an kajjitōk in ak kajjitōk ko.
Write. Ilo jekjōn in kwonaaj kōm̧m̧an m̧akūtkūt in jeje n̄an jipan̄ pedped in bwebwenato eo.
Speak. N̄an jekjōn in kwonaaj kōm̧m̧ane juon m̧akūtkūt in kōnono kar ejake n̄an jipan̄ eok kwaļok bwebwenato eo kwar riiti im pedped in katak eo kwar ekkatak. M̧akūtkūt ko āinwōt bar āliji im riiti bwebwenato eo, ba ta eo kōn jeļā eo am make ak kwaļo̧k ta kōttōpar ko n̄an ro jet.

Kii n̄an Naan in Kōmeļeļe ko ilo Bok in Ekkatak in

Laajrak in tebōl in ej kwaļo̧k naan in kōmeļeļe ko me ekkā kōjerbali ilo bok in ekkatak in. Pija ko kwaļo̧k ijin ilaļ ej kwaļo̧k kapeel ko naaj kar kōjerbali ilo m̧akūtkūt ko. Lale ukook eo n̄an naan in kōmeļeļe ko eļan̄n̄e kwojjab meļeļe kaki ilo In̄lij.

Listening

Ron̄jake

Listen.	Ron̄jake.
Listen and repeat.	Ron̄jake im Āliji.
Listen to the question / example.	Ron̄jake kajjitok eo / waanjon̄ak.
Listen and read.	Ron̄jake im riit.
Listen, and then answer the question.	Ron̄jake, innām uwaake kajjitōk eo.
You may listen more than once.	Kwomaron̄ ron̄jake elōn̄ļo̧k jān juon.

*Audio eo an bok in maron̄ wōt deļo̧n̄ ilo Gospel Libary ak ilo englishconnect.org/audio.

Speaking

Kōnono

Repeat.	Āliji.
Answer aloud.	Kōļap am̧ uwaak.
Introduce __________.	Kwaļo̧k kadkad in __________.
Retell the story.	Bar ba bwebwenato eo.
Tell the story / scripture to _________.	Ba bwebwenato eo / jeje ko rekwojarjar n̄an _________.
Practice saying the questions aloud.	Kōmālmeli ba kajjitok ko ilo ainikien eļap.
Say __________.	Ba __________.
Practice saying __________.	Kōmālmel ba__________.

Reading

Riit

Read aloud.	Kōļap am̧ riit.
Read aloud, then listen.	Kōļap ainikien am̧ riiti, innām ron̄jake.
Read the question.	Riiti kajjitōk eo.
Study the chart.	Katak jaat eo.
Choose the correct response.	Kāālet uwaak eo ejim̧we.
Choose all that are correct.	Kāālet aolep ko rejim̧we.
Say Answer the questions.	Ba Uwaake kajjitōk ko.
Number the pictures.	Nōm̧baik pija ko.
Learn the vocabulary.	Katak meļeļe in naan eo.
Read the scriptures aloud.	Kōļap ainikien am̧ riit jeje ko rekwojarjar.
Ponder.	Kejokļo̧kijeņ.

Writing

Jeje

Write the missing / correct word.	Jeiki naan eo ejako / naan eo ejim̧we.
Rewrite the complete sentence.	Bar jeiki likio in jāntōj eo.
Write what you hear.	Jeiki ta eo kwoj ron̄.
Fill in the blanks / missing words.	Kanne ļain ko ejjeļo̧k kobbaer / naan ko rejako.
Write an / the answer (in a complete sentence).	Je juon / uwaak eo (ilo juon jāntōj elikio).
Finish the sentence.	Kadedeļo̧k jāntōj eo.
Be creative.	Ej Mejādik.

Ekkatak juon kajin kāāl ej juon kōtōbar in jerbal eo me aikuji eļap iien, kijenmej, im kijejeto. Anij emaron̄ jipan̄ eok kōttōbrak kōttōpar ko am̧. Jar kōn jipan̄. N̄iknik ilo am̧ kadedeļo̧k m̧akūtkūt ko ilo bok in katak in. Mour kōn ta eo kwoj ekkatak. Ilo am̧ kwaļo̧k m̧wil eo am̧ ilo tōmak n̄an kappukōt jipan̄ eo an Anij im kate eok, maron̄ eo am̧ n̄an ekōnono, ron̄jake, riit, im jeje ilo In̄lij enaaj em̧m̧anļo̧k.

Kōņaan ko rem̧m̧antata ren am̧ ilo iaļan am̧ ekkatak kajin In̄lij!