Lus Cev

EnglishConnect phau kawm ntawv yog ib phau uas koom nrog EnglishConnect 1 rau cov Neeg Kawm. Lub hom phiaj ntawm phau kawm ntawv no yog pab koj txawj hais lus Askiv thiab muaj kev ntseeg ntxiv thaum koj ua tej yam thiab nyeem dab neeg. Phau no kuj yuav pab koj xyaum kawm tej lus thiab tej txheej txheem rau txhua zaj lus ntawm EnglishConnect kawm ua plaub yam: mloog, hais lus, nyeem ntawv, thiab sau ntawv. Txhua zaj lus nyob hauv phau kawm ntawv los muab faib raws li qhia nram qab no.

Conversation(s) (Kev sib tham)

Muaj ob peb zag kev sib tham thaum pib txhua zaj lus kawm. Lub hom phiaj yog kom piav me ntsis txog cov lus, lub ntsiab lus, thiab txheej txheem ntawm zaj lus ntawd thiab txhawb nqa kev mloog thiab kev to taub thaum nyeem ntawv. Txhua zaj “Conversation” ua raws li tus txheej txheem no:

Listen. Mloog tag nrho kev sib tham.
Listen and repeat. Mloog kev sib tham ib kab lus rau ib kab lus, thiab rov qab hais tej lus uas koj mloog.
Write the missing word. Sau tej lus uas tsis nyob hauv kev sib tham. Xaiv tej lus uas nyob hauv plaub fab xwm yeem.
Read aloud. Nyeem kev sib tham nrov kom xyaum hais lus.
Answer the questions (tsis muaj hauv txhua zaj). Feem no pab sim seb koj puas to taub kev sib tham.

Activities 2–8 (Tej Kev Kawm 2–8)

Qhov uas muaj pes tsawg txoj kev kawm hauv txhua zaj los yeej sib txawv. Tej kev kawm no kuj muaj tej daim qhia txog kev cai lus: nyeem ntawv, sau ntawv, mloog, thiab hais lus; thiab muaj tej zaj dab neeg. Ua raws li tej lus qhia nyob hauv txhua zaj lus kawm. Rau tej zaj lus kawm mloog, ua raws li tus naj npawb thiab tus tsiaj ntawv nyob hauv kev kaw suab—ua piv txwv, “Activity 2B”. Rau tej lus kawm hais lus, nco ntsoov kom hais lus nrov. Tej zaum koj yuav xav seb koj puas teb yog lawm nyob hauv “Answer Key” nyob hauv phau ntawv no.

Practice Partner Instructions (Tej Lus Qhia rau tus Khub Xyaum Hais Lus)

Feem no yog kom pab koj siv tej yam uas koj tau kawm hauv zaj lus no kom koj xyaum hais lus Askiv. Nrog ib tug khub, rov qab kawm “Vocabulary” nyob hauv phau ntawv no thiab ua tej kev kawm hauv feem no. Hais npaum li koj txawj hais hauv txhua zaj kev kawm. Siv lub sij hawm no kom kawm hais lus Askiv tiag tiag.

Expansion Activities (Tej Kev Kawm Ntxiv)

Tej zaj dab neeg thiab tej kev kawm no yog ua kom pab koj txawj nyeem ntawv, mloog, hais lus, thiab sau ntawv Askiv ntxiv thiab pab txhawb nqa koj txoj kev ntseeg Yexus Khetos. Txhua feem “Expansion Activities” muaj ib zaj dab neeg uas tshoov neeg lub siab. Nyob hauv feem no, ua li no:

Learn the vocabulary. Kawm lub ntsiab ntawm tej lo lus thiab tej kab lus hauv feem no ua ntej koj nyeem zaj dab neeg. Qhov no yuav pab koj npaj nyeem ntawv thiab pab koj to taub tej lo lus thiab tej kab lus tseem ceeb hauv zaj dab neeg no.
Listen. Mloog txhua feem ntawm zaj dab neeg. Tej zaum koj yuav xav ua li no ntau zaus.
Read aloud. Nyeem zaj dab neeg nrov kom xyaum nyeem ntawv thiab hais lus thiab kom pab koj to taub zaj dab neeg. Tej zaum koj yuav xav rov qab mloog zaj dab neeg thiab koom ua ke nyeem ntawv.
Learn the vocabulary. Tej lo lus no yuav pab koj to taub cov vaj lug kub thiab tej lus uas muaj hauv zaj dab neeg no. Kawm lub ntsiab ntawm tej lo lus thiab tej kab lus ua ntej koj kawm cov vaj lug kub thiab tej lus nyob haud.
Read aloud. Kom pab koj xyaum nyeem ntawv thiab hais lus, ua tib zoo nyeem cov vaj lug kub thiab tej lus nrov ob peb zaug.
Ponder. Tej lus nug no yuav pab koj xav txog lub ntsiab cai uas kawm tau los ntawm zaj dab neeg no. Siv sij hawm xav txog qhov no. Tej zaum koj yuav xav sau ntawv txog koj cov lus teb lo lus nug.
Write. Nyob hauv feem no koj yuav sau ntawv kom pab koj ua raws li lub ntsiab cai hauv zaj dab neeg no.
Speak. Nyob hauv feem no koj yuav hais lus kom pab koj rov qab qhia zaj dab neeg uas koj tau nyeem thiab lub ntsiab cai uas koj tau kawm. Tej kev kawm los muaj xws li kev rov qab hais dab neeg, hais txog ib zaj ntawm koj lub neej, los sis qhia koj tej kev xav thiab tej lub hom phiaj rau lwm tus.

Lub ntsiab ntawm Tej Lus Qhia hauv Phau Kawm Ntawv no

Daim qhia kev no hais tej lus qhia uas siv ntau nyob hauv phau kawm ntawv no. Tej lub cim no qhia tias koj yuav siv tej txuj ci twg hauv tej kev kawm no. Sim seb tau txhais tej lus qhia no li cas yog koj tsis to taub cov lus Askiv no.

Listening

Mloog

Listen.	Mloog.
Listen and repeat.	Mloog thiab hais tej lus uas koj mloog.
Listen to the question / example.	Mloog lo lus nug / lus piv txwv.
Listen and read.	Mloog thiab nyeem.
Listen, and then answer the question.	Mloog, ces teb lo lus nug.
You may listen more than once.	Koj mloog tau tshaj ib zaug xwb.

*Muaj kev kaw suab rau phau ntawv no nyob hauv Txoj Moo Zoo cov Ntawv los sis ntawm englishconnect.org/audio.

Speaking

Hais Lus

Repeat.	Rov qab hais ntxiv.
Answer aloud.	Hais lus nrov thaum teb.
Introduce __________.	Piav txog _____.
Retell the story.	Rov qab hais zaj dab neeg.
Tell the story / scripture to _________.	Hais zaj dab neeg / vaj lug kub rau _________.
Practice saying the questions aloud.	Xyaum hais tej lus nug nrov.
Say __________.	Hais __________.
Practice saying __________.	Xyaum hais _____.

Reading

Nyeem Ntawv

Read aloud.	Nyeem nrov.
Read aloud, then listen.	Nyeem nrov, ces mloog.
Read the question.	Nyeem lo lus nug.
Study the chart.	Kawm daim qhia.
Choose the correct response.	Xaiv lus teb uas yog.
Choose all that are correct.	Xaiv tag nrho uas yog.
Say Answer the questions.	Hais Teb tej lus nug.
Number the pictures.	Suav cov duab.
Learn the vocabulary.	Kawm tej lo lus.
Read the scriptures aloud.	Nyeem cov vaj lug kub nrov.
Ponder.	Xav txog.

Writing

Sau Ntawv

Write the missing / correct word.	Sau lo lus uas tsis nyob / uas yog.
Rewrite the complete sentence.	Rov qab sau kab lus tag nrho.
Write what you hear.	Sau tej yam uas koj hnov.
Fill in the blanks / missing words.	Sau ntawv rau cov kab / cov lus tsis nyob.
Write an / the answer (in a complete sentence).	Sau lo lus teb (nyob hauv ib kab lus).
Finish the sentence.	Sau kab lus kom tiav.
Be creative.	Tawm tswv yim tshiab.

Kev kawm ib yam lus tshiab yog ib tug txheej txheem uas yuav tsum siv sij hawm, ua siab ntev, thiab nyiaj mus kom kawm tau. Vajtswv yuav pab koj ua raws li koj tej lub hom phiaj. Thov Vajtswv pab koj. Rau siab ua tej yam hauv phau kawm ntawv no. Siv tej yam uas koj kawm. Thaum koj muab siab rau ntseeg nrhiav Vajtswv txoj kev pab thiab ua zoo npaum li koj ua tau, koj yuav txawj hais lus, mloog, nyeem ntawv, thiab sau ntawv Askiv zoo dua.

Thov kom koj kawm tau lus Askiv zoo!