“Mga Lider,” Giya sa Pag-implementar sa EnglishConnect (2023)
“Mga Lider,” Giya sa Pag-implementar sa EnglishConnect
Mga Lider
Ang EnglishConnect gipadagan ubos sa direksiyon sa pagkapari aron sa pagtabang sa buhat sa Dios sa kaluwasan ug kahimayaan. Ang EnglishConnect mahimong iimplementar pinaagi sa mga ward, mga stake, mga coordinating council, mga misyon, ug mga area.
Ang mosunod nga mga baroganan makatabang kaninyo nga makasugod:
-
Pagmugna og panglantaw. Sa mga konseho, tinoa unsaon ninyo paggamit ang EnglishConnect aron sa pagsuportar sa mga indibidwal ug mga pamilya diha sa buhat sa Dios sa kaluwasan ug kahimayaan.
-
Pagdelegar sa responsibilidad. Ang EnglishConnect mahimong i-organisar sama sa ubang mga programa sa pagbarog pinaagi sa kinaugalingong paningkamot o edukasyon. Ang pag-implementar sa EnglishConnect mahimong idelegar ngadto sa usa ka high councilor o usa ka espesyalista sa pagbarog pinaagi sa kinaugalingong paningkamot.
-
Pagseguro sa pagkamay-tulubagon. Pag-eskedyul og regular nga mga pag-update sa epekto sa programa. Pagpokus sa mga indibidwal ug mga pamilya.
Mga Lider sa Misyon
Sa mga dapit diin ang mga stake ug mga ward walay mga grupo sa EnglishConnect, ang mga lider sa misyon mahimong magplano kauban sa lokal nga mga lider sa pagkapari nga ang mga misyonaryo ang patudloon sa mga grupo samtang ang mga lokal nga mga lider sa Simbahan moandam sa mga miyembro nga mohulip niini nga tahas. Ang mga lider sa misyon ug mga misyonaryo kinahanglang mogamit sa impormasyon niini nga giya ug hiusahon ang ilang mga paningkamot uban niadtong sa lokal nga mga lider ug mga miyembro (tan-awa sa “Mission Partnership”).