Tusi Lesona a le Faiaoga Seminare o le Mataupu Faavae ma Feagaiga

Anotusi
Itulau Autu
Faatomuaga i le Tusi Lesona a le Faiaoga Seminare i le Mataupu Faavae ma Feagaiga ma le Talafaasolopito o le Ekalesia
O Lesona o le Mataupu Faavae ma Feagaiga
- O Le Folafolaga o le Toefuataiga
- Mataupu Faavae ma Feagaiga 1
- Iosefa Samita—Talafaasolopito 1:1–26
- Mataupu Faavae ma Feagaiga 2: Iosefa Samita—Talafaasolopito 1:27–65
- Mataupu Faavae ma Feagaiga 3–5
- Mataupu Faavae ma Feagaiga 6–9
- Mataupu Faavae ma Feagaiga 10–11
- Mataupu Faavae ma Feagaiga 12–17; Iosefa Samita—Talafaasolopito 1:66–75
- Mataupu Faavae ma Feagaiga 18
- Mataupu Faavae ma Feagaiga 19
- Mataupu Faavae ma Feagaiga 20–22
- Mataupu Faavae ma Feagaiga 23–26
- Mataupu Faavae ma Feagaiga 27–28
- Mataupu Faavae ma Feagaiga 29
- Mataupu Faavae ma Feagaiga 30–36
- Mataupu Faavae ma Feagaiga 37–40
- Mataupu Faavae ma Feagaiga 41–44
- Mataupu Faavae ma Feagaiga 45
- Mataupu Faavae ma Feagaiga 46–48
- Mataupu Faavae ma Feagaiga 49–50
- Mataupu Faavae ma Feagaiga 51–57
- Mataupu Faavae ma Feagaiga 58–59
- Mataupu Faavae ma Feagaiga 60–63
- Mataupu Faavae ma Feagaiga 64–66
- Mataupu Faavae ma Feagaiga 67–70
- Mataupu Faavae ma Feagaiga 71–75
- Mataupu Faavae ma Feagaiga 76
- Mataupu Faavae ma Feagaiga 77-80
- Mataupu Faavae ma Feagaiga 81–83
- Mataupu Faavae ma Feagaiga 84
- Mataupu Faavae ma Feagaiga 85–87
- Mataupu Faavae ma Feagaiga 88
- Mataupu Faavae ma Feagaiga 89–92
- Mataupu Faavae ma Feagaiga 93
- Mataupu Faavae ma Feagaiga 94–97
- Mataupu Faavae ma Feagaiga 98–101
- Mataupu Faavae ma Feagaiga 102–105
- Mataupu Faavae ma Feagaiga 106–108
- Mataupu Faavae ma Feagaiga 109–110
- Mataupu Faavae ma Feagaiga 111–114
- Mataupu Faavae ma Feagaiga 115–120
- Mataupu Faavae ma Feagaiga 121–123
- Mataupu Faavae ma Feagaiga 124
- Mataupu Faavae ma Feagaiga 125–128
- Mataupu Faavae ma Feagaiga 129–132
- Mataupu Faavae ma Feagaiga 133–134
- Mataupu Faavae ma Feagaiga 135–136
- Mataupu Faavae ma Feagaiga 137–138
- O Mataupu Faavae o le Faatuatua ma le Folafolaga Aloaia 1 ma le 2
- O Le Aiga: O Se Folafolaga i le Lalolagi
- O Le Keriso Soifua
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Mo Le Malosi o le Autalavou: Faia o Filifiliga
- Atiina A’e o le Ola Tutoatasi
- Soifua Maloloina Faaletino ma Faalelagona
- Sauniuni mo Aoga ma Galuega i le Lumanai
- Faamanuiaina i le Aoga
- Sauniuniga a le Faifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Lesona 200—Alofa, Faasoa Atu, ma Valaaulia: Faapotopotoina o Isi ia Iesu Keriso

“Lesona 200—Alofa, Faasoa Atu, ma Valaaulia: Faapotopotoina o Isi ia Iesu Keriso,” Tusi Lesona a le Faiaoga Seminare o le Mataupu Faavae ma Feagaiga (2025)

“Alofa, Faasoa Atu, ma Valaaulia,” Tusi Lesona a le Faiaoga Seminare o le Mataupu Faavae ma Feagaiga

Lesona 200: Sauniuniga mo Faifeautalai

Alofa, Faasoa, ma Valaaulia

Faapotopotoina o Isi ia Iesu Keriso

I le avea ai ma tagata O le Ekalesia a Iesu Keriso o le Au Paia o Aso e Gata Ai, o lo tatou tiutetauave o le feagaiga le faasoa atu o le talalelei a le Faaola “i tuluiga o le lalolagi” (Mataupu Faavae ma Feagaiga 1:23). E mafai ona tatou auai i lenei galuega matagofie e ala i le alofa atu i isi, faasoa atu le savali a Iesu Keriso, ma valaaulia i latou e auai faatasi ma i tatou i le o mai i le Faaola. O lenei lesona e mafai ona fesoasoani i tagata aoga e faia se fuafuaga e faasalalau atu ai le talalelei a Iesu Keriso e ala i le faaaogaina o mataupu faavae o le alofa, faasoa atu, ma le valaaulia.

Gaoioiga E Ono Mafai Ona Aoao Ai

Aua le faalafiina lou malamalama o le talalelei

Ina ia amata le vasega, faaali atu i tagata aoga se ata o se manu e lelei ona faalafiina. Valaaulia tagata aoga e faasoa mai pe aisea e aoga ai le lafi faapenei i lea manu.

O a tulaga e ono manao ai se tagata ina ia lafi?

Na faasoa mai e Elder Quentin L. Cook o le Korama a Aposetolo e Toasefululua se mea tatou te le mananao e faalafi ia i tatou lava:

O se vaega e tatau ai o lenei taumafaiga faafaifeautalai e mo tagata taitasi o au paia ia avea o ni faataitaiga iloga o le malamalama i soo se mea tatou te nonofo ai. E le mafai ona tatou faalafi. …

… Ua faamoemoeina e le Alii i latou ua mauaina Lana talalelei e taumafai vave ia avea o se malamalama iloga o le a fesoasoani lea i isi ia o mai i le Atua. O lea mea o le a mafai ai e o tatou uso ma tuafafine i le lalolagi atoa ona olioli i faamanuiaga faalelagi ma sauniga o le talalelei toefuataiina a Iesu Keriso ma faapotopotoina saogalemu ai i le aiga. (Quentin L. Cook, “Faapotopotoina Saogalemu i le Aiga,”,” Liahona, Me 2023, 23)

O le a se mea sa tulaga ese ia te oe mai le savali a Elder Cook?

Ina ia fesoasoani e saunia loto ma mafaufau o tagata aoga mo lenei lesona, e mafai ona e valaaulia i latou e faasoa mai le tala i se tagata o le aiga po o se uo na auai O le Ekalesia a Iesu Keriso o le Au Paia o Aso e Gata Ai. E mafai foi ona latou faasoa mai a latou lava tala o le liua. Afai e i ai ni nai tagata aoga e i ai ni tala e faasoa mai, e mafai ona e valaaulia i latou e faasoa atu i paga po o ni vaega toalaiti.

Valaaulia tagata aoga e tusi ia latou api talaaga mo suesuega ni auala atonu latou te “faalafi ai” ma auala e mafai ai ona avea a latou taumafaiga faa faifeautalai patino ma “faataitaiga o le malamalama i le sulu.”

Uunaia tagata aoga e valaaulia ma le agaga tatalo le Agaga e fesoasoani ia i latou ia iloa pe mafai faapefea ona latou faasoa atu le malamalama o le talalelei a le Faaola.

O le poloaiga faafaifeautalai a le Faaola

Mafaufau e faasoa atu le faamatalaga lenei a Elder QuentinL. Cook. Valaaulia tagata aoga e vaavaai mo fautuaga i le auala e faasoa lelei atu ai le talalelei a Iesu Keriso.

Sa aoao mai foi Elder Cook:

Ua valaaulia ma le alofatunoa e le Faaola i tatou ina ia avea ma Ona siufofoga ma Ona aao. O le alofa o le Faaola o le a avea ma o tatou sulu taiala. Sa aoao e le Faaola Ona soo, “Ia outou o atu e fai nuu uma lava ma soo.” [Mataio 28:19]. …

Mo le poloaiga a le Faaola e faasoa atu le talalelei ina ia avea ai ma se vaega o tagata e i ai i tatou, … e manaomia ona tatou alolofa i o tatou tuaoi, faasoa atu le talalelei toefuataiina a Iesu Keriso, ma valaaulia tagata uma ia o mai ma vaai. (Quentin L. Cook, “Liua i le Finagalo o le Atua,” Liahona, Me 2022, 56)

E faapefea ona e faamatalaina le savali a Elder Cook i au lava upu?

Fesoasoani i tagata aoga e faailoa mai se upumoni faapenei: Tatou te fesoasoani i taumafaiga faafaifeautalai a le Faaola e ala i le alolofa i o tatou tuaoi, faasoa atu Lana talalelei, ma valaaulia isi e o mai ia te Ia.

Atonu e te manao e tusi upu o le alofa,, faasoa, ma valaaulia i le pito i luga o koluma e tolu i luga o le laupapa. A o faasoa mai e tagata aoga a latou tali i fesili nei, valaaulia i latou e amata se lisi i koluma taitasi o manatu mo auala e aumai ai isi i le Faaola e ala i le alofa, faasoa atu, ma le valaaulia.
O a nisi o auala lelei ua e vaai ai i isi o faasoa atu le talalelei a Iesu Keriso?
O a ni aafiaga na e maua i le faasoaina atu o le talalelei o le Faaola i isi?

Alofa, faasoa, ma valaaulia

O a ni mea lelei na e mauaina e uiga i le faasoa atu o le talalelei?
Na faapefea ona faaalia e le Faaola le mataupu faavae i Ana fegalegaleaiga ma isi?
O a nisi o auala e mafai ai e tupulaga talavou ona galulue i le mataupu faavae a o latou taumafai e faasoa atu le talalelei a le Faaola?

Alofa, Faasoa Atu, Valaaulia

Alofa

Ioane 13:34–35; Mosaea 18:20–22; Mataupu Faavae ma Feagaiga 12:7–9; 121:41–42

Na aoao mai Elder Gary E. Stevenson o le Korama a Aposetolo e Toasefululua e faapea:

Soo se taimi lava tatou te faaalia ai le alofa faaKeriso i o tatou tuaoi, ua tatou talai atu le talalelei—e tusa lava pe tatou te le faaleoina se upu se tasi.

O le alofa mo isi o le faailoaga mamana lea o le poloaiga sili lona lua ia alofa atu i o tatou tuaoi; o loo faaalia ai le faagasologa o le faaatoatoaina a le Agaga Paia o loo galue i totonu o o tatou lava agaga. O le faaalia o le alofa o Keriso i isi, e mafai ai ona tatou faamatua’ia i latou o e vaai ia tatou galuega lelei e “vivii atu [i lo tatou] Tama o i le lagi.” [Mataio 5:16]. (Gary E. Stevenson, “Alofa, Faasoa Atu, Valaaulia,” Liahona, Me 2022, 85)

Faasoa atu

2 Nifae 2:6–8; Mosaea 28:1–3; Alema 31:5; Mataupu Faavae ma Feagaiga 60:2

Na aoao mai Elder Dieter F. Uchtdorf o le Korama a Aposetolo e Toasefululua:

Afai e fesili se tasi e uiga i le faaiuga o lou vaiaso, aua le faatuai ona talanoa i ai e uiga i mea e te lagonaina i le lotu. Faamatala i ai le fanau iti o ē tutū i luma o se faapotopotoga ma pepese ma le naunautai i le auala o loo latou taumafai ai ia pei o Iesu. Talanoa e uiga i le vaega o talavou o ē faaalu le taimi e fesoasoani ai i tagata matutua i nofoaga e tausia ai tagata matutua e tuufaatasi ni talaaga faaletagata lava ia. …

Po o a lava auala e foliga mai e tupu fua ma masani ai ia te oe, faasoa atu i tagata pe aisea e taua ai Iesu Keriso ma Lana Ekalesia ia te oe. (Dieter F. Uchtdorf, “Galuega Faafaifeautalai: Faasoaina atu o Mea o Loo i Totonu o Lou Loto,” Liahona, Me 2019, 17)

Valaaulia

Ioane 1:35–46; 4:28–30, 39–41; Alema 5:62; Moronae 10:3–5

Na aoao mai Elder Gary E. Stevenson o le Korama a Aposetolo e Toasefululua e faapea:

E faitau fia selau valaaulia e mafai ona tatou tuuina atu i isi. E mafai ona tatou valaaulia isi e “o mai ma vaai” i se sauniga faamanatuga, se gaoioiga a le uarota, se vitio i luga o le initoneti e faamatala ai le talalelei a Iesu Keriso. O le “O mai ma vaai” e mafai ona avea o se valaaulia e faitau le Tusi a Mamona pe asiasi i se malumalu fou i le taimi o maimoaga a o lei faapaiaina. O nisi taimi o le valaaulia o se mea tatou te tuuina atu i totonu—o se valaaulia ia i tatou lava, e tuuina mai ai ia i tatou le mataalia ma le vaaiga mamao o avanoa o loo siomia ai i tatou, e faatino ai. (Gary E. Stevenson, “Alofa, Faasoa Atu, Valaaulia,” Liahona, Me 2022, 86)

O auala Faigofie e alolofa ai, faasoa atu, ma valaaulia

Fesoasoani i tagata aoga e mafaufau i ni manatu faaopoopo pe faapefea ona faasoa atu le talalelei e faaaoga ai mataupu faavae o le alofa, faasoa atu, ma valaaulia. Ia aofia ai o latou manatu i luga o le laupapa i lalo o koluma e fesootai. O nisi o punaoa nei e mafai ona fesoasoani e faatupuina ai manatu:

Tusiga—”20 Auala Faigofie e ‘Alofa Ai, Faasoa Atu, Valaaulia’ Ou Tuaoi,” newsroom.ChurchofJesusChrist.org
Vitio—“Auala Faigofie e Alofa ai, Faasoa atu ma Valaaulia” (2:45), o loo maua ChurchofJesusChrist.org

2:46

Vitio—”Faasalalauga o le 2021: Mataupu Faavae o le Alofa, Faasoa Atu, ma Valaaulia” mai le faailo taimi 0:00 i le 1:35, o loo maua i le ChurchofJesusChrist.org

54:6

Faaaoga mea na e aoaoina

Mafaufau e faasoa atu se taimi na e fesoasoani ai i se tasi e ala i le faaaogaina o mataupu faavae o le alofa, faasoa atu, ma valaaulia. Pe e mafai foi ona e faasoa atu se taimi na faamanuiaina ai lou olaga e se tasi e ala i le faaaogaina o nei mataupu faavae.

Valaaulia tagata aoga e mulimuli i soo se uunaiga na latou lagonaina i le aso e saunia ai se fuafuaga e faasoa atu le talalelei. O a latou fuafuaga e mafai ona aofia ai le faatinoina o se manatu se tasi pe sili atu o loo lisiina i luga o le laupapa. Ina ia fesoasoani i auiliiliga o a latou fuafuaga, e mafai ona e faaali atu faatonuga ma uunaiga nei mo tagata aoga e faamaea ia latou api talaaga mo suesuega.

Filifili se tasi o gaoioiga nei e faatumu i lau api talaaga mo suesuega:

O le a ou faaali atu le alofa i se tasi e ala i le .
O le a ou faasoa atu mea ou te iloa pe lagonaina e uiga i le talalelei a le Faaola e ala i le .
O le a ou valaaulia (igoa o se tasi) ia .

Mo (le) uunaiga na e filifili e tali, faamaea mea nei i lau api talaaga mo suesuega:

O le isi laasaga o le a ou faia mo le faamaeaina o la’u fuafuaga o le .
O le a ou taumafai e faia lenei mea e ala i le (aso).

Atonu e lagona e nisi tagata aoga le lotovaivai pe afai e le talia lelei ni taumafaiga faamaoni e faasoa atu le talalelei. Fesoasoani i tagata aoga ia malamalama e alofa le Alii i taumafaiga o loo latou faia, e tusa lava pe foliga mai e le manuia i le taimi nei. Valaaulia i latou e faaauau pea ona galulue i le faatuatua e tusa lava po o a taunuuga o maua vave mai.

Punaoa Faaopoopo

E mafai ona ou fesoasoani i le Faaola e faasoa atu Lana talalelei i lenei aso?

Na faamanatu mai ia i tatou e Elder Dale G. Renlund o le Korama a Aposetolo e Toasefululua:

E mafai ona avea oe ma se vaega o le alofa i isi, faasoa atu se savali e uiga ia Iesu Keriso ma Lana Ekalesia, ma valaaulia isi e a’oa’o atili e uiga i le talalelei. O le a faia e le Atua Lana galuega; O le a Ia faanatinatiina le galuega i Lana lava taimi, ma o le a Ia faaaogaina i latou uma o e naunau e faataunuuina, e oo lava—aemaise lava—oe. (Dale G. Renlund, “Faasoaina atu o le Meaalofa o le Kerisimasi,” Mo le Malosi o le Autalavou, Tes. 2021, 11)

Ae faapefea pe afai e le tali lelei mai isi i au taumafaiga e alofa, faasoa, ma valaaulia?

Na aoao mai Elder Thierry K. Mutombo o le Fitugafulu:

A o e faasoa atua le tala fiafia, le talalelei a Iesu Keriso, ia e faia lava i le alofa ma le onosai. E le tatau ona tatou fegalegaleai ma isi ma le faamoemoega atoa o le a vave ona i ai i ofu papae ina ia papatisoina. O nisi e o mai ma matamata o le a, masalo, lē auai lava i le Ekalesia; o nisi o le a auai i se taimi mulimuli ane. O le latou filifiliga lena. Ae lē faapea e suia ai lo tatou alolofa mo i latou. Ma e lē suia ai a tatou taumafaiga naunautai e faaauau pea le valaaulia o tagata taitoatasi ma aiga ia o mai ma matamata, o mai ma fesoasoani, ma o mai ma nonofo. O le mea e taua ia e lē faavaivai; ia taumafai pea ia faia ia sa’o. Ou te folafola atu ia te outou o le a sili atu lou fiafia ma sili atu le olioli ona o lou manao i aso taitasi e faasoa atu mea ua e iloa e moni i isi. (Thierry K. Mutombo, “Faasoa Atu le Talalelei,” Liahona, Fep. 2022)

Gaoioiga Faaopoopo e Aoao Ai

Valaaulia e aoga

O se isi auala e amata ai le lesona, e mafai ona e valaaulia tagata aoga e mafaufau faapea na latou mauaina se valaaulia i se gaoioiga lauiloa (e pei o se taaloga, se koneseti musika, po o se mea talitutusa). Valaaulia i latou e faatulaga se fua o le tasi (e le mautinoa) i le lima (mautinoa) pe o le a lo latou naunau e o i ia faamoemoe i tulaga taitasi nei:

O le faamoemoe e fai i se mea mamao ese ma e na o le tasi le pepa ulufale na e mauaina.
O se faiaoga po o se taitai i le aoga e fautuaina le auai i lea faamoemoe.
O se uo mamae ua fiafia tele i lea faamoemoe ma o le a auai atu. Ua fesili atu le uo pe e te manao tou te o faatasi.

Fai atu i tagata aoga e faasoa mai pe aisea na faateleina ai pe faaitiitia e tulaga taitasi lo latou manao e auai i le faamoemoe. A o tali mai tagata aoga i le fesili lenei, e mafai e oe po o se isi tagata aoga ona lisi a latou tali i luga o le laupapa.

O a nisi o tulaga e ono faateleina ai le manao o se tasi e talia se valaaulia? Aisea?
E mafai faapefea ona faaaoga lenei mea i a tatou taumafaiga e faasoa atu le talalelei?

Taiala o mataupu faavae o le alofa, faasoa atu, ma le valaaulia

A o e folasia atu mataupu faavae o le alofa, faasoa atu, ma valaaulia, e mafai ona e faaali atu ia Elder Michael T. Ringwood ma Marcus B. Nash o le Fitugafulu o loo aoao atu nei mataupu faavae i le “Mataupu Faavae o le Alofa, Faasoa Atu,Valaaulia e Talanoaina” (2:32).

2:33

Faasoa atu i isi

Ina ia fesoasoani i tagata aoga ia iloa auala eseese e mafai ona latou faasoa atu ai le savali o le talalelei faatekinolosi, e mafai ona e matamata i le “Faasoaina Atu o Ou Talitonuga” (2:02).

2:2

Ina ia fesoasoani i tagata aoga ia malamalama pe mafai faapefea ona latou faasoa atu le talalelei i gaoioiga o aso uma, e mafai ona e faaalia le “Faasoaina Atu o le Talalelei” (3:49).

3:49