Tusi Lesona a le Faiaoga Seminare o le Mataupu Faavae ma Feagaiga

Anotusi
Itulau Autu
Faatomuaga i le Tusi Lesona a le Faiaoga Seminare i le Mataupu Faavae ma Feagaiga ma le Talafaasolopito o le Ekalesia
O Lesona o le Mataupu Faavae ma Feagaiga
- O Le Folafolaga o le Toefuataiga
- Mataupu Faavae ma Feagaiga 1
- Iosefa Samita—Talafaasolopito 1:1–26
- Mataupu Faavae ma Feagaiga 2: Iosefa Samita—Talafaasolopito 1:27–65
- Mataupu Faavae ma Feagaiga 3–5
- Mataupu Faavae ma Feagaiga 6–9
- Mataupu Faavae ma Feagaiga 10–11
- Mataupu Faavae ma Feagaiga 12–17; Iosefa Samita—Talafaasolopito 1:66–75
- Mataupu Faavae ma Feagaiga 18
- Mataupu Faavae ma Feagaiga 19
- Mataupu Faavae ma Feagaiga 20–22
- Mataupu Faavae ma Feagaiga 23–26
- Mataupu Faavae ma Feagaiga 27–28
- Mataupu Faavae ma Feagaiga 29
- Mataupu Faavae ma Feagaiga 30–36
- Mataupu Faavae ma Feagaiga 37–40
- Mataupu Faavae ma Feagaiga 41–44
- Mataupu Faavae ma Feagaiga 45
- Mataupu Faavae ma Feagaiga 46–48
- Mataupu Faavae ma Feagaiga 49–50
- Mataupu Faavae ma Feagaiga 51–57
- Mataupu Faavae ma Feagaiga 58–59
- Mataupu Faavae ma Feagaiga 60–63
- Mataupu Faavae ma Feagaiga 64–66
- Mataupu Faavae ma Feagaiga 67–70
- Mataupu Faavae ma Feagaiga 71–75
- Mataupu Faavae ma Feagaiga 76
- Mataupu Faavae ma Feagaiga 77-80
- Mataupu Faavae ma Feagaiga 81–83
- Mataupu Faavae ma Feagaiga 84
- Mataupu Faavae ma Feagaiga 85–87
- Mataupu Faavae ma Feagaiga 88
- Mataupu Faavae ma Feagaiga 89–92
- Mataupu Faavae ma Feagaiga 93
- Mataupu Faavae ma Feagaiga 94–97
- Mataupu Faavae ma Feagaiga 98–101
- Mataupu Faavae ma Feagaiga 102–105
- Mataupu Faavae ma Feagaiga 106–108
- Mataupu Faavae ma Feagaiga 109–110
- Mataupu Faavae ma Feagaiga 111–114
- Mataupu Faavae ma Feagaiga 115–120
- Mataupu Faavae ma Feagaiga 121–123
- Mataupu Faavae ma Feagaiga 124
- Mataupu Faavae ma Feagaiga 125–128
- Mataupu Faavae ma Feagaiga 129–132
- Mataupu Faavae ma Feagaiga 133–134
- Mataupu Faavae ma Feagaiga 135–136
- Mataupu Faavae ma Feagaiga 137–138
- O Mataupu Faavae o le Faatuatua ma le Folafolaga Aloaia 1 ma le 2
- O Le Aiga: O Se Folafolaga i le Lalolagi
- O Le Keriso Soifua
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Mo Le Malosi o le Autalavou: Faia o Filifiliga
- Atiina A’e o le Ola Tutoatasi
- Soifua Maloloina Faaletino ma Faalelagona
- Sauniuni mo Aoga ma Galuega i le Lumanai
- Faamanuiaina i le Aoga
- Sauniuniga a le Faifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Lesona 62—Mataupu Faavae ma Feagaiga 46:7–33, Vaega 1: Meaalofa a le Agaga

“Lesona 62—Mataupu Faavae ma Feagaiga 46:7–33, Vaega 1: Meaalofa a le Agaga,” Tusi Lesona a le Faiaoga Seminare o le Mataupu Faavae ma Feagaiga (2025)

“Mataupu Faavae ma Feagaiga 46:7–33, Vaega 1” Tusi Lesona a le Faiaoga Seminare o le Mataupu Faavae ma Feagaiga

Lesona 62: Mataupu Faavae ma Feagaiga 46–48

Mataupu Faavae ma Feagaiga 46:7–33, Vaega 1

Meaalofa a le Agaga

talavou ua mauaina le meaalofa o le Agaga Paia

E faamanuiaina e le Tama Faalelagi tagata faamaoni o le Ekalesia i meaalofa faaleagaga. O nei meaalofa e mafai ai ona tatou avea atili e faapei o le Faaola ma faamanuia ai i latou o siomia i tatou. O lenei lesona e mafai ona fesoasoani i tamaiti aoga ia lagonaina le alofa o le Tama Faalelagi mo i latou a o latou aoaoina le mafuaaga Na te faamanuiaina ai i tatou i meaalofa faaleagaga.

Gaoioiga E Ono Mafai Ona Aoao Ai

O le lesona muamua lenei o lesona e lua e uiga i meaalofa a le Agaga. Vaega 1 o le a taulai atu i faamoemoega o le Tama Faalelagi mo le faamanuiaina o i tatou i meaalofa faaleagaga. Vaega 2 o le a fesoasoani i tamaiti aoga e iloa ai pe mafai faapefea ona latou sailia meaalofa faaleagaga. Afai e tapulaa le taimi o le vasega ma e na o le tasi le lesona e mafai ona aoao atu, mafaufau pe mafai faapefea ona tuufaatasi lelei ia lesona e lua.

Faamaoniga o le alofa o le Tama Faalelagi

Meaalofa a le Agaga

O faamanuiaga ma tomai e tuuina mai e le Atua ia i tatou e ala mai i le Agaga Paia ua ta’ua o meaalofa faaleagaga.

O le a se mea ua e iloa e uiga i meaalofa faaleagaga ma lo latou faamoemoega?

Ina ia fesoasoani i tamaiti aoga ia malamalama i le manaoga o uluai tagata o le Ekalesia ia maua meaalofa a le Agaga, e mafai ona e faitau mai le Au Paia: O Le Tala o le Ekalesia a Iesu Keriso i Aso e Gata Ai, vol. 1, O Le Tagavai o le Upu moni, 1815–1846 (2018), 111–13, pe ta le leo o le mataupu 10 mai le faailotaimi 12:36 i le 15:52 (e maua i saints.ChurchofJesusChrist.org). I se isi itu, e mafai ona e faasoa atu le aotelega lenei.

Sa fiafia uluai tagata liliu mai i le Ekalesia i Katelani e uiga i le folafolaga e mafai ona latou maua meaalofa faaleagaga. Peitai, sa lē malamalama nisi i le auala na faaalia ai nei meaalofa.

O nisi o le Au Paia i Katelani na soona fai o latou talitonuga, ma fiafia i mea sa latou manatu o ni meaalofa a le Agaga. E toatele tagata na fai mai na maua a latou faaaliga sa le mafai ona latou faamatalaina. O isi sa talitonu na faia e le Agaga Paia i latou e sosolo pe soso i le palapala. O se tasi tagata sa osooso faataamilo i le potu pe suigi mai laau faalava o le taualuga i soo se taimi e manatu ai o ia ua ia lagonaina le Agaga. O le isi sa pei o se manukī.

I le vaai ai i nei amioga, sa amata ai ona lotovaivai nisi o tagata liliu mai ma lafoai ai le ekalesia fou. (Au Paia, 1:112)

O a nisi o fesili po o malamalamaaga sese atonu o i ai i tagata e uiga i meaalofa a le Agaga i o tatou aso?

E mafai ona valaaulia tamaiti aoga e faasoa mai a latou lava fesili e uiga i meaalofa faaleagaga. Uunaia tamaiti aoga e vaavaai mo aoaoga e mafai ona fesoasoani ia i latou e malamalama atili ai i meaalofa faaleagaga ma pe faapefea ona avea nei meaalofa ma faamaoniga o le alofa o le Atua.

Na faaali mai e le Alii upu moni e uiga i meaalofa faaleagaga

Sa sailia e le Perofeta o Iosefa Samita le taitaiga faalelagi e uiga i le auala e fesoasoani ai i le Au Paia i Katelani. O se vaega o le faaaliga na maua e le Perofeta, na aoao mai ai e le Alii ia mataupu faavae o le a fesoasoani i le Au Paia e aloese ai mai le faaseseina ma fesoasoani ia latou malamalama i meaalofa moni a le Agaga.

Faitau le Mataupu Faavae ma Feagaiga 46:7–8, ma vaavaai mo le fautuaga na tuuina mai e le Alii i le Au Paia.

O le a le mea na aoao mai e le Alii i nei fuaiupu e uiga i le ala e mafai ai ona tatou aloese mai le faaseseina?

Faitau le Mataupu Faavae ma Feagaiga 46:9–12, 26. Saili mo tali o fesili nei:

O ai e tuuina atu i ai meaalofa faaleagaga?
Aisea e tuuina mai ai e le Tama Faalelagi meaalofa faaleagaga i Ana fanau?

Faaali atu fesili e lua muamua mo tamaiti aoga e faasino i ai a o latou suesue. E mafai ona latou suesue e i latou lava pe i ni vaega toalaiti. A uma ua lava se taimi e suesue ai, valaaulia i latou e talanoa a latou tali i fesili.

I le avea ai ma se vaega o la outou talanoaga, fesoasoani i tamaiti aoga e faailoa mai le upu moni lenei: E faamanuiaina e le Tama Faalelagi Ana fanau i meaalofa faaleagaga ina ia manuia ai tagata uma.
E mafai faapefea e le iloaina o le faamoemoega o meaalofa faaleagaga ona fesoasoani tatou te iloa ai i latou i o tatou olaga?

Malamalama atili e uiga i meaalofa faaleagaga

Iloa eseesega o pulega (fuaiupu 15): O lenei meaalofa e mafai ona fesoasoani i taitai e iloa ai meaalofa faaleagaga a isi ma pe mafai faapefea ona fesoasoani i latou i tulaga eseese oauaunaga.
Iloa le eseesega o faiga (fuaiupu 16): O lenei meaalofa e fesoasoani i tagata taitoatasi e filimaoti ai pe o se aoaoga po o se faatosinaga e sau mai le Atua pe mai se isi punavai.
Meaalofa o le vavalo (fuaiupu 22): “O le agaga o le valoaga o le mau lea ia Iesu” (Faaaliga 19:10). O faaaliga faaletagata lava ia, o le punavai o molimau, ma o le molimau e mafai ai e se tagata ona valoia pe molimau atu i le galuega a le Atua.
O le iloaina o agaga (fuaiupu 23):O lenei meaalofa e mafai ai e se tagata ona iloa pe malamalama i faamoemoega moni ma faanaunauga natia o isi. O lenei meaalofa e fesoasoani i se tagata ia iloa ai mea leaga o loo natia ma iloa ai le lelei i isi.

“O Nei Meaalofa e Mai le Atua”

Faitau le Mataupu Faavae ma Feagaiga 46:13–26 ma faailoa mai meaalofa faaleagaga eseese e tuuina mai e le Atua i Ana fanau. Ina ia malamalama atili i le auala e mafai ai e nei meaalofa ona faamanuia fanau a le Atua, faafetaui fuaiupu taitasi ma le tulaga talafeagai.

Meaalofa Faaleagaga		Meaalofa Faaleagaga
Meaalofa Faaleagaga Mataupu Faavae ma Feagaiga 46:13	Meaalofa Faaleagaga A o auauna ai o se peresitene o lana vasega a Tamaitai Talavou, sa mafai e Michelle ona iloa malosiaga eseese o tagata o lana vasega. O lenei faailoaga ua fesoasoani ia te ia e faia ai ni tofiga e mafai ai e tagata o lana vasega ona fai o latou sao ma auauna atu i ni auala anoa.
Meaalofa Faaleagaga Mataupu Faavae ma Feagaiga 46:14	Meaalofa Faaleagaga A o faalogologo Samantha i molimau a isi, na te le o mautinoa pe mafai ona ia auai faatasi ma i latou i le faapea atu ua ia iloa e moni le Ekalesia. Ae o le faalogo i a latou molimau e faateleina ai lona talitonuga i le Faaola. O lenei talitonuga ua musuia ai o ia e faaauau pea ona ola faamaoni.
Meaalofa Faaleagaga Mataupu Faavae ma Feagaiga 46:15	Meaalofa Faaleagaga Ua valaaulia Lusi i se pati. E ui e leai se tasi na tuuina atu ia te ia ni faamatalaga [e uiga i le pati], ae e i ai sona lagona le toafilemu e uiga i le auai ai. Sa ia teena ma le faaaloalo le valaaulia, ma e ui ina faigata, ua ia lagonaina o loo ia faia le mea sa’o.
Meaalofa Faaleagaga Mataupu Faavae ma Feagaiga 46:16	Meaalofa Faaleagaga Sa fesoasoani le Alii i le tele o perofeta e valoia mea e tutupu i le lumana’i, e aofia ai le galuega a Iesu Keriso (tagai Isaia 7:14; 1 Nifae 11:27–28; Mosaea 3:5–10).
Meaalofa Faaleagaga Mataupu Faavae ma Feagaiga 46:17–18	Meaalofa Faaleagaga A o taumafai Ropati e ola i le talalelei, tatalo e le aunoa, ma suesue i tusitusiga paia, ua ia iloa o Iesu Keriso o lona Faaola.
Meaalofa Faaleagaga Mataupu Faavae ma Feagaiga 46:19–20	Meaalofa Faaleagaga Sa faigata le galuega faafaifeautala’i mo Elder Vasquez ma Elder Cox. Peitai, ua la’ua naunau e auauna atu ma le faatuatua ia Iesu Keriso. I le aluga o taimi, ua amata ona la’ua vaaia loto ua faamaluluina ma tutupu vavega i olaga o tagata o loo la’ua aoaoina.
Meaalofa Faaleagaga Mataupu Faavae ma Feagaiga 46:21	Meaalofa Faaleagaga Pe a ma’i Mareko, ua ia iloa e mafai ona ia fesili atu i lona tama mo se faamanuiaga faaleperisitua. I le tele o taimi, o nei faamanuiaga ua aumaia ai ia te ia le filemu ma le malosi faaopoopo.
Meaalofa Faaleagaga Mataupu Faavae ma Feagaiga 46:22	Meaalofa Faaleagaga O se faamatalaga i luga o ala o faasalalauga faaleagafesootai ua mafua ai ona fesiligia e se tasi o uo a Alice lona faatuatua. Ina ua ia faasoa atu le faasalaulauga ia Alice, sa ia iloaina o le faamatalaga e le mai le Atua.
Meaalofa Faaleagaga Mataupu Faavae ma Feagaiga 46:23	Meaalofa Faaleagaga Sa talosagaina Judie e faiaoga i lana vasega a Tamaitai Talavou. A o ia sailia le fesoasoani a le Tama Faalelagi, sa ia lagonaina le taialaina o ia i ana sauniuniga ma sa mafai ona ia aoao atu se lesona manino.
Meaalofa Faaleagaga Mataupu Faavae ma Feagaiga 46:24–25	Meaalofa Faaleagaga Ua valaauina Sister Erickson e auauna atu i se misiona i se isi atunuu. A o ia sailia le fesoasoani a le Atua ma galue e aoao le gagana, ua ia iloa ai e mafai ona ia malamalama i isi ma faasoa atu ma le mamana lana molimau.

A maea le gaoioiga a tamaiti aoga, faasoa atu tali ia i latou: 1u, 2e, 3a, 4l, 5m, 6g, 7f, 8o, 9i, 10n. Tuu atu faamaninoga pe a manaomia.

O le a se mea na e aoaoina e uiga i le ala e faamanuia ai e le Tama Faalelagi Ana fanau e ala i meaalofa a le Agaga?

Faamalamalama atu atonu e iloa e tamaiti aoga le faamanuiaina o i latou e le Tama Faalelagi i meaalofa faaleagaga i tua atu o meaalofa o loo lisiina i tusitusiga paia. Mo se faataitaiga, e ala i le Agaga Paia, e mafai ai ona Ia faamanuiaina i latou i le onosai i se tulaga faigata, tomai e faamagalo ai se tasi na faatiga ia i latou, lototele i se taimi o mafatiaga, po o se manao sili atu e auauna atu i se tasi. Mafaufau e valaaulia tamaiti aoga e mafaufau i nisi meaalofa faaleagaga o loo avanoa mo i tatou ma pe faapefea ona avea i latou ma faaaliga o le alofa o le Atua. E mafai ona e lisia nisi o nei upumoni i luga o le laupapa.
O a nisi meaalofa faaleagaga ua faamanuiaina ai oe e le Tama Faalelagi?
Na faapefea ona Ia faamanuiaina oe e ala i meaalofa faaleagaga a isi?
Na faapefea e lou aafiaga i meaalofa faaleagaga ona aafia ai lou sootaga ma le Tama Faalelagi?

Punaoa Faaopoopo

O fea e mafai ona ou aoao atili ai e uiga i meaalofa faaleagaga?

Mo se faamalamalamaga auiliili o nisi o meaalofa faaleagaga o loo ta’ua i lenei lesona, tagai i le siata i le Tusi Lesona a le Tagata Aoga o le Feagaiga Fou (2018), “1 Korinito 12–14.”

Mataupu Faavae ma Feagaiga 46:7–8: E faapefea ona faasese e le fili tagata i le talitonu o loo latou lagonaina le Agaga?

E ui o taufaasese faaleagaga na oo i ai nisi o le Au Paia i Katelani e le o se mea masani i le Ekalesia i aso nei, ae o loo faaseseina pea e le fili ia tagata, ma taitai atu ai i amioga e le ogatusa ma le talalelei a Iesu Keriso.

Na faasoa mai e Elder Dale G. Renlund o le Korama Aposetolo e Toasefululua le mea lenei:

12:41

Sa ta’u mai e se alii ia te a’u e uiga i ana tauiviga e faatumau le tulaga tautupe a lona aiga. Sa ia te ia le manatu e ave faagaoi tupe e fai ma vaifofo, sa tatalo e uiga i ai, ma lagona sa ia mauaina se faaaliga mautu e fai lena mea. Sa ou iloaina na faaseseina o ia ona sa ia saili i faaaliga e feteenai ma se poloaiga a le Atua. “Sa lapatai mai le Perofeta o Iosefa Samita, “E leai se manuaga sili atu o le fanau a tagata nai lo le aafia i se uunaiga a se agaga pepelo ina ua latou manatu ua latou maua le Agaga o le Atua” [Iosefa Samita, i le Times and Seasons, Apr. 1, 1842, 744, josephsmithpapers.org]. (Dale G. Renlund, “O Se Auivi mo Faaaliga Faaletagata Lava Ia,” Liahona, Nov. 2022, 17)

Pe manaomia ea le meaalofa o le Agaga Paia ia maua ai meaalofa faaleagaga?

Sa aoao mai le Perofeta o Iosefa Samita:

Tatou te … talitonu i valoaga, i gagana, ma faaaliga, i meaalofa, ma faamalologa; ma e lē mafai ona olioli i nei mea e aunoa ma le meaalofa o le Agaga Paia. (Aoaoga a Peresitene o le Ekalesia: Iosefa Samita [2007],117)

O a nisi o meaalofa faaleagaga o loo avanoa mo i tatou?

Sa aoao mai Elder John C. Pingree Jr. o le Fitugafulu:

10:25

E tele ni meaalofa faaleagaga ua tusifaamaumauina i tusi paia [tagai 1 Korinito 12:1–11, 31; Moronae 10:8–18; Mataupu Faavae ma Feagaiga 46:8–26], ae e tele atu isi. O nisi faataitaiga e ono aofia ai le lotoalofa, faaali atu o le faamoemoe, fesootai lelei ma tagata, faatulagaina lelei, tautala atu pe tusi faatauanau, aoao manino atu, ma le galue malosi. (John C. Pingree, Jr., “Ua ia te A’u Se Galuega mo Oe,” Liahona, Nov. 2017, 33)

Na talanoa mai Elder Marvin J. Ashton (1915–1994) o le Korama a Aposetolo e Toasefululua i meaalofa faaleagaga faaopoopo:

19:23

Gaoioiga Faaopoopo e Aoao Ai

E tofu i tatou ma meaalofa eseese ae taua

E mafai ona faaaoga lenei gaoioiga nai lo le tufaaga.

A o lei amataina le vasega, tusi numera 13 e oo i le 25 i soo se mea i luga o se fasi pepa. Ona oti lea o le pepa i ni fasipaso e 13, faatasi ai ma se numera se tasi i luga o fasipepa taitasi o le paso.

A uma ona faailoa mai le upu moni malosi i le lesona, tufa atu fasi paso i tamaiti aoga. Faamalamalama atu faapea, o numera o loo i luga o fasipaso e faasino i le fuaiupu i le Mataupu Faavae ma Feagaiga 46 ma o nei fuaiupu taitasi o loo ta’ua mai ai se meaalofa a le Agaga. Valaaulia tamaiti aoga e faitau leotele fuaiupu e tutusa ma numera ua tuuina atu ia i latou.

A mavae le faitauina o fuaiupu taitasi, fai atu i tamaiti aoga e fautua mai se tulaga e mafai ona faamanuia ai e lena meaalofa ia fanau a le Atua. Ao latou faasoa, valaaulia le vasega e galulue faatasi e tuufaatasi le paso. Ta’u i ai e pei lava ona tuuina atu i tamaiti aoga ni vaega eseese e manaomia e faauma ai le paso, ua tuuina mai foi ia i tatou uma ni meaalofa faaleagaga eseese ina ia manuia ai le tasi ma le isi (tagai fuaiupu 12).

Iloaina ma talitonu

Atonu e manuia tamaiti aoga mai le iloaina o le meaalofa o le talitonu ia Iesu Keriso o se meaalofa taua mai le Atua, e tusa lava pe tatou te le o mauaina le meaalofa o le iloaina o Ia o le Alo o le Atua (tagai Mataupu Faavae ma Feagaiga 46:13–14).

Na faasoa mai Elder Jeffrey R. Holland o le Korama a Aposetolo e Toasefululua:

14:43

Na fai mai talu ai nei ma sina faalotolotolua se tamaitiiti e 14 tausaga, “Brother Holland, e le o mafai ona ou fai atu ua ou iloa e moni le Ekalesia, ae ou te talitonu e moni.” Sa ou matua opoina lena tamaitiiti seia oo ina matua faapupulaina ona mata. Sa ou fai atu i ai ma le lagona naunautai mai lo’u loto, o le talitonu o se upu taua, o se taga e sili atu ona taua, ma e le tatau ai ona faatoese i le “na ona talitonu.” (Jeffrey R. Holland, “Le Alii e, Ua Ou Faatuatua,” Liahona, Me 2013, 94)

E mafai e tamaiti aoga ona suesue i punaoa mamana ua filifilia ia malamalama atili ai i le ala e faamamaluina ai e le Alii i latou e i ai le meaalofa o le talitonu. Mo se faataitaiga, e mafai ona latou suesue atili mai le saunoaga a Elder Holland “Le Alii e, Ua Ou Faatuatua” po o le Alema 32:16–27.