Tusi Lesona a le Faiaoga Seminare o le Mataupu Faavae ma Feagaiga

Anotusi
Itulau Autu
Faatomuaga i le Tusi Lesona a le Faiaoga Seminare i le Mataupu Faavae ma Feagaiga ma le Talafaasolopito o le Ekalesia
O Lesona o le Mataupu Faavae ma Feagaiga
- O Le Folafolaga o le Toefuataiga
- Mataupu Faavae ma Feagaiga 1
- Iosefa Samita—Talafaasolopito 1:1–26
- Mataupu Faavae ma Feagaiga 2: Iosefa Samita—Talafaasolopito 1:27–65
- Mataupu Faavae ma Feagaiga 3–5
- Mataupu Faavae ma Feagaiga 6–9
- Mataupu Faavae ma Feagaiga 10–11
- Mataupu Faavae ma Feagaiga 12–17; Iosefa Samita—Talafaasolopito 1:66–75
- Mataupu Faavae ma Feagaiga 18
- Mataupu Faavae ma Feagaiga 19
- Mataupu Faavae ma Feagaiga 20–22
- Mataupu Faavae ma Feagaiga 23–26
- Mataupu Faavae ma Feagaiga 27–28
- Mataupu Faavae ma Feagaiga 29
- Mataupu Faavae ma Feagaiga 30–36
- Mataupu Faavae ma Feagaiga 37–40
- Mataupu Faavae ma Feagaiga 41–44
- Mataupu Faavae ma Feagaiga 45
- Mataupu Faavae ma Feagaiga 46–48
- Mataupu Faavae ma Feagaiga 49–50
- Mataupu Faavae ma Feagaiga 51–57
- Mataupu Faavae ma Feagaiga 58–59
- Mataupu Faavae ma Feagaiga 60–63
- Mataupu Faavae ma Feagaiga 64–66
- Mataupu Faavae ma Feagaiga 67–70
- Mataupu Faavae ma Feagaiga 71–75
- Mataupu Faavae ma Feagaiga 76
- Mataupu Faavae ma Feagaiga 77-80
- Mataupu Faavae ma Feagaiga 81–83
- Mataupu Faavae ma Feagaiga 84
- Mataupu Faavae ma Feagaiga 85–87
- Mataupu Faavae ma Feagaiga 88
- Mataupu Faavae ma Feagaiga 89–92
- Mataupu Faavae ma Feagaiga 93
- Mataupu Faavae ma Feagaiga 94–97
- Mataupu Faavae ma Feagaiga 98–101
- Mataupu Faavae ma Feagaiga 102–105
- Mataupu Faavae ma Feagaiga 106–108
- Mataupu Faavae ma Feagaiga 109–110
- Mataupu Faavae ma Feagaiga 111–114
- Mataupu Faavae ma Feagaiga 115–120
- Mataupu Faavae ma Feagaiga 121–123
- Mataupu Faavae ma Feagaiga 124
- Mataupu Faavae ma Feagaiga 125–128
- Mataupu Faavae ma Feagaiga 129–132
- Mataupu Faavae ma Feagaiga 133–134
- Mataupu Faavae ma Feagaiga 135–136
- Mataupu Faavae ma Feagaiga 137–138
- O Mataupu Faavae o le Faatuatua ma le Folafolaga Aloaia 1 ma le 2
- O Le Aiga: O Se Folafolaga i le Lalolagi
- O Le Keriso Soifua
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Mo Le Malosi o le Autalavou: Faia o Filifiliga
- Atiina A’e o le Ola Tutoatasi
- Soifua Maloloina Faaletino ma Faalelagona
- Sauniuni mo Aoga ma Galuega i le Lumanai
- Faamanuiaina i le Aoga
- Sauniuniga a le Faifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Lesona 18—O Le Faaliliuga o le Tusi a Mamona: O Le Meaalofa ma le Mana o le Atua

“Lesona 18—O Le Faaliliuga o le Tusi a Mamona: O Le Meaalofa ma le Mana o le Atua,” Tusi Lesona a le Faiaoga Seminare o le Mataupu Faavae ma Feagaiga (2025)

“O Le Faaliliuga o le Tusi a Mamona,” Tusi Lesona a le Faiaoga Seminare o le Mataupu Faavae ma Feagaiga

Lesona 18: Mataupu Faavae ma Feagaiga 6-9

O Le Faaliliuga o le Tusi a Mamona

“O Le Meaalofa ma le Mana o le Atua”

I le i ai o Oliva Kaotui e avea ma ana tusiupu, na faavavega le alualu i luma o le faaliliuga o le Tusi a Mamona e Iosefa Samita i le taimi o le tautotogo o le 1829. E ui tatou te le iloa ni faamatalaga patino e uiga i le faaliliuga e Iosefa Samita o le Tusi a Mamona, ua tatou iloa sa ia faia e ala i le meaalofa ma le mana o le Atua. O lenei lesona ua faamoemoe e fesoasoani ia faamalosia ai molimau a tamaiti aoga na saunia e le Atua ia auala ma le mana mo Iosefa Samita e faaliliu ai le Tusi a Mamona mo i tatou.

Gaoioiga E Ono Mafai Ona Aoao Ai

Tupuaga o le Tusi a Mamona

Mafaufau e amata le vasega i le faasoa atu o le ata faataitai lenei. E mafai ona e tuu atu i tamaiti aoga se avanoa e faatino ai ma se paga po o luma o le vasega.

Vaai faalemafaufau i se tasi aso sa e faasoa atu ai i se tasi o au uo lelei lou talitonuga o le Tusi a Mamona o se tusitusiga paia e pei o le Tusi Paia. Ua fai si faateia o lau uo ma fai mai sa aoaoina o ia faapea o Iosefa Samita sa tusia le Tusi a Mamona mai ona mafaufauga.

O a ni nai auala e mafai ona e tali atu ai i lea tulaga?

Faamalamalama atu o lenei lesona o le a fesoasoani i tamaiti aoga e aoao ai e uiga i nisi o faamatalaga e faatatau i le faaliliuga e Iosefa Samita o le Tusi a Mamona. Valaaulia tamaiti aoga e vaavaai mo upumoni a o latou suesue e mafai ona fesoasoani ia i latou i tulaga faapenei ma faamalosia ai a latou molimau o le Tusi a Mamona e mai le Atua.

Ua fesoasoani Oliva Kaotui i le faaliliuga

Mafaufau e fesili i tamaiti aoga po o a mea latou te manatua e uiga i tulaga e faatatau i le fesoasoani ai o Oliva Kaotui ia Iosefa Samita i le faaliliuga o le Tusi a Mamona. Afai e manaomia, tagai i le lesona “Mataupu Faavae ma Feagaiga 6“ po o le Au Paia, vol. 1, O Le Tagavai o le Upumoni, 58–60.

I totonu o le lua aso o le o mai i Haramoni, Penisilevania, e feiloai ai ma Iosefa Samita, sa amata ona galue Oliva Kaotui o se tusiupu a Iosefa. E lei umi ae tele se alualu i luma faavavega na faia e Iosefa ma Oliva i le faaliliuga o le Tusi a Mamona. Na fuafuaina e faapea, i le avea ai o Oliva o lana tusiupu, na faamaeaina ai e Iosefa Samita le faaliliuga o le Tusi a Mamona pe tusa ma le 65 aso faigaluega (tagai Russell M. Nelson, “A Treasured Testament,“ Ensign, July 1993, 61).

O faamatalaga a Iosefa Samita e uiga i le faaliliuga

Mafaufau e fesili atu i tamaiti aoga po o a mea latou te iloa e uiga i le faaliliuina e Iosefa Samita o le Tusi a Mamona i se auala faavavega.

O le vaega lenei mai le tusiga o Autu o le Talalelei ua faaautuina “Faaliliuga o le Tusi a Mamona” e mafai ona fesoasoani i tamaiti aoga ia malamalama i mea na manao ai Iosefa Samita i le lalolagi ia iloa e uiga i le faaliliuga.

I le faatomuaga i le lolomiga o le Tusi a Mamona i le 1830, na tusia ai e Iosefa Samita: “Ou te faailoa atu ia te outou na ou faaliliuina [le tusi], e ala i le meaalofa ma le mana o le Atua.” Ina ua uunaia faamalosi atu mo mea faapitoa e uiga i le faagasologa o le faaliliuga, na faamatalaina soo e Iosefa na faia “e ala i le meaalofa ma le mana o le Atua” ma sa faaopoopo mai i se tasi taimi, “E lei fuafuaina e ta’u auiliili uma atu i le lalolagi le oo mai o le Tusi a Mamona.” (Gospel Topics Essays, “Book of Mormon Translation,” ChurchofJesusChrist.org)

O a upumoni o mafai ona tatou aoao mai le faamatalaga a Iosefa Samita e uiga i le faaliliuga o le Tusi a Mamona?

Fesoasoani i tamaiti aoga e faailoa le mea moni sa faaliliuina e Iosefa Samita le Tusi a Mamona e ala i le meaalofa ma le mana o le Atua.
Aisea e taua ai le iloa o le Tusi a Mamona na faaliliuina i le mana o le Atua nai lo Iosefa Samita?

Meafaigaluega o le faaliliuga

O mea nei e mafai ona fesoasoani i tamaiti aoga ia malamalama teisi ai e uiga i meafaigaluega na faaavanoa e le Atua ia Iosefa Samita e fesoasoani ai i ana taumafaiga e faaliliu le Tusi a Mamona.

Ina ua faaali mai le agelu o Moronae ia Iosefa Samita i le 1823, sa ia tuuina atu ana faatonuga i le Perofeta e uiga i le ala o le a oo mai ai le Tusi a Mamona.

Faitau Iosefa Samita—Talafaasolopito 1:34–35 ma vaavaai po o a meafaigaluega na saunia e le Atua mo le faaliliuga o le Tusi a Mamona.

Afai e moomia, e mafai foi ona e valaaulia tamaiti aoga e faitau le Mamona 9:34 ma le Eteru 3:23–24 e fesoasoani ia i latou ia malamalama na malamalama perofeta o le Tusi a Mamona o le a saunia e le Atua se ala mo a latou upu ina ia faaliliuina.

O a ni auala na saunia ai e le Alii le Tusi a Mamona mo le faaliliuga?

O tala faasolopito mulimuli ane o loo ta’u mai ai i le faaopoopo atu i le faaaogaina o le Urima ma le Tumema (o nisi taimi e ta’ua o faamatalaupu po o tioata a sa Nifae) e faaliliu ai le Tusi a Mamona, na faaaoga e Iosefa Samita le isi meafaigaluega e ta’ua o le maa faaliliu. Sa maua e le Perofeta lenei meafaigaluega i ni nai tausaga a o lei mauaina e ia papatusi auro.

Tatou te le iloa ni faamatalaga se tele pe faapefea ona faaaoga e Iosefa nei meafaigaluega na saunia e le Atua. Ae na fai mai molimau o nisi taimi e tuu e Iosefa Samita a le o le Urima ma le Tumema po o le maa faaliliu i totonu o se pulou e poloka ai le malamalama, ia mafai ai e ia ona vaai lelei i upu na faaali mai i luga o meafaigaluega faaletino (tagai Gospel Topics Essays, “Book of Mormon Translation,” ChurchofJesusChrist.org).

Fesoasoani i tamaiti aoga ia malamalama e ui ina tatou iloa nisi o faamatalaga e faatatau i le faaliliuga a Iosefa Samita o le Tusi a Mamona, ae e tele mea tatou te le iloa e uiga i le faagasologa o le faaliliuga. O le upumoni sili ona taua o le mana o le Atua na mafai ai ona aumaia Lana afioga i Ana fanau.

Mafaufau e faaaoga se tasi pe sili atu o punaoa nei e fesoasoani ai i tamaiti aoga ia lagona o le Tusi a Mamona na faaliliuina e ala i le meaalofa ma le mana o le Atua.

O le vaega “O Leo o le Toefuataiga” o le “Mataupu Faavae ma Feagaiga 6–9: O Le Agaga Lenei o Faaaliga,” Sau, Mulimuli Mai ia te A’u—Mo le Aiga ma le Ekalesia: Mataupu Faavae ma Feagaiga 2025
Vitio: “Days of Harmony” mai le faailotaimi 7:18 i le 11:33

25:5
O le faamatalaga a Oliva Kaotui i le faagasologa o le faaliliuga e pei ona tusia i le Iosefa Samita—Talafaasolopito (o loo maua i le parakalafa muamua pe a mavae le fuaiupu 75)

Atonu e te manao e valaaulia tamaiti aoga e talanoaina fesili nei i ni vaega toalaiti po o ni paga ao lei valaauliaina i latou e faasoa mai a latou tali i le vasega.
O a upu po o fasifuaitau mai ia Ema po o Oliva e lagolago ai le molimau a Iosefa Samita e faapea, o le Tusi a Mamona sa faaliliuina e ala i le meaalofa ma le mana o le Atua?
O le a se mea ua e aoaoina pe lagonaina e uiga i le Atua ina ua uma ona e iloa le avea ai o Iosefa Samita o se meafaigaluega i Ona aao e faaliliu ai le Tusi a Mamona?

O le mana o le Tusi a Mamona i lou olaga

Faamalamalama atu o se tasi o auala sili ona lelei e mafai ona tatou iloa ai o le Tusi a Mamona sa faaliliuina e ala i le meaalofa ma le mana o le Atua o le suesueina lea ma mauaina le mana o le Atua e ala i le ola ai i ona aoaoga.

Tuu atu i tamaiti aoga se taimi e sue ai se fuaiupu po o se tala mai le Tusi a Mamona na aafia ai o latou olaga. Afai e faigata i tamaiti aoga ona sue se mea, mafaufau e tuuina atu se fesoasoani po o se taitaiga, e pei o le valaaulia o i latou e suesue nisi o fuaitau o le atamai i aoaoga faavae o le Tusi a Mamona. E mafai foi ona e fautuaina atu ni nai fuaiupu latou te ono suesue ai.

O le a se fuaiupu po o se tala mai le Tusi a Mamona na aafia ai lou olaga?
Na faapefea e lenei fuaiupu po o lenei tala ona aafia ai ou lagona agai i le Tama Faalelagi ma Iesu Keriso?

Mafaufau e molimau atu i tamaiti aoga o le malosi e mafai ona latou maua mai le suesueina o le Tusi a Mamona o le faamaoniga lea o le mana o le Atua i le aumaia lea o le Tusi a Mamona.

Punaoa Faaopoopo

Aisea e itiiti ai se mea ua tatou iloa e uiga pe faapefea na tupu le faaliliuga?

Na aoao mai Elder Neal A. Maxwell (1926–2004) o le Korama a Aposetolo e Toasefululua:

Aisea ua le tele ai ni mea ua tatou iloa e uiga i le faagasologa o le faaliliuga o le Tusi a Mamona? Atonu sa le faailoaina mai le faagasologa atoa ona o le a tatou le saunia e malamalama i ai, e tusa lava pe faailoa mai. Atonu, foi, na finagalo le Alii ia faavae lo tatou talitonu i le Tusi a Mamona i le faatuatua, e ui ina tumu i faamaoniga talafeagai. O le mea lava ia, na faatonuina e Keriso ia Mamona, o le na toe iloiloina aoaoga a le Faaola lava ia i sa Nifae, e aua le faamaumauina ia mea uma i luga o papatusi, aua “O le a ou tofotofoina le faatuatua o lo’u nuu” (3 Ni 26:11). Atonu o loo taofia foi faamatalaga o le faaliliuga aua ua faamoemoe ia faatofu i tatou lava i le aano o le tusi nai lo o le soona popole fua i le faagasologa lea ua ala ai ona tatou mauaina. (Neal A. Maxwell, “By the Gift and Power of God,” Ensign, Ian. 1997, 41)

Na faapefea ona avea le faaliliuga e Iosefa Samita o le Tusi a Mamona o se vavega?

Na aoao mai Peresitene Russell M. Nelson:

Mafaufau i le taimi puupuu na faaaluina e Iosefa e faaliliuina ai le Tusi a Mamona. I le galue ai mai ia Aperila ia Iuni o le 1828, na faaliliuina ai e Iosefa le 116 itulau ia na leiloloa ia Matini Harisi. Na amata ona toe faaliliu Iosefa i le Aso Lua, 7 o Aperila, 1829, faatasi ai ma Oliva Kaotui o se tusiupu. Na faamaeaina le tusi i le valusefulu-lima aso mulimuli ane, ia Iuni 30 o lena lava tausaga. O le mea moni, e lei faaalu uma lena taimi i le galue ai i le faaliliuga. … I le fuafuaina ma le faaeteete, na totoe ai le onosefulu-lima pe itiiti ifo foi o aso faigaluega na faaliliu ai e le perofeta ma ana tusiupu lenei tusi, lea e aofia ai itulau e 531 i le lomiga o loo i ai nei. (Tagai i le John W. Welch, Ensign, Ian. 1988, itu. 46–47.) E tusa lena o se averesi o le valu itulau i le aso. Mafaufau i lenei mea pe a e faaliliuina se tusi, po o le fuafuaina o lau lava faitauga o le Tusi a Mamona. (Russell M. Nelson, “A Treasured Testament,” Ensign, Iul 1993, 61–62)

E mafai faapefea ona avea le Tusi a Mamona ma se aafiaga faalefaaaliga mo au?

Na aoao mai Elder Kim B. Clark, o le Fitugafulu o le Pulega Aoao ua malolo:

O le Tusi a Mamona e mafai ona avea o se aafiaga faalefaaaliga mo oe, e pei lava ona sa i ai mo Iosefa.

O perofeta na tusia le Tusi a Mamona na vaai i o tatou aso. Na latou tusi mai ia i tatou. O a latou upu e tautala mai i o tatou taimi, o tatou manaoga, ma o tatou faamoemoega. Afai e matala lou loto a o e faitau ma tatalo e uiga i le Tusi a Mamona, o le Agaga Paiao le a “faaali mai le moni o ia mea ia te outou” [Moronae 10:4]. (Kim B. Clark, “O Oe o Iosefa” [faigalotu i le lalolagi atoa mo le autalavou matutua, 7 Me, 2017], ChurchofJesusChrist.org)

Gaoioiga Faaopoopo e Aoao Ai

Taulai atu i le mea e sili atu ona taua

A o lei valaaulia tamaiti aoga e faasoa mai fuaiupu po o tala mai le Tusi a Mamona na aafia ai o latou olaga, e mafai ona e faaalia le vitio “How Did Joseph Translate the Book of Mormon?” (8:06). I lenei vitio, sa faasoa mai ai e Elder Quentin L. Cook o le Korama a Aposetolo e Toasefululua ma Kate Holbrook (1972–2022), o se tusitalafaasolopito sa i ai muamua o le Ekalesia, le ala na sili atu ai le taua o a latou molimau o le Tusi a Mamona nai lo le latou malamalama i faamatalaga e uiga i le faagasologa o le faaliliuga.

8:6

Aoao atili e uiga i meafaigaluega na saunia e le Atua

A o outou talanoaina le faaaogaaga e Iosefa Samita o meafaigaluega faaletino e faaliliu ai le Tusi a Mamona, mafaufau e fesili atu i tamaiti aoga pe latou te iloa nisi taimi na faaaoga ai e le Atua meafaigaluega po o mea faitino e faaali mai ai Lona mana. O le faamatalaga lenei mai le tusiga o Autu o le Talalelei i le faaliliuga o le Tusi a Mamona e mafai ona faaaoga o se vaega o lenei talanoaga:

“E le gata i le Urima ma le Tumema, o loo ta’ua i le Tusi Paia isi meafaigaluega faaletino sa faaaoga e maua ai le mana o le Atua: o le tootoo o Arona, o se gata apamemea, o suauu paia faauuina, o le Atolaau o le Feagaiga, ma e oo lava i le palapala mai le eleele ua fefiloi ma feanuga e faamalolo ai mata o se tagata tauaso” (Gospel Topics Essays, “Faaliliuga o le Tusi a Mamona, “ ChurchofJesusChrist.org).

E mafai foi ona e valaaulia tamaiti aoga e suesue ia tusitusiga mo le “Urima ma le Tumema“ i le Taiala i Tusitusiga Paia e aoao atili ai e uiga i nei meafaigaluega ma i isi taimi na faaaoga ai i le talafaasolopito. Ona mafai lea ona e valaaulia se volenitia pe toalua e aotele mai mea sa latou aoaoina.