Kein Jipan̄ Ko Jet

Al ko rekwojarjar rej karuwaineneki tok Jetōb eo im katakin katak ko ilo juon wāween kakeememej. Ilo kakkobaba n̄an kōjerbal bok ko būrini an Al ko im Children’s Songbook, kwomaron̄ lo pija in alooj eo im rekoot ko kōn ainikien an elōn̄ al ko im al ko an ajri ro ilo music.ChurchofJesusChrist.org im ilo Sacred Music im Gospel Media app ko.

Bok in katakin ko an jemenere im institute rej letok bwebwenato eo an im kōmeļeļe an katak eo n̄an pedped in katak ko loi ilo jeje ko rekwojarjar. Remaron̄ barāinwōt im̧we ļōmņak ko n̄an katakin n̄an kūlaaj ko an Jabōt Jikuuļ

Liaona eo im N̄an Kōkajoorļo̧k Jodikdik ro māākjin ko rej letok bwebwenato ko im men ko jet me remaron̄ jipan̄ pedped in katak ko kwoj katakin jān Itok, Ļoor Eō—N̄an Jabōt Jikuuļ.

Unin Kōnono Ko an Gospel

Ilo Unin Kōnono ko an Gospel (topics.ChurchofJesusChrist.org) komaron̄ loe tarlep in meļeļe ko kōn elōn̄ unin kōnono ko kōn gospel eo, barāinwōt link ko eļap aer jipan̄ āinwōt ennaan ko an kweilo̧k eo eļap, ennaan ko, bwebwenato ko, jeje ko rekwojarjar, im pija in alooj ko. Komaron̄ barāinwōt loe Gospel Topics Essays, eo me ej jipan̄ kōn uwaak ko an kajjitōk ko kōn katak ko im bwebwenato ko.

Bok in tōl in n̄an mijenede ro ej letok juon tarlep in aolep pedped in katak ko repidodo an gospel eo.

Kein jipan̄ kein rej kōllaajrak jon̄ak ko an Kabun̄ in me remaron̄ jipan̄ kōj mour kōn gospel eo im lem̧ōņōņōik jemjerā eo an Jetōb. Ļōmņak in lale jān bok in emakijkij, eļaptata eļan̄n̄e kwoj katakin jodikdik ro.

Jin̄a, pija in alooj ko, im media ko jet remaron̄ jipan̄ ro kwoj katakin meļeļe katak ko im pijaikļo̧k bwebwenatok reiokļo̧k jeje ko rekwojarjar. Lale Gospel Media ilo commentary n̄an waate men ko Kabun̄ in ekar aini an media kein jipan̄ ko. Gospel Media eo ej barāinwōt pād āinwōt juon mobile app. Elōn̄ pija ko me kwoj maron̄ kōjerbali ilo kūlaaj eo rej pād ilo Bok In Gospel Pija.

Teaching in the Savior’s Way emaron̄ jipan̄ eok ekkatak kōn im kōjerbal pedped ko an katakin an Kraist. Pedped in katak kein em̧ōj kar kōnono kaki im kar kaminene kaki ilo koonjeļ in kweilo̧k ko an rūkaki.