Katak im Bujen ko 14–17

• Ta eo ro uwaan kūlaaj eo rejeļā kōn baam̧le eo an Whitmer? (lale Saints, 1:68–69). Emaron̄ in jipan̄ n̄an er n̄an kōllaajrak ioon boot eo jet m̧ool ko kōn Whitmer ro. Elmen an m̧ool kein jipan̄ kōj em̧m̧anļo̧k ad meļeļe kapilōk eo an Irooj n̄an Whitmer ro ilo jekjōn 14–16? N̄an waanjon̄ak, etke Irooj emaron̄ in kar keidi jerbal eo An n̄an juon jikin kallib eiien m̧adm̧ōde?

• N̄an kōtļo̧k an ro uwaan kūlaaj eo kwaļo̧k ļōmņak ko aer kōn bōk kūņaer ilo jerbal eo an Irooj, komaron̄ je eoon in jipan̄ kein ioon boot eo: Katak im Bujen ko 14:1; 14:2–4; 14:5, 8; 14:6–7; 14:9–11; 15:6. Ro uwaan kūlaaj eo remaron̄ riiti juon iaan eoon kein ilo ruo iaan ruo im ekōnono kōn ta eo rej ekkatak kōn jerbal eo an Irooj. Jet iaan ruo iaan ruo ro remaron̄ kwaļo̧k ippān kūlaaj eo ta eo raar ekōnono kake.

• Kajjitōk ippān ro uwaan kūlaaj eo n̄an kwaļo̧k en̄jake ko aer ilo jipan̄ ro jet itok kepaakļo̧k Rilo̧mo̧o̧r eo, ekoba āinwōt mijenede ro rej jerbal aolep raan ak service mijenede ro im kōn jerbal in karejar. Elmen aer kar lo naan ko an Irooj ilo Katak im Bujen ko 15:6 im 16:16 kar kūrm̧ool ilo mour ko aer? Ta eo jej ekkatak jān jekjōn kein me enaaj jipan̄ kōj pojak n̄an kwaļo̧k gospel eo?

  

• Etke Irooj eaar letok rikam̧ool ro kōn Bok in Mormon? Ro uwaan kūlaaj eo remaron̄ kwaļo̧k ļōmņak ko me raar waļo̧k n̄an er ke raar riiti Katak im Bujen ko 17. Kakkobaba in ļōmņak ko maron̄ loi ilo jeje ko rekwojarjar ba kaki ilo kōmeļeļe in jekjōk 17 ak ilo “Naan in Kam̧ool eo an Rikam̧ool ro Jilu,” ilo jino in Bok in Mormon. Elmen an kar naan in kam̧ool eo an Rikam̧ool ro Jilu kar jelet naan in kam̧ool ko ad kōn Bok in Mormon?

• Jekdoon eļan̄n̄e jaar jab lo enjeļ ro ak jibwi piliej kooļ ko, jemaron̄ in wōt kwaļo̧k kam̧ool kōn Bok in Mormon? Ta eo ro uwaan kūlaaj eo raar loe ilo jekjōn 17 (ekoba kōmeļeļe in jekjōn eo) me rej en̄jake ej jerbal n̄an er? Eļan̄n̄e jabdewōt ekar kajjitōk etke jej tōmak Bok in Mormon eo ej m̧ool, ta eo kwonaaj kar ba? Bōlen ro uwaan kūlaaj remaron̄ je juon uwaak ekadu, im komaron̄ kajjitōk ippān jejjo n̄an kwaļo̧k ta eo raar je. Kout eo jān Būreejtōn Ezra Taft Benson ilo “Kein Jipan̄ ko Jet” emaron̄ im̧we membōr ro n̄an kwaļo̧k naan in kam̧ool ko aer kōn Bok in Mormon n̄an ro jet.

• Emaron̄ in im̧we n̄an juon uwaan kūlaaj eo kwaļo̧k en̄jake ko kōn kam̧ool ko an ro jet kōn piliej kooļ ko (lale “Naan in Kam̧ool eo an Rikam̧ool ro Ruwalitōk” ilo Bok Mormon im en̄jake eo an Meri Whitmer ilo Saints 1:70–71). Ta eo jej ekkatak jān en̄jake kein an rikam̧ool rein?

• Komaron̄ kwaļo̧k jokāāļōt ko jān pija in alooj eo “A Day for the Eternities” (ChurchofJesusChrist.org) āinwōt m̧ōttan kōnono eo am̧ kōn rikam̧ool ro kōn Bok in Mormon (m̧ōttan eo kōn Rikam̧ool ro Jilu ej ijjino ilo 15:00).

Būreejtōn Ezra Taft Benson eaar kūr n̄an ro uwaan Kabun̄ in ilo 1988:

“Bok in Mormon ej kein jerbal eo me Anij eaar kōm̧m̧ane n̄an ‘karreeoik laļ in kōn ibwijleplep eo, n̄an aiin rikāāļet ro [A].’ (Moses 7:62.) Bok in ekwojarjar an jeje ko rekwojarjar ej aikuj in ļapļo̧k an erom dilep eo ilo kwaļo̧k naan eo ad, katakin eo ad, im jerbal in mijenede eo ad.

“… Ilo tōre in iien an electronic media im ajeeded eo eļap an jeje ko kar būrini, Anij enaaj ņa ruwōd eļan̄n̄e jejjab kiiō kajedeed Bok in Mormon ilo juon wāween ekanooj in ļap.

“Ewōr ippād Bok in Mormon eo, ewōr ippād membōr ro, ewōr ippād mijenede ro, ewōr ippād kein jipan̄ ko, me laļ in epād aikuj eo ie. Iien eo kiiō!

“Ro jeiū im jatū jitōn bōro, epen ad meļeļe kajoor eo an Bok in Mormon, ak jerbal ekwojarjar eo ej kōm̧m̧ane, ak jon̄an depakpak eo me ej aikuj in em̧m̧akūt” (Teachings of Presidents of the Church: Ezra Taft Benson [2014], 143–44).