Jacob 5:7

Gapu ta atiddog ken narigat a maawatan ti pangngarig dagiti kayo ti olibo, mabalin a kayatmo nga agtitinnulong kas maysa a klase tapno mangparnuay iti ababa a pakagupgopan ti pangngarig. Kas pagarigan, mabalinmo nga idrowing iti pisarra dagiti kangrunaan nga elemento ti pangngarig [allegory] wenno mangaramidka iti maysa a linia dagiti pasamak (kas pagarigan, kitaen ti diagram iti gibus daytoy a balabala). Mabalin dagiti miembro ti klase a mangnayon kadagiti reperensia iti nasantuan a kasuratan wenno pangiladawan iti drowing ket paglilinnawagan no ania ti mabalin a kaipapanan ti sumagmamano kadagiti simbolo, kas kadagiti mula ken balang a kayo ti olibo, ti Apo ti bangkag, dagiti katulongan, ken iti naimbag ken dakes a bunga. Kabayatan daytoy a panaglilinnawag, irebyum dagiti bersikulo 61–75, a mangiladawan iti aramid ti Apo iti aldawtayo. Kasano nga agserserbitayo iti bangkag ti Apo? Kasano a mainaig dagitoy a bersikulo iti trabaho nga ar-aramidentayo?

Mangted dagiti balikas ti “Apo ti bangkag” iti liwliwa para kadagiti nagannak dagiti nasukir nga annak. Kas pagarigan, ania ti isingasing ti Jacob 5:41, 46–47 maipapan no kasano ti rikna ti Amatayo iti Langit maipapan kadagiti annakna a nayaw-awan? Kasano a padasenna ti mangisalakan kadakuada? (kitaen dagiti bersikulo 61–75).

Isuro tiJacob 5:61–75 nga agtrabaho ti Apo a kagiddan dagiti katulonganna iti bangkagna. Mabalin a basaen dagiti miembro ti klase dagitoy a bersikulo iti babassit a grupo ket paglilinnawagan dagiti padas a nangipakitan kadakuada a makipagtrabtrabaho ti Apo kadagiti katulonganna a mangitultuloy iti aramidna. Ania dagiti dadduma pay a nauneg a pannakaammo ken pannakaawat [insights] a mabalin nga inayon dagiti miembro ti klase manipud iti mensahe ni Presidente Henry B. Eyring “The Lord Leads His Church”? Ensign wenno Liahona, Nob. 2017, 81–84).

Umaykayo, Sumurot Kaniak—Para kadagiti Indibidual ken Pamilia ket awisennatayo a mangsukisok iti Jacob 6:3–5 para kadagiti mensahe a tinarigagayan ni Jacob a yunay-unay ket kalpasanna saraken dagita a mensahe iti pangngarig dagiti kayo ti olibo (kitaen iti Jacob 5). Nalabit a pakairanudan dagiti miembro ti klase manipud iti panangdengngeg kadagiti nangaramid iti daytoy nga aktibidad wenno manipud iti panangaramid iti daytoy nga aktibidad kas maysa a klase. Mabalinda nga ilista iti pisarra dagiti kinapudno ti ebanghelio a masarakanda iti Jacob 6. Kalpasanna, iti babaen ti tunggal kinapudno, mabalinda nga ilista dagiti bersikulo manipud iti pangngarig iti Jacob 5 a mangyebkas iti dayta a mensahe. Kasano a nakitan dagiti miembro ti klase dagitoy isu met la a mensahe a naipakitan iti bukodda a biag?

Ti maysa a kaipapanan ti balikas a makikaysa ket kumpet iti maysa a banag a sititibker, siaasideg, ket saan a sikekedked. Mabalin a kayatmo nga ibinglay daytoy a kaipapanan ti klase ket saludsodem no ania dagiti nauneg a pannakaammo ken pannakaawat [insights] a mangted kadakuada maipapan iti Jacob 6:5.

Kaaduan kadatayo ti nakapadas iti pannakasuppiat iti pammatitayo a kas idi naipasango niJacob idi naam-ammona ni Sherem. Maysa a wagas a pakatulongan kadagiti miembro ti klase nga agsagana para iti kasta a pagsusupadian ket pasukisok kadakuada ti Jacob 7:1–23 para kadagiti pagbatayan a nakatulong ken ni Jacob nga agtalinaed a napigsa ti pammatina. Ania dagti dadduma pay a pagarigan ti panagpatalinaed a napigsa iti pammatitayo a maibinglaytayo—manipud kadagiti nasantuan a kasuratan, ti pakasaritaantayo iti pamilia wenno ti bukodtayo a biag? Nalabit nga adda dagiti mensahe manipud kadagiti lider ti Simbaan a nangtulong kadatayo idi kinalikaguman dagiti dadduma a maisintayo iti pammatitayo (kitaen, kas pagarigan, iti Quentin L. Cook, “Valiant in the Testimony of Jesus,” Ensign wenno Liahona, Nob. 2016, 40–43). Allukoyem dagiti miembro ti klase a mangibinglay kadagiti mensahe a natakuatanda a makatulong.

Idi sinango ni Sherem ni Jacob, ninamnama ni Sherem a maisin ni Jacob iti pammatina, ngem saan a naisin ti pammati ni Jacob (kitaen iti Jacob 7:5). Mabalin a pakaragsakan dagiti miembro ti klase a mangyakem iti panagbinnalubal da Jacob ken Sherem, nga usarenda ti Jacob 7:1 – 23 a kas maysa a script. Ania ti masursurotayo manipud kadagitoy a bersikulo maipapan kadagiti wagas ken pannursuro dagiti mangsuppiat iti aramid ti Dios? Ania ti masursurotayo manipud ken ni Jacob maipapan no kasano nga agbalin nga ad-adda pay a saan a maisin iti pammatitayo?

Nagbiag dagiti Nephite iti baet ti agtultuloy a pagpeggadan gapu iti panagraut dagiti Lamanite. Nupay mabalin a saantayo a maipasango kadagiti inaldaw a pagpeggadan iti pisikal a pannakigubat, ania dagiti naespirituan a pagpeggadan a pakaipasanguantayo? Ania ti masursurotayo manipud iti sungbat dagiti Nephite iti kasasaadda, a nailadawan iti Jacob 7:24–25? Mabalin a kayatmo a kantaen wenno basaen ken ilawlawag dagiti himno ti Simbaan nga agusar kadagiti gubat kas metapora, a kas iti “Onward, Christian Soldiers” wenno “Behold! A Royal Army” (Hymns, nos. 246, 251).