“Nobiembre 14–20. Amos; Abdias: “Sapulenyo ni Jehova, ket Agbiagkayto,’” Umaykayo, Sumurot Kaniak—Para kadagiti Indibidual ken Pamilia: Daan a Tulag 2022 (2021)

“Nobiembre 14–20. Amos; Abdias,” Umaykayo, Sumurot Kaniak—Para kadagiti Indibidual ken Pamilia: 2022

Tinapay ti Biag, ni Chris Young

Nobiembre 14–20

Amos; Abdias

“Sapulenyo ni Jehova, ket Agbiagkayto”

Maluktan ti Espiritu Santo ti panunotmo ken pusom kadagiti mensahe iti balikas ti Dios a nairanta a para kenka laeng. Ania ti mariknam a kayat ti Apo a masursurom iti daytoy a lawas?

Isuratmo dagiti Impresionmo

Pinili ti Dios ti bukel ni Abraham nga agbalin a natulagan a tattaona tapno “agbalinda a maysa a bendision” iti amin a tao (kitaen iti Genesis 12:2–3). Ngem ketdi, iti panawen ti panangministro ni Amos, adu dagiti natulagan a ti mangidaddadanes kadagiti nakurapay ken saan a panangikankano kadagiti propeta, a mangaramid nga ubbaw ken awan pategna dagiti aramidda a panagrukbab (kitaen iti Amos 2:6–16). Pudno, nadagsen pay ti basbasol dagiti pagilian a naipalawlaw kadakuada (kitaen iti Amos 1; 2:1–5), ngem saan a ti kaano man a maysa a pambar dayta para kadagiti tao ti Dios (kitaen iti Amos 3:2). Isu a nangibaon ti Dios iti agpaspastor manipud iti Juda a managanan iti Amos tapno mangikasaba iti panagbabawi iti Pagarian ti Israel. Saan a nabayag, imbaga met ti Dios babaen iti propeta a ni Abdias a nupay nadadaelen ti Pagarian ti Juda, ummongento ti Apo ken bendisionanna manen dagiti taona. Kimmayakay dagiti natulagan a tao manipud iti Apo, nagpaneknek dagiti agpada a propeta, ngem saandanto a mapapanaw iti agnanayon. Idi ipalgak ti Dios dagiti palimedna kadagiti katulonganna dagiti propeta (kitaen iti Amos 3:7), mabalintayo nga awaten daytoy a kas tanda a kayatna pay laeng ti mangtulong kadatayo nga agtungpal kadagiti katulagan nga inaramidtayo Kenkuana.

Para iti ad-adu pay maipapan kadagiti libro ti Amos ken Abdias, kitaen iti “Amos” ken “Abdias” iti Pangiwanwan iti Nasantuan a Kasuratan.

Dagiti Kapanunotan para iti Bukod a Panagadal iti Nasantuan a Kasuratan

Amos 3:1–8; 7:10–15

Ipalgak ti Apo dagiti kinapudno babaen kadagiti propetana.

Iti Amos 3:3–6, indatag ni propeta Amos ti sumagmamano a pagarigan dagiti gapu ken epekto: gapu ta mangsarak ti leon iti samsamen, agungol ti leon; agsipud ta maipasungalngal daytoy iti maysa a pagsilo iti tumatayab, masiluan ti tumatayab. (Kitaen nga iti Patarus ni Joseph Smith bersikulo 6, ti balikas a “naaramid” nasukatan iti naammuan” [iti Amos 3:6, footnoteb].) Kadagiti bersikulo 7–8, inaramat ni Amos daytoy a lohiko kadagiti propeta. Ania ti makaigapu iti maysa a propeta tapno agipadto? Ania pay ti masursurom maipapan kadagiti propeta bayat ti panangbasam iti Amos 7:10–15? Utobem no apay a nasken nga agyamanka a ti Apo “ipalgakna ti palimedna kadagiti adipenna dagiti mammadto” (Amos 3:7). Ania ti isingasing kenka daytoy a kinapudno maipapan iti Dios?

Kitaen met iti Doktrina ken Katulagan 1:38; 21:4–8; 35:13–14.

Amos 4–5

“Sapulenyo ni Jehova, ket agbiagkayto.”

Bayat ti panangbasam iti Amos 4:6–13, kitaem dagiti panangukom ti Apo a naited kadagiti tao ti Israel. Ania ti isingasing dagitoy a bersikulo maipapan iti no ania ti ninamnama ti Apo a mapasamak kalpasan ti tunggal maysa kadagitoy a padas? (kitaen met iti Helaman 12:3). Panunotem ti maipapan iti kaudian a pannubok a napadasamon. Idinto a nalabit a saan nga impatulod ti Dios ti pannubokmo, utobem no kasano a makaited daytoy kenka kadagiti gundaway a mangsapul Kenkuana.

Basaem ti Amos 5:4, 14–15, ket utobem no kasano a nagbalin a “managparabur” ti Apo (bersikulo15) kenka bayat ti panagsapulmo Kenkuana, uray pay kabayatan dagiti panawen ti pannubok.

Kitaen met iti Donald L. Hallstrom, “Turn to the Lord,” Liahona, Mayo 2010, 78–80.

Amos 8:11–12

Mabalin a penken ti balikas ti Apo ti naespirituan a bisin ken waw.

Mapadasantayo amin dagiti naespirituan a bisin ken waw, ngem saantayo a kasapulan ti “agbariw-as manipud baybay agingga iti sabali a baybay” (Amos 8:12) nga agsapsapul iti maysa a banag a mangpennek kadatayo. Ammotayo no anianto ti mangpennek iti naespirituan a bisin, ken naparaburantayo iti nawadwad a balikas ti Apo. Bayat ti panangbasam iti Amos 8:11–12, panunotem no apay a ti panagbisin ket maysa a nasayaat a panangidasig iti panagbiag nga awan ti balikas ti Dios. Ania dagiti nayon a nalawag a pannakaammo ken pannakaawat a masarakam iti Mateo 5:6; Juan 6:26–35; 2 Nephi 9:50–51; 32:3; Enos 1:4–8?

Kitaen met iti Jeffrey R. Holland, “He Hath Filled the Hungry with Good Things,” Ensign, Nob. 1997, 64–66; Gospel Topics, “Apostasy,” topics.ChurchofJesusChrist.org.

Makapagbalintayo a mangisalakan iti Bantay Zion babaen ti panangaramid iti aramid iti templo ken family history.

Abdias 1:21

Asino dagiti manangispal idiay bantay Zion”?

Nangted ni Presidente Gordon B. Hinckley iti maysa a mabalin a kayulogan ti ragup ti balikas a “manangispal idiay bantay Zion,” a manginanaig iti ragup ti balikas iti aramid iti templo ken family history: “[Iti templo] literal nga agbalintayo a manangispal iti Bantay Zion. Ania ti kaipapanan daytoy? Kas met laeng iti panangted ti Mannubbottayo iti biagna a kas maysa a para iti sabali a sakripisio para iti amin a tao, ket iti panangaramidna nagbalin a Mangisalakantayo, kastatayo met, iti bassit a pagrukodan, no makiramantayo iti pangisaup [proxy] nga aramid iti templo, agbalintayo a mangispal kadagiti adda iti sabali a bangir nga awanan iti pamuspusan ti pannakaital-o malaksid no maaramid ti maysa a banag para kadakuada dagiti adda iti daga”(“Closing Remarks,” Liahona, Nob. 2004,105).

Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening

Amos 3:7.Mabalinmo nga irebyu ti sumagmamano a kaudian a mensahe manipud iti Presidente ti Simbaan ket paglilinnawagan no ania ti ipalpalgak ti Apo iti pamiliayo babaen kenkuana. Apay a napateg nga adda maysa a propeta a mangidadaulo iti Simbaan? Kasano a maammuantayo nga isu ti pudno a propeta? Ania ti ar-aramidentayo a mangsurot iti balakadna?

Amos 5:4.Mabalin a mangaramid ti pamiliam iti maysa a poster nga isab-it iti pagtaenganyo nga addaan iti daytoy a bersikulo. Ania ti kaipapanan ti sapulen ti Apo? Kasano a sapulentayo Isuna? Ania dagiti bendision nga awatentayo no aramidentayo? Mabalinmo nga awisen dagiti miembro ti pamilia a mangibinglay ken paglilinnawagan ti dadduma pay a binatog a mangisuro maipapan iti panagsapul iti Apo, a kas iti Mateo 7:7–8; Ether 12:41; ken Doktrina ken Katulagan 88:63.

Amos 8:11–12.Mabalin a magustuan dagiti ubbing ti panagaramid kadagiti tignay a maigiddan kadagiti ragup ti balikas kadagitoy a bersikulo. No mabisin wenno mawaw dagiti bagitayo, ania ti aramidentayo? No mabisin dagiti espiritutayo, ania ti aramidentayo? Mabalinmo met a buyaen ti video a “The Great Apostasy” (ChurchofJesusChrist.org) ket isaritam no kasano a penneken ti Pannakaisubli ti ebanghelio ti naespirituan a bisintayo.

Abdias 1:21.Ania ti kayat a sawen ti agbalin a “manangispal idiay bantay Zion”? (Para iti maysa a mabalin a pannakailawlawag, kitaen iti palawag ni Presidente Gordon B. Hinckley iti “Ideas for Personal Scripture Study.”) Asino kadagiti kapuonantayo ti agkasapulan kadagiti pangisalakan nga ordinansa? Anianto ti aramidentayo a makatulong kadakuada?

Para iti ad-adu pay a kapanunotan iti panangisuro kadagiti ubbing, kitaen iti balabala itoy a lawas iti Umaykayo, Sumurot Kaniak—Para iti Primary.

Naisingasing a kanta: “We Thank Thee, OGod, for a Prophet,” Hymns, no.19.

Panangpadur-as iti Bukod a Panagadal

Agusar iti musika a mangawis iti Espiritu ken masursuruan iti doktrina. Ti panagdengngeg wenno panagbasa iti maysa a himno ket makatulong kenka a makasursuro kadagiti pagbatayan ti ebanghelio. Kas pagarigan, mabalinmo ti dumngeg wenno mangbasa iti “We Thank Thee, OGod, for a Prophet” (Hymns, no.19 tapno mangparegta iti dakdakkel a pammati kadagiti sibibiag a propeta. (Kitaen iti Panangisuro iti Wagas ti Mangisalakan, 22.)

Templo iti Santo Domingo Dominican Republic