మత్తయి 21–23; మార్కు 11; లూకా 19–20; యోహాను 12

యేసు కాలములో, సుంకరులు లేదా సుంకపు గుత్తదారులు అవినీతిపరులని, జనుల నుండి దొంగిలిస్తారని అనేకమంది జనులు ఊహించారు. కనుక సుంకపు గుత్తదారుడైన జక్కయ్య ధనికుడైనందున అతడు ఎక్కువగా అనుమానించబడ్డాడు. కానీ యేసు జక్కయ్య హృదయములోనికి చూసెను. జక్కయ్య హృదయము గురించి లూకా 19:1–10 ఏమి బయల్పరచును? రక్షకునిపట్ల తన భక్తిని చూపుటకు జక్కయ్య చేసిన దానిని వర్ణించునట్లు ఈ వచనములలోని మాటలను మీరు గుర్తించవచ్చు. మీ హృదయపు కోరికలు ఏవి? జక్కయ్య వలె, రక్షకుని వెదకుటకు మీరు ఏమి చేస్తున్నారు?

సిద్ధాంతము మరియు నిబంధనలు 137:9 కూడా చూడండి.

జక్కయ్యతో పరస్పర సంభాషణకు వ్యతిరేకంగా శాస్త్రులు మరియు పరిసయ్యులతో రక్షకుని పరస్పర సంభాషణ ఆసక్తికరమైన తేడాను రూపించును. అధ్యక్షులు డీటర్ ఎఫ్. ఉఖ్‌డార్ఫ్ ఇలా వివరించారు, “వారు ఆశీర్వదించాల్సిన జనులను ఎల్లప్పుడూ హింసించుచూ, లోకము యొక్క స్తుతి, ప్రభావము మరియు ఐశ్వర్యమును గెలుచుటకు నీతిమంతులుగా కనబడుటకు ప్రయత్నించిన—శాస్త్రులు, పరిసయ్యులు మరియు సద్దూకయ్యులు వంటి వేషధారులకు వ్యతిరేకంగా [యేసు] నీతిగల కోపముతో పైకి లేచాడు” (“On Being Genuine,” Liahona, May 2015, 81).

మత్తయి 23లో, వేషధారణను వర్ణించుటకు రక్షకుడు అనేక రూపకములను ఉపయోగించారు. ఈ ఉపమానములను గుర్తించుట లేక వరుసగా వ్రాయుట, వేషధారణ గురించి అవి చెప్పేదానిని గుర్తించుటకు ఆలోచించండి. సువార్తను జీవించడానికి మనం ప్రయత్నిస్తున్నప్పుడు, మనమందరం వ్యవహరించే మానవ బలహీనతలు మరియు వేషధారణ మధ్య గల తేడా ఏమిటి? రక్షకుని బోధనల వలన మీరేమి భిన్నంగా చేయడానికి ప్రేరేపించబడ్డారు?

యేసు తన ప్రాయశ్చిత్తమును సాధించడానికి కొన్ని రోజుల ముందు ఆయన యెరూషలేముకు చేరుకున్నప్పుడు, వారి రాజుగా ఆయనను గుర్తించిన వారు యెరూషలేములోనికి ఆయన మార్గము వెంబడి దుస్తులను, ఖర్జూరపుమట్టలను వేసి, స్తుతులు చెల్లిస్తూ, ఆయనను అభిషేకించుట ద్వారా వారి భక్తిని చూపారు. రక్షకుని జీవితములో చివరి వారమును ప్రారంభించిన సంఘటనలను గూర్చి మీ గ్రహింపును క్రింది వనరులు ఎలా అధికం చేయగలవో ఆలోచించండి.

• ఒక రాజును అభిషేకించుట యొక్క ప్రాచీన మాదిరి: 2 రాజులు 9:1–6, 13

• విజయవంతమైన ప్రవేశమును గూర్చి ఒక ప్రాచీన ప్రవచనము: జెకర్యా 9:9

• హోసన్న అను పదమునకు అర్థము: లేఖనదీపికలో (scriptures.ChurchofJesusChrist.org) “హోసన్న”

• రక్షకుడు మరలా ఎలా తిరిగి వస్తారనే దాని గురించి ప్రవచనాలు: ప్రకటన 7:9-12

మీ ప్రభువుగా మరియు రాజుగా రక్షకుడిని మీరు ఎలా గౌరవించి, స్వీకరిస్తారు?

యేసు క్రీస్తును అనుసరించుటకు మీరు ప్రయాసపడినప్పుడు మీరు ఎప్పుడైనా నిష్పలంగా భావించిన యెడల, మత్తయి 22 లో న్యాయవాదితో రక్షకుని మాటలు మీ శిష్యత్వమును సరళీకృతం చేసి, దానిపై దృష్టిసారించుటకు మీకు సహాయపడగలవు. దీనిని చేయడానికి ఇక్కడ ఒక విధానమున్నది: ప్రభువు యొక్క ఆజ్ఞలలో అనేకమును జాబితా చేయండి. మీ జాబితాలోని ప్రతిది రెండు గొప్ప ఆజ్ఞలతో ఎలా సంబంధం కలిగియుంది? రెండు గొప్ప ఆజ్ఞలపై దృష్టిసారించుట మిగిలిన వాటిని పాటించుటకు మీకు ఎలా సహాయపడుతుంది?