“Nobōm̧ba 8–14. Katak im Bujen Ko 129–132: ‘N̄e Jej Bōk Jabdewōt Kōjeraam̧m̧an jān Anij, Ej jān Pokake,’” Itok, Ļoor Eō—N̄an Kajjojo Armej im Baam̧le ko: Katak im Bujen Ko 2021 (2020)
“Nobōm̧ba 8–14. Katak im Bujen Ko 129–132,” Itok, Ļoor Eō—N̄an Kajjojo Armej im Baam̧le ko: 2021
Josep Smith ilo Nauvoo, 1840, jān Theodore Gorka
Nobōm̧ba 8–14
Katak im Bujen Ko 129–132
“N̄e Jej Bōk Jabdewōt Kōjeraam̧m̧an jān Anij, Ej jān Pokake”
Jekjōn ko 129–32 ej katakin elōn̄ pedped in katak ko raorōk, jejjo wōt iaan men ko kar kōkaļļeiki ilo laajrak in katakin. Ta m̧ool ko jet kwoj loi?
Je En̄jake ko Rej Im̧we Eok
Brigham Young juon iien ekar ba kōn Josep Smith, “Emaron̄ kōmeļeļeik men ko an lan̄ bwe armej ren maron̄ meļeļe” (ilo Teachings of Presidents of the Church: Joseph Smith, 499–500). Menin elukkuun m̧ool kōn katak ko an Rikanaan eo ilo Nauvoo ilo 1840 jim̧a ko, jet iaer rekar jeje ilo Katak im Bujen Ko 129–32. Rilo̧mo̧o̧r ej āinwōt ta? “E ej juon armej āinwōt kōj.” Lan̄ ej āinwōt ta? “Ejja iiaio eo ej pād ilubwilijid ijin enaaj pād ilubwilijid” (Katak im Bujen Ko 130:1–2), im jem̧jerā eo an baam̧le eo ad me eaorōk tata ilo laļ in, eļan̄n̄e em̧ōj liāpe kōn mālim eo ejim̧we, “enaaj dipio im ej wōnm̧aanļo̧k wōt ilo laļ eo tok juon” (Katak im Bujen Ko 132:19). M̧ool ko āinwōt m̧ool kein remaron̄ kōm̧m̧an bwe jen en̄jake an epaak lan̄—aiboojoj, aaet maron̄ tōpare.
Innem, jet iien Anij emaron̄ kajjitōk ippād n̄an kōm̧m̧ane men ko me ejakon ad kōm̧m̧ani me ilo kalimjōki epen tōpari. Ippān elōn̄ Armej ro Rekwojarjar etto, m̧are elōn̄ļo̧k jān juon kōrā ekar juon iaan kien ko. Kien n̄an m̧are elōn̄ļo̧k jān juon kōrā ekar juon mellijon̄ n̄an tōmak eo an Josep Smith, lio pāleen, im eiten aolep ro rekar eo̧ron̄ kien in. N̄an eļļā jān mellijon̄ in, rekar aikuj eļapļo̧k jān en̄jake in errā kōn gospel eo me em̧ōj an jepļaaktok; rekar aikuj tōmak ilo Anij me ekar etal m̧wūlaļo̧k ijelo̧kin kōņaan ko aer make ak men ko em̧m̧an ippāer make. Kien in jejjab mour kake raan kein, ak waanjon̄ak in pokake an ro rekar pād ilo tōre ko rej wōnm̧anļo̧k wōt. Im waanjon̄ak in ej im̧we kōj n̄e kajjitōkin kōj n̄an kōm̧m̧ane “katok ko am̧ ilo am̧ pokake” (Katak im Bujen Ko 132:50).
Ļōm̧ņak ko n̄an Ekkatak Jeje Ko Rekwojarjar Ippam̧ Make
Josep Smith ekar kwaļo̧k m̧ool ko kōn taitōļ in Anij im “laļ eo ej itok.”
Kwomaron̄ loe bwe jekjōn ko 130–31 ej riit eoktak ļo̧k jidik jān jekjōn ko jet ilo Katak im Bujen Ko. Ej kōnke jekjōn ko 130–31 rej pedped wōt ioon jeje ko me William Clayton, juon iaan rijeje ro an Joseph Smith, kar kakkoņi men ko ekar ron̄ an Rikanaan eo katakin. Kōn menin, jekjōn kein rej āinwōt kobain m̧ool ko ijjelo̧kin kobain revelesōn ko em̧ōj kar kwaļo̧ki. Mekarta, elōn̄ jet ļōmņak ko rej juon wōt ilubwiljin elōn̄ m̧ool kein. N̄an waanjon̄ak, kwomaron̄ riiti jekjōn ko 130–131 kōn kajjitōk kein ilo kōļmenļo̧kjeņ: Ta eo ij ekkatak kōn Anij? Ta eo ij ekkatak kōn mour eo ālkin mour in? Ewi wāween an jeļāļo̧kjeņ jeļōt mour eo am̧?
Barāinwōt lale “Our Hearts Rejoiced to Hear Him Speak,” Revelations in Context, 277–80.
Katak im Bujen Ko 131:1–4; 132:7, 13–25
Jemedwōj Ilan̄ ekar kōm̧m̧an bwe mour indeeo en kūrm̧ool n̄an baam̧le ko.
Juon iaan m̧ool ko eļap aer kaenōm̧m̧an me rekar jepļaaktok kōn Rikanaan Josep Smith ej bwe m̧are im jemjerā an baam̧le remaron̄ n̄an indeeo. Kōn Josep Smith, Irooj ekar kōjepļaaktok kain̄i ko im mālim eo kar aikuji n̄an kōm̧m̧an bwe jemjerā ren n̄an indeeo (lale Katak im Bujen Ko 132:7, 18–19). Ļōmņak kōn jemjerā ko an baam̧le me repād ippam̧ ak kōjatdikdik n̄an ejaaki ilju im jekļaj ilo am̧ riiti Katak im Bujen Ko 131:1–4; 132:7, 13–15. Ekōjkan an eoon kein jelōt wāween am̧ ļōmņak kōn jem̧jerā kein?
Jet iien, mekarta, pedped in katak an baam̧le indeeo ejjab lukkuun kaeņōm̧m̧an—emaron̄ boktok mijak, barāinwōt burom̧ōj, n̄e jekjek ko an baam̧le eo ad ejjab jejjet n̄an selestial. Ke Būreejtōn Henry B. Eyring ekar inepata kōn juon jekjek ewaļo̧k ilo baam̧le eo an make, ekar bōk kapilōk in emāletlet jān juon member in Doulul eo an Jon̄oulruo Rijilōk ro: “Kwon baj mour im erreo n̄an am̧ deļo̧n̄ e aelōn̄ in celestial, im karōk ko an baam̧le renaaj ļapļo̧k aer em̧m̧an jān jon̄an eo komaron̄ in ļōmņake”(ilo “M̧weo Ijo Jetōb eo an Irooj ej Jokwe ie,” Ensign ak Liaona, Māe 2019, 25). Ekōjkan an kapilōk in kōjeraam̧m̧an eok ilo jekjek eo ewaļo̧k ilo baam̧le eo am̧?
Barāinwōt lale Kristen M. Oaks, “To the Singles of the Church” (Church Educational System devotional for young adults, Sept. 11, 2011), broadcasts.ChurchofJesusChrist.org.
Jemjerā ko an baam̧le emaron̄ n̄an indeeo kōn kain̄i ko an tampeļ.
Katak im Bujen Ko 132:1–2, 29–40
M̧are elōn̄ļo̧k jān juon kōrā em̧m̧an ippān Anij wōt eļan̄n̄e Ej kakien e.
Jabdewōt eo em̧ōj an riiti Kallim̧ur M̧okta ekar bar ļōmņak kōn Ebream, Isaac, Jekab, Moses, im ro jet me rekar m̧are elōn̄ļo̧k jān juon pāleer. Em̧m̧aan rein rekar ke kakkure kien erreo? Ak Anij ekar ke kile jerbal ko aer? Kappukot uwaak ko ilo Katak im Bujen Ko 132:1–2, 29–40.
M̧are ikōtaan juon em̧m̧aan im juon kōrā ej jon̄ak in m̧are an Anij (lale heading eo ilo jekjōn eo n̄an Kean̄ Jān Kabun̄ 1; barāinwōt lale Jekab 2:27, 30). Ijoke, elōn̄ tōre ko ilo bwebwenato ke Anij ekar kakien ajri ro Nejin n̄an m̧are elōn̄ļo̧k jān juon.
Iiō ko m̧okta jinoin an kar Kabun̄ in kar ekar juon iaan tōre ko me ekar lōn̄ oktak. Ālkin aer bōk kien in, Josep Smith im Armej ro jet Rekwojarjar rekar m̧are elōn̄ļo̧k jān juon. Eļan̄n̄e kwokōņaan ekkatak eļapļo̧k kōn m̧are elōn̄ jān juon kōrā ilubwiljin Armej ro Rekwojarjar, lale “Mercy Thompson and the Revelation on Marriage” (Revelations in Context, 281–93); Saints, 1:290–92, 432–35, 482–92, 502–4; “Plural Marriage in The Church of Jesus Christ of Latter-day Saints” (Gospel Topics, topics.ChurchofJesusChrist.org); “Why Was It Necessary for Joseph Smith and Others to Practice Polygamy?” (video, ChurchofJesusChrist.org).
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Katak im Bujen Ko 130:2, 18–19; 132:13, 19.Ewi wāween am̧ kōjerbal eoon kein n̄an jipan̄ baam̧le eo am̧ likūt men ko m̧oktata me rej an mour indeeo? Bōlen kwomaron̄ kanne juon kapan̄ ak pāākpāāk ippān doon kōn aitōm ko me rej bōk jikin men ko me, ekkar n̄an Katak im Bujen Ko 130:2, 18–19; 132:19, jemaron̄ bōk ippād n̄an mour eo tok juon, āinwōt pijaan baam̧le ak jeje ko rekwojarjar. Ta eo Katak im Bujen Ko 132:13 ej katakin kōj kōn men ko an laļ in ? Menin emaron̄ tōl n̄an juon kōmeļeļe kōn mije men ko me reaorōk an mour indeeo.
-
Katak im Bujen Ko 130:20–21.Kwomaron̄ al juon al kōn kam̧m̧oolol, āinwōt, “N̄e Kwoj Ion Buktak Ko An Mour In” (Al, nō. 6), im kōlaajraki kōjeraam̧m̧an ko me baam̧le eo am̧ ekar bōki itok jān pokake kien ko an Anij. Ta kōjeraam̧m̧an ko jej kōjatdikdik n̄an bōki? Ewi wāween jemaron̄ bōk kōjeraam̧m̧an kein?
-
Katak im Bujen Ko 131:1–4; 132:15–19.Bitio eo “Marriage Is Sacred” (ChurchofJesusChrist.org) emaron̄ jipan̄ baam̧le eo am̧ kōmeļeļe kōn m̧ool ilo eoon kein. Ewi wāween an Irooj en̄jake kōn mare? Ekōjkan ad—men̄e em̧ōj ad m̧are ak ejjeļo̧k pāleed—kōppopo n̄an m̧are n̄an indeeo?
N̄an ļōmņak ko reļļapļo̧k n̄an katakin ajri ro, lale laajrak in katak eo an wiik in ilo Itok, Ļoor Eō—N̄an Būraimere.
Al eo kar elmakote“Families Can Be Together Forever,” Children’s Songbook,188).
Kōkōm̧anm̧anļo̧k Am̧ Ekkatak Ippam̧ Make
Kappukot m̧ool ko an gospel eo. Jet iien m̧ool ko an gospel eo rej kajju kallikkar; ilo iien ko jet rejjab lukkuun alikkar kōn waanjon̄ak ak bwebwenato. Ilo am̧ riit, kajjitōk ippam̧ make, “Ta m̧ool ko an indeeo me ej katakin kōj ilo eoon kein?
Juon ruum̧ in liāp ilo Paris France Tampeļ