“iKuri ni iTukutuku D: Me Baleta na Kuoramu ni Matabete i Eroni kei na Kalasi ni Goneyalewa—Tuvatuva ni Bose” Lako Mai, Mo Muri Au—Me Baleta na iTikotiko kei na Lotu: Veiyalayalati Makawa 2026 (2026)

“iKuri ni iTukutuku D,” Lako Mai, Mo Muri Au: Veiyalayalati Makawa 2026

iKuri ni iTukutuku D

Me baleta na Kuoramu ni Matabete i Eroni kei na Kalasi ni Goneyalewa—Tuvatuva ni Bose

Tikinisiga ni sota:

Veiliutaki (lewe ni kalasi se mataveiliutaki ni kuoramu):

iDola

Serenilotu (nomu digidigi):

Masu:

Tokaruataka na iToko ni Goneyalewa se na iToko ni Kuoramu ni Matabete i Eroni.

Veivakasalataki vata

Ena veiliutaki nei koya e veiliutaki tiko ena soqoni, era na veivakasalataki na kalasi se kuoramu ena 5 kina 10 na miniti me baleta na nodra itavi ena cakacaka ni veivakabulai kei na bula vakacerecerei ni Kalou. Oqo na madigi vei iratou na mataveiliutaki ni kalasi se kuoramu me ratou taumuria na veika e veivosakitaki ena bose ni mataveiliutaki se matabose ni itabagone ni tabanalevu.

O koya e veiliutaki tiko ena rawa talega ni vakayagataka e dua se sivia na taro oqo:

Bulataki ni Kosipeli

Na veika sotavi cava wale tikoga oqo sa vaqaqacotaka na noda ivakadinadina baleti Jisu Karisito kei na Nona kosipeli?
Na cava e rawa nida cakava meda voleka tikoga kina vua na iVakabula? Eda tovolea tiko vakacava meda vakataki Koya vakalevu cake?
Eda vakila vakacava na veidusimaki ni Turaga ena noda bula?

Vukei ira na tamata era gadreva na veivuke

O cei eda sa vakila nida dusimaki meda vukea se qarava? Na ilesilesi cava eda sa ciqoma me vukea edua e vakaleqai tu?
Na bolebole cava soti era sotava tiko na lewe ni noda kalasi se kuoramu? E rawa nida veitokoni vakacava vakaikeda ena veika eda lako curuma tiko?
E dua beka e se qai toki vou mai kina nodatou tabanalevu se lewe ni Lotu vou? E rawa vakacava meda vukei ira mera vakila nira ciqomi?

Sureta na tamata kecega mera ciqoma na kosipeli

Na cava eda rawa ni cakava me vukea na tamata kecega mera vakila na loloma ni Kalou?
Na itaviqaravi cava soti e vakarau yaco ka rawa nida sureti ira na noda itokani mera tiko kina?
Na ituvatuva cava ni kena wasei na kosipeli, sa veivosakitaki oti ena bose ni matabose ni itabagone ni tabanalevu? Ena rawa ni vakaitavi vakacava na noda kalasi se kuoramu?

Vakaduavatataki me tawamudu na matavuvale

Na cava eso na sala e rawa nida sema vakavinaka cake kina vei ira na lewe ni matavuvale, me vakataki ira na tubuda kei na tavaleda?
Na cava eda sa cakava tiko me kunei kina na yacadra na noda qase e liu era gadreva tu na cakacaka vakalotu ni valetabu? Na cava eda rawa ni cakava meda vukei ira tale eso mera kunea na yacadra na nodra qase e liu?
E rawa vakacava nida vakaitavi vakalevu cake ena cakacaka ni valetabu—yadudua ka vakalasi se kuoramu?

Vuli vata

Ena liutaka edua na iliuliu uabula se dua na lewe ni kuoramu se kalasi na ivakasala me baleta na wiliwili ni Lako Mai, Mo Muri Au ni macawa oqo. Era vakayagataka na vakasama ni vuli ena Lako Mai, Mo Muri Au—Me Baleta na iTikotiko kei na Lotu. Na vakasama ni vuli ka kena ivakatakilakila oqo e veidonui kei na semineri ka yaga vakatabakidua sara vei ira na itabagone. Ia, e rawa ni vakayagataki na veivakasama ni vuli tale eso. Na iwase ni soqoni oqo ena taura e rauta ni 35 kina 40 na miniti.

Itinitini

Na tamata e liutaka tiko na soqoni:

Vakadinadinataka na ivakavuvuli eso e sa vakatavulici.
Veivosakitaka na sala era na cakacakataka kina na kalasi se kuoramu na veika era sa vulica—vakailawalawa se yadudua.

Masu: