“Apendiks D: Blong Ol Kworom blong Aronik Prishud mo Ol Yang Woman Klas—Miting Ajenda” Kam Folem Mi—Blong Hom mo Jos: OlTesteman 2026 (2026)
“Apendiks D,” Kam Folem Mi: OlTesteman 2026
Apendiks D
Blong Ol Kworom blong Aronik Prishud mo Ol Yang Woman Klas—Miting Ajenda
Miting deit:
kondaktem (wan memba blong klas o kworom presidensi i lidim.):
Openem Taem
Hym (yu jusum):
Prea:
Ripitim Stamba Toktok blong Ol Yang Woman o Stamba Toktok blong Kworom blong Aronik Prishud
Kaonsel tugeta
Hem we i kondak i lidim miting, klas o kworom i spenem 5 kasem 10 minit blong stap kaonsel tugeta abaot ol responsabiliti blong olgeta insaed long wok blong God blong sevem man mo blong kam olsem wan god. Hemia hem i wan janis blong klas o kworom presidensi blong jekem ol samting we oli bin tokbaot long ol presidensi miting o ol wod yut kaonsel miting.
Man we i stap kondak i save yusum wan o moa long ol kwestin ia:
Stap laef folem gospel
-
?Wanem nao ol eksperiens we yumi gat i no longtaem i pas, i bin mekem ol testemoni blong yumi long Jisas Kraes, mo Gospel blong Hem i kam moa strong?
-
?Wanem nao yumi stap mekem blong tekem yumi go moa kolosap long Sevya? ?Olsem wanem nao yumi stap traem blong kam moa olsem Hem?
-
?Long wanem wei nao yumi bin filim Lod i lidim yumi long ol laef blong yumi?
Stap kea long ol pipol we oli stap long nid
-
?Hu nao yumi bin filim se hem i nidim help o seves blong yumi? ?Wanem ol asaenmen nao yumi bin kasem blong helpem wan narafala man we i stap long nid?
-
?Wanem nao ol jalenj we ol memba blong klas blong yumi o kworom oli stap fesem? ?Olsem wanem nao yumi save sapotem wanwan long yumi long ol samting we yumi stap gotru long hem?
-
?I gat wan we i jes muv i kam insaed long wod blong yumi, o i jes joenem Jos? ?Olsem wanem nao yumi save helpem olgeta oli filim se oli welkam?
Stap invaetem evriwan blong akseptem gospel
-
?Wanem nao yumi save mekem blong helpem ol narafala man blong filim lav blong God?
-
?Wanem aktiviti i stap kam we yumi save invaetem ol fren blong yumi blong kam long hem?
-
?Insaed long wod yut kaonsel miting blong yufala, wanem plan blong serem gospel nao yumi bin toktok raon long hem? ?Olsem wanem nao klas o kworom blong yumi i save pat insaed?
Joenem ol famli blong taem we i no save finis
-
?Wanem nao samfala wei we i save mekem yumi konek gud wetem ol memba blong famli, olsem ol bubu mo ol kasen brata mo sista?
-
?Wanem nao yumi stap mekem blong faenem ol nem blong ol bubu blong yumi blong bifo we oli nidim blong kasem ol odinens blong tempol? ?Wanem nao yumi save mekem blong helpem ol narawan blong oli faenem ol nem blong ol bubu blong olgeta blong bifo?
-
?Olsem wanem nao yumi save patisipet moa long tempol wok—wanwan man o woman mo olsem wan klas o kworom?
Stap Lan Tugeta
Wan adalt lida o wan memba blong kworom o klas i lidim instraksen abaot Kam Folem Mi riding blong wik ia. Oli yusum ol stadi aedia long Kam Folem Mi—Blong Hom mo Jos. Stadi aedia ia wetem aekon ia i semmak wetem seminari, mo stret gud blong yut. Be, eni stadi aedia ia oli save yusum. Oltaem, pat blong jeneral miting ia i tekem kolosap 35 kasem 40 minit.
Klosem Taem
Man we i kontaktem miting ia:
-
Hem i serem testemoni blong hem abaot ol prinsipol we oli bin tijim.
-
Toktok raon long olsem wanem klas ia o kworom bae oli wok folem wanem we oli bin lanem—olsem wan grup o hemwan.
Prea: