Nakomai, Iriirai
Abentekiti C: Ibukin te Moanrinan—Kaetieti ibukin Tain te Anene ao aia Kaongora Ataei n te Bootaki n Toa

“Abentekiti C: Ibukin te Moanrinan—Kaetieti ibukin te Tai n Anene ao Karaoan aia Kaongora Ataei n te Bootaki n Toa,” Nakomai, Iriirai—Ibukin te Mweenga ao te Taromauri: O Tetemanti 2026 (2026)

“Abentekiti C,” Nakomai, Iriirai: O Tetemanti 2026

ataei aika a anene

Abentekiti C

Ibukin te Moanrinan—Kaetieti ibukin Tain te Anene ao aia Kaongora Ataei n te Bootaki n Toa

Anene aika a tabu bon bwaai ni mwakuri aika a mwakaroiroi n buokaia ataei n reiakina taekan ana babaire ni kakukurei Tamara are i Karawa ao aan koaua ibukin ana euangkerio Iesu Kristo. Ngkai a anenea taekan reirein te euangkerio ataei, e na kaoti koauaia te Tamnei ae Raoiroi. Taekana ma te katangitang a na tiku n aia iango ao inanoia ataei i nanon bongin maiuia.

Ukora ana ibuobuoki te Tamnei ngkai kam katauraoi n anga te reirei n te euangkerio rinanon te katangitang. Tibwaa ami kakoaua ibukin koaua ake kam anenei taekaia. Buokiia ataei n taraia bwa e kanga te katangitang n irekereke ma baike a reiakin ao n rinanona ni mweengaia ao n taian kiraati n te Moanrinan.

Kairiiri ibukin Karaoakin te Kaongora n te Bootaki n Toa

Ma n ana kairiiri te bitiobi, karaoakin te bootaki n toa n te kaongora irouia ataei e taneiai ni kakaraoaki n te kaaua ni kuata n te ririki. Te beretitentii n te Moanrinan ao te tia kairiiri n te katangitang, a mwakuri ma te kauntira n te bitiobiriki are e tararuaa te Moanrinan ni moana maroroakinan taian babaire ibukin aia kanoa.

Te kabwarabwara e na kariaia ataei bwa a na kaoti baike a reiakin ma aia utu man te O Tetemanti ni mwengaia ao n te Moanrinan n raonaki ma anenen te Moanrinan ake a tia n anenei inanon te ririki. Ngkai ko bairea te kabwarabwara, iangoi kawai are a na kona ni buokiia kaain te taromauri ni katurui aia iango i aon te Tia Kamaiu ao Ana reirei.

Iunite ake a karako mwaitiia aia ataei a na bae n iangoi kawai aika a na kona iai kaain te utu ni iriia. A kona kaain te bitiobiriki ni kaina te taromauri n aia marooro ae uarereke.

Ngkana kam katauraoa karaoakin ami reirei, ururingi kainibaire akana i mwina:

  • Karaoan te kataneiai e riai n aki anaa te tai man taian kiraati n te Moanrinan.

  • A aki tau ni kabonganaaki n tain bootakin te toa tamnei, kunnikai ni kaotioti, ao bwaai ni katangitang.

Taraa Te Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira, 12.2.1.2, Gospel Library.

ataei aika a anene

Kaetieti ibukin Tain te Anene

5 te miniti (Beretitentii n te moanrinan): Kaukuki n tataro, te kibu man koroboki aika tabu ke taekan te onimaki, ao teuana te marooro

20 te miniti (te tia kairiiri n te katangitang): tain te Anene

Te beretitentii n te Moanrin ao te tia kairiiri n te katangitang a na rinei anene ni katoa namwakaina ni kamatoai reirei ake a reiakin ataei i nanon aia kiraati ao ni mweengaia. A karinaki i nanon te kairi aei rinanin anene ake a kamatoai reirei aikai.

Ngkai kam reireiniia ataei n anene, kaoiia bwa a na tibwai baike a tia n reiakin n taian karaki ao aan taian reirei ake a reiakinaki n te anene. Kaoiia ataei bwa a na tibwauai aia iango ao aia namakin n taian koaua ake a kuneaki inanon taian anene.

Aia Boki n Anene Ataei bon te moan buoka ibukin te anene n te Moanrinan. Anene n taromauri man te boki n anene ao anene man te Rao a katauaki naba. Ko kona naba ni kabonganai anene man Hymns—For Home and Church. Kabonganaan tabeua katangitang n te Moanrinan a riai ni kariaiakaki iroun te Bitiobiriki (taraa Aeniboki ni Kabuta, 12.3.4).

Katangitang ibukin Tain te Anene

Tianuare

  • “My Heavenly Father Loves Me,” , 228–29

  • I Will Follow God’s Plan,” Children’s Songbook, 164–65

Beberuare

  • “Follow the Prophet,” Children’s Songbook, 110–11

  • “A Child’s Prayer,” Children’s Songbook, 12–13

Maati

  • “Kindness Begins with Me,” Children’s Songbook, 145

  • “I Kainanoiko Ngai,,” Anene n Taromauri, nambwa. 13

Eberi

  • “Gethsemane,” Gospel Library

  • “Keep the Commandments,” Children’s Songbook, 146

Meei

  • “Tabo aika Tabu,” Gospel Library

  • “As I Search the Holy Scriptures,” Hymns, no. 277

Tuun

  • “I Will Be Valiant,” Children’s Songbook, 162

  • “Love One Another,” Children’s Songbook, 136

Turai

  • “Search, Ponder, and Pray,” Children’s Songbook, 109

  • “I Pray in Faith,” Children’s Songbook, 14

Aokati

  • “Dare to Do Right,” Children’s Songbook, 158

  • “I Feel My Savior’s Love,” Children’s Songbook, 74–75

Tebetembwa

  • “Reireiai Bwa N Na Toua Te Ota,” Aia Boki n Anene Ataei, 63

  • “Love Is Spoken Here,” Children’s Songbook, 190–91

Okitobwa

  • “Seek the Lord Early,” Children’s Songbook, 108

  • “I Lived in Heaven,” Children’s Songbook, 4

Nobembwa

  • “Families Can Be Together Forever,” Children’s Songbook, 188

  • “Choose the Right,” Hymns, no. 239

Ritembwa

  • “We’ll Bring the World His Truth,” Children’s Songbook, 172–73

  • “The Hearts of the Children,” Children’s Songbook, 92–93

Kabonganakin te Katangitang n Reiakina te Reirei

E baaireaki tain te anene ibukin buokaia ataei ibukin reiakinan koauan te euangkerio. Iango aika i mwina a kona ni kaungai nanomi ngkai kam iangoi kawai n anga reirei i aon reirein te euangkerio ake a kuneaki n anene n taromauri ao ni kunan te Moanrinan.

Wareki koroboki aika a tabu ake a irekereke ma ngaia. Ibukin angiin taian anene i nanon Aia Boki n Anene Ataei ao te boki n anene n taromauri, a koreaki kiibu ake a irekereke ma koroboki aika tabu. Buokiia ataei ni wareki tabeua mai buakon karaki aikai, ao maroroakinna bwa a kanga booki aika tabu n irekereke ma te anene. Kam kona naba ni karinani bwaai ni kakoaua ibukin booki aika tabu iaon te burakibooti ao kaoiia ataei bwa a na katoatoai bwaai ni kakoaua n tatabeua ma te anene ke kibun te anene.

Kanoai taian Bwangabwanga. Korea kibun te anene i aon te burakibooti ma tabeua taeka aika a kakaawaki ake a bua. Ngkanne tuangiia ataei bwa a na anenea te anene, kakauongo ibukin taian taeka ake a na kanoa te bwangabwanga. Ngkai a kanoa te bwangabwanga, maroroakin reirein te euangkerio ake kam reiakin man taeka akana a bua.

ataei aika a anene

Kakoaua. Kaota ami koaua ae uarereke nakoia ataei i aon koauan te euangkerio ake a kuneaki n anenen te Moanrinan. Buokiia ataei bwa a na ataia bwa te anene bon teuana te kawai ae a kona ni kaota iai aia koaua ao n namakina te Tamnei.

Riiki bwa te tia kakoaua. Kaoiia ataei bwa a na kaibibiti n tei ao n tibwai baike a reiakin man te anene are a aneneia ke aron aia namakin ibukin koaua ake a reiakinaki man te anene. Titirakiniia aron aia namakin ngkai anenea te kuna, ao buokiia bwa a na kinaa ana waaki te Tamnei ae Raoiroi.

Kabonganai tamnei. Tuangiia ataei bwa a na buoki ngkami ni kakaea ke ni karaoi tamnei ake a iri ma taeka aika kakawaki ke kibun te anene. Kaoiia bwa a na tibwaia bwa tera irekereken taian tamnei ma te anene ao tera te reirei man te anene. Te katooto, ngkana ko reirei i aon te kuna “When He Comes Again” (Children’s Songbook,, 82–83), ko kona ni katokai tamnei rinanon nako te ruu are e kaota kakaawakin te taeka man te anene (n aron anera, tinoo, ao itoi). Tuangiia ataei bwa a na ikoti taian tamnei ao n tabeki ieta n teia ae barongaaki ngkai kam bane n anene.

Tibwai bwaai ni kakairi ae e tei ibukin te reirei. Ko kona ni kabongana te bwai ae e kona n nooraki ae kaungaa maroroakinan te anene. Te katooto, ngkana e aneneaki te kuna “My Heavenly Father Loves Me” (Children’s Songbook, 228–29), ko kona ni kaota nakoia ataei tamnein bwaai n aron te mannikiba, te karau, ke te uee. Aio e kona ni kairi nakon te maroro iaon arora ni kunei kanikina n ana tangira Tamara are i Karawa ni bwaai ni kabane ake a katobibira.

Kaoa te Tibwatibwa ni bwaai ake ko a tia n rinanona. Buokiia ataei n tomai reirei ake a reiakinaki n te anene ma baike a rinanona ma reirei aikai. Te katooto, imwain anenean “I Love to See the Temple” (Children’s Songbook,, 95), ko kona n tuangiia ataei bwa a na katei baia ngkana a tia n noora te tembora. Kaoiia, ngkai a anene, n iangoia tera aia namakin ngkana a noora te tembora.

Titiraki. A mwaiti titiraki aika ko kona n titiraki ngkai ko anenei kuuna. Te katooto, ko kona n titirakiniia ataei bwa tera ae a reiakinna man kibun nako te kuna. Ko kona naba n tuangiia bwa a na iangoi titiraki ake e kaekaaki n te kuna. Aei e na kona ni kaira te marooro ibukin koaua ake a reiakinaki n te anene.

Kairia ma kaina ae bebete. Kaoiia ataei bwa a na iangoa aia kai ae beebete bwa e na buokiia n uringa taekan ao rongorongon te anene. Te katooto, ngkana ko anenea “Search, Ponder, and Pray” (Children’s Songbook, 109), ko kona ni kaoiia am ataei n kotea mataia n anenean taekan ukoran koroboki aika tabu, ni kotoi atuia n anenean taekan iangoan te bwai, ao n rukum baia n aia tai n anenea taekan te tataro.