“Abentekiti D: Ibukiia Kooram n te Nakoanibonga ae te Aaron ao aia Kiraati Ataeinnaine—Te Akenta n te Bowi” Nakomai, Iriirai—Ibukiin te Mweenga ao te Taromauri: Reirei ao Berita aika Tabu 2025 (2025)
“Abentekiti D,” Nakomai, Iriirai—Ibukin te Mweenga ao te Taromauri: 2025
Abentekiti D
Ibukiia Kooram n te Nakoanibonga ae te Aaron ao aia Kiraati Ataeinnaine—Te Akenta n te Bowi
Te Tai ni Bowi:
Te tia Kairi (te membwa n te kiraati ke te beretitentii n te kooram):
Kaukuki
Anene n Taromauri (am rinerine):
Tataro:
Kaokioka Aia Botoniango Ataeinnaine ke Aia Botoniango Kain te Kooram n te Nakoanibonga ae te Aaron.
Ikotaki ni marooro
Kairaki iroun temanna ae kaira te bowi, a kabanea 5 nakon 10 te miniti te kiraati ke te kooram n ikotaki ni marooro ibukin tabeia n ana mwakuri ni kamaiu ao ni karietaata te Atua. Aio te tai ibukin te kiraati ke te beretitentii n te kooram n rimwiin bwaai ake a maroroakinaki n aia boowi kaain te beretitentii ke n ana boowi te kauntira n te rororonrikirake.
E kona naba te aomata are e kaira te botaki ni kabongana teuana ke ae raka riki man titiraki aikai:
Maiuakinan te Euangkerio
-
Tera taneiai ngkai aika a tia ni kakorakorai ara koaua iroun Iesu Kristo ao Ana euangkerio?
-
Tera ae ti karaoia ni kaniira riki nakon te Tia Kamaiu? Ti kanga ni kataia n riki n Arona?
-
Ti kanga n tia n namakina ana kairiiri te Uea i nanon maiura?
Tararuakiia aomata ake iai kainnanoia
-
Antai ae ti a tia namakina kairakira bwa ti na buokia ke ni beku ibukina? Tera katabeara ae ti a tia ni karekea mairoun te bitiobi bwa ti na buoka temanna ae kainnanoa buokana?
-
Tera kangaanga aika a kaaitarai ara membwa n ara kiraati ke n kooram? Ti na kanga ni buokiira i bon iroura ni bwaai ake ti rinanona?
-
Iai temanna ae e tibwa mwaing nakon ara uoote ke ni kaaina te Ekaretia? Ti na kangaa ni buokiia bwa a na namakina te butimwaeaki?
Kaoakiia ni kabane bwa ana karekea te euangkerio
-
Tera ae ti kona ni karaoia ni buokiia tabeman bwa a na namakina ana tangira te Atua?
-
Tera waaki ni kakukurei aika i aon kawaia ake ti kona iai ni kaoiia raoraora bwa a na iria?
-
Tera babaire n tibwaa te euangkerio aika a tia ni marooroakinaki i nanon bowiin te kauntira n te uoote ibukiia kairake? A na kanga ara kiraati ao kooram n ira buakona?
Katiteuanakiia utu n te maiu ae akea tokina
-
Tera kawai tabeua aika ti kona iai n reitaki ma kaain ara utu, n raonaki ma tiibu ao ai tarira aine ao mwaane?
-
Tera ae ti karaoia ni kakaei araia ara bakatibu aika a kainnanoi otenanti n te tembora? Tera ae ti kona ni karaoia ni buokiia tabeman ni kakaei araia aia bakatibu?
-
Ti na kanga ni ibuobuoki riki ma te mwakuri n te tembora—n tatabemaniira ao n te kiraati ke n te kooram?
Te uaia n reirei
Te tia kairiiri ae ikawai ke te membwa n te kooram ke te kaetieti ibukin kairan te kiraati ibukin te wareware n Nakomai, Iriirai n te wiiki aei. A kabonganai iango ni kamatebwai i nanon Nakomai, Iriirai—Ibukin te Mweenga ao te Taromauri. Te iango ni kamatebwai ma te kanikinaa aei e boraoi ma te tieminarii ao e ti kaeineti riki nakoia kaain te roronrikirake. E ngae n anne, a kona iango ni kamatebwai ni kabane ni kabongaaki. Manin mwakoron te bowi aei e anaa tao 35 nakon 40 te miniti.
Kainiin
Te aomata are e kaira te bowi:
-
Kaota am koaua i aon reirei ake a reiakinaki.
-
Maroroakinna bwa e kanga te kiraati ke te kooram ni karaoi nanon bwaai ake a tia n reiakinaki—n te kurubu ke irouia n tatabemaniia.
Tataro: