“Isihlomelo B: EyePrayimari—Ukulungiselela Abantwana Bakho Ubomi Bonke kwiNdlela yoMnqophiso kaThixo,” Yizani, Nindilandele—EyeKhaya neBandla: IMfundiso neMinqophiso 2025 (2025)

“Isihlomelo B,” Yizani, Nindilandele—EyeKhaya neBandla: 2025

Isihlomelo B

EyePrayimari—Ukulungiselela Abantwana Bakho Ubomi Bonke kwiNdlela yoMnqophiso kaThixo

Ngeenyanga ezineeCawe ezintlanu, ootitshala beeklasi zePrayimari bayakhuthazwa ukuba bathathe indawo yolwandlalo olucwangcisiweyo luka Yizani, Nindilandele ngeCawe yesihlanu omnye okanye ngaphezulu yale misebenzi yokufunda.

Imigaqo neMimiselo yeVangeli kaYesu Krestu

Imfundiso kaKrestu isifundisa indlela yokubuyela kuThixo.

Xa uYesu Krestu wabonakala ebantwini eMelika, Yena wabafundisa imfundiso yaKhe. Yena wathi singangena ebukumkanini bukaThixo ukuba sinokholo, siguquka, sibhaptizwe, samkele uMoya oyiNgcwele, kwaye sinyamezele kude kube sekupheleni (bona 3 Nifayi 11:31–40; bona kananjalo IMfundiso neMinqophiso 20:29). Imisebenzi engezantsi ingakunceda ufundise abantwana ukuba le migaqo nemimiselo iyakusinceda ukuba sisondele kufuphi kuMsindisi kubomi bethu bonke.

Ukufunda ngakumbi ngemfundiso kaKrestu, bona 2 Nifayi 31.

Imisebenzi Enokwenzeka

Nika abantwana imifanekiso emele ukholo kuYesu Krestu, inguquko, ubhaptizo, noqinisekiso (bona Incwadi yoMsebenzi woBugcisa yeVangeli, amanani. 1, 111, 103, kunye 105). Funda okanye ucengceleze nabantwana isivumo sokholo sesine, kwaye ubacele ukuba baphakamise imifanekiso yabo xa lo mgaqo okanye ummiselo ukhankanywa. Nceda abantwana baqonde indlela nganye yale migaqo nemimiselo esinceda ngayo ukuba sifane ngakumbi noBawo waseZulwini noYesu Krestu.
Ungabanceda njani abantwana baqonde ukuba ukholo, inguquko, ubhaptizo, noqinisekiso ayizoziganeko zexesha elinye kodwa ziphembelela ukukhula kwethu kwasemoyeni kubomi bethu bonke? Ngokomzekelo, ungababonisa umfanekiso wembewu nomthi omkhulu (okanye uzobe ezi zinto ebhodini). Bancede bacinge ngezinto ezinceda imbewu ikhule ibe ngumthi omkhulu, njengamanzi, umhlaba nokukhanya kwelanga. Bancede babone ukuba ezi zifana nezinto esizenzayo ukuze sisondele ngakumbi kuThixo kubo bonke ubomi bethu—sisokha ukholo lwethu kuYesu Krestu, siguquke imihla ngemihla, siphile iminqophiso yethu yobhaptizo, sithabathe umthendeleko, kwaye siphulaphule uMoya oyiNgcwele.

Ubhaptizo

UYesu Krestu wamisela umzekelo kum xa Yena wayebhaptizwa.

Nangona uYesu wayengenasono, wabhaptizwa ukuze amisele umzekelo ogqibeleleyo wokuthobela uBawo waseZulwini (bona 2 Nifayi 31:6–10).

Ukufunda ngakumbi ngobhaptizo, bona IMfundiso neMinqophiso 20:37.

Imisebenzi Enokwenzeka

Bonisa umfanekiso wobhaptizo loMsindisi nobhaptizo lomnye umntu (okanye ubone Incwadi yoMsebenzi woBugcisa yeVangeli, amanani. 35 inani. 103 okanye inani. 104). Cela abantwana babelane ngento eyahlukileyo kwaye nento efanayo phakathi kwemifanekiso emibini. Fundani kunye UMateyu 3:13–17 Bavumele abantwana balathe kwizinto ezikwimifanekiso ekhankanywe kwisifundo. Xelela abantwana ngothando lwakho loMsindisi nomnqweno wakho wokulandela Yena.

1:52
Chapter 10: Jesus Is Baptized
Mamela okanye ucule iculo elithetha ngobhaptizo. Sifunda ntoni ngobhaptizo kule ngoma? Funda 2 Nifayi 31:9–10, kwaye umeme abantwana ukuba baphulaphule ukuba kwakutheni ukuze uYesu Krestu abhaptizwe. Bameme ukuba bazobe umfanekiso wabo ngosuku lokubhaptizwa kwabo.

Ndingakhetha ukwenza umnqophiso noThixo kwaye ndibhaptizwe.

Ukulungiselela ukubhaptizwa kuthetha okungakumbi kunokulungiselela isiganeko. Kuthetha ukulungiselela ukwenza umnqophiso nokugcina loo mnqophiso ubomi bakho bonke. Cingisisa ukuba ungabanceda njani abantwana baqonde umnqophiso abaya kuwenza noBawo waseZulwini xa bebhaptizwa, oquka izithembiso yena azenza kubo nezithembiso abazenzayo kuYe.

Imisebenzi Enokwenzeka

Cacisa ukuba umnqophiso sisithembiso phakathi komntu noBawo waseZulwini. Njengoko sizabalazela ukugcina izithembiso zethu kuThixo, uThixo uthembisa ukusisikelela. Bhala ebhodini iZithembiso Zam kuThixo kunye neZithembiso zikaThixo Kum. Fundani kunye Mozaya 18:10, 13 kunye IMfundiso neMinqophiso 20:37, kwaye uncede abantwana benze uluhlu lwezithembiso abazifumana phantsi kwezihloko ezifanelekileyo. Yabelana ngendlela uBawo waseZulwini akusikelele ngayo njengokuba uzama ukugcina umnqophiso wakho wobhaptizo.
Bonisa abantwana imifanekiso yezinto uYesu Krestu awazenzayo ngexesha lobufundisi baKhe (ngeminye imizekelo, bona Incwadi yoMsebenzi woBugcisa yeVangeli, amanani. 33–49). Vumela abantwana bathethe ngoko kwenziwa nguYesu kumfanekiso ngamnye. Funda Mozaya 18:8–10, 13, kwaye umeme abantwana ukuba bamamele izinto abathembisa ukuzenza xa bebhaptizwa. Ezi zithembiso ziza kuba nefuthe njani kwizenzo zethu yonke imihla? Mema abantwana bazobe umfanekiso wabo benceda omnye umntu ngendlela uYesu ebeya kwenza ngayo.

ubhaptizo — Xa sibhaptizwa, senza izithembiso kuThixo kwaye naYe wenza izithembiso kuthi.

Uqinisekiso

Xa ndiqinisekiswa, ndiba lilungu leBandla likaYesu Krestu labaNgcwele beMihla yokuGqibela.

Ukuba lilungu leBandla likaYesu Krestu labaNgcwele beMihla yokuGqibela kuzisa iintsikelelo ezininzi, kuquka namathuba okuba abantwana babe ngabathathi-nxaxheba abakhutheleyo emsebenzini kaThixo.

Imisebenzi Enokwenzeka

Mema umntu osandula ukubhaptizwa kwaye waqinisekiswa ukuba eze eklasini kwaye abelane ngokuba bekunjani ukuqinisekiswa. Cela lo mntu ukuba athethe malunga nokuba kuthetha ukuthini kuye ukuba lilungu leBandla likaYesu Krestu labaNgcwele beMihla yokuGqibela. Nceda abantwana bacinge ngeendlela abanokuthi bawugcine ngazo umnqophiso wabo wobhaptizo njengamalungu eBandla (njengokukhonza abanye, ukumema abanye ukuba bafunde ngakumbi ngoYesu, ukuthandaza ezintlanganisweni, njalo njalo). Yabelana ngendlela ukwenza ezi zinto kukuncede ngayo uve uvuyo lokuba lilungu leBandla likaKrestu.
Bonisa umfanekiso wabantu kuManzi eMormoni (bona Incwadi yoMsebenzi woBugcisa yeVangeli, inani. 76), kwaye ucele abantwana bachaze into abayibonayo emfanekisweni. Balisa ibali lika-Alma nabantu bakhe bebhaptizwa apho (bona Mozaya 18:1–17 Cinga kwakhona u Mozaya 18:8–9 kwaye umeme abantwana ukuba benze izenzo zokubanceda bakhumbule izinto abantu ababezimisele ukuzenza njengamalungu eBandla likaKrestu. Ngokomzekelo, sinokubanceda njani abanye “bathabathe inyathelo lokwenza iminqophiso noThixo”? (URussell M. Nelson, “Hope of Israel”[inkonzo yolutsha kwihlabathi jikelele, EyeSilimela 3, 2018], Ithala leencwadi zeVangeli). Yabelana ngamava xa ubone amalungu eBandla ekhonza ngezi ndlela.

2:41
Alma at the Waters of Mormon

Xa ndiqinisekisiwe, ndifumana isipho soMoya oyiNgcwele.

Xa sibhaptizwa kwaye siqinisekiswa, uBawo waseZulwini uyasithembisa ukuba “singasoloko sinawo uMoya wakhe ukunye [nathi]” (IMfundiso neMinqophiso 20:77). Esi sipho simangalisayo sivela kuThixo sibizwa ngokuba sisipho soMoya oyiNgcwele.

Imisebenzi Enokwenzeka

Funda IMfundiso neMinqophiso 33:15, kwaye ucele abantwana bamamele isipho esikhethekileyo uBawo waseZulwini asinika sona xa sibhaptizwa kwaye siqinisekiswa. Ukubanceda bafunde ngakumbi malunga nendlela isipho soMoya oyiNgcwele esiza kubanceda ngayo, cingani kunye kwakhona Yohane 14:26; AmaGalati 5:22–23; 2 Nifayi 32:5; 3 Nifayi 27:20.
Ngaphambi kweklasi, cela abazali bomntwana omnye okanye ngaphezulu ukuba babelane ngendlela abasikelelwe ngayo ngenxa yokuba benesiphiwo soMoya oyiNgcwele. Yena ubanceda njani? Baliva njani ilizwi laKhe?
Culani kunye ingoma ngoMoya oyiNgcwele. Nceda abantwana baqonde ukuba iculo lisifundisa ukuba uMoya oyiNgcwele angasinceda njani.

UMoya oyiNgcwele angathetha nam ngeendlela ezininzi.

Abantwana abanako ukuliqonda ilizwi loMoya bayakulungela ukufumana isityhilelo sobuqu ukubakhokela kubo bonke ubomi babo. Bancede baqonde ukuba zininzi iindlela uMoya oyiNgcwele anokuthetha nathi.

Imisebenzi Enokwenzeka

Nceda abantwana bacinge ngeendlela ezahlukeneyo esinokuthetha ngazo nomhlobo wethu ohlala kude, ezinjengokubhala ileta, ukuthumela i-imeyile, okanye ukuthetha efowunini. Bafundise ukuba uBawo waseZulwini angathetha nathi ngeendlela ezahlukeneyo ngoMoya oyiNgcwele.
Yabelana ngamava xa uMoya oyiNgcwele wanxibelelana nawe, mhlawumbi ngeengcinga ezisengqondweni yakho okanye ngemvakalelo esentliziyweni yakho (bona IMfundiso neMinqophiso 6:22–23; 8:2–3. Ngqina ebantwaneni ukuba uMoya oyiNgcwele unako ukubanceda ngeendlela ezifanayo.
Nceda abantwana baqaphele amaxesha apho bava khona uMoya—ngokomzekelo, xa becula ingoma ngoMsindisi okanye xa besenzela abanye into yobubele. Bancede babone iimvakalelo zomoya eziziswa nguMoya oyiNgcwele, ngakumbi iimpembelelo zaKhe ukuba benze. Kutheni ucinga ukuba uMoya oyiNgcwele usinika ezi mvakalelo? Nceda abantwana bacinge ngezinto ekufuneka sizenze ukuze sive uMoya oyiNgcwele ethetha nathi. Thethani ngezinto enizenzayo ukuze nive uMoya ngokucacileyo ngakumbi.

UMthendeleko

Xa ndithatha umthendeleko, ndikhumbula idini loMsindisi kwaye ndihlaziye iminqophiso yam.

UMsindisi wasinika umthendeleko ukusinceda sikhumbule idini laKhe ngathi kwaye ahlaziye iminqophiso yethu.

Ukufunda ngakumbi, bona Mateyu 26:26–30; 3 Nifayi 18:1–12; IMfundiso neMinqophiso 20:77, 79.

Imisebenzi Enokwenzeka

Mema abantwana ukuba bafake umbala ku “Jesus Introduced the Sacrament to the Nephites” in Scripture Stories Coloring Book: Book of Mormon (2019), 26. Bacele ukuba balathe kwinto abantu abacinga ngayo emfanekisweni. Fundela abantwana iinxalenye zika 3 Nifayi 18:1–12. Yintoni esinokuyenza ukukhumbula uYesu Krestu ngexesha lomthendeleko?

2:8
Jesus Shares the Sacrament
Cela abantwana ukuba bakuxelele izinto ezithile ekufuneka besoloko bekhumbula ukuzenza, njengokubopha izihlangu zabo okanye ukuhlamba izandla zabo phambi kokuba batye. Kutheni kubalulekile ukukhumbula ezi zinto? Funda u Moronayi 4:3 ebantwaneni, kwaye ubameme ukuba baphulaphule oko sithembisa ukusoloko sikukhumbula xa sithatha umthendeleko. Kutheni kubalulekile ukukhumbula uYesu Krestu? Nceda abantwana baqonde indlela isonka namanzi somthendeleko asinceda ngayo ukuba sikhumbule into asenzele yona uYesu (bona Moronayi 4:3; 5:2).
Bhala ebhodini “Ndithembisa uku…” Funda imithandazo yomthendeleko ebantwaneni (bona IMfundiso neMinqophiso 20:77, 79). Xa besiva isithembiso esisenza kuThixo, nqumama uze ubancede bagqibezele isivakalisi esisebhodini kunye nesithembiso abasivileyo. Bancede baqonde ukuba xa sithatha umthendeleko, senza izithembiso ezifanayo sazenzayo kubhaptizo.
Kuthetha ukuthini ukuthabathela kuthi igama likaYesu Krestu? Ukunceda abantwana baphendule lo mbuzo, yabelana ngomzekelo wento esibeka kuyo amagama ethu. Kutheni sibeka amagama ethu kwezi zinto? Kutheni le nto uYesu Krestu efuna ukubeka igama laKhe phezu kwethu? Cinga ngokwabelana ngale ngcaciso evela kuMongameli uRussell M. Nelson: “Ukuthabatha igama loMsindisi phezu kwethu kubandakanya ukubhengeza nokungqina kwabanye—ngezenzo zethu nangamazwi ethu—ukuba uYesu unguKrestu” (“The Correct Name of the Church,” Liahona, EyeNkanga. 2018, 88).

Amandla oBubingeleli, iGunya, neZitshixo

UThixo uyabasikelela abantwana baKhe ngamandla obubingeleli.

Bonke abantwana bakaThixo—abafazi namadoda, abancinane nabadala—bafumana amandla kaThixo njengokuba begcina iminqophiso abayenzileyo kunye naYe. Senza le minqophiso xa sifumana imimiselo yobubingeleli efana nobhaptizo (bona General Handbook: Serving in The Church of Jesus Christ of Latter-day Saints, 3.5, 3.6, Ithala leencwadi zeVangeli). Ukufunda ngakumbi, bona uRussell M. Nelson, “Spiritual Treasures,” Liahona, EyeNkanga. 2019, 76–79; “Priesthood Principles,” isahluko 3 kwi General Handbook.

Imisebenzi Enokwenzeka

Nceda abantwana baqaphele iintsikelelo abazifumanayo ngenxa yobubingeleli. Cinga ngokudwelisa ezi ntsikelelo ebhodini. Kutheni zibalulekile nje ezi ntsikelelo kuthi? Ngqina ukuba ezi ntsikelelo ziza kuthi ngenxa kaYesu Krestu namandla obubingeleli baKhe.

3:5
Blessings of the Priesthood
Nceda abantwana bafumane imifanekiso ebonisa indlela uThixo asebenzisa ngayo amandla aKhe ukusisikelela. Umzekelo, banokufumana umfanekiso wehlabathi Awasidalela lona, imizekelo yokuphilisa abagulayo, kunye nemimiselo engcwalisekileyo Asinike yona (bona Incwadi yoMsebenzi woBugcisa yeVangeli, amanani 3, 46, 104, 105, 107, 120). Yabelana ngokuba kutheni unombulelo ngobubingeleli neentsikelelo obuzizisayo. Nceda abantwana bacinge ngamava xa babesikelelwa ngamandla obubingeleli bukaThixo.
Enye yeendlela eziphambili esizifumana ngazo iintsikelelo zamandla kaThixo ebomini bethu kungokwenza imimiselo yobubingeleli (bona IMfundiso neMinqophiso 84:20). Ukunceda abantwana bafunde le nyaniso, ungadwelisa ezi zibhalo zilandelayo ebhodini: 3 Nifayi 11:21–26, 33 (ubhaptizo); Moronayi 2 (uqinisekiso); Moronayi 4–5 (umthendeleko). Abantwana banokukhetha ngamnye kwezi zicatshulwa kwaye bachonge ummiselo owuchazayo. Mema abantwana ukuba babelane ngendlela abasikelelwe ngayo ngokufumana imimiselo yobubingeleli.
Nceda abantwana baqonde ukuba bayakufumana amandla kuThixo xa bebhaptizwa kwaye begcina umnqophiso wabo wobhaptizo. Buza abantwana ukuba la mandla anokubanceda njani.

Umsebenzi kaThixo ukhokelwa zizitshixo zobubingeleli kwaye uphunyezwe ligunya lobubingeleli.

Nanini na xa umntu ekhethelwe ubizo okanye ukwabelwa ukunceda emsebenzini kaThixo, unokusebenzisa igunya lobubingeleli abalinikiweyo. Ukongeza, amalungu eBandla angamadoda afanelekileyo angamiselwa kwi-ofisi yobubingeleli. Ukusetyenziswa kwalo lonke igunya lobubingeleli eBandleni kukhokelwa ngabantu abaphethe izitshixo zobubingeleli, abafana nomongameli wengingqi, ubhishophu, nabongameli bamaqumrhu. Izitshixo zobubingeleli ziligunya lokukhokela ukusetyenziswa kobubingeleli, okufana nokunika imvume yokwenza imimiselo.

Imisebenzi Enokwenzeka

Funda kunye nabantwana u Marko 3:14–15, uze ubabonise umfanekiso wesiganeko esichazwe apho (enje nge Incwadi yoMsebenzi woBugcisa yeVangeli, amanani 38). Buza abantwana ukuba bakhe bambona umntu othile osikelelwe bucala ubizo okanye emiselwa kwi-ofisi yobubingeleli (okanye ubaxelele ngamava oye wawafumana). Oku kufana njani noko uMsindisi wakwenzayo nabaPostile baKhe? Nceda abantwana badwelise ebhodini ubizo okanye ii-ofisi zobubingeleli ezinokunikwa amalungu eBandla, njengotishala okanye inkokheli embuthweni. Ecaleni kobizo ngalunye okanye i-ofisi, ungabhala ukuba umntu onolo bizo okanye i-ofisi anegunya lokwenza ntoni. Xelela abantwana ukuba ukusikelelwa bucala ngumntu phantsi kwesikhokelo sezitshixo zobubingeleli kukuncede njani ukuba ukhonze.
Mema abantwana ukuba bacinge ngento edinga isitshixo sayo, njengemoto okanye ucango. Kwenzeka ntoni ukuba awunaso isitshixo? Fundani kunye IMfundiso neMinqophiso 65:2, kwaye wabelane ngobungqina bakho ngokubaluleka kokuba nezitshixo zobubingeleli. : (iThala leeNcwadi zeVangeli) kwaye ujonge oko uMdala uGary E. Stevenson akufundisayo malunga nezitshixo zobubingeleli.

2:51
Where Are the Keys?

ITempile neCebo loLonwabo

ITempile yindlu yeNkosi.

Iitempile ziyinxalenye yecebo likaBawo waseZulwini ngabantwana baKhe. Ezitempileni, senza iminqophiso engcwalisekileyo kunye naYe, sinikwa amandla obubingeleli, sifumana isityhilelo, senzela izinyanya zethu ezingasekhoyo imimiselo, kwaye sitywinelwe kwiintsapho zethu ngonaphakade. Konke oku kuye kwenzeka ngenxa kaYesu Krestu nedini lakhe lentlawulelo.

Ungabanceda njani abantwana obafundisayo babone ubungcwele bendlu yeNkosi kwaye bazilungiselele ukuba bafanele ukuthatha inxaxheba kwimimiselo yasetempileni? Cinga ngokujonga kwakhona esi sixhobo: IMfundiso neMinqophiso 97:15–17.

ulutsha ngaphandle etempileni — Iitempile ziyinxalenye yecebo likaBawo waseZulwini ngabantwana baKhe.

Imisebenzi Enokwenzeka

Bonisa umfanekiso omnye okanye ngaphezulu weetempile. Buza abantwana ukuba yintoni eyenza itempile ibe yindawo ekhethekileyo. Chaza ukuba kwitempile nganye kukho lo mbhalo: “Ubungcwele eNkosini—Indlu yeNkosi.” Buza abantwana ukuba bacinga ukuba “ubuNgcwele eNkosini” bunokuthetha ntoni. Kutheni itempile ibizwa ukuba yindlu yeNkosi? Oku kusifundisa ntoni ngetempile? Ukuba kukho nabaphi na abantwana abakhe baya etempileni, nabo bangabelana ngendlela ababeziva ngayo xa babelapho. Ukuba ubukhe waya etempileni, yabelana ngendlela obuve ngayo ubukho beNkosi apho, kwaye uthethe ngokuba kutheni itempile iyindawo engcwele kuwe.
Fundani kunye IMfundiso neMinqophiso 97:15–17. Cela abantwana ukuba bajonge oko iNkosi ikulindeleyo ebantwini abangena endlwini yaYo engcwele. Kutheni le nto sidinga sikufanelekele ukungena endlwini yaKhe? Njengenxalenye yale ncoko, thetha nabantwana malunga neemvume zetempile, kuquka nendlela yokuzifumana. Ungamema ilungu lobubhishophu ukuba labelane nabo ukuba lunjani udliwano-ndlebe lwemvume yasetempileni nemibuzo ebuzwa kuyo.

Etempileni, senza iminqophiso noThixo.

UMongameli uRussell M. Nelson wafundisa, “UYesu Krestu usimema ukuba sithabathe indlela yomnqophiso ebuyela ekhaya kuBazali bethu Basezulwini kwaye sibenabo sibathandayo” (“Yizani, Ndilandeleni” Liyahona, uCanzibe 2019, 91). Nceda abantwana baqonde ukuba indlela yomnqophiso ibandakanya ubhaptizo, uqinisekiso, nesiphwo setempile nokutywinwa.

Imisebenzi Enokwenzeka

Cela abantwana bakuncede ucinga kwakhona umnqophiso esiwenzayo noThixo xa sibhaptizwa kwaye siwuhlaziye xa sithatha umthendeleko. (bona Mozaya 18:10, IMfundiso neMinqophiso 20:77, 79). Bonisa umfanekiso wetempile, kwaye ucacise ukuba uBawo waseZulwini uneentsikelelo ezininzi afuna ukusinika zona etempileni.
Zoba isango elikhokelela endleleni. Buza abantwana ukuba kutheni becinga ukuba kuluncedo ukuba nendlela yokuhamba. Fundani kunye 2 Nifayi 31:17–20, apho uNifayi ethelekisa umnqophiso wobhaptizo nesango kwaye esimema ukuba siqhubeke endleleni emva kobhaptizo. Kukho iminqophiso emininzi ekufuneka yenziwe emva kobhaptizo, kuquka iminqophiso eyenziwa etempileni. Cacisa ukuba uMongameli uNelson uyibize le ndlela “indlela yomnqophiso.”

Etempileni, singabhaptizwa kwaye siqinisekiselwe izinyanya ezingasekhoyo.

Ivangeli likaYesu Krestu yenza ukuba kwenzeke kubo bonke abantwana bakaThixo ukuba babuye bahlale kunye naYe, nokuba bayafa bengayazi ivangeli. Etempileni, singabhaptizwa kwaye siqinisekiswe ngamalungu eBandla likaYesu Krestu egameni labo.

Imisebenzi Enokwenzeka

Thetha ngexesha apho umntu othile wakwenzela into ongenakuzenzela yona. Mema abantwana ukuba babelane ngamava afanayo. Cacisa ukuba xa sisiya etempileni, singafumana imimiselo engcwalisekileyo efana nobhaptizo lwabanye abangasekhoyo. Sifana njani noYesu xa sisenzela umsebenzi abafileyo? Yintoni Yena asenzele yona ebesingenako ukuzenzela yona ngokwethu?
Mema ulutsha omnye okanye ngaphezulu oye wabhaptizelwa izinyanya zakhe ukuba abelane ngamava akhe. Babuze ukuba kwakunjani etempileni. Bakhuthaze ukuba babelane ngendlela abavakalelwa ngayo xa bewenza lo msebenzi besenzela izinyanya zabo.
Zoba umthi ebhodini, kuquka iingcambu namasebe. Cela abantwana ukuba bacinge ngendlela usapho olufana ngayo nomthi. Faka amagama kwiingcambu Izinyanya, bhala amasebe iNzala, uze ubhale isiqu somthi othi Wena. Fundani kunye esi sivakalisi kuyo IMfundiso neMinqophiso 128:18: “Kuba ngaphandle kwabo [izinyanya zethu] asinako ukwenziwa sigqibelele; bengenako nabo ukwenziwa bagqibelele ngaphandle kwethu.” Buza imibuzo efana nale ilandelayo: “Kutheni sidinga izinyanya zethu? Kutheni izinyanya zethu zisidinga? Baye basinceda njani abazali, oomakhulu nootatomkhulu nezinye izinyanya zethu?” Mema abantwana ukuba bakhangele kuyo yonke IMfundiso neMinqophiso 128:18 ibinzana elichaza indlela esinokunceda ngayo izinyanya zethu.
Cinga ngokusebenza nabazali bomntwana ngamnye ukufumana igama lesinyanya esidinga imimiselo etempileni (bona FamilySearch.org).