Tzolʼlebʼ ut Sumwank 137–138

Laj Alvin Smith, lix raarookil as li profeet aj Jose Smith, kikam waqib’ chihab’ rub’elaj naq li Dios kixk’ojob’ wi’chik li wankilal re kub’sink ha’. Li k’oxlanb’il sa’ xyanqeb’ laj Kristiano sa’ 1836, a’an naq wi junaq nakam chi ink’a’ kub’enaq xha’, ink’a’ naru taaxik sa’ choxa. Laj Jose kipatz’ok chiru k’iila chihab’ chirix lix kolb’al laj Alvin—toj reetal naq kixk’ul li k’utb’esinb’il na’leb’ natawman sa’ Tzol’leb’ ut Sumwank 137.

Naab’aleb’ li kristiaan sa’ li kutankil a’in neke’xpatz’ ajwi’ a’an. K’a’ut naq li Dios naraj ru li k’ojob’anb’il k’anjel ut li sumwank chirix naq naab’aleb’ li kristiaan ink’a’ neke’ru chixk’ulb’al a’an? K’a’ raj ru taaye re junaq kristiaan li tixpatz’ a’an? Chan raj ru taakawob’resi lix paab’aaleb’ chirix li Dios ut chirix li k’a’ru aajel ru choq’ re li kolb’a-ib’? Sik’eb’ li yaal li naru nakawotzeb’ sa’ li tasal 137 ut sa’ li tasal 138:30–37, 57–60. Naru ajwi’ nakasik’eb’ li yaal a’in sa’ li raatin li Awa’b’ej Henry B. Eyring, “Xch’utub’ankil lix junkab’al li Dios” (Jolomil ch’utub’aj-ib’ re abril 2017).

Naq yooqat chi tzolok ut chi k’oxlak, naru nakatz’iib’aheb’ laa na’leb’ rik’in xtz’aqob’resinkileb’ ru ch’ol aatin jo’ a’in:

• Sa’ xk’ab’a’eb’ li k’utb’esinb’il na’leb’ a’in, ninnaw naq li qaChoxahil Yuwa’ .

• Sa’ xk’ab’a’eb’ li k’utb’esinb’il na’leb’ a’in, ninnaw naq lix k’uub’anb’il na’leb’ li Yuwa’b’ej re li kolb’a-ib’ .

• Sa’ xk’ab’a’eb’ li k’utb’esinb’il na’leb’ a’in, nawaj .

Chi’ilmanq ajwi’ Santos, 1:236–239.

Wan naq nachal li k’utb’esinb’il na’leb’ us ta ink’a’ yooko chixsik’b’al. A’b’an, chi kok’ aj xsa’ nachal xb’aan naq xqayal qaq’e chixsik’b’al ut chixkawresinkil qib’ choq’ re a’an. Naq nakawil Tzol’leb’ ut Sumwank 138:1–11, 25–30, k’e reetal k’a’ru yoo chixb’aanunkil li Awa’b’ej Joseph F. Smith naq “kiteeli li rilob’aal lix nawom.” Naru ajwi’ nakajuntaq’eeta lix numsihom a’an rik’in 1 Nefi 11:1–6; Jose Smith—Resilal 1:12–19. K’oxla k’a’ru naru taab’aanu re xb’aanunkil jo’ kixb’aanu li Awa’b’ej Smith. Qayehaq, k’a’ru nakaweek’a naq tento taajal sa’ xtzolb’aleb’ li loq’laj hu re xk’ulb’al li k’utb’esinb’il na’leb’ choq’ aawe?

Sa’ “Li k’utb’esinb’il matk’ chirix lix tojb’aleb’ rix li kamenaq” (Jolomil ch’utub’aj-ib’ re octubre 2018), li Awa’b’ej M. Russell Ballard kixye chan chik ru naq kawresinb’il li Awa’b’ej Smith re xk’ulb’al li k’utb’esinb’il na’leb’ a’an. K’a’ru nakatzol rik’in li kixnumsi a’an? K’oxla chan ru naq li Qaawa’ nakatxkawresi choq’ re li numsihom yookat chixk’ulb’al—ut chan ru naq yoo chakawresinkil choq’ re li numsihom toj te’chalq.

Chi’ilmanq ajwi’ Santos, 3:220–224; “El ministerio de Joseph F. Smith: Una visión de la redención de los muertos” (video), Biblioteca del Evangelio.

3:6

Li Awa’b’ej Russell M. Nelson kixye, “Li esilal naqak’ut chiru li ruchich’och’ saqen ru ut maak’a’ xb’alaq’; naqab’oq chixjunileb’ li ralal xk’ajol li Dios sa’ xka’pak’alil li tz’apleb’ t’ikr naq che’chalq rik’in li Kolonel, naq che’xk’uleb’ li osob’tesink re li santil ochoch, naq che’saho’q chi junelik, ut naq che’wanq chi k’ulub’ejaqeb’ re xk’ulb’al li junelik yu’am” (“Sa’ xk’anjel li Dios chiqayal tz’aqal qaq’e,” Jolomil ch’utub’aj-ib’ re abril 2018). K’oxla li aatin a’in naq nakawil Tzol’leb’ ut Sumwank 138:25–60. Naru ajwi’ taak’oxlaheb’ li patz’om a’in:

• K’a’ru nakatzol sa’eb’ li raqal a’in chirix chan ru naq yoo chi b’aanumank lix k’anjel li Kolonel sa’ li ruchich’och’ reheb’ li musiq’ej? K’a’ut naq aajel ru choq’ aawe xnawb’al naq yoo chi b’aanumank li k’anjel a’an?

• K’a’ru naxtoch’ aach’ool chirixeb’ laj k’amol esil naxk’eheb’ li Qaawa’ sa’ li ruchich’och’ reheb’ li musiq’ej?

• Chan ru naq li k’utb’esinb’il na’leb’ a’in naxkawob’resi laa paab’aal chirix lix k’uub’anb’il na’leb’ li Dios re tojok-ix?

Wi nakawaj xtzolb’al xkomon li na’leb’ chirix li ruchich’och’ reheb’ li musiq’ej, naru nakatzol li raatin li Awa’b’ej Dallin H. Oaks, “Xkanab’ankil qib’ sa’ ruq’ li Qaawa’” (Jolomil ch’utub’aj-ib’ re octubre 2019).

Chi’ilmanq ajwi’ “Susa Young Gates y la visión de la redención de los muertos,” sa’ Revelaciones en contexto, 338–345; “La visita de papá” (video), Biblioteca del Evangelio.

3:20

• Re xk’eeb’al reetal li kireek’a laj Jose Smith naq kirileb’ lix junkab’al sa’ li choxahil awa’b’ejihom, eb’ laa kok’al naru neke’ril li video “El ministerio de José Smith: Los templos” (Biblioteca del Evangelio), malaj naru nakawotz Eb’ li Esilal sa’ li Tzol’leb’ ut Sumwank, 152–153 (malaj li video sa’ li Biblioteca del Evangelio). Maare naru tex’aatinaq chirix anihaq nekenaw ru li xkam chi ink’a’ kiru chi kub’siik xha’. K’a’ru naxk’ut Tzol’leb’ ut Sumwank 137:5–10 chiqu chirix li kristiaan a’an?

  

  2:20

  

  2:17

• Naru nakawoksi junaq xjalam-uuch xmuqleb’aal li Kolonel (chi’ilmanq Hu reheb’ li Jalam-uuch re li Evangelio, 58, malaj Eb’ li jalam-uuch re li Santil Hu, 14) ut li jalam-uuch sa’ xraqik li tusleb’ aatin a’in re xk’utb’al chiruheb’ laa kok’al b’ar kiwulak lix musiq’ li Jesus naq lix tib’el kikana sa’ li muqleb’aal. Chirix a’an naru nekeril Tzol’leb’ ut Sumwank 138:18–19, 23–24, 27–30 re xtzolb’al k’a’ru kixb’aanu li Jesus naq kiwan aran. Ani kirula’ani? K’a’ru kixpatz’ reheb’ naq te’xb’aanu? K’a’ut naq kixb’aanu a’an?

  

• Naru ajwi’ nakawoksi li perel re kok’ k’anjel re li xamaan a’in re xtenq’ankileb’ laa kok’al chixjuntaq’eetankil k’a’ru neke’xk’ut li misioneer sa’ xjunpak’alil li tz’apleb’ t’ikr a’in (chi’ilmanq, jo’ eetalil, Eb’ lix Raqalil li Paab’aal 1:4) rik’in li neke’xk’ut li misioneer sa’ li ruchich’och’ reheb’ li musiq’ej (chi’ilmanq Tzol’leb’ ut Sumwank 138:33). K’a’ru xjuntaq’eetileb’ ut xjalanileb’ li raqal a’an? K’a’ru naxk’ut a’an chiqu chirix li qaChoxahil Yuwa’ ut lix k’uub’anb’il na’leb’?

• Naq laa’at ut eb’ laa kok’al teeril Tzol’leb’ ut Sumwank 138:1–11, naru nakapatz’ reheb’ naq te’xk’oxla naq a’aneb’ li Awa’b’ej Joseph F. Smith ut te’reek’asi rib’ jo’ chanru naxk’am rib’ rik’ineb’ li aatin sa’ li raqal 6 ut 11. Naru ajwi’ nakak’ut junaq xjalam-uuch li Awa’b’ej Smith (wan jun sa’ li tusleb’ aatin a’in) ut taach’olob’ chiruheb’ naq a’an li xwaq Awa’b’ej sa’ li Iglees. Naru ajwi’ nakaseraq’i reheb’ chirix junaq hoonal b’ar wi’ laa’at xatz’il rix k’a’ruhaq sa’ loq’laj hu ut li Santil Musiq’ej xatxtenq’a chixtawb’al ru.

• Naru nekeb’icha junaq li b’ich na’aatinak chirix xtzolb’aleb’ li loq’laj hu, jo’ “Tintzol, tinkʼoxla, tintijoq” (B’ichleb’aal choq’ reheb’ li Kok’al, 66). K’a’ru naxye li b’ich a’an naq tento taqab’aanu re xtawb’aleb’ ru li loq’laj hu?