Tzolʼlebʼ ut Sumwank 124

Li Qaawa’ kixye re li profeet aj Jose Smith naq “tixtaqla jun jek’inb’il aatin re tiik ruhil k’a’uxlej chirix lix evangelio” reheb’ “chixjunileb’ li rey sa’ li ruchich’och’” (chi’ilmanq Tzol’leb’ ut Sumwank 124:2–11). Wi taak’ul raj li k’anjel a’in laa’at, k’a’ raj ru tixye laa jek’inb’il aatin chirix li Jesukristo ut lix evangelio li k’ojob’anb’il wi’chik? K’oxla ajwi’ chan ru naru nakawotz lix nawom aach’ool chi ink’a’ minb’ilaq aawu rik’ineb’ li kristiaan li nakatwan wi’ rajlal kutan.

Chi’ilmanq ajwi’ “Lix K’ojob’ankil Wi’chik lix Tz’aqalil lix Evangelio li Jesukristo: Jun jek’inb’il aatin re wiib’ cient chihab’ choq’ re li ruchich’och’,” Biblioteca del Evangelio.

Naru nakawotz rik’ineb’ laa was aawiitz’in, jo’ kixb’aanu li Kolonel sa’ Tzol’leb’ ut Sumwank 124:12–21, li xchaab’ilal xna’leb’ li Kristo nakawil rik’ineb’ a’an. Chan ru naq a’an naxk’e lix rahom aawe ut lix kawil xch’ool chawix?

Chi’ilmanq ajwi’ Richard J. Maynes, “Xk’ojob’ankil xch’ool li Qaawa’ ut laa junkab’al chawix,” Jolomil ch’utub’aj-ib’ re octubre 2017.

Naq tatk’oxlaq chirixeb’ li na’leb’ kixk’e li Qaawa’ sa’ Tzol’leb’ ut Sumwank 124:22–24, 60–61, k’oxla chan ru naru nakak’ojob’ laa wochoch ut laa teep jo’ jun na’ajej jo’ li kixk’uub’ li Qaawa’ choq’ re Nauvoo.

ChurchofJesusChrist.org

4:1

K’a’ut naq li Qaawa’ “junelik naxtaqlaheb’” lix tenamit “chixkab’lankil [li santil ochoch] choq’ re lix santil k’ab’a’”? Naru nakatz’iib’a junjunq reheb’ li na’le’b’ neke’tawman sa’ Tzol’leb’ ut Sumwank 124:25–45, 55. Maare taataweb’ xkomon sa’ li b’ich jo’ “Laa wochoch, Dios, naqara” (Eb’ li B’ich, 158). Chan ru nak’utun xrahom li Qaawa’ choq’ aawe naq neke’kab’laman li santil ochoch?

5:41

Chalen chaq lix kab’lankil li santil ochoch re Nauvoo sa’eb’ li chihab’ 1840, numenaq 300 chi santil ochoch ak kab’lanb’ileb’ chik malaj yeeb’il naq te’kab’lamanq. Li Awa’b’ej Russell M. Nelson kixye, “Naqanaw naq aajel ru naq kok’ aj xsa’ toowulaq sa’ li santil ochoch choq’ qe ut choq’ re li qajunkab’al re taqak’ul qakolb’al ut li taqenaqil loq’al. … Yookeb’ chi k’ihank lix pleetihom laj tza, sa’ xnimal lix kawilal ut chan ru nab’aanuman. Maajo’q’e kiwan x’aajelil ru jo’ naq wan anajwan li xik sa’ li santil ochoch chi kok’ aj xsa’” (“Li ok choq’ jun aj Santil Paab’anel sa’ Roso’jikeb’ li Kutan jwal chaab’il,” Jolomil ch’utub’aj-ib’ re noviembre 2018). Chan ru naq li santil ochoch nakatxtenq’a chixkuyb’al xnumsinkil “lix pleetihom laj tza”? K’a’ru nakaweek’a naq tento taab’aanu re xtaaqenkil li raatin li Awa’b’ej Nelson?

Chi’ilmanq ajwi’ “Por qué los Santos de los Últimos Días construyen templos,” temples.ChurchofJesusChrist.org.

Eb’ laj santil paab’anel ke’taqlaak chixkab’lankil jun santil ochoch sa’ li na’ajej Jackson, Missouri, a’b’an “ke’rame’ ru xb’aaneb’ li xik’ neke’ilok reheb’” (Tzol’leb’ ut Sumwank 124:51). Sa’eb’ li raqal 49–55 wan jun na’leb’ aj k’ojob’anel ch’oolej choq’ reheb’ li kristiaan li neke’raj ab’ink chiruheb’ lix taqlahom li Dios, a’b’an ink’a’ neke’ru xb’aaneb’ lix junkab’al malaj k’a’aq chik ru li na’leb’. K’a’ru li na’leb’ nakataw sa’eb’ li raqal a’in li naru naxtenq’a anihaq li yoo chi nume’k sa’ li ch’a’ajkilal a’an?

B’ab’ay chik chirix na kikam xyuwa’ li profeet, a’ laj Jose Smith yuwa’b’ej, li Qaawa’ kixb’oq laj Hyrum Smith sa’ li k’anjel kiwan wi’ lix yuwa’—a’ li yuwa’b’ejil aj tij sa’ li Iglees. Naru nakattzolok chirix a’an sa’ Tzol’leb’ ut Sumwank 124:91–92.

Chan raj ru taach’olob’ li rosob’tesihom li yuwa’b’ejil aj k’anjel chiru junaq kristiaan li ink’a’ rab’ihom chirix a’an? K’a’ raj ru taaye re anihaq re xwaklesinkil xch’ool chixk’ulb’al li rosob’tesinkil? Sik’eb’ xsumenkileb’ li patz’om a’in sa’ li raatin li Elder Randall K. Bennett, “Laa wosob’tesinkil xb’aan li yuwa’b’ejil aj k’anjel—Jun musiq’anb’il b’eresinel naxk’e li qaChoxahil Yuwa’” Jolomil ch’utub’aj-ib’ re abril 2023) malaj Temas y preguntas, “Bendiciones patriarcales” (Biblioteca del Evangelio).

A’ yaal li k’a’ru xatzol ut xanumsi, k’oxla chan raj ru taatz’aqob’resi ru li ch’ol aatin a’in: “Jun rosob’tesihom li yuwa’b’ejil aj k’anjel a’an .” K’a’ut naq li qaChoxahil Yuwa’ naraj naq eb’ li ralal xk’ajol te’xk’ul rosob’tesihom li yuwa’b’ejil aj k’anjel?

Wi maji’ nakak’ul laa wosob’tesinkil laa’at, k’a’ru naru nakab’aanu re xkawresinkil aawib’ re xk’ulb’al? Wi ak xak’ul laa wosob’tesinkil, chan ru naru nakak’ut chiru li Dios naq nakawoxloq’i li maatan a’an?

Chi’ilmanq ajwi’ Kazuhiko Yamashita, “Jo’q’e xk’ulb’al li rosob’tesihom li yuwa’b’ejil aj k’anjel,” Jolomil ch’utub’aj-ib’ re abril 2023; Jolomil K’anjenel Hu, 18.17, Biblioteca del Evangelio.

• Re xtenq’ankileb’ laa kok’al chixjultikankil li neke’xtzol sa’ Tzol’leb’ ut Sumwank 124:15, 20, naru nakatenq’aheb’ chixyiib’ankileb’ aamej chiru hu ut te’xseteb’ a’an. Chiruheb’ li kok’ hu setb’ileb’, naru nakatenq’aheb’ chixtz’iib’ankileb’ ch’ol aatin aajeleb’ ru sa’ li raqal a’in. Jun b’ich jo’ “Saqaq aawu” (B’ichleb’aal choq’ reheb’ li Kok’al, 81) naru naxch’olob’ chi us li raatin li Qaawa’.

• Chirix rilb’al Tzol’leb’ ut Sumwank 124:15, 20, naru nakatenq’aheb’ laa kok’al chixk’eeb’al reetal k’a’ru naraj naxye wank rik’in tiikilal sa’ li perel 31 re Choq’ re Xkawilaleb’ li Saaj: Jun tenq’ re xsik’b’al ru laa b’e. K’a’ru kixye li Qaawa’ chirix laj George Miller sa’ li raqal 20 “xb’aan x’anchalil lix ch’ool [laj George]”? Naru ajwi’ nakawotzeb’ kok’ seraq’ chirixeb’ kok’al li neke’xk’ut xtiikilal, li nakanaweb’ laa’at malaj li wankeb’ sa’ li hu Amigos. Patz’ reheb’ laa kok’al naq te’xk’ojob’ jun xjayalihom re te’xk’ut xtiikilal chiru li xamaan a’in ut te’xye aawe k’a’ru te’reek’a naq te’xb’aanu.

• Maare taawulaq raj chiruheb’ laa kok’al rilb’aleb’ xjalam-uuch santil ochoch, maare junaq najteril santil ochoch ut li wan chi nach’ b’ar wi’ wankex (chi’ilmanq ChurchofJesusChrist.org/temples/list). Naru nakawoksiheb’ li jalam-uuch a’in ut Tzol’leb’ ut Sumwank 124:39 re xch’olob’ankil naq li Jesukristo junelik naxtaqlaheb’ lix tenamit chi kab’lank santil ochoch—sa’ najter kutan ut sa’eb’ li qakutankil (chi’ilmanq ajwi’ li perel re kok’ k’anjel re li xamaan a’in).

• Wi nach’ tz’aqal wankat chiru junaq santil ochoch, naru nakak’ameb’ laa kok’al aran ut texb’eeq rik’in oxloq’ chirix li santil ochoch. Patz’ reheb’ naq te’xsik’ li ch’ol aatin “Santilal re li Qaawa’—Li rochoch li Qaawa’” chirix li santil ochoch. Ye reheb’ laa kok’al k’a’ru naraj neke’xye li aatin a’an.

• Naru nakawoksiheb’ li na’leb’ wankeb’ sa’ “Li kub’iha’ ut li k’ojob’aak choq’ reheb’ li qaxe’ qatoon” sa’ li xtiqb’al li aatin A re xtenq’ankileb’ laa kok’al chiroyb’eninkil chi saheb’ xch’ool li kutan naq te’ruuq chi ok sa’ li santil ochoch (chi’ilmanq ajwi’ “Li santil ochoch ut li k’uub’anb’il na’leb’ re sahil ch’oolejil” sa’ li xtiqb’al li aatin B).

• Naq teeril Tzol’leb’ ut Sumwank 124:91–92, tenq’aheb’ laa kok’al chixk’eeb’al reetal k’a’ru aj-e naq li Qaawa’ kixb’oq laj Hyrum Smith. Ch’olob’ k’a’ru li rosob’tesihom li yuwa’b’ejil aj k’anjel: jun xchaq’al ru osob’tesiik b’ar wi’ li Qaawa’ naxk’ut chiqu li k’a’ru tento taqanaw chiqix ut k’a’ru naraj a’an naq taqab’aanu ut b’ar toowulaq. Naru nakawoksi li raqal “Xk’ulb’al li osob’tesiik xb’aan li yuwa’b’ejil aj k’anjel” sa’ li xtiqb’al li aatin A re xtenq’ankileb’ laa kok’al chixkawresinkil rib’eb’ re te’xk’ul rosob’tesihom li yuwa’b’ejil aj k’anjel.