“Oktoba 6–12: ‘Mi bai Odaim Olgeta Samting long Gutpela bilong Yupela’: Doktrin na ol Kavanen 111–114,” Kam, Bihainim Mi—Bilong Hom na Sios: Doktrin na ol Kavanen 2025(2025)
“Doktrin na ol Kavanen 111–114,” Kam, Bihainim Mi—Bilong Hom na Sios: 2025
Oktoba 6–12: “Mi bai Odaim Olgeta Samting long Gutpela bilong Yupela”
Doktrin na ol Kavanen 111–114
Yu bin kisim wanpela ekspiriens bilong spirit we i mekim yu filim konfidens na holim pas feit bilong yu long Krais—Tasol ol salens bilong laip traim feit bilong yu, na yu painim yu yet traim hat long kisim bek dispela bel isi yu bin pilim bipo? Wankain samting bin kamap long ol seint long Kirtland. I no winim wanpela yia bihain long ol samting bilong spirit i pas wantaim dedikesin bilong Kirtland Temple, ol hevi i kamap. Ol hevi bilong mani, kros pait namel long kwarum bilong twelv, na arapela ol traim i mekim ol Seints i no strong moa long feit bilong ol maski long ol ekspiriens bilong ol long stat.
Yumi bai no inap long abrusim ol traim, olsem na hau bai yumi pasim ol long pretim feit na testimoni bilong yumi? Hap bilong dispela ansa yumi inap painim long kaunsel bilong Bikpela insat long Doktrin na ol Kavanen 112, givim long taim hevi bin kamap bikpela long Kirtland. Bikpela i tok, “Kilim gut bel bilong yupela long ai bilong mi” (ves 28), “Noken Bithet” (ves 15), “Yu mas pasim strong namel bilong yu bilong dispela wok” (ves 7, na “Daunim Yu Yet” (ves 10). Taim yumi bihainim dispela kaunsel, Bikepla bai “holim [yumi] long han“ thru long kainkain ol hevi na i go long hiling na bel isi (lukim ves 10, 13).
Ol idia long lainim long Hom na long Sios
Doktrin na ol Kavanens 111
Bikpela ken “odim olgeta samting bilong gutpela bilong [mi].”
Long 1836, Sios bin gat bikpela dinau long mekim wok bilong Bikpela. Joseph Smith na ol narapela lain bin wari long dispela dinau na tingting long ol wei long peim ol (lukim seksen heding long Doktrin na ol Kavanens 111).
Taim yu ritim seksen 111, tingting hau ol toktok bilong Bikpela i go long Joseph i ken aplai long yupela—na ol samting yu wok long wari long en. Olsem eksample, wanem taim yu bin pilim pasin laikim bilong God “maski long ol longlong pasin bilon yupela” (ves 1)? Bikpela i bin halivim olsem wanem long painim ol samting yu no ting bai kamap “olgutpela samting” (ves 10)? Em i mekim wanem long “odaim olgeta samting long gutpela bilong yupela” (ves 11)? Dispela toktok i minim wanem “olsem yupela inap long kisim ol kwiktaim tru” tisim yu long Papa long Heven?
lukim tu Mathew 6:12, 33; “Planti Gutpela Samting,” long Revelesin long kontex, 229–34.
Doktrin na ol Kavanen 112:3–15, 22
Bikpela bai lidim mi taim mi bel isi wantaim bihainim laik bilong Em.
Thomas B. Marsh, Presiden bilong Kwarum bilong Twelv Aposel, bel bilong em bin bagarap olsem Joseph Smith bin, i no toktok wantaim em, kolim tupela ol membas bilong kwarum long tokaut long gospel long Inglan. Em mitim Profet, husat bin kisim wanpela revelesin dispela bin halivim Thomas long lusim ingting long bel hevi bilong em. Dispela revelesin i stap long rekot long Doktrin na ol Kavanen 112.
Tingim dispela taim yu stadi Doktrin na ol Kavanen 112. Wanem samting yu inap painim we i halivim long hilim thomas long ol bagarap filings? ves 3–15 na 22, yu ken painim ol ansa long dispela ol kwesten olsem: daun pasin em wanem samting? Em i mini wanem long Bikpela long holim yu ”long han”? Yu ting ol daun pasin bai halivim yu kisim gaidens long Bikpela? Yu ken painim ol moa ansa long “Paten bilong Daun Pasin” long toktok bilong Elda Joseph W Sitati “Paten bilong Disaipelsip” (Liahona, Nov. 2022, 87–88).
Tingim wanpela yu save long en husat i gat daun pasin. Dispela man o meri save mekim wanem lon soim daun pasin? Yu lainim wanem samting long Sevia long pasin bilong daunim yumi yet? Yu inap painim ol piksa long taim long laip bilong Em taim em soim daun pasin.
Wanem taim yu pilim Bikpela i gaidim yu taim yu daunim yu yet?
Lukim tu Uisses Soares, “Be Meek and Lowly of Heart,” Liahona, Nov. 2013, 9–11; “The Faith and Fall of Thomas Marsh,” in Revelations in Context, 54–60; Topics and Questions, “Humility,” Gospel Library; “Be Thou Humble,” Hymns, no. 130.
Mekim ol lain long putim gut yau. Tingting long hau yu inap halivim ol pipol yu tisim long teik part long lainim tok tru insait long ol skripsa. Olsem, long halivim ol save wanem samting Bikpela i tok insait long Doktrin na ol Kavanen 112; 10, yu ken pasim ai bilong wanpela na isi isi holim han bilong em raunim wanpela obstikel kos bilong ol sia o arapela ol samting. Wanem samting yumi inap lainim long daunpain long dispela demonstresin?
Doktrin na ol Kavanen 112:12–26, 28 33–34
Lain husat i tanim bel trutru kam long save long Jisas Krais.
Tok i tru olsem sampela ol Aposel long 1837 bikhet agensim Profet em tok bilong kirapim tingting maski wanem ol koling long Sios o hau yumi save gut long gospel, yumi wanwan mas mekim sua yumi givim kaikai long tanim bilong yumi long Jisas Krais. Yu ken ritim Doktrin na ol Kavanen 112:12–26, 28 33–34 na painim ol tok tru we bai halivim yu winim triam bilong feit o tanim olgeta i go long Bikpela. Tingting bilong yu inap kirap long serim wanem samting yu painim long halivim wanpela long strongim tanim bel bilong ol long Krais.
Doktrin na ol Kavanens 113
Joseph Smith bin “wanpela wokman long han bilong Krais.”
Profet Isaia i makim wanpela tumbuna pikinini bilong Jesse olsem wanpela ”stik” na ”rop bilong diwai” (Isaia 11:1, 10). Long seksin 113, Bikpela i tok klia olsem dispela ol tumbuna pikinini, wokman bilong Krais, bai halivim tru long bung ol pipol bilong Bikpela long las de (lukim Doktrin na ol Kavanen 113:4; 6). Dispela pofesi tok klia gut long Profet Joseph Smith. Hau dispela na ol narapela ol tok tru long seksin 113 givim strong long ol Seints long taim bilong kros pait ol bin lukim long Kirtland? Wanem samting yu inap painim long dispela revelesin we i kirapim tingting bilong yu long stap strong na gohet long teik pak long wok bilong Bikpela Tede?
Lukim tu Gaid long ol skripsa, “Jesse,” Gospel Library); 2Nifai 21:10–12; Joseph Smith—Histri 1:40.
Long ol moa aidia, lukim ol isu bilong dispela mun Liahonana For the Strength of Youthol megesin.
Ol aidia long Tisim ol pikinini
Ol Doktrin na Kavanen 111:2, 10–11
Ol samting bilong God inap i stap olsem gutpela samting tru long mi.
-
Yu na ol pikinini bilong yu inap droim wanem samting kam long tingting taim yu harim dispela wod tresa. Bihain yupela rit wantaim Doktrin na ol Kavanen 111:2; 10–1 na ol gutpela samting long ples graun wantaim ol samting we i dia tumas long Bikpela. (Lukim dispela wik ektiviti peis.) Olsem wanem yumi inap tingim moa yet ol samting bilong God?
Doktrin na ol Kavanen 112:10
Bikpela bai holim han bilong mi na ansarim ol prea bilong mi.
-
Bihain long ritim Doktrin na ol Kavanen 112; 10wantaim, yu na ol pikinini inap singim wantaim “Be Thou Humble” (Ol singsing; no 130). Yu ken tu pilai wanpela geim dispela we yu bai stiaim wanpela narapela “long han” (olsem anpela obstkel kos). Hau Bikpela save lidim yumi “long han,” maski olsem Em i no stap wantaim yumi? Bilong wanem na yumi nidim Bikpela long lidim yumi? Wanem taim yu pilim Bikpela i wok long lidim yumi?
-
Yu o ol pikinini bilong yu inap raitim ol toktok bilong Doktrin na ol Kavanen 112; 10 na makim ol blesing Bikpela save givim yumi taim yumi daunim yumi yet na tanim i go long Em. Strongim ol pikinini bilong yu serim ol taim we ol bin wantaim daun pasin askim Bikpela halivim na bin kisim ol ansa long prea bilong ol kamap olsem ong mekim wanpela gutpela samting (lukim Moronai 7:13, 16).
Doktrin na ol Kavanen 112:11
Jisas laikim mi lobg lavim olgeta manmeri.
-
Yu na ol pikinini i ken kisim ten long ritim long “Sapta 41: Trabel long Kirtland” (Doktrin na ol Kavanen Stori, 158–60). Husat insait long stori mekim ol hevi long Kirtland moa nogut? Husat bin traim long mekim ol beta? Bihain yu ken ritim Doktrin na ol Kavanen 112; 11 na toktok long wai Sevia laikim yumi long lavim olgeta manmeri. Wanem taim Em bin soim lav long ol manmeri i no save mekim gutpela pasin long Em? (olsem eksemple, lukim Luke 23:34). Yu ken singim wanpela singsing long lavim ol narapela, olsem “I’ll Walk with You” Singsingbuk bilong ol Pikinini, 140–41).
Chapter 41: Trouble in Kirtland: 1837–1838
Doctrine and Covenants 112:11–14,24–26
Lain husat i tanim bel trutru kam long save long Jisas Krais.
-
Bihain lon ritim Doktrin na ol Kavanen 112:24–26, yu na ol pikinini ken toktok long ol difrens namel long save long nem bilong wanpela na save long ol. Wanem ol tsing i kam long ol ves 11–14 halivim yumi save em minim wanem long save long Bikpela?
Long ol moa aidia, lukim isiu bilong dispela mun Friendmegesin.