Malongi mpe Mayokani 106–108

Na Malongi mpe Mayokani 106 mpe 108, Nkolo apesaki toli mpe alaki epayi ya bandimi mibale oyo babiangamaki mpo na kosalela Ye kati na Eklezia na Ye. Ntango ozali koyekola toli na Ye, osengeli kokanisa oyo etali mabaku ya kosalela Nkolo—ntango mosusu mokumba ya kosalisa, libiangi ya Eklezia, mikumba kati na libota na yo, to botindiki ya molimo mpo na kosala malamu.

Oyokaka nini nsango ya Nkolo epayi na yo ezali kati na bimoniseli oyo? Makomi nini emonani ete ekosalisa yo mingi mingi? Awa ezali mwa mituna ya kotalela:

• Ntango nini Nkolo apesi yo “ngolu [to lisalisi ya bonzambe] mpe bondimi” mpo na kozala na makoki ya kosalela Ye? (Malongi mpe Mayokani 106:8).

• Okanisi elingi koloba nini kolendisa basusu “na misala na yo nyonso”? (Malongi mpe Mayokani 108:7).

Ntango Mpaka Carl B. Cook azwaki mokumba moko ya mpasi ya Eklezia, azwaki makasi uta na likambo ya nkoko moko. Tanga oyo etali yango kati na nsango na ye “Serve [Kosalela]” (Liahona, Sanza ya zomi na moko 2016, 110–12). Kanisa kokomaka mokanda mpo na kolendisa bakitani na yo—to lobi na yo ekoya—mpo na kondima mabaku ya kosalela Nkolo. Kotisa na mokanda na yo bosolo oyo oyekoli uta na nsango ya Mpaka Cook, Malongi mpe Mayokani 106 mpe 108, mpe makambo oyo yo moko okutanaki na yango.

Tala lisusu Henry B. Eyring, “Walk with Me [Tambola elongo na Ngai],” Liahona, Sanza ya mitano 2017, 82–85; Topics and Questions, “Serving in Church Callings [Kosalela na Mabiangi ya Eklezia],” Gospel Library; “Warren Cowdery” mpe “‘Wrought Upon’ to Seek a Revelation [Babongisami mpo na koluka Emoniseli],” kati na Revelations in Context, 219–23, 224–28.

Nkolo abandi “emoniseli na Ye na bonganganzambe” (Malongi mpe Mayokani 107, moto ya likambo ya eteni) na koteyaka biso nkombo ya ebandeli ya Bonganganzambe ya Melekisedeki (tala milongo 1–4). Mpo na nini okanisi ete ezali motuya mpo ya koyeba yango? Boniboni nkombo oyo ebongoli lolenge okanisi oyo etali bonganganzambe?

Omikundola makanisi oyo ntango ozali kotanga oyo etali bonganganzambe, mingimingi na milongo 18–20. Elimboli nini “kofungwama na lola”? Elimboli nini “kosepela na boyokani mpe bozali ya Nzambe Tata, mpe Yesu”? Lolenge nini nguya mpe bokonzi ya bonganganzambe ya Mobikisi esalaka ete nyonso oyo ezala na bino?

Tala lisusu Alma 13:2, 16; Malongi mpe Mayokani 84:19–27.

Okanisi nini elingi koloba kosimba basali ya Nkolo na elikya na yo? na bondimi na yo? na losambo na yo?

Tala lisusu “God Bless Our Prophet Dear [Nzambe Apambola Molingami Profeta Na Biso],” Hymns, no. 24.

Joseph Smith akabolaki eteni 107 na 1835 elongo na Lisanga likoki ebiabami sika ya Bapostolo Zomi na Mibale (tala moto ya likambo ya eteni). Nkolo ateyaki bango nini oyo etali kobiangama na bango kati na milongo 23–24, 33–35, 38? Loleenge nini litatoli na yo ya Yesu Klisto elendisami na mateya mpe mosala ya Bapostolo na Ye ya bomoi?

Na milongo 91–92, Nkolo ateyi oyo etali Apostolo na Ye ya monene, Mokambi ya Eklezia. Lolenge nini “azali lokola Mose”? (tala Mokambi na Makomi, “Mose,” Gospel Library).

Tala lisusu David A. Bednar, “Chosen to Bear Testimony of My Name [Aponami mpo na Kopesa Litatoli ya Nkombo na Ngai],” Liahona, Sanza ya zomi na moko 2015, 128–31.

Kanisa oyo Nkolo ateyaki oyo etali masanga na Malongi mpe Mayokani 107:27-31, 85-89. Nini esalaka lisanga ezala malamu? Loleenge nini okoki kosalela mabongisi oyo na libiangi na yo ya Eklezia, na ndako na yo, to na mikumba na yo misusu?

Tala lisusu M. Russell Ballard, “Family Councils [Masanga ya Libota],” Liahona, Sanza ya mitano 2016, 63–65; Buku Monene ya Malako, 4.3–4.4, Gospel Library.

• Ntango bino na bana na bino bozali kotanga elongo Malongi mpe Mayokani 107:18–19, bobeta nsete na liloba “mapamboli nyonso ya molimo.” Mbala mosusu bino mpe bana na bino bokokaki kotanga mapamboli nyonso euti na bonganganzambe. Bokoki kosala lisano na yango—botala nani akoki kosala liste ya molai koleka. Bana na bino bakokaki mpe kosala mayemi to koluka bililingi mpo na komonisa mapamboli oyo (tala ya poso oyo lokasa ya mosala). Bokoki nsima kolobela lolenge nini makuli ya bonganganzambe (lokola libatisi to elambo) esalisaka biso tozwa mapamboli ya Nzambe.

• Nimelo nyonso ya likita linene ya Liahona ezalaka na lokasa moko ya bililingi ya Bakonzi Minene. Bokanisa kotala bililingi oyo elongo na bana na bino ntango bozali kotanga oyo etali mikumba na bango na Malongi mpe Mayokani 107:21–26, 33–35, 91–92. Bino mpe bana na binoo bokoki kolobela mpo na nini bozali na botondi Nkolo apesi bango mikumba oyo.

• Bana na bino bakoki koyekola ebele oyo etali basali na Nkolo na “General Church Leadership [Bakambi Minene ya Eklezia]” na ChurchofJesusChrist.org. Mbala mosusu moko na moko ya bana na bino akokaki koyekola oyo etali moko ya bakambi oyo mpe koteyana oyo etali ye. Bokabola moko na mosusu lolenge nini boyebi ete bakambi oyo bazali basali ya solo ya Yesu Klisto.

• Nsima ya kotanga Malongi mpe Mayokani 107:22 elongo, bino mpe bana na bino bokoki kosala ngala na ngala kosimba elilingi ya Bokambi ya Yambo mpe kokabola banzela bokoki kosunga bango lokola basali ya Nkolo.

• Mpo na kobanda lisolo oyo etali molongo oyo, bokoki kobengisa bana na bino basala likambo oyo esengaka kotya bokebi malamu, lokola kotondisa kopo kozanga ete basopa yango. Nini esalamaka soki tozali na bokebi te? Nsima bokoki kotanga Malongi mpe Mayokani 108:3 mpo na koyeba nini Nkolo alingi tosala na bokebi. (Bilaka to mayokani) nini tosalaka elongo na Nzambe? Ndenge nini tokoki kokeba mingi mpo na kobatela yango? Bokoki kokabola biteni ya nsango ya Ndeko mwasi Becky Craven “Careful versus Casual [Bokebi kotelemela Bozangi Bokebi]” (Liahona, Sanza ya mitano 2019, 9–11) oyo boyoki ekokaki kofula bana na bino mpo na kobatela mayokani na bango. Bokoki lisusu koyemba nzembo oyo etali kobatela mayokani, lokola “I Will Be Valiant [Nakozala Na Mpiko]” (Children’s Songbook, 162).