IMfundiso neziVumelwano 49–50

Ngaphambi kokubandakanya neBandla, uLeman Copley wayeyingxenye yeqembu lenkolo elalaziwa ngokuthi i-United Society of Believers in Christ’s Second Appearing, elalaziwa futhi ngokuthi amaShakers. Emva kwengxoxo noLeman, uJoseph Smith wafuna incazelo eNkosini mayelana nezinye zezimfundiso zamaShakers. INkosi yaphendula ngesambulo esikwi sigaba 49. Ungazithola ezinye zezinkolelo zamaShakers kukhulunywa ngazo esihlokweni sesiga.

INkosi yafundisani kwi- sigaba 49 ukulungisa inkolo yamaShakers na? Wena ubona buphi ubufakazi kulesisambulo ngothando kanye nokukhathazeka Kwakhe ngalabo bantu abanganawo amaqiniso evangeli Lakhe ngokugcwele na? Ungafinyelela kanjani kubo ngothando nangokukhathazeka na?

Ngabe yikuphi okukuhlaba umxhwele mayelana nombono weNkosi kuvesi 2? Ungakuqhathanisa lokhu nokubuka ingxenye yefilimu, ukubona ucezu lwephazili, noma ukuzwa ingxenye eyodwa yengxabano. Isixwayiso seNkosi sihlangana kanjani neMfundiso neziVumelwano 50:24? Dlinza ngokuthi yini oyenzayo ukuze uthole okunye ukukhanya eNkosini.

Bheka futhi “Leman Copley and the Shakers,” kwi-Revelations in Context, 117–21.

Ngomzamo wokulimaza isu likaBaba oseZulwini, uSathane uzama ukwakha ukudideka ngomshado. Kepha, iNkosi Isaqhubeka ngokuwembula iqiniso ngomshado ngamaprofethi Akhe. Ungawathola amanye amaqiniso kwiMfundiso neziVumelwano 49:15–17; UGenesise 2:20–24; 1 KwabaseKorinte 11:11; futhi “Umndeni: Isimemezelo Emhlabeni Wonke.” Akha uhla lwamaqiniso evangeli owatholayo. Kungani umshado ubaluleke kakhulu ohlelweni likaNkulunkulu na?

IGosa u-Ulisses Soares lafundisa ukuthi “ivangeli elibuyiseliwe likaJesu Kristu limemezela umgomo wokuba nobudlelwano obugcwele phakathi kowesimame nowesilisa, kulempilo yasemhlabeni nengunaphakade” (“In Partnership with the Lord,” iLiyahona, ngoNov. 2022, 42). Ungawufunda lomyalezo, ubheka imigomo “eqinisekisa ubudlelwane phakathi kowesilisa nowesimame.” Ungayisebenzisa kanjani lemigomo efana nale empilweni yakho na? Uma kungaba khona omunye wolunye ukholo ongakubuza ukuthi kungani umshado ubalulekile, ungaphendula uthini na? Kungani unokubonga ngalokhu kuqonda na?

Bheka futhi Izihloko nemibuzo, “Marriage,” “Family,” Umtapo Wolwazi Wevangeli; uDavid A. Bednar, “Marriage Is Essential to His Eternal Plan,” i-Ensign, ngoJuni 2006, 83–84; “Renaissance of Marriage” (video), Umtapo Wolwazi.

2:36

Amakholwa amasha eBandla e-Ohio ayekulangazelele ukuthola izibonakaliso zomoya ezithenjiswe embhalweni engcwele. Kodwa uSathane wayezimisele ukubakhohlisa. Uma kuwukuthi wawuceliwe ukuba usize lamalungu aqonde izibonakaliso zikaMoya oNgcwele eziwuqobo, yimiphi imigomo kwiMfundiso neziVumelwano 50 ongabelana ngayo na? (bheka ikakhulukazi amavesi 22–25, 29–34, 40–46). Ngabe uMsindisi ukusize kanjani ukuba uwazi umehlukho phakathi kweqiniso nokuphambuka?

Bheka futhi 1 KwabaseKorinte 14:1–28; 2 KuThimothewu 3:13–17.

Ukuphila ivangeli likaJesu Kristu kusinikeza amathuba amaningi okuba othishela nabafundi, ekhaya naseBandleni. Enye indlela ongafunda ngayo IMfundiso neziVumelwano 50:13–24 ukudweba isithombe sothisha kanye nomfundi. Bese kuthi eduze komunye nomunye, ubhale amagama nemisho avela kulamavesi akufundisa okuthile mayelana nokufunda nokufundisa ivangeli. Ngabe yinini lapho usuke wabona khona ukubaluleka koMoya oNgcwele uma kufundiswa noma kufundwa na? Ake ucabange ngokuthi yikuphi ongakwenza ukuthuthukisa imizamo yakho njengomfundi nothisha wevangeli.

Ngesikhathi uzindla ngamazwi oMsindisi kwiMfundiso neziVumelwano 50:23–25, cabanga ngokuthi ukuthola kanjani ukukhanya kukaNkulunkulu empilweni yakho nanonukuthi “uxosha ubumnyama” kanjani. Isibonelo, lamavesi akuholela kanjani ekutheni isikhathi usisebenzisa kanjani na? ubheka ziphi izindlela zokuzijabulisa na? uzibandakanya naziphi izingxoxo na? Yiziphi ezinye izinqumo lamavesi angakusiza ngazo na? Icuo elithi “The Lord Is My Light” (Amaculo, no. 89) lingagqugquzela eminye imicabango.

Bheka futhi “Walk in God’s light” ku- For the Strength of Youth: A Guide for Making Choices, 16-21.

• Ekufundiseni izingane zakho imigomo ekulawamavesi, ungalungisa izingcwephe ezine zephepha yemilobo yezinyawo nezithombe ezine ezimele ukholo kuJesu Kristu, ukuphenduka, umbhabhadiso, kanye nokwemukela uMoya oNgcwele (bheka izithombe ekhasini lomsebenzi) langaleli sonto) Izingane zenu zingabeka imilobo yezinyawo phansi nezithombe eduze kwazo. Bese bangashintshisana ngokuhamba phezu kwemilobo yezinyayo ngesikhathi ufunda IMfundiso neziVumelwano 49:12–14. Basize baqonde ukuthi ngesikhathi benza lezizinto kulezi zithombe, silandela uJesu Kristu.

• Futhi ungazimema izingane zakho ukuthi ziqhathanise IMfundiso neziVumelwano 49:12–14 IzEnzo 2:38 futhi nombhalo wokholo wesine. Yikuphi ukufanayo abakutholayo na? Ngabe kungani lamaqiniso ebalulekile na?

• Ukwethula lamavesi, ungachaza ukuthi amaShakers kwakuyiqembu lenkolo eyayikholelwa ekutheni abantu akumele bashade (bheka isihloko sesigaba se Mfundiso neziVumelwano 49). Mema izingane zakho ukuthi zithole izinto iNkosi ezifundisile ngomshado kwi Mfundiso neziVumelwano 49:15–17. Kuchaza ukuthini ukuthi “umshado umiselwe nguNkulunkulu” na? Mhlawumbe ningafunda ndawonye izigaba ezintathu zokuqala kwi-“Umndeni: Isimemezelo Emhlabeni Wonke.” Bese ukhuluma ngokuthi yinindaba umshado ubalulekile kuBaba waseZulwini.

• Ukwethula IMfundiso neziVumelwano 50: 23–25, khuluma nezingane zakho ngomehlukho phakathi kokukhanya nobumnyama. Kungani sidinga ukukhanya na? Ningafunda ndawonye isigaba sokuqala esigabeni se “Walk in God’s light” kwi- For the Strength of Youth: A Guide for Making Choices ( Ikhasi 17) futhi nakwi Mfundiso neziVumelwano 50:23–25. Khuluma ngezindlela esithola ngazo ukukhanya bukaNkulunkulu nezindlela esingaxosha ngazo ubumnyama. Ningabuye nicule ndawonye iculo elikhuluma ngokukhanya kwabo okungokomoya, njengo “Shine On” (Iculo labantwana, 144).

• Emva kokufunda IMfundiso neziVumelwano 50:40–46 ndawonye, ungatshengisa isithombe soMsindisi ekugcineni esihambisana nalesi sifundo bese ubuza lombuzo: Umalusi uzizwa kanjani ngezimvu zakhe na? Ngabe uMsindisi unjengomelusi kanjani kithi na?