IMfundiso neziVumelwano 46–48

Ngabe abangani bakho nomakhelwane bakho bazizwa bamukelekile enkonzweni yenu yokukhonza na? Ngabe yini oyenzayo ukwenza izindawo zenu zokukhonza kube yizindawo lapho abantu bengathanda ukubuya kuzo na? Zindla ukuthi ungasisebenzisa kanjani iseluleko seNkosi kwiMfundiso neziVumelwano 46:1–7 (bheka futhi 2 uNefi 26:24–28; 3 uNefi 18:22–23).

Ungase futhi ucabange ngesikhathi lapho uya khona ezinkonzweni zeBandla—noma umhlangano welinye iqembu—okokuqala. Abantu benzani ukuze uzizwe wamukelekile?

Bheka futhi Moroni 6:5–9; “’Tis Sweet to Sing the Matchless Love,” Amaculo, no. 177; “Welcome” (ividiyo), Umtapo Wolwazi Wevangeli.

1:5

AbaNgcwele bokuqala babekholelwa eziphweni zomoya kepha babedinga ukufundiswa ngokuthi kuhlosweni ngazo. Ngesikhathi ufunda ngezipho zikaMoya kwiMfundiso neziVumelwano 46:7–33, uzindle inhloso “yokukhumbula njalo ukuthi zinikelwani” (ivesi 8). Yini oyifundayo ngoNkulunkulu—umuphi walezi zipho na?

Ungacabanga ngezibonelo ozibonile zabantu abasebenzisa lezi noma ezinye izipho zikamoya na? Zikwaze kanjani “ukuzuza abantwana baNkulunkulu” na? (ivesi 26). Ungase futhi ubone ukuthi ungakwazi yini ukubona izibonelo zeziphiwo zomoya ezahlukene emibhalweni efana nalena: 1 AMakhosi 3:5–15; UDaniyeli 2:26–30; IZenzo 3:1–8; uHelamani 5:17–19; uMormoni 1:1–5; u-Etere 3:1–15; IMfundiso neziVumelwano 6:10–12; uMose 7:13.

Ukufunda kwakho ngezipho zomoya kungase kukuholele ekucabangeni ukuthi yiziphi izipho uNkulunkulu akunike zona. Ungazisebenzisa kanjani lezi zipho ukubusisa izingane Zakhe na? Uma unaso isibusiso sobuphathriyakhe, kungenzeka ukuthi siyaziveza izipho ozinikiwe. Ukufunda umyalezo weGosa uJohn C. Pingree Jr. “I Have a Work for Thee” kungase ukuvule umqondo wakho ngezipho ongase wazi cabanga (iLiyahona, ngoNov. 2017, 32–35).

Uma ungathanda ukufunda mayelana nendlela yokuthuthukisa izipho zomoya, isifaniso ekuqaleni komlayezo weGosa uJuan Pablo Villar “Exercising Our Spiritual Muscles” singakusiza (iLiyahona, ngoMeyi 2019, 95). Yiziphi “izivivinyo” ezingakusiza uthuthukise iziphiwo zakho zomoya na?

Bheka futhi Izihloko nemibuzo, “Holy Ghost,” Umtapo Wolwazi Wevangeli.

Ubizo lukaJohn Whitmer lokuthi agcine umlando weBandla lwenza kube khona imvelo yesikhathi eside sabaqophi phakathi kwabantwana baNkulunkulu. Kungani kubalulekile eNkosini ukugcina umlando uma ucabanga na? Ake udlinze ngalokhu ngesikhathi ufunda isigaba 47 futhi neminye imiyalelo ku-2 uNefi 29:11–12; uMose 6:5; u-Abrahama 1:28, 31. Ucabanga ukuthi yini iNkosi efuna ukuthi uyiqophe ngempilo yakho na?

Ku-FamilySearch, ungaqopha izinkumbulo nezinto ezenzeka empilweni yakho—kanye nezimpilo zokhokho bakho (bheka FamilySearch.org).

Bheka uHenry B. Eyring, “O Remember, Remember,” iLiyahona, ngoNov. 2007, 66–69.

Mhlawumbe ungaqondana nalokho uJohn Whitmer akuzwa ngesikhathi efuna ukuqinisekiswa ukuthi ubizo lwakhe lwaluvela kuNkulunkulu. Yathini iNkosi kwiMfundiso neziVumelwano 47 kuJohn Whitmer—kanye nawe—ukukhuthaza ukuzethemba ekugcwaliseni ubizo alunikezayo na?

• Emva kokufunda IMfundiso neziVumelwano 46:5 nezingane zakho, khuluma nazo ngokuthi uMsindisi ufuna abantu bazizwe bemukelekile mabeza eBandleni Lakhe. Mema izingane zakho ukuthi zicabange ukuthi zibona umuntu esontweni okokuqala ngqa. Zisize zijwayele izindlela zokusiza lomuntu azizwe emukelekile.

• Ukusiza izingane zakho ukuba zifunde ngezipho zomoya ezichazwe kwiMfundiso neziVumelwano 46:13–26, cabanga lomqondo. Ungabhala izipho ezincuzweni zamaphepha bese uzifihla egumbini. Njengoba izingane zakho zithola iphepha ngalinye, zisize ukuthola lapho leso sipho sishiwo khona esigabeni 46. Ngesipho ngasinye, khuluma nabo ngokuthi sisetshenziswa kanjani ukubusisa abanye (izincazelo kwi-“Chapter 20: Gifts of the Spirit,” kwi-Mfundiso neziVumelwano, 77–80, zingasiza).

  

  2:19

• Tshela izingane zakho ngezipho onomuzwa wokuthi uBaba oseZulwini ubanike zona, futhi uzivumele zikhulume ngezipho ezizibonayo komunye nomunye. NgokweMfundiso neziVumelwano 46:8–9, 26, kungani uBaba oseZulwini esinika izipho zomoya na? Singazisebenzisa kanjani izipho zethu ukusiza abanye na?

• Vumela izingane zakho zithole lokho iNkosi eyayifuna uJohn Whitmer akwenze kwiMfundiso neziVumelwano 47:1, 3. Ningase futhi nabelane ndawonye izindaba enizithandayo ezivela emibhalweni engcwele. Veza ukuthi siyazi ngalezi zindaba ngoba kukhona owaziqopha.

• Cabanga ukuthi ungazikhuthaza kanjani izingane zakho ukuthi ziqophe umlando wazo. Ungabelana ngokubhaliwe okuvela kwijenali yakho yomuntu siqu noma indaba emayelana nokhokho (bheka FamilySearch.org noma i-app Memories). Ungabafaka nogqozi lokuthi babhale okunjengokuthi “Kwenzekeni kulelisonto ongathanda isizukulwane sakho sikwazi?” noma “Usibone kanjani isandla seNkosi empilweni yakho kulelisonto na?” Abantwana abancane bangadweba izithombe zabakubonile ezimpilweni zabo, noma ungabaqopha bexoxa izindaba zabo. Yiziphi izibusiso ezitholakala ngokugcina “umlando ovamile” na? (IMfundiso neziVumelwano 47:1).

• Ngesikhathi ufunda IMfundiso neziVumelwano 48:2–3 nezingane zakho, ungase udinge ukuchaza ukuthi abantu babeza e-Ohio bevela eMpumalanga, futhi babengenayo indawo yokuhlala. Ngabe iNkosi yacela abaNgcwele ukuthi benzeni ukusiza na? Siza izingane zakho zicabange izinto uNkulunkulu aziphe zona ezingabelane ngazo nabanye. Ungabuye ucule iculo nazo njengo-“‘Give,’ Said the Little Stream” (Children’s Songbook, 236).