Doctrine and Covenants 2025
Amazwi Okubuyiselwa: u-Emma Hale Smith

“Amazwi Okubuyiselwa: U-Emma Hale Smith,” Wozani, Ngilandeleni—Incwadi Yezifundo ZaseKhaya naseBandleni: IMfundiso neziVumelwano 2025 (2025)

“U-Emma Hale Smith,” Wozani, Ngilandeleni—Incwadi Yezifundo ZaseKhaya naseBandleni: 2025

uphawu lamazwi okubuyiselwa

Amazwi Okubuyiselwa

U–Emma Hale Smith

U-Emma Smith (U-Emma Hale Smith)

Amazwi eNkosi ku–Emma Smith abhalwe kwiMfundiso neziVumelwano 25 aveza imizwa yeNkosi ngaye nokuthi yayifuna abambe liphi iqhaza emsebenzini Wayo. Kepha wayengumuntu onjani u-Emma na? Ngabe kukhona yini esikwaziyo ngaye, ubudlelwane bakhe nabanye, namandla akhe na? Enye yezindlela zokuyazi “lenkosikazi ekhethiweyo” (IMfundiso neziVumelwano 25:3.) wukufunda okushiwo ngabantu ababemazi yena uqobo.

UJoseph Smith Jr., umyeni wakhe

One drawing in pencil, charcoal and ink on paper. A left profile, head/shoulders portrait of Joseph Smith; drawn basically in charcoal, highlighted with white paint and black ink. titled at bottom "Jospeh Smith the Prophet." Signed at left shoulder "Drawn from the most authentic sources by Dan Weggeland" A drawn border surrounds it. No date apparent.

“Kwaba yintokozo engachazeki, futhi ngezwa injabulo igcwala ezibeleni zami, ngesikhathi ngimthatha ngesandla, ngalobo busuku, u–Emma wami othandekayo—lowo owayengumkami, ngisho umkami ebusheni bami; futhi lowo owayekhethwe yinhliziyo yami. Miningi imicabango engaba nayo ngesikhathi ngidlinza ngokuningi esabizelwa ukuba sidlule kukho. Ukukhathala, nokusebenza kanzima, ukudabuka, nokuhlupheka, nentokozo nokududuzwa izikhathi ngezikhathi kwazihlukanisa izindlela zethu futhi kwenza ukuhlala ndawonye kwethu kwaba nenzuzo. O! yeka ukuhlangana komcabango okugcwalise ingqondo yami okwamanje. Ulapha futhi, ngisho nasenkingeni yesikhombisa, u-Emma ongashayi mandla, oqinile, ongantengantengi, ongaguquki, onothando.”

uLucy Mack Smith, umamezala wakhe

“Ngaleso sikhathi wayesamncane, futhi, enokulangazelela, inhliziyo yakhe yonke yayisemsebenzini weNkosi, futhi akukho okunye ayekuthanda ngaphandle kwebandla nenkambiso yeqiniso. Konke ayekwenza ngezandla zakhe, wayekwenza ngamandla akhe futhi akazange awubuze umbuzo womuntu ogcwele umona othi ‘Ngabe ngizozuza kakhulu kunabanye na?’ Kwakuthi uma amagosa ethunyiwe ukuyoshumayela, wayengowokuqala ukuzinikela ukusiza ngokubaqhokisela indlela, noma ngabe wayeswele kangakanani.”

UJoseph Smith Omdala, ubabezala wakhe

Nasi isibusiso somphatriyakhe esashiwo nguJoseph Smith Omdala, owayengumphatriyakhe eBandleni:

“Emma, ndodakazi yami, wena ubusisiwe yiNkosi, ngenxa yokwethembeka nokuba neqiniso kwakho: uzobusiswa kanye nomyeni wakho, futhi uzothokozela inkazimulo ezoza kuye: Uhlushiwe ngenxa yobubi bamadoda afuna ukubulala umyeni wakho, futhi umkhulekele ukuze aphephiswe: Jabula ngokuba iNkosi uNkulunkulu wakho ikuzwile ukunxusa kwakho.

“Ube nosizi ngenxa yokuqina kwezinhliziyo zabomndeni kayihlo futhi ukulangazelele ukuba basindiswe. INkosi izokuzwa ukukhala kwakho, ngezahlulelo zakhe izokwenza abanye babo babubone ubuwula babo baphenduke ezonweni zabo; kodwa bazosindiswa ngenhlupheko. Ziningi izinsuku osazozibona; yebo, iNkosi izokugcina uze weneliseke, ngokuba uzombona uMkhululi wakho. Inhliziyo yakho izowuthokozela umsebenzi omkhulu weNkosi, futhi akekho ozokwephuca intokozo yakho.

“Uyohlezi njalo ukukhumbula ukuzehlisa kukaNkulunkulu wakho mhla ekuvumela ukuba uphelezele indodana yami ngesikhathi ingelosi iletha indaba yamaNefi kuye. Luningi usizi oluzwileyo ngenxa yokuthi iNkosi ikuthathele abantwana abathathu: awunakubekwa cala ngenxa yalokhu, ngokuba iyazazi izifiso zakho ezinhle zokukhulisa umndeni, ukuze kubusiswe igama lendodana yami. Manje, bheka, ngithi kuwe, isho kanje iNkosi, uma uzokholwa, usazobusiswa kulento futhi usazozala abanye abantwana kuze kuthokoze umphefumulo wakho nabangani bakho.

“Uzobusiswa ngokuqonda, futhi uzonikwa amandla okufundisa abobulili bakho. Fundisa umndeni wakho ukulunga, kanye nabantwana bakho indlela yempilo, izingelosi ezingcwele ziyokulondoloza: futhi uzosindiswa embusweni kaNkulunkulu; ngisho kanjalo. Ameni.”

U-Emma Smith nabantwana

U-Emma Smith nabantwana bakhe. Time to Laugh [Isikhathi Sokuhleka], nguLiz Lemon Swindle