UJoseph Smith—uMlando 1:1–26

Injongo yomlando kaJoseph Smith ukusibeka esimweni “sokuthola amaqiniso” ngoba iqiniso ngoJoseph Smith livamise ukushintshwa (uJoseph Smith—uMlando 1:1). Ngesikhathi ufunda uJoseph Smith—uMlando 1:1–26, yikuphi okuqinisa ubufakazi bakho ngokuthi ubizo lwakhe luvela phezulu na?

­

Wake “waswela ukuhlakanipha” noma wazizwa udidekile ngesinqumo owawudinga ukusenza na? (uJoseph Smith—uMlando 1:13). Ulwazi uJoseph Smith abanalo ngo-1820 lungasebenza njengephethini enhle yesambulo sakho siqu. Isibonelo, ngesikhathi ubheka kuJoseph Smith—uMlando 1:1–25, bheka okwenzeka ongahambisani nakho. Yikuphi okufundayo na?

• UJoseph wasilungiselela kanjani isipiliyoni esingcwele emthandazweni na? (bheka kumavesi 8, 8, 11, 14–15).

• Indima yokufunda imibhalo engcwele ekufuneni isambulo? (bheka kumavesi 11–12).

• Yini okufanele uyenze uma ubhekene nokuphikiswa na? (bheka kulamavesi 15–16, 21–26).

• Ukwamukela futhi wenze ngokuvumelana nezimpendulo ozitholayo? (bheka kumavesi 18-25).

- (ILiyahona, uMeyi 2020, 12-17).

Ungabheka futhi ezinye izibonelo emibhalweni engcwele yabantu abakhuluma noNkulunkulu. Izithombe ezikwincwadi ethi Wozani, Ngilandeleni zingakunika amasu. Zama ukuphendula imibuzo esohlwini lwangaphambilini ngesibonelo ngasinye ositholayo. Yikuphi osuke wabhekana nakho ngesikhathi uthola izimpendulo zomthandazo na? Yini ongayenza ukuze usize abanye bakhekane nesimo esihle nabo na?

­

UJoseph Smith wathemba ukuthi uNkulunkulu wayezowuphendula umkhuleko wakhe, kodwa wayengayilindele indlela leyo mpendulo eyayizoshintsha ngayo impilo yakhe—kanye nomhlaba wonke. Ngesikhathi ufunda ngokwenzeka kuJoseph, cabanga ukuthi uMbono wokuQala usuyishintshe kanjani impilo yakho.

Isibonelo, uMbono wokuQala wembula amaqiniso amaningana ngoNkulunkulu uBaba neNdodana Yakhe, uJesu Kristu, ayehlukile kulokho abantu abaningi bosuku lukaJoseph ababekukholelwa. Njengoba ufunda uJoseph Smith—Umlando 1:15–20, cabanga ukubhala phansi izindlela ezahlukene zokuqedela isitatimende esinjengalesi: “Ngenxa yokuthi uMbono Wokuqala wenzeka, ngiyazi ukuthi …”

Yimiphi imizwa obanayo ngesikhathi uzindla ngalokho abhekana nakho uJoseph nakho konke okwavela kukho na?

–

6:35

Ngesikhathi esaphila, uJoseph Smith wabhala okwenzeka eHlathini eliNgcwele kwaze kwaba kane noma ngaphezulu, ejwayele ukusebenzisa umbhali. Ngaphezu kwalokho, kukhona imibhalo eyabhalwa abantu abezwa uJoseph Smith ekhuluma ngombono wakhe. Noma lemibhalo yehluka ngeminingwane ethile, kuya ngabalaleli nezindawo, izwakala ivumelana. Futhi umbhalo ngamunye usinikeza imininingwane esisiza siqondisise kangcono okwenzeka kuJoseph Smith, njengoba izincwadi zeVangeli ezine zisisiza sazi kabanzi ngentshumayelo yoMsindisi.

Bheka futhi kwiTopics and Questions, “First Vision Accounts,” kuMtapo wolwazi lweVangeli.

Ngemva koMbono wakhe wokuqala omangalisayo, uJoseph Smith wayefuna ukwabelana nabanye ngolwazi lwakhe. Ukuphikiswa abhekana nakho kwamangaza. Ngesikhathi ufunda indaba kaJoseph Smith, yikuphi okukukhuthazayo ukuba ubambelele kubufakazi bakho na? Yiziphi ezinye izibonelo—emibhalweni engcwele noma kubantu obaziyo—ezikunikeza isibindi sokuhlala ubambelele kulokho okwenzeke kuwe ngokomoya na?

-

• Ukufunda ngobusha bukaJoseph Smith kungasiza abantwana bakho ukuthi bazwelane naye njengoba befunda kulokho abhekana nakho. Mhlawumbe bangabamba isithombe sikaJoseph Smith futhi babelane ngalokho abakwaziyo ngaye. Uma kudingeka, ungase wengeze amaqiniso athile ngaye kuJoseph Smith—uMlando 1:3-14 (bheka futhi “isigaba 1: UJoseph Smith noMndeni Wakhe,” kwiziNdaba zeMvumelwano NeziVumelwano, 6–8). Yini uJoseph abhekana nayo eyamsiza ukuba alungiselele ukuba umprofethi na? Yini okungenzeka ukuthi uNkulunkulu usilungiselela ukuba siyenze na?

  

  3:22

• Cabanga ngokubonisa abantwana bakho izinhlobonhlobo zezincwadi, kuhlanganisa nemibhalo engcwele. Basize bacabange imibuzo engaphendulwa yilezi zincwadi. Ngemva kwalokho ningafunda ndawonye kuJoseph Smith—uMlando 1:10–11 ukuthola ukuthi yimiphi imibuzo uJoseph Smith ayenayo nokuthi yiziphi izimpendulo azithola emibhalweni engcwele.

• Abantwana bakho bangase bakwazi ukuthola amagama kwivesi 12 achaza indlela ukuthi ukufunda EkaJakobe 1:5 kwamuthinta kanjani uJoseph. Ngemva kwalokho ningacobelelana ngokuhlangenwe nakho lapho indinyana yombhalo eyaba nethonya elinamandla kinina. ­ -

• Ukuqala ingxoxo mayelana nokuthi sixhumana kanjani noBaba waseZulwini, mhlawumbe wena kanye nabantwana bakho ningabuzana imibuzo nisebenzisa izindlela zokuxhumana ezehlukene, njengomyalezo obhaliwe, ucingo, noma inothi elibhalwe ngesandla. Siyibuza kanjani imibuzo kuBaba oseZulwini na? Simkhombisa kanjani ukuthi siyamthanda futhi siyamhlonipha emithandazweni yethu na? Fundani ndawonye kuJoseph Smith—uMlando 1:16–19 futhi nixoxe ngokuthi uBaba waseZulwini wawuphendula kanjani umkhuleko kaJoseph Smith. Wena kanye nabantwana bakho ningakwazi ukwabelana ngalokho okwenzekayo uma nicela usizo kuNkulunkulu futhi nithola impendulo.

• Abantwana abancane bangase bajabulele ukuma belule izingalo zenza izihlahla eHlathini elingcwele kuyilapho uzitshela ngoMbono wokuQala. Cela abantwana banyakaze kube sengathi bashaywa umoya lapho wena ukhuluma ngoJoseph ekhuleka. Bese ubacela ukuthi bame bathule uma ubatshela ukuthi uBaba waseZulwini futhi noJesu babonakala kuJoseph.

• Abantwana abadadlana bangase bajabulele ukusebenzisa isithombe esisodwa noma eziningi kuloluhlaka ukuze bakutshele abakwaziyo ngoMbono wokuQala. Bakhuthaze ukuthi babhekisele kuJoseph Smith—uMlando 1:14–17 kanye nokwabelana ngemicabango nemizwa yabo mayelana nabhekana nakho uJoseph (bheka futhi “isigaba 2: UJoseph Smith noMndeni Wakhe,” kwiziNdaba zeMvumelwano NeziVumelwano, 9–12).

  

  3:23