Au na Vakaitavi Rawa Vakacava ena Sokomuni Isireli?

Era sa na kila beka na nomu kuoramu se kalasi e dua na ka me baleta na nodra itavi ni qaravi cakacaka ni kaulotu kei na cakacaka ni valetabu kei na tuva kawa. Ia ke o vosa vei ira me baleta na nodra vakasokumuni Isireli, era na rairai sega ni kila na ka o tukuna tiko. E rawa vakacava ni o vukei ira ni kila deivaki ni sa tiki ni dua na cakacaka levu sara ni nodra vakasokumuni Isireli ena vakavakarau ni Karua ni Lako Mai ni iVakabula na wasei na kosipeli, dikevi ni nodra tuva kawa, kei na qaravi ni cakacaka vakalotu eso ena valetabu?

Era sa na rairai vulica o ira o vakavulica na vosa vakatautauvata ni sila vinaka kei na sila ca ena Vunau kei na Veiyalayalati 86, esa vakavulica me baleta na nodra vakasokumuni Isireli ena iotioti ni gauna. Ni ko wilika na wase oqo, tovolea mo raitayaloyalotaki ira na tamata ena nomu kuoramu se kalasi me vakai ira na tamata cakacaka ena were ni Turaga. O na vukei ira vakacava ni vakila na reki e dau basika mai na vakaitavi ena cakacaka levu oqo? Mo vulica eso tale ena ulutaga oqo, vulica na itukutuku i Peresitedi Russell M. Nelson kei Sisita Wendy W. Nelson “Hope of Israel” ([lotu ni itabagone e vuravura raraba, ka 3 ni June, 2018], ikuri ki na New Era kei na Ensign, ChurchofJesusChrist.org).

O na via tekivu ena nodra tarogi na lewe ni kalasi ena taro eso vakaoqo: Na cava o kauwaitaka ni o wilika e vale na Vunau kei na Veiyalayalati 86 ? Na cava o sa vulica ena cakacaka ni nodra vakasokomuni na luve ni Kalou ena iotioti ni gauna? Na cava eda sa cakava tiko meda vakaitavi kina ena cakacaka oqo? E ra so koto kina na ikuri ni vakasama me vakauqeta na lewe ni nomu kuoramu se kalasi mera vakaitavi ena nodra vakasokumuni Isireli.

• Taroga na lewe ni nomu kuoramu se kalasi na cava era vakasamataka ni ra rogoca na vosa “vakasokomuni Isireli.” Ke ra gadreva na veivuke, vakatura mera wilika na vosa oqo mai vei Peresitedi Russell M. Nelson: “Na nodra vakasokumuni Isireli sa kena ibalebale vakaoti na cabori ni kosipeli i Jisu Karisito ki na luvedra na Kalou ena yasa ruarua ni lati ka se sega ni caka veiyalayalati bibi tu kei na Kalou se ciqoma na nodra cakacaka vakalotu veiganiti eso. Sa ganiti ira na luvena kecega na Tamada Vakalomalagi na madigi mera digitaka ni muri Jisu Karisito, vakadonuya ka ciqoma na Nona kosipeli vata na kena veivakalougatataki taucoko” (“Hope of Israel,” 11–12). E ra-wa vakacava ena ivakamacala oqo me tara na sala eda vakasama kina ena bibi ni tavi oqo?

• Me vukea nodra raica na lewe ni kuoramu se kalasi na sala e vagolei kina vei ira na vosa vakatautauvata ni sila vinaka kei na sila ca, sa rawa ni o vola ena papa na veimalanivosa mai na Vunau kei na Veiyalayalati 86 . Na veimalanivosa oqo sa rawa ni vakamacalataka na ivakatakarakara eso ena vosa vakatautauvata—vaka na “daukabukaburaki” “sila ca sa vakaruguta na sila vinaka,” “buroro ka kadre cake”, kei na “kumuna vata na sila vinaka” (tikina e 2–4, 7). Era rawa talega ni vakamacalataka na ibalebale ni veivakatakarakara oqo— vaka “na iApositolo,” “na Vukitani,” “na Veivakalesuimai,” kei na “cakacaka ni kaulotu.” Sa rawa ni ra qai cakacaka vata na lewe ni kuoramu se kalasi ni railesuva na wase 86 ka vakasotaravata na veivakatakarakara oqo kei na kedra ibalebale. (Sa rawa talega ni ra wilika na Maciu 13:36–43.) Na cava eda vulica mai na vosa vakatautauvata oqo me baleta na cakacaka ni nodra vakasokumuni Isireli? Na cava eda rawa ni cakava meda “dua na rarama” ka “dua nai vakabula” vei ira na luve ni Kalou? (Vunau kei na Veiyalayalati 86:11).

• Era na nanuma beka na lewe ni kuoramu se kalasi ni ena nona itukutuku “Hope of Israel”, a sureti ira o Peresitedi Russell M. Nelson mera cakava vakatabakidua na veika me vakarautaka ni vukea nodra sokumuni Isireli (raica na tabana e 14–17). Tarogi ira na veisureti cava so era nanuma, ka railesuva vata na veisureti ena ke gadrevi. E rawa vakacava ni vaqaqacotaki keda vakalevu sara na vakayacori ni veika oqo ena nodra vakasokumuni na Isireli? Na cava eda rawa ni cakava ni vakananumi keda kina ena veisureti eso oqo ka veivuke vakai keda ni vakataucokotaka? Vakauqeta na lewe ni kuoramu se kalasi mera vakasama vagumatua ka wasea na nodra nanuma.

• Sa rawa ni wilika na lewe ni kuoramu se kalasi na ivakamacala kei na matai ni rua na wase ni tukutuku i Elder Quentin L. Cook “Na Loloma Cecere Vei Ira na Luvena na Tamada” (Liaona, Me 2019, 76–79), ni vakaraici na vuna esa rui bibi kina na loloma ena noda sasaga ni kaulotu kei na valetabu kei na tuva kawa. Kerei ira ni wasea na ka era sa vulica ena sala e rawa ni vakayaco duidui kina na loloma ni da saga ni wasea na kosipeli kivei ira na tiko ena yasa ruarua ni ilati. Solia vei ira na lewe ni kuoramu se kalasi na gauna mera vola e dua na ka era na via cakava ena vuku ni veivosaki nikua. Me vukei ira ni vakasamataka na vakanananu eso, o na via vakatura mera vakasamataka na tamata era kila. Ena sudra tu beka yani vakacava na Kalou kivei ira na tamata oqo? E rawa vakacava ni keitou veivuke?”

• Russell M. Nelson, “Nodra Vakasoqoni Vata na Isireli era sa Veiseyaki Tu,” Liaona, Nove. 2006, 79–82

• Church History Topics, “The Gathering of Israel,” ChurchofJesusChrist.org/study/history/topics