“Ang mga Maalamon nga mga Tawo Misimba ni Jesus ug Mihatag og mga Regalo,” Plano sa Pagtuon atol sa Pasko (2024)
“Ang Maalamon nga mga Tawo Misimba ni Jesus ug Mihatag og mga Regalo,” Plano sa Pagtuon atol sa Pasko
Disyembre 25
Ang Maalamon nga mga Tawo Misimba ni Jesus ug Mihatag og mga Regalo
“Hain man ang bata nga natawo nga maoy mahimong hari sa mga Judeo? Nakita namo ang bituon nga nagpahibalo sa iyang pagkatawo sa pagsubang niini didto sa sidlakan, ug mianhi kami aron pagsimba kaniya” (Mateo 2:2).
Wala kaayo kitay nahibaloan bahin sa Maalamon nga mga Tawo nga gihisgotan sa Mateo 2, apan nahibalo kita nga sila nagpaabot sa pag-anhi sa Mesiyas. Andam sila nga mobiyahe og layo aron pagsimba Kaniya. Ug ang ilang mga regalo nakadasig sa dugay na nga tradisyon sa paghatag panahon sa Pasko. “Kita dili makaduhaduha,” si Presidente Dallin H. Oaks misulti, “nga sila gigiyahan sa Ginoo alang sa Iyang sagrado nga katuyoan. … Kining maalamon nga mga tawo gikan sa laing yuta ug kultura, mao nga ang usa ka pagsaksi ngadto nila usa ka pahinumdom nga ang Mesiyas natawo alang sa tanang katawhan.”
Ang ilang yano nga istorya nagpahinumdom kanato sa pagpamalandong sa atong paglaom sa pag-abot ni Kristo, sa atong kakugi sa pagsimba Kaniya, ug sa mga regalo nga atong mahatag ngadto Kaniya.
Mga Kasulatan ug mga Pangutana
-
Mateo 2:1–12
Sa unsang paagi nga ang panaw sa Maalamon nga mga Tawo magamit nganha kanimo?
Sa unsang paagi makapangita, makakaplag, o makasimba ka ni Jesukristo?
“Ang Maalamon nga mga Tawo Nangita ni Jesus”
Irekord ang imong mga impresyon.
Awit
“With Wondering Awe,” Hymns, no. 210
Kalihokan alang sa mga Bata
Ang Maalamon nga mga Tawo nakakaplag ni Jesus sa Betlehem ug misimba Kaniya. Makita ba ninyo kining tanang gitago nga mga butang?
Mga Ideya sa Pagserbisyo
-
Ihatag ang imong paborito nga basahon ngadto sa usa ka gihigugma.
-
Hatagi og pagdayeg ang imong silingan.
-
Pagdonar ngadto sa usa ka lokal nga charity.