“Sa Fanau ma Tuuina Atu Iesu Keriso i le Malumalu,” Fuafuaga mo Suesuega o le Kerisimasi (2024)
“Sa Fanau ma Tuuina Atu Iesu Keriso i le Malumalu,” Fuafuaga mo suesuega o le Kerisimasi
24 Tesema
Na Fanau ma Tuuina Atu Iesu Keriso i le Malumalu
“Ua ia aumaia lana tama ulumatua, ua ia aui ia te ia i le ie, ma faataoto ia te ia i le fale povi” (Luka 2:7).
Na soifua mai Iesu Keriso e avea ma Faaola o le lalolagi. Na malaga atu Maria ma Iosefa i Peteleema. E ese mai le faletalimalo ua tumu, ae fanauina e Maria Iesu i se fale o manu. Na faaali atu agelu i leoleo mamoe, ma na latou o atu e vaai le pepe o Iesu. Ina ua o ese atu leoleo mamoe e ta’u atu i tagata uma mea na latou vaai ma faalogo i ai, “Ua tausia e Maria nei mea uma, ma mafaufau loloto i ai i lona loto” (Luka 2:19).
O Le Pepe o Keriso
Sa faatalitali Simeona mo le Mesia, ma na iu lava ina ia maua se uunaiga patino ua oo mai le aso. Ina ua mavae lena uunaiga i le malumalu, sa faamanuiaina Simeona i se feiloaiga taitoatasi ma le Mesia sa ia sailia.
Sa faaalu e Ana le tele o lona taimi i le malumalu. I se tasi aso, sa i ai se aafiaga tulaga ese ma patino o Ana ma le Faaola.
Tusitusiga paia ma Fesili
-
Luka 2:1–38
O le a sou lagona pe na e aoaoina a o e faitau i le tala o le Kerisimasi?
O le a sou manatu i le mea na faasoa atu e tagata na vaai i le pepe o Iesu (e pei o leoleo mamoe, Simeona, ma Ana) i isi e uiga i o latou lava aafiaga? O le a se mea ua musuia oe e ta’u atu i isi e uiga ia Iesu Keriso?
Tusi faamaumau ou uunaiga.
Pese
“O Le A Lenei Tamaitiiti?,” Viiga—Mo Le Aiga ma le Ekalesia, nu. 1203
Gaoioiga mo Tamaiti
Faaaoga ia otiotiga o le Fanau mai o Iesu e fai ai lau lava vaaiga o le Fanau mai o Iesu. E mafai foi ona e faaaogaina se tusiga ua saunia e faamatala ai le tala o le Fanau Mai o Iesu pe faaaoga foi ou mafaufauga e fatu ai lau lava tusiga.
Manatu mo Auaunaga
-
Tatalo mo se tagata i o latou igoa.
-
Valaau atu i se tasi e te misia.
-
Fusi atu i se uo.