2025 nga Report sa Pag-atiman Niadtong Nanginahanglan

Isip mga miyembro sa Ang Simbahan ni Jesukristo sa mga Santos sa Ulahing mga Adlaw, kita magtinguha sa pagsunod sa una ug ikaduha nga mga sugo—paghigugma sa Dios ug paghigugma sa atong isigkatawo (tan-awa sa Mateo 22:36–40). Ang mga anak sa Dios mao ang Iyang buhat ug Iyang himaya (tan-awa sa Moises 1:39), ug aron matuman ang duha ka dagko nga sugo, kita nagtinguha sa pag-atiman niadtong nanginahanglan sama sa gibuhat sa Manluluwas atol sa Iyang mortal nga pangalagad.

Gilugwayan sa Simbahan ang mga paningkamot niini sa pag-atiman niadtong anaa sa panginahanglan pinaagi sa tibuok kalibotan nga makitawhanon nga mga proyekto, mga serbisyo nga gihatag sa mga miyembro ug mga misyonaryo, mga kapanguhaan sa kaayohan ug pagbarog pinaagi sa kinaugalingong paningkamot, ug mga pakigkolaborasyon sa ubang mga organisasyon. Sa 2025, ang Simbahan mi-report og:

• 3514 ka makitawhanon nga mga proyekto.

• 7.4 ka milyon ka oras nga giboluntaryo.

• 196 ka nasod ug mga teritoryo nga naserbisyohan.

• $1.58 ka bilyon ang nagasto.

Pagbasa pa og dugang bahin sa mga paningkamot sa Simbahan sa pag-atiman niadtong nanginahanglan sa 2025 sa CaringReport.churchofjesuschrist.org.