“Atamai i Aoaoga Faavae Iloiloga 14: Tauloto Mau Faasino ma Fasifuaitau Autu o Mau,” Tusi Lesona a le Faiaoga o le Tusi a Mamona (2024)

“Atamai i Aoaoga Faavae Iloiloga 14,” Tusi Lesona a le Faiaoga o le Tusi a Mamona

Atamai i Aoaoga Faavae Iloiloga 14

Tauloto Mau Faasino ma Fasifuaitau Autu o Mau

seti o tusitusiga paia o i ai faailoga i le anotusi

O le manatuaina o mau faasino ma mea o loo aoaoina mai ai e mafai ona fesoasoani ia te oe i le tele o auala. O lenei lesona ua faamoemoe e fesoasoani ia te oe e tauloto le tele o mau faasino ma fasifuaitau autu mai mau mulimuli e 12 o le atamai i aoaoga faavae i le Tusi a Mamona.

Taulotoina o faitau o mau Pe a taulotoina upu o tusitusiga paia, e masani lava ona faaopoopo i ai le mana a o tatou aoao atu isi. O le galuega e manaomia e tauloto ai mau e mafai foi ona fesoasoani i tagata aoga ia malamalama atili ai i le uiga o upumoni ma aoaoga faavae o loo i ai i fuaitau. Fesoasoani i tagata aoga e faataitai le taulotoina o nisi po o fuaitau uma o mau o le atamai i aoaoga faavae.

Sauniuniga a le tagata aoga: Valaaulia tagata aoga e filifili ma tauloto se fuaitau o le atamai i aoaoga faavae lea e mafai ona fesoasoani latou te lagona ai le latalata atu i le Faaola pe fesoasoani ia i latou i se manaoga o i ai nei.

Gaoioiga e Ono Mafai Ona Aoao Ai

Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina ua saunia e le faatonu po o le taitai faamaopoopo o le eria po o le itulagi ina ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.

Filifili ni fuaitau se tolu pe fa o le atamai i aoaoga faavae mai le afa muamua o le Tusi a Mamona e taulai i ai i lenei lesona. O le a tuuina atu i tagata aoga ni avanoa e taulai atu ai i isi fuaitau i lesona eseese.

Faamanuiaga o le taulotoina o mau

O le a sau tala e fai atu i se tasi o loo tau mafaufau pe aisea e lelei ai le taulotoina o mau?

Faitau le Alema 31:5, ma vaavaai mo se mafuaaga atonu e manao ai se tasi e tauloto ia mau.

E mafai faapefea e le taulotoina o mau ona fesoasoani ia te oe e maua ai le mana o le Atua?
O le a se fuaitau ua e taulotoina? Na faapefea ona faamanuiaina oe mai le taulotoina o fuaitau o mau?

Afai e lei faailogaina lava e tagata aoga fuaitau nei o le atamai i aoaoga faavae ia latou tusitusiga paia, mafaufau e faaali atu le siata lenei ma valaaulia i latou e faia.

Atamai i Aoaoga Faavae o le Tusi a Mamona: Alema–Moronae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o le Mau
Mau Faasino Alema 7:11–13	Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.”
Mau Faasino Alema 34:9–10	Fasifuaitau Autu o le Mau “E ao ona faia o se togiola, … o se taulaga e le gata ma faavavau.”
Mau Faasino Alema 39:9	Fasifuaitau Autu o le Mau “Aua e te toe alu e tusa ma tuinanau o ou mata.”
Mau Faasino Alema 41:10	Fasifuaitau Autu o le Mau “E lei avea lava le amioleaga ma fiafia.”
Mau Faasino Helamana 5:12	Fasifuaitau Autu o le Mau “O luga lava o le papa o lo tatou Togiola … e ao ina oulua atinae ai lo oulua faavae.”
Mau Faasino 3 Nifae 11:10–11	Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.”
Mau Faasino 3 Nifae 12:48	Fasifuaitau Autu o le Mau “Ia outou atoatoa e pei lava o Aʼu, po o lo outou Tamā o le o i le lagi e atoatoa.”
Mau Faasino 3 Nifae 27:20	Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.”
Mau Faasino Eteru 12:6	Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.”
Mau Faasino Eteru 12:27	Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.”
Mau Faasino Moronae 7:45–48	Fasifuaitau Autu o le Mau “O le alofa mama o le alofa le pona lea o Keriso.”
Mau Faasino Moronae 10:4–5	Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.”

I ni fasipepa eseese, fatu ni fautuaga nei mo fuaitau o le atamai i aoaoga faavae lea o le a taulai atu i ai tagata aoga i lenei lesona. Fatu se nofoaga e aoao ai mo gaoioiga taitasi po o se fuaitau o mau. E mafai ona faia lenei mea i le faapipiiina o pepa i le puipui pe tuu i se vaega o le potuaoga. E mafai foi e tagata aoga ona galulue i nei gaoioiga i ni paga ma faamaonia fuaitau faatasi ma le tasi ma le isi.

Tusi mau faasino taitasi ma fasifuaitau autu o mau, ae faamisi ni nai upu po o fuainumera. O le a faatumu e tagata aoga ia upu po o numera o loo misi.
Tusi i lalo mataitusi muamua mo upu taitasi o le mau faasino ma le fasifuaitau autu o le mau.
Tusi upu ma numera o mau faasino ma fasifuaitau autu o mau i so o se faasologa. Valaaulia tagata aoga e tusi le mau sa’o ma le fasifuaitau o le mau i se isi fasipepa po o a latou api talaaga mo suesuega.
E mafai e tagata aoga ona faaaoga le vaega o le kata falasi (flash card) o i luga o le polokalama o le Atamai i Aoaoga Faavae. E mafai foi e tagata aoga ona filifili se fuaitau atoa e tauloto ma faaaoga le polokalama e fesoasoani ai ia i latou.

Valaaulia tagata aoga e faataamilo i nofoaga ma faamaea gaoioiga uma mo se fuaitau faapitoa o mau. A uma ona faataitai se fuaitau se tasi, e mafai e tagata aoga ona toe fai le faagasologa mo isi fuaitau. Toe fai i le tele o taimi e manaomia ai.

A uma ona faia e tagata aoga, valaaulia ni nai volenitia e toe fai mau faasino ma fasifuaitau autu o mau sa latou taulotoina. E mafai foi ona latou faasoa mai po o le fea metotia o le taulotoina na sili ona fesoasoani ia i latou. Valaaulia tagata aoga e faaauau le taulotoina o fuaitau o le atamai i aoaoga faavae.