«Վարդապետության սերտում. 2 Նեփի 32.3. «Սնվե՛ք Քրիստոսի խոսքերով. քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»», Մորմոնի Գիրքը. Ուսուցչի ձեռնարկ (2024)
«Վարդապետության սերտում. 2 Նեփի 32.3», Մորմոնի Գիրքը. Ուսուցչի ձեռնարկ
Վարդապետության սերտում. 2 Նեփի 32.3
«Սնվե՛ք Քրիստոսի խոսքերով. քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»
Նախորդ՝ «2 Նեփի 32.1–7» դասին դուք սովորեցիք Քրիստոսի խոսքերով սնվելու կարևորությունը: Այս դասը կարող է օգնել ձեզ մտապահել 2 Նեփի 32.3-ի վարդապետության սերտման հղումն ու սուրբ գրության հիմնական արտահայտությունը, բացատրել վարդապետությունը և իրական կյանքի իրավիճակներում կիրառել հոգևոր գիտելիքներ ձեռք բերելու սկզբունքները:
Զորություն՝ սուրբ գրությունների ուսումնասիրության միջոցով Սուրբ գրությունների անձնական և բովանդակալից ուսումնասիրությունը կօգնի ձեզ մեծացնել Փրկչի ավետարանի և Նրա Քավության մասին ձեր հասկացողությունը, ինչպես նաև ուսուցանել և վկայել ավելի մեծ զորությամբ: Ուսանողները կօրհնվեն և կոգեշնչվեն ձեր անձնական վկայությամբ այն մասին, թե ինչպես են սուրբ գրություններն օրհնել ձեր կյանքը:
Ուսանողի նախապատրաստում. Հնարավոր է՝ նախորդ դասի վերջում ուսանողները հնարավորություն են ունեցել վարժություններ կատարել «սնվել Քրիստոսի խոսքերով» արտահայտության վերաբերյալ: Նրանց առաջարկեք շարունակել սուրբ գրությունների իրենց անձնական ուսումնասիրությունը և պատրաստվել ու դասին կիսվել իրենց փորձառությամբ:
Հնարավոր ուսումնական վարժություններ
Վարդապետության սերտման այս դասը նախատեսված է անցկացնել «2 Նեփի 32.1–7» դասից հետո, որը վարդապետության սերտման 2 Նեփի 32.3 հատվածի ուսումնասիրման համատեքստային դասն է: Եթե վարդապետության սերտման այս դասն անհրաժեշտ է տեղափոխել մեկ այլ շաբաթ, համոզվեք, որ այդ շաբաթ կուսուցանվի նաև համապատասխան համատեքստային դասը:
Բացատրեք և անգիր սովորեք
Գտեք որևէ արդյունավետ միջոց, որով ուսանողներին կօգնեք անգիր սովորել 2 Նեփի 32.3 հատվածի հղումն ու սուրբ գրության հիմնական արտահայտությունը և կբացատրեք այդ հատվածում գտած ճշմարտությունները:
Ստորև ներկայացվող վարժությունները դա անելու առաջարկներ են:
Պատկերացրեք, որ ձեզ խնդրել են սեմինարիայում մի կարճ հոգևոր միտք տալ սուրբ գրությունների ուսումնասիրության կարևորության մասին: Կարդացեք 2 Նեփի 32.3 հատվածը և հիշեք այն սկզբունքը, որ երբ մենք սնվում ենք Հիսուս Քրիստոսի խոսքերով, դրանք ասում են մեզ բաներ, որ մենք պետք է անենք:
-
Նախորդ դասին սովորածը և ձեր անձնական փորձառությունն ինչպե՞ս կարող եք օգտագործել, որպեսզի բացատրեք «սնվել Քրիստոսի խոսքերով» արտահայտության իմաստը: (2 Նեփի 32.3)
-
Քրիստոսի խոսքերով սնվելն ի՞նչ փոփոխություն կառաջացնի երիտասարդների կյանքում:
Սա կարող է լավ հատված լինել՝ առաջարկելու ուսանողներին նախապատրաստական վարժության մտքերով կիսվելիս ներառել իրենց սեփական փորձառությունները:
Կարող եք տրամադրել նյութեր, որպեսզի օգնեք ուսանողներին կատարել ստորև ներկայացվող վարժությունը: Նրանց կարող եք առաջարկել այդ վարժությունը կատարել իրենց օրագրերում: Կարող եք վարժությունը հարմարեցնել այնպես, որ ուսանողներին հնարավորություն տաք իրենց մշակույթն առավել լավ արտացոլող մի նկար պատկերել:
Թղթի վրա նկարեք ճաշկերույթի համար սպասքավորված սեղան․ նկարը կօգնի ձեզ մտապահել և կիրառել այս հատվածը: Այն կարող է նման լինել ստորև ներկայացված նկարին: Կարող եք ափսեի վրա պատկերել նաև ուտեստների կամ սուրբ գրությունների նկարներ: Էջի որևէ հատվածում գրեք «2 Նեփի 32.3․ Սնվեք Քրիստոսի խոսքերով. քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք» արտահայտությունը: Մի քանի անգամ կարդացեք այս արտահայտությունը, մինչև մտապահեք: Կարող եք ձեր նկարը փակցնել ձեր տան սառնարանին կամ տան այնպիսի հատվածում, որտեղ կարող եք տեսնել և կրկնել այն ամեն անգամ ուտելիս:
Բավարար ժամանակ հատկացնելուց հետո ուսանողներին առաջարկեք փոքր խմբերում կամ դասարանում կիսվել իրենց նկարներով:
Գործնական կիրառում
Դասարանը բաժանեք երեք խմբի, որտեղ յուրաքանչյուր ուսանող ընտրում է հոգևոր գիտելիքներ ձեռք բերելու մի սկզբունք (տես Վարդապետության սերտման հիմնական փաստաթուղթ [2022], «Ձեռք բերել հոգևոր գիտելիքներ», պարբերություններ 5–12): Ուսանողներին խնդրեք հակիրճ վերանայել սկզբունքը, ապա բացատրել այն խմբին:
Այնուհետև կիսվեք հետևյալ սցենարով: Կամ կարող եք խնդրել նրանց թվել այն պատճառները, որոնց հետևանքով մարդը կարող է դժվարություն ունենալ սուրբ գրություններն ուսումնասիրելիս, եթե դա ավելի հարմար կլինի ձեր ուսանողներին: Այնուհետև, ուսանողներին կարող եք առաջարկել ցանկից որևէ դժվարություն ընտրել և, հոգևոր գիտելիքներ ձեռք բերելու սկզբունքներն օգտագործելով, աշխատել այն հաղթահարելու վրա:
-
Ձեր ընտրած սկզբունքն ինչպե՞ս համառոտ կբացատրեիք մեկին, որն անծանոթ է դրան:
Պատկերացրեք, որ սուրբ գրությունների ամենօրյա ուսումնասիրության կարևորության մասին սեմինարիայի դասից հետո ձեր ընկերն ասում է ձեզ. «Ես գիտեմ, որ սուրբ գրությունների ուսումնասիրումը լավ բան է, բայց այս պահին իմ կյանքի բազմաթիվ գործերի հետ ուղղակի ժամանակ չունեմ, հատկապես՝ ամեն օր»:
Արդյունավետ կլինի հարցնել ուսանողներին՝ արդյոք կարող են այս իրավիճակը կապել իրենց կյանքի հետ, և ինչու:
Քննել հասկացություններն ու հարցերը հավերժության հեռանկարով
-
Ի՞նչ կուզենայիք, որ ձեր ընկերն իմանար Հիսուս Քրիստոսի կամ փրկության ծրագրի մասին, որը կարող էր օգնել նրան ցանկանալ և ձգտել ամեն օր սնվել Նրա խոսքերով:
-
Կանոնավոր կերպով Քրիստոսի խոսքերով սնվելն ինչպե՞ս կարող է ժամանակի ընթացքում կամ նույնիսկ հավերժորեն ազդել մեզ վրա։
Ձգտեք մեծացնել հասկացողությունը աստվածային աղբյուրների միջոցով
Պատկերացրեք, որ հավերժության տեսանկյունից քննարկելուց հետո ձեր ընկերն ասում է. «Շնորհակալություն: Դա մի քիչ օգնեց: Այնուամենայնիվ, կարծում եմ, որ կպայքարեմ ամեն օր ժամանակ գտնել սուրբ գրությունների ուսումնասիրման համար»:
-
Ըստ ձեզ՝ 2 Նեփի 32.3 հատվածն ինչպե՞ս կարող է օգնել ձեր ընկերոջը:
-
Ո՞ր սուրբ գրությունները կամ մարգարեների ո՞ր խոսքերը կարող են օգնել ձեր ընկերոջը:
Սուրբ գրություններն ու հայտարարությունները գտնելու համար կարող եք ուսանողներին ժամանակ հատկացնել:
Մի քանի օրինակներ կարող են լինել Վարդապետություն և Ուխտեր 26.1 հատվածը, ինչպես նաև Տասներկու Առաքյալների Քվորումից երեց Ռիչարդ Գ. Սքոթի (1928–2015) ստորև ներկայացվող հայտարարությունը.
Տեղի մի տվեք սատանայի ստին, թե ժամանակ չունեք ուսումնասիրելու սուրբ գրությունները: Որոշեք ժամանակ գտնել դրանց ուսումնասիրության համար: Ամեն օր Աստծո խոսքով սնվելն ավելի կարևոր է, քան քունը, դպրոցը, աշխատանքը, հեռուստատեսային շոուները, տեսախաղերը կամ սոցիալական ցանցերը: Դուք պետք է ճանաչեք reorganize ձեր առաջնահերթությունները՝ ժամանակ գտնելով ուսումնասիրելու Աստծո խոսքը: Եթե այդպես է, ապա արե՛ք այդպես: (Ռիչարդ Գ. Սքոթ, «Հավատքի գործադրումը դարձրեք ձեր առաջնահերթությունը», Լիահոնա, նոյեմբեր 2014թ., 93)
-
Այս ուսմունքներն ինչպե՞ս կարող են օգնել:
Գործեք հավատքով
Ժամանակ տվեք ուսանողներին՝ խորհելու ստորև ներկայացվող առաջարկների ու հարցերի շուրջ: Բավարար ժամանակ հատկացնելուց հետո մի քանի ուսանողի առաջարկեք դասարանի հետ կիսվել իրենց պատասխաններով: Դուք ևս կարող եք դասարանի հետ կիսվել սուրբ գրությունների ուսումնասիրության վերաբերյալ ձեր անձնական վկայությամբ:
Պատկերացրեք, որ ձեր ընկերը լավ է արձագանքում ձեր պատմածին, բայց գիտեք, որ նա լիարժեք չի հաղթահարի իր մտահոգությունը, եթե չգործի հավատքով՝ Տիրոջը վստահելով:
Մի պահ մտածեք Քրիստոսի խոսքերով սնվելու անձնական փորձառությունները ներկայացնելու և այն մասին, թե ինչ գիտեք Փրկչի մասին, որը կարող է մղել ձեր ընկերոջը ամեն օր սնվել Նրա խոսքերով:
-
Ի՞նչ փորձառություններով կամ վկայությամբ կարող եք կիսվել, որոնք կօգեն ձեր ընկերոջը գործել հավատքով:
-
Ի՞նչ եք սովորել, որը ձեր կարծիքով, կարող է օգնել ձեզ բարելավել սուրբ գրությունների ձեր անձնական ուսումնասիրությունը:
Վարդապետության սերտման կրկնություն
Առաջիկա դասի ընթացքում մի քանի րոպե հատկացրեք 2 Նեփի 32.3 հատվածի հղումն ու հիմնական արտահայտությունը կրկնելու համար: Դա անելու համար կարող եք ցուցադրել ստորև ներկայացված հատվածը և սուրբ գրության հիմնական արտահայտությունը՝ բառերի տեղերը փոխելով և ուսանողներին առաջարկել ճիշտ դասավորել այն.
խոսքերը, որ դուք պետք է 32: քանզի Քրիստոսի խոսքերով սնվեք ահա, 2 Քրիստոս, կասեն ձեզ Նեփի 3, որ բոլոր պետք է անեք: բաներ
Մեկ այլ տարբերակ կարող է լինել այս բառերից յուրաքանչյուրը գրել թերթիկների վրա և յուրաքանչյուր ուսանողի տալ մեկ կամ մի քանի թերթիկ: Ուսանողներին առաջարկեք միասին աշխատել՝ արտահայտությունը ճիշտ դասավորելու համար:
Պատասխան. 2 Նեփի 32.3 Սնվեք Քրիստոսի խոսքերով. քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք: