“Atamai i Aoaoga Faavae Iloiloga 14: Tauloto Mau Faasino ma Fasifuaitau Autu o Mau,” Tusi Lesona a Tagata o le Vasega o le Tusi a Mamona (2024)

“Atamai i Aoaoga Faavae Iloiloga 14,” Tusi Lesona a Tagata o le Vasega o le Tusi a Mamona

Atamai i Aoaoga Faavae Iloiloga 14

Tauloto Mau Faasino ma Fasifuaitau Autu o Mau

seti o tusitusiga paia o i ai faailoga i le anotusi

O le manatuaina o mau faasino ma mea o loo aoaoina mai ai e mafai ona fesoasoani ia te oe i le tele o auala. O lenei lesona ua faamoemoe e fesoasoani ia te oe e tauloto le tele o mau faasino ma fasifuaitau autu mai mau mulimuli e 12 o le atamai i aoaoga faavae i le Tusi a Mamona.

Faamanuiaga o le taulotoina o mau

O le a sau tala e fai atu i se tasi o loo tau mafaufau pe aisea e lelei ai le taulotoina o mau?

Faitau le Alema 31:5, ma vaavaai mo se mafuaaga atonu e manao ai se tasi e tauloto ia mau.

E mafai faapefea e le taulotoina o mau ona fesoasoani ia te oe e maua ai le mana o le Atua?
O le a se fuaitau ua e taulotoina? Na faapefea ona faamanuiaina oe mai le taulotoina o fuaitau o mau?

Toe iloilo mau faasino o le atamai i aoaoga faavae ma fasifuaitau autu o mau. Filifili le tolu pe fa e te manao e tauloto.

Atamai i Aoaoga Faavae o le Tusi a Mamona: Alema–Moronae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o le Mau
Mau Faasino Alema 7:11–13	Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.”
Mau Faasino Alema 34:9–10	Fasifuaitau Autu o le Mau “E ao ona faia o se togiola, … o se taulaga e le gata ma faavavau.”
Mau Faasino Alema 39:9	Fasifuaitau Autu o le Mau “Aua e te toe alu e tusa ma tuinanau o ou mata.”
Mau Faasino Alema 41:10	Fasifuaitau Autu o le Mau “E lei avea lava le amioleaga ma fiafia.”
Mau Faasino Helamana 5:12	Fasifuaitau Autu o le Mau “O luga lava o le papa o lo tatou Togiola … e ao ina oulua atinae ai lo oulua faavae.”
Mau Faasino 3 Nifae 11:10–11	Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.”
Mau Faasino 3 Nifae 12:48	Fasifuaitau Autu o le Mau “Ia outou atoatoa e pei lava o Aʼu, po o lo outou Tamā o le o i le lagi e atoatoa.”
Mau Faasino 3 Nifae 27:20	Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.”
Mau Faasino Eteru 12:6	Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.”
Mau Faasino Eteru 12:27	Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.”
Mau Faasino Moronae 7:45–48	Fasifuaitau Autu o le Mau “O le alofa mama o le alofa le pona lea o Keriso.”
Mau Faasino Moronae 10:4–5	Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.”

Faataitai le taulotoina o mau faasino ma fasifuaitau autu o mau na e filifilia. Atonu e te manao e faaaoga se tasi po o gaoioiga uma nei:

Afai o maua, faaaoga le vaega o le kata falasi (flash card) i luga o le polokalama o le Atamai i Aoaoga Faavae.
Tusi mau taitasi ma fasifuaitau autu o mau, ae faamisi ni nai upu. Faataitai le toe fai o le fasifuatau autu o le mau e ala i le faatumu o upu o loo misi.
Tusi i lalo mataitusi muamua mo upu taitasi o le mau faasino ma le fasifuaitau autu o le mau. Fai lenei mea mo fuaitau taitasi e te manao e tauloto. Faataitai le taulotoina o mau faasino ma fasifuaitau autu o mau e faaaoga ai mataitusi muamua.
Tusi i lalo le mau faasino ma le fasifuaitau autu o le mau. Faafefiloi upu ma fuainumera e ala i le otiina o le pepa i ni upu eseese. Faafefiloi ia upu ma fuainumera ona toe tuu lea i le faasologa sa’o.
Filifili ia le itiiti ifo ma le tasi se fuaitau o le atamai i aoaoga faavae ma vaai pe mafai ona e taulotoina le fuaitau atoa. Mafaufau e faaaoga le faailoga tauloto i le polokalama o le Atamai i Aoaoga Faavae po o se tasi o isi metotia o loo lisi atu i luga e fesoasoani ia te oe e tauloto ai.