Pepa e tufa atu 9: Fautuaga i le Faagaeetiaina o Talanoaga i Vaega Toalaiti

“Pepa e tufa atu 9: Fautuaga i le Faagaeetiaina o Talanoaga i Vaega Toalaiti,” Taliina o A‘u Fesili o le Talalelei Anomea a le Faiaoga (2022)

“Fautuaga i le Faagaeetiaina o Talanoaga i Vaega Toalaiti,” Taliina o A‘u Fesili o le Talalelei Anomea a le Faiaoga

Pepa tufa atu 9

Fautuaga i le Faagaeetiaina o Talanoaga i Vaega Toalaiti

Pepa e tufa atu 9: Fautuaga i le Faagaeetiaina o Talanoaga i Vaega Toalaiti

Taliina o A‘u Fesili o le Talalelei—Pepa e Tufa Atu

I lenei kosi atoa, o le a sili atu ona mafai ona tatou aoao mai le tasi ma le isi e ala i talanoaga faamaoni ma le le taotaomia. Na fetalai mai le Alii, “Ia tuu atu i tagata e tautala taitoatasi mai ae tuu i isi tagata uma e faalogologo i ana upu, ina a uma ai ona tautala mai o tagata uma, o le a faapea ona mafai ona faagaeetia ai o tagata uma” (Mataupu Faavae ma Feagaiga 88:122). Mafaufau pe mafai faapefea ona fesoasoani fautuaga nei.

Ia taulamua.

Sei vagana ua faatulagaina, e leai se taitai o talanoaga, o lea e te le tau faatali ai seiloga e taitaia e se tasi.
Afai e te manao e fai atu se tala, saunoa loa. E mafai ona e fai atu se tala faapenei, “E i ai so‘u manatu ou te fia faasoa atu.”

Taumafai ia paleni le auai.

E sili atu ona tatou aoao pe a tatou faalogo atu i tagata uma o le vaega, ae le na o le tasi pe lua.
Afai e masani ona e fiafia ma talanoa, faamolemole ia faaeteete ia aua nei e pulea le talanoaga po o le faalavelave ao talanoa isi.
Afai e masani ona e filemu ma itiiti lou talanoa, faamolemole ia lototele ma tautala atu ina ia mafai e isi ona aoao mai ia te oe. Tuu ese le manatu faapea e le afaina lou manatu.

Ia taulai atu pea.

Fesoasoani le tasi i le isi ia tumau i le ala nai lo le alu i luga o mea faitino pe na o le fegalegaleai i le taimi o le vasega.
Taulai atu i le aoaoina faatasi nai lo le popole e uiga i le lipoti atu i isi tagata uma o le vasega.
Ia manatua o se tasi o faʻamoemoega o lenei kosi o le faʻamalamalamaina atili. O lona uiga a o i ai i ni vaega toalaiti e taua le utuvai mai i anomea o punavai nai lo le na o le faasoa atu o ou lava manatu.

Ia avea ma se tagata e lotomaualalo ma faigofie ona aoaoina.

Manatu faapea e mafai ona e aoao mai ia i latou i lau vaega, ma ia naunau e sui lou manatu.
Ia sili atu le fiafia i le aoaoina o le upumoni nai lo le faamaonia o lou manatu.

Ia tausaafia.

Ia taialaina e le alofa au talanoaga. Sa fautuaina e le Aposetolo o Paulo ia soo o Iesu Keriso e tautala “i le upu moni i le alofa” (Efeso 4:15).
Manatua a tatou faasoa atu a tatou fesili, mafaufauga, lagona, ma aafiaga, tatou te tuua i tatou lava i se tulaga maaleale Taulimaina manatu o isi ma le faaaloalo ma le mamalu, aemaise lava pe a e le ioe i ai.
A uma ona faasoa mai e tagata se mea, mafaufau e faaali atu lou lotofaafetai faamaoni mo lo latou naunau e tautala mai. E mafai ona e fai atu se tala e pei o le “Faafetai mo le faasoa mai,” “Sa aoga tele lena mea ona … ,” “Ou te lei mafaufau lava i ai faapena,” po o le “Ou te le o mautinoa pe ou te auai i ai, ae ou te fiafia e aoao mai i lau vaaiga.”