Gel Rok’ e Tathapeg nib T’uf Rodad

Ulan e pigpig rog ko Apostle, kug milekag bo’or nge kug mada’ e bitir, pi’in ni fal’yangren, nge pil’aal ulangab e fayleng. Bay ngiyal’ ni bay e falfalen’ nib gaa’ ulan e yafos, machane ta’areb e pi’nen ni kug guy nge thamey ulan e gum’ircha’eg ir me tay i bu’un ko falfalen’, ni bay e ngiyal’ kirbaen’ nge gafgow ulan e yafos.

Dabgu pagtalin napan ni kug paer nga buut ngak aningeg e bitir tomur e galibthir roraed ni kar yim’ bachane e bee’ ke yaen ulan e na’un roraed nge fek e pgofan rorow napan e bitir kar molgad, fa napan ni kug mada’ e bpin nike fek e magawon bachane e chon ko tabinaw ni ke maath ngak nib kireb, fa napan ni kug paer ngak e bet rok’ e bitir ni bpin ni ke fek e m’ar ko lolgen napan ke mol ko rut rok’ nge de new napan nike yim’, fa napan ni kug rungan’ e yor ko bpin bachane e figirngin nike yagnag ngak nge kireb nag e micheg ko temple ulan bo’or e pi duw.

Kug thamey e amith rorow fapi galibthir napan e fak’ nib il’aal rorow de thapeg e mich ulan e tin nib riyul’ ko fare gospel nge guyrogon ni nge kirebnag e mich roraed reb e chongin ko tabinaw. Kug mada’nag e pi’in ni bay e gafgow roraed e galibthir nge fagar ko bee’ ni fal’yangren nike fek e pogofan rok’. Kug thamey kirban’ riy nib gaa’ roraed e pi’in ni kar rrin’ed e denen nge yad ba’adag ni ngar kalngan’raed nge pi’nen nib kireb nike buch bachane e denen nem.

Kug sap e kirban’ roraed e pi’in ni bay e m’ar ko tafney nge pi’in niba gafgow napap ni ngar sap ngoraed nge dabiyog ni ngar ayuweg cha’nem. Kug guy e pi’in ni kar malo gubin e pi’nenroraed bachane e yoko’, mathrow ko raen, nifiy, nge duru’. Kug guy e tin kireb ufithik’ e pi nam bachane e yoko’ ko am, mael, nge gathay, nge fare gafgow ni ma yib ngak e pi’in ma dariy thibngin row nge kemus ma guyrogon ni ngar rrin’ed e tin nib mat’aw.

Pa’ me Golnag, yib rok’ Kolby Larsen, dabiyog ni ngam copi

Fare Tathapeg me Ayuweg Dad

Napan ni ke non mornga’agen fare Bayul ku Yesus Kristus, President James E. Faust (1920–2007), Bin L’agruw e Counsleor ulan Bin Somm’on e Presidency, ni keyog: “Pi’in ni be fek e magawon thingari rrin’ed urngin e rayog roraed ufithik’ e sikeng, nge fare Thapeg ni ra ‘nang ko dagur u rogon ni nge ayuweg e gidii’ rok’ u rogon e pi mo’owaer roraed’ [Alma 7:12]. Irma ayuwegdad ni ngad fek e magawon rodad. Boch e amith nib rib gaa’ me dabiyog ni nge golnag umon ni ngar thapeg e ayuw ko gelngin nib lane lang nge bay e athap nifan e puf u bin magid e yafos. … Ir manang e amith rodad nge me mu’un ngodad ufithik’ e lumor rodad."

Gube thamey ni gub chuchugur ngak’ e adag nge tawa’ath rok’ fare Tathapeg nike michmicheg ngodad udakaen fare Bayul rok’ Yesus Kristus. De fek gubin e pi’nen nima buch nib mo’omaw ngodad ni ra fekdad e amith ko yafos, machane nike yororiydaed ko e gafgow nib manimus nge chuwdaed ko Chitimangiy ni bay nu Tharimy nge pii’ ngodad, ufithik’ e gafgow rok’ nib th’abi gaa’, e rogon rayog ni ngad thapeged e falfalaen’ nib machalbog nga p’owchen Got.

President Dallin H. Oaks ningan pugorandad: "Ni rib gaa’, fare ayuw nib mangil ku Got ir e Tathapeg, Yesus Kristus, me fek e amith ere rayog ni nge chuwiʼiy e puluw nge pii’ ngodad e nagfan ko denen ni ngad rrin’ed bayay ngo bayay. Fare Bayul nib murnguy nib fel’ rogon me weliy mangfan ni rib gaa’fan e mich ulan Yesus Kristus ir bin somm’on e kenginn ko fare gospel. Bayul rok’ ‘me yognag e foskoyam’ ko pi yam’’ (Alma 42:23), nge ir ‘ma bayi pii’ ir ni bayul ni fan ko pi denen ko gidii’ nu fayleng’ (Alma 34:8), nima thang gubin e denen ni kad kalngaen’ nge pii’ ngak’ e Tathapegdaed ni nge auywegdad nifan e magawon u yafos rodad”

Pi’nen ko Meybil u Gethsemane, yib rok’ Del Parson, rayog ni ngam kopi nifan e Galasia

Ban’en ni ke Buch nib Th’abi Gaa’fan ko Gubinfen

Napan gube lemnag mornga’agen e gafgow kug guy, ni ir rib achigchig napan ngam boed nag gubin reb e gidii’ ni kar fasgad udakaen e fayleng, dabiyog ni nggu, udakaen gubin e pi thin ni guma nang, weliy e thamey ulan e gum’ircha’eg nifan e pi’nen nike buch ulan e gum’ircha’en nge tafney nge dowen nge ya’el rok’ fare Tathapeg ufithik’ e ngiyal’ nib thothup Rok’ napan nike gafgow nifan urngin e pi denen nge amith rodad ni gubinfen.

Ngiyal’ ney nib th’abi gaa’fan nike tabab napan Yesus ke yaen “nga tafen ni fithingan Gethsemane” (Matthew 26:36) ufithik’ e Burey ko Olive u wuru’ e rurung rok e binaw ni Jerusalem. Me ga’ar ngorad, “Taganan’ ni keb ngog e rib ga’ ni be chugur ni nge li’eg." (Matthew 26:38).

Nike meybil, be ga’ar, “Chitamag, fa’anra yag ma ga fek e re kap ney ngam chuweg rog! Machane gathi tin ni gu ba’adag e ngam rin’ ya tin ni gab adag.” (Matthew 26:39). Me sul nga gachelpen Rok’, nge pir’eg ni kar molgad, nike yaen bayay, nge meybil bin l’agruw yay. “Chitamag, fa’anra dab mu chuweg e re kap ney rog ya thingar gu unum, me ere mu rin’ e tin nib m’agan’um ngay. … Nge me yan i meybil ko yay ni man e dalip ngay, ni ka fapi thin e be yog” (Matthew 26:42, 44).

Yesus nike unum ko fare kap ni mo’oy nge athamgiliy nib gaa’ me dabiyog ni ngad nanged fan u lan fare milay’ nge udakaen e kruth. Dariy’ e denen, nike fek ngadakaen’ en gubin e denen rodad, ere napan ni ngad yib Ngak’ nge kalngaen’, me chuweg e pi denen nge mo’maw rodad (Muguy ko 2 Corinthians 5:21).

Me soen daed nifan e gafgow, yim’ nge maligach nib bayul rok’ Yesus. Ke non nib 700 e duw umon ni gargelen Yesus, Isaiah nike prophecy nag ni "Me gagiyegnag SOMOL e gechig nge aw ngak,ni fare gechig ni gadad gubin ni bay tapgin ni nge aw ngodad.” (Isaiah 53:6). Yesus nikey weliy nike pii’ e yafos rok’ ni ir woed “e biyuliy” (Matthew 20:28; kam muguy ko 1 Timothy 2:6) “ko chuweg e denen” (Matthew 26:28) nifan urngin e bee’ nira michaen’ roraed ngak’ nge kalngaen’ ko pi denen roraed. Peter nike weliy urogon ni “Kristus e ir e yim’ ni fan ko denen [rodad]” (1 Peter 3:18), Maad’ad nike tay e ir e ke gol nagmed (muguy ko 1 Peter 2:24). Nike rrin’ e pi’nen dakuriy reb e bee’ rayog ni ngar rrin’ed me pii’ ngodaed e rogon ni ngad suloed nga p’owchen. Nike fek “pirdi’iy ni bochan e kireb ni kad ngongliyed.” (Isaiah 53:5).

Tomuren e gafgow u Gethsemane, ke yul’yul’ e amith Rok’—fare baen rok’ e bee’ nike yaen u buut ngak’, nibe karang ufithik’ e pilung, ni un kakrang min gafgow nag, fare salthaw nib kireb de sug ko wurengaen’ nike tay e tel’iyaw ko rachangol nga dakean lollgen (muguy ko John 18:2–3, 12–14; Mark 15:15–20), nge ni kar tayed e kruth nib tomal udakaen e i keru’ napan nike yaen nga Golgotha (muguy ko John 19:16–17).

Udakaen e kruth, fare amith nib th’abi gaa’ nike fek u Gethsemane ke yib ni rib gaa’ ni dakuriy e bee’ rayog ni nge athamgil. Yesus Kristus, fare Fak’ Got, ni kemus ir kan fek e duwgily rok’ e Chitimangiy ni nge pii’ e yafos Rok’. Fapi salthaw nge pilung dabiyog ni ngar fek e pogofan Rok’ (muguy ko John 10:18). Ufithik’ e liyor nge sobut’aen’, Yesus nike siro’ e lolgen nge ke yoeg, "Ke libug!" (John 19:30).

Bin tomur e ngiyal’ ko yafos rok’ ke mugu’ul. Dariy e thin nira weliy ni ta’ab rogon ngay e tawa’ath rok’ nib th’abi fel’. Gathi reb e bee’ thingari rrin’ binem.“ Yesus Kristus ke gafgow “nri ta’ab yay ma aram e kemus” (Hebrews 10:10).

Napan ke m’ay e muruwel’ nib thothup, nike mang bin somm’on e bee’ ufithik’ urngin e chep ko gidii’ ni ke faskoyam’ nge thapeg e dowef ni manemus (muguy ko 1 Corinthians 15:21–23).

Ngak’ fare bpin u low ko yam’, fare angel nike yoeg:

"Mangfan ni gimed be gay be’ nib fos u fithik’ e pi’in karm’ad?

“Daki moy u roy; ya ke fos ko yam’” (Luke 24:5–6).

Ngak fapi apostle Rok’, me ga’ar, “Mu sapgad nga pa’ag nruw raba’ nge rifrif u eg mi gimed nang ni gag” (Luke 24:39). Tomuren, "u ta’ab ngiyal’ ni yad ba pag e lal mir’ay" (1 Corinthians 15:6). Bo’or e gidii’ kar guyed fare Tathapeg nib faskoyam’. De yim’. Nike fas.

Yesus Kristus ke thaʼab fare chen ko yam ni kalbus ko gubinfen nifan urngin e bee’ ni kar fasgad fa ni ra fasgad udakaen e fayleng. (muguy ko 1 Corinthians 15:22). Ke gelnag e to’ogor ko gubin pi’nen; Fare to’ogor ko yam’ ea kan tharbay nib manechibog.

President Russell M. Nelson (1924–2025) nike yoeg: “Yesus Kristus nike fek nga dakaen en e denen rom, amith rom, kirbaen’ rom, nge gafgow rom. Dabiyog ni ngam fek tiney ni yigo’ gur! Irma n’agfan ngom napan ni ngam kalngaen’. Irma yibliyem nifan e pi’nen ni bt’uf. Irma golnag e amith rok’ e ya’el rom. Napan ni ngam fek nga dakenem fare yok Rok’, me bba’ud nag e magawon. Fa’an ni ngam fal’eg nge thapeg e pi micheg ni ngam fol Yesus Kristus, gara pir’eg e pi’nen ni ma buch me pii’ e amith ulan e yafos rom nima chuw. Fapi gafgow rom nira ‘m’ay u dakaen e falfalaen’ rodad ngak’ Kristus’ [Alma 31:38]”

Gag e ta’areb e Apostle nike mel’eg, ni kug thapeg e ngiyal’ me buch ngog nib thothup ere kug thapeg e michaen’ug ngay ni irba fas. U ngiyal’ ney ko Easter, gub athap fapi thin ney me ying nga laniyan’dad nge gum’ircha’dad: "Ayuweg nigeg ni dabgu pagtalin, o Tathapeg, ma ii yib ea racha’en nge yim’ nifan ngog," napan ningad yon’ed ufithik’ e falfalaen’: