Omekeltengat a Rokui el Telungalek er a Beluulechad

Mla er a Elder Dieter F. Uchtdorf

Er a Chelechad er a Teruich me a Terung el Apostol

Omko kede oltirakl e omerk er a moktek er a Chedam er a Babeluades el kirel a telungalek, e Ngii a mo obengked, melisiich er kid, e obengked er a omerolled el muut el mo er ngii.

Ng dirk tekoi, e a Sister Uchtdorf me ngak a mla er a techolbechelid er a ta er a ngelekir a rengelekam. Sera ki momes er a betok el telecheroll el ngara deureng er tial sils, e a ki mlo omelchesiu er a dmolech lomereng el saul el kirel a moktek er a Chedam er a Babeluades el kirir a Rengelekel. Aki mlo omlechesiu er a klou el ultutelel a telungalek me a chedaol telbiil el mo er Ngii sera uchelel mei er chelechang.

Tia sebeched el mesang er a chelsel a Uodel Renged er a cheldechedechal a mle mesisiich a klaumera er ngii el Jacob, el mirrael er a kemanget lomerael mosiik er a bechil, el mo bechiil er a chelsel a telbiil, e mekdebechii a telungalek er ngii. A tal kesus, e a Jacob a ulsiik er a bol bad er ngii e di miltik a bad el sebechel louchiull. Meng locha meral mle mesaul a dedengel eng di ngiliit a medal—e ulemerrous.

Me ngultuil er a klikiid el moktek er ngii er a chebechiil me a telungalek lokiu a telbiil, e a Jacob “a milsa terebel el dechor er a chutem, e mo turkii er a eanged: e a reanghel er a Dios a millid er ngii el mo ngmasech e me metengel.

“E sola milsa Rubak el dechor bitar ngii e kmo, Ngak a Rubak el Dios er a Abraham me a Isak” (Genesis 28:12–13).

Ma Rubak a riruul a bebil er a meklou a belkul yaksok el mo er a Jacob—losisiu el yaksok el Ngii a riruul el mo er a demal a Jacob, er a Isak, me a demal rubak, er a Abraham uldimukl er ngii a:

Yaksok el kmo a Jacob a mo demerir a rubdois el chad (Genesis 28:3; dirrek el mesa bades 14).
Yakosk er a chutem el mo chetemir a ruldelil el resechel (mesa Genesis 28:4, 13).
Yakosk el kmo ngokiu a ruldelil el resechel “ea rokui el telungalek er a beluulechad a mo mukngeltengat” (Genesis 28:14; smisichii a belkul).

Ng kmal mle chedaol tial teletael dilubech el mo er a Jacob meng millekoi el kmo: “A Rubak a meral ngar tiang. … Ng diak a ngodech el uai tiang el meral basio er a Dios, e siseball el mo er a babeluades” (Genesis 28:16–17). Me a, Jacob a milngeklii tial basio el Beth-el, el belkul a kmo “ng blil a Rubak” (Genesis 28:19, footnote a)

A yaksok el klengeltengat el mla er a berrusel a Jacob a olengchelel a kmo a Jacob a kirel soiseb er a ringel er a klengar. Me kid el Uriul-klebesei el Santo, a diak el meringel er kid a desa osisiu el teletael er a berrusel a Jacob, me a telbillel a Rubak, me a blil a Rubak. A templo a di uaia didelboi el Jacob a milsang. A osisechakl, chedaol ruoll, me a telbiil er a blil a Rubak a omech er a eanged me a chutem. A telbiil a sebeched el kmo ng tereber er a didelboi lolekeed er kid el mo er a Rubak. E okiu, a chedaol ruoll el deruul er a chelsel a templo, e kid a omekngeltengat “er a rokui el telungalek er a beluulechad”—er chelii, chelechang, me a klukuk.

“Ng meral meang el Klengeltengat!”

A Elder Bruce C. Hafen, el mle chedal a Rokeuid, a mle tal nguu okedong era melchesel a nius Ngika el chad a mle soal mengedecheduch el kirel a dirk milluches el hong el mesaod a reksi er a klemerang el kirel babeluades er a kakerous el klechelid.

“A remilluches er tial hong a mlo metik er a klou el skel a teletael er a babeluades—me a telungalek,” ng milluches a Elder Hafen . Ng uaisei el betok el chad oumera er a klengar ruriul er a kodall, beltikelreng el mo cherechar, me a deleuill er a telungalek er a eanged, ng “betok el Kristiano a olngesonges omesodir el kirel ”—eng di diak luldimukl er ngii a: Ikelesia er a Jesus Kristo er a Uriul-klebesei el Santo.

Chelsel a mla moluut el Ikelesia er a Osobel, e kede olab a chedaol templo. Kede oba cherechar le chelbechiil, lobengkel a klisiichel omerenged el ngii a omekngeltengat lengelakl er a kodall. Kede oba yaksok er a diak a ulebengelel klengar lobengterir a rebeltik ra rengud el ngar medal a Chedam me a Ngalek. Aikaikid el rokui, e tirkal milluches er tial hong a ulterkeklii el kmo a osischeklir a re Uriul-klebesei el Santo el kirel babeluades a ngii a kot el cherrungel—e ngak, a dochelii el kmo, e mui er a deureng.

Ng meral meang el Klengeltengat!” A Elder Hafen a millekoi. “Betok el chad olsingch er a diak a ulebengelel telungalek, e a [mla moluut el ebangkelio er a Jesus Kristo] a otutii tial tekoi er a ngii dil tekoi er a uldasou [a lechub a klechelid]. A kuureng me a beluulechad mel rengesii a cheliteklir a [rengeleked] el kmo: ‘Families can be together forever.’”[A telungalek a sebechir el dmak el mo cherechar]

A telungalek a diak el ko er a di mlokdubech el lungil kirel a beluu. Ngii a mlokdubech lokiu a diak a ulebengleel teletael er a babeluades. Ng kmal “moktek er a uldesuel a Ulemeob el kirel a diak a ulebengelel klengar er a Rengelekel.” El ua President Russell M. Nelson (1924–2025) lulisechakl el kmo: “[A Rubak] a milebii a beluulechad [luchul] e denguu a bedenged er a tech e domekdubech a telungalek. E tilketekii a Ikelesia er Ngii el mo olsobel a telungalek. Ng meskid a templo luchul e a telungalek bo luldak el mo er a ulebongel.”

Eng di a urunguled el kirel a mesisiich el telungalek a diak di el kirel a ulebengelel klengar. A telungalek a klou a ultutelel kirel a deureng er kid er tial klengar er a chutem. A Demad er a Babeluades, lungil medengelii a uchul a deureng el kired er chelechang me a uriul klengar, a oldurokl er a Rengelekel el mo er a chelsel a telungalek— locha diak el sal cherrungel telungalek— eng di ngolengit er kid el mo omekeroul e melisiich a telungalek. Ng uaisei el, chelitechut, kodall, malechub eng kuk di ngodech el teletael, eng kirel kuk mo mengodech a teletelel aikal ngerachel.” Eng di diak a ngeral mo mtechir sel klou el ultutelel, e chedaol ngerchelir a robekel, el chedam me a chedil.

A omesuub a kmo a “meral deleuill, er a reteru el chad loungalek” a melemolem lochotii el kmo a telungalek a kirel mengeluolou e omecheliu er sel “dmolech el beltikelreng er a chelsel.” Tiaikid a “a kot el ngaruchei el tebechelel, semecheklel a ngerchelel a dersta el chad.”

Blak a Rengud el Mesebechakl a Telungalek

Ng uaisei, el diak el kirel mechas a rengud el kmo tial ngii a kmal moktek er a uldesuel a Dios el tkeoi a kirel mo chemau a ultok. A Satan a dimlak diak el soal a telungalek, e a blakelreng er ngii a merael mo mesisiich “leng medengei el kmo ng di kedeb a temel” (Ocholt 12:12). El ua President M. Russell Ballard (1928–2023), Acting President er a Chelchad er a Teruich me a terung el Apostol, el dilu el kmo, “A Satan a medengei kmo sel kot lungil e bedochel rael mo melemall er a urerel a Rubak a sel lemeteruud a telungalek me a ungil klikiid el blai.”

Me chelechal dodengelii a moktek er a Dios el kirel a telungalaek, me a moktek er Ngii el kirir a Rengelekel, me a klou el ultutelel a deleuill er a telungalek, eng kired el mo mesisiich el mesebechakl a telungalek.

Ng mekera doruul er tiang?

A President Dallin H. Oaks a meskid tiakid el osisechakl: “Sel chais el mo er a beluulechad … a tekingel a Rubak el muut el smisichii a klemerang er a ebangkelio el dousbech el sobecheklid er a ringel soiseb er a telungalek.”

Chelsel a klengar er a dersta er kid, eng sebeched el meruul a “mekekerei e beot el tekoi” (Alma 37:6) el melisiich a deleuill er a telungalek. Tia uldimukl er ngii a oltirakl osisechakl er a ungil telungalek me a chebechiil el beldukl er sel chisel a telungalek: “klaumerang, nglunguuch, ouchelreng, klausubes, omengull, beltikelreng, chubechub, ureor, me a ungil lomilil.” Meng diak el ior er a teletael er a telungalek el dengara chelsel, ng sebeched lochotii lokiu omeruul el kmo a deleuill er a telungalek a klou a ultutelel el me er kid.

E “lungil chedal a buai” er a beluad, eng sebeched “el melisiich aikal osisechakl el melisiich a telungalek.”

Kid a chedal a Rubak er a telbiil er chelechal uriul-klebesei. Kid a dikesel a yaksok el mlo er a Abraham, Isak, me a Jacob el ngii a— yaksok el kirel a telungalek. Aikal yaksok a mei lobengkel chedaol lokedong el mo omekngeltengat a “rokui el telungalek er a beluulechad.” Ea tara rolel e kede kudmeklii tiang a sel bo doltirakl, mesebechakl, e omerk er sel klemerang el kmo a “a telungalek a mechedaol er a Rubak” ea “chedaol ruoll me a telbiil er a chelsel a templo a uchul eng mo sebeched el muut el mo er a rengedel a Dios me a telungalek er kid a mo dmak el mo cherechar.”

“A Kubengkem”

A Sister Uchtdorf me ngak sel ki momes er a rechedal a telungalek er kemam el meruul chedaol telbiil lobengkel, a Demad er a Babeluades, e a rengmam a mo mui er a deureng me a omereng el saul. Ng dmeu a rengmam er a diak dil rengelekam me a rengelekir ng dirrek el redemmam me a roungalek er tir. Aki melbedebek a telbiil er a ebangkelio el ngii omak a betok el telcheroll. Ng teletael el uaia “tereber el ngara beluulechad, … ea bebul a tutkii a[eanged] : ea reanghel er a Dios a merael mo er bab e me metengel er ngii” (Genesis 28:12).

A klengeltengat el Rubak a mla yaksok er a Jacob a mo er a rokui el ngelekel er a telbiil— luldimukl er kau me ngak. Ng uaia ikel riruul a Rubak el mo er a Jacob, e Ngii a mo onger kid “er a taem el deseluk er a [ringel]” (Genesis 35:3) omko kede Ngiltii.

“Le Rubak,” a mla dmu el kmo, “Ak mo obengkem e mo mesebechakl er kau er a ikel rokui el bo er ngiit, … leng diak chitau” (Genesis 28:15).

Kede uaia Jacob, el mo soiseb er a ongarm. El bebil er a taem e a yaksok el klengeltengat a uaia le cheroid. Me a oberaod el modai me a ringel mei, eng sebeched el mo oumededenger er a beltkil a rengul a Rubak. Ng dirrek el sebeched el mo omelchesiu el ngara kemikl er a Dios. Ng uaisei el blak a rengud loltirakl, eng di sebeched el mo omelchesiu el diak dengai a klengeltengat el kid olsingch el kirel.

Rodam me a rodos, resechelik, a rolel a telbiil a rael er a deureng, e uaisei el bebil er a taem eng meringel. A lsekum komelchesiu a telengtengil tial moktek er a deureng el diak a relii er a klengar kau er chelechang, e a kulengit me multuil er a klaumera er a Rubak el kirem e Ngii a mo omekngeltengat er kau er sel Temel, loltirakl a Llemesel.

A klaumera er a Jesus Kristo me a yaksok er Ngii a meklemesid lomes el bedul uchei, ng diak luriul. Ngii a uchul, e a ngarmedad el taem a diak el chelsimer er a ngii di el ngerang el dilubech a lechub lolenget er a osenged er chelechang. Ng uaisei, kede rokui, el mo soiseb er a ringel. Eng di kede oumerang er a Ngarbab Lomekungil. Kede mui loumera er Ngii—me kede, mo urrekodel a yaksok er Ngii, e “mui loltirakl,” luldimukl a “dirk domelchesiu lolngesonges” (Hebru 11:13).

“Bo derokui el muklatk el kmo a doltirakl er a teletelel me a temel a Rubak, eng diak a klengeltengat el mochib er a reblak a rengrir el Santo er Ngii,” ng millekoi a Sister Nelson. “A Rubak a mo oukerkeriil e meluked er a dersta el chad loltirakl a soal a rengrir me a omerellir.”

Ak yaksok el kmo sel doltirakl e domerk er a moktek er a Demad er a Babeluades el kirel a telungalek, e Ngii a mo obengked, melsisiich er kid, e obengked er a omerolled. Ngii a kmal diak le chitid, tokuni sel lemei er kid ongarm a lechub eng mo er a rebetik er a rengud. Ngii a mo tikeuid, e sobecheklid, e ngoikid el mo er a beluu er a telbiil el de ngara mui el deureng Lobengkel, me a Ngelekel, el Jesus Kristo, me a telungalek er kid—el mo cherechar.