Worihyira Asaase do Ebusua Ebusua Nyinara

Elder Bruce C. Hafen, a ɔkã edosuonfo a wɔapon hɔn edwuma ho no nyaa foon do ɔfrɛ fi ɔkyerɛwfo ma ɔman dawurbɔ krataa no hɔ. Nna ɔkyerɛwfo no pɛ dɛ ɔkasa fa ndaansa yi nwoma bi a ɔhwehwɛ heaven ho gyedzi ahorow ho abakɔsɛm mu wɔ ɔsom ahorow pii mu.

“Akyerɛwfo no hun dɛ ɔmanfo no enya atsenka dɛ heaven ho kɔm epegya—na heaven ebusua ahorow ka ho, ”Elder Hafen kyerɛwee. Naaso ber a nyimpa dodow noara gye owu ekyir asetsena, onnyiewiei ɔdɔ, na ɔsor ebusua nkabɔmu ahorow dzi no, “Christian asɔr ahorow dodowara mma dɛm kɔm yi ho mbuae biara”—gye dɛ: Jesus Christ N’asɔr a ɔwɔ hɔ ma Nda a Odzi Ekyir Ahotseweefo no.

Agyenkwa no N’Asɔr a wɔdze asan ananmu aba mu no, yɛwɔ temple krɔnkrɔn ahorow. Yɛwɔ onnyiewiei awar, a nsɔw ano tum a wɔdze hyira bor honandua mu owu do kã ho Yɛwɔ anohoba dɛ yɛnye hɛn adɔfo bɛtsena wɔ Egya na Ɔba no hɔn nkyɛn wɔ onnyiewiei asetsena mu. Sɛ yɛhwɛ dɛm nsɛm yi nyinara a, akyerɛwfo no dze wiei dɛ Nda a Odzi Ekyir Ahotseweefo hɔn adwenkyerɛ fa sor ho nye dza odzi mu kyɛn ne nyinara—na, medze bɛka ho dɛ, dza a ɔyɛ enyigye ankasa.

“Ebɛn mpue do nye yi!” Elder Hafen hyɛɛ no nsew. “Ndɛ nkorɔfo dodowara pɛ onyiewiei ebusua ebusua, na [Jesus Christ N’asɛmpa a wɔasan dze aba] no hyɛ dɛm apɛdze no mã kyɛn adwendwen ahorow biara [anaa nyamesom nsɛm ahorow biara]. Ɔyɛ me pɛ dɛ wiadze nyina bɛtse dɛ [hɛn] mbofra rotow asɛmpa no mu asɛm a ɔyɛ dɛw ho ndwom: ‘Ebusua ebusua botum abɔ mu atsena ase afebɔɔ.’”

Ebusua ebusua nnyɛ asetsena mu nhyehyɛɛ a ɔfata kɛkɛ. Ɔkyerɛ onnyiewiei ɔsor nhwɛdo no. Wɔyɛ “adze tsitsir ma Bɔadze Ne nhyehyɛɛ ma Ne mba hɔn onnyieiwei hyɛbea.” Dɛ mbrɛ President Russell M. Nelson(1924–2025) akyerɛkyerɛ hɛn no,. “[Ewuradze] bɔɔ wiadze no [ama] yeenya honandua na yɛakyekyer ebusua ebusua. Ɔkyekyer N’Asɔr ama ebusua ebusua enya ntowdo. Ɔma temple ahorow ama ebusua ebusua eetum abɔ mu atsena afebɔɔ”

Naaso hɛn enyigye wɔ ebusua ebusua a odzi mu mu nnyɛ onnyiewiei nkrabea nko. Ebusua no dzi dwumason wɔ hɛn ɔnnkyebo abrabɔ mu enyigye so. Hɛn Ɔsor Egya, a onyim emudzi mu dza ɔdze enyigye ba ndɛ na daa, dze Ne mba ma ebusua ebusua—mpo dɛ wonndzi mu no—na ɔto nsa frɛ hɛn dɛ yɛnkyekyer na yɛnyɛn ebusua ebusua a ɔyɛ dzen. Nokwar, “Dzɛmdzi, owu, na gyinabew binom so botum ama woekehia dɛ ankorankor yɛ nsesã.” Naaso biribiara nntum nhyɛ asodzi horow krɔnkrɔn tsitsir ma kun na yer, egya na nã ananmu.

Nhwehwɛmu a ɔfa “abɔdzesɛm, nkabɔmu, awofo beenu-ebusua ebusua” ho no kɔ do kyerɛ dɛ yennkotom egya ebusua ekyir ber a yɛkora “ɔdɔ nkitahodzi a no mu dɔ” do. Ɔyɛ “kwan a wɔfa do nya ankorankor a wogyina pintsinn, woesiesie hɔnho yie, na wɔtse nkitahodzi ase.”

Nokwar, ɔnnsɛ dɛ ɔyɛ hɛn nwanwa dɛ biribi a ohia ma Nyankopɔn Ne nhyehyɛɛ no behyia dza otsia no. Satan nnyɛɛ ebusua nyɛnko da, na no mbɔdzembɔ no rokɔ sor kɛse. “osiandɛ onyim dɛ ne mber a ɔwɔ yɛ tsia” (Nyikyerɛ 12:12). Dɛ mbrɛ President M. Russell Ballard (1928-2023), ɔyɛ Asomafo Duebien no hɔn Quorum no ne President Ngyina-ananmunyi, kãa dɛ, “Satan nyim dɛ kwan nokwar a odzi mu papaapa a ɔbɛfa do asɛɛ Ewuradze n’edwuma nye dɛ ɔbɛtsew ebusua no tum na fie n’ahotsew do.”

Ɔnam dza yenyim fa Nyankopɔn Ne onnyiewiei ebusua ho, Ne nhyehyɛɛ ma Ne mba, na onnyiewiei mfaso a ɔwɔ ebusua nkitahodzi mu ntsi , ɔwɔ dɛ yɛka wiadze ebusua ho bambɔfo a wɔbɔ hɔnho mbɔdzen no ho.

Yesi dɛn yɛ iyi?

President Dallin H. Oaks maa afotu dɛ: “Ebusua dawurbɔ … no yɛ Ewuradze ne ntsĩmu bio wɔ asɛmpa no nokwar ho a yehia dɛ ɔbɛma hɛn mboa wɔ ndɛ ebusua ne taferbanyinmbɔmu mu.”

Hɛn ankorankor abrabɔ mu no, yɛbotum ayɛ “ndzɛmba nketsenketse” (Alma 37:6) a ɔma ebusua nkitahodzi ahorow yɛ dzen. Iyi mu bi nye fapem a ɔboa ma ebusua ebusua na awar ahorow dzi konyim a wɔdze ato gua wɔ ebusua dawurbɔ no mu: “Gyedzi, mpaabɔ, nnuho, bɔnfakyɛ, obu, ɔdɔ, ayamuhyehye, edwuma na ahomgye pa ho dwumadzi” Ɔmmfa ho hɛn ebusua mu gyinabew ndɛ no, yebotum dze hɛn ndzeyɛɛ akyerɛ dɛ ebusua nkitahodzi ahorow ho hia ma hɛn afebɔɔ.

Dɛ “ɔmamfo a hɔn enyi wɔ adze do” wɔ hɛn sɔn mu no, yebotum “dze tsipia ama dɛm esusudze yinom a wɔahyehyɛ dɛ ɔbɔkora na wɔahyɛ ebusua no dzen.”

Yɛyɛ Ewuradze Ne nda a odzi ekyir mu ahyɛmu mba. Yɛyɛ bɔhyɛ ahorow a wɔdze hyɛɛ Abraham, Isaac, na Jacob ho adzedzifo—bɔhyɛ ahorow no fa ebusua ebusua ho. Dɛm bɔhyɛ ahorow no dze ɔfrɛ krɔnkrɔn ba dɛ wonhyira “asaase do ebusua ebusua nyinara” Na kwan kor a ohia a yɛfa do yɛ dɛm nye dɛ yɛdze bɔ bra, yɛbɔ ho ban, na yɛkyɛ daa nokwar a ɔyɛ afebɔɔ no dɛ “ebusua no yɛ Nyankopɔn ne nhyehyɛɛ” na dɛ “ayɛdze krɔnkrɔn na ahyɛmudzi a wɔyɛ no wɔ temple krɔnkrɔn mu no, ma ankorankor kwan ma wotum san kɔ Nyankopɔn n’enyim na ɔma ebusua kã bɔ mu afebɔɔ.”

Ber a Akyerɛba Utchdorf na emi hwɛ hɛn ebusuafo nye hɛn onnyiewiei ɔsor Egya dɔfo dzi ahyɛmu krɔnkrɔn no, enyigye na enyisɔ hyɛɛ hɛn akoma ma. Ɔnnyɛ hɛn mba na hɔn mba nko mu na yedzi dɛw wɔ hɔnho mbom wɔ hɛn awofo na hɔn awofo so mu. Yɛdze ɔdɔ kɛse dwendwen mbrɛ asɛmpa n’ahyɛmu no ka hɛn bɔ mu wɔ ebusuasantsen nyina mu no ho. Ɔyɛ suahu a ɔtse dɛ ehu. “atwer si asaase do, … n’etsifi [pem] sor: na hwɛ Nyankopɔn n’abɔfoe ridzi do mfowsian.” (Genesis 28:12).

Nhyira a Ewuradze dze bɔɔ Jacob anohoba wɔ ne dae mu no tserɛw ma N’ahyɛmu mba nyinara—a ɔwo na emi ka ho. Dɛ mbrɛ Ewuradze yɛɛ maa Jacob no, Ɔbɛgye hɛn do wɔ “[hɛn] ahohia da mu”(Genesis 35:3) sɛ yɛsan mu yi No a.

“Na hwɛ Ewuradze kãa dɛ, “Menye wo nam, na mobɔhwɛ wo do wɔ beebiara a ebɔkɔ, … na minnkegya wo hɔ” (Genesis 28:15).

Tse dɛ Jacob no, hɛn nyinara wɔ sar twa. Ɔtɔfabi a nhyira a wɔbɔ ho anohoba no bɛyɛ dɛ ma ɔwɔ ekyirekyir. Sɛ ɔhaw a no mu yɛ dzen anaa nkõdzen bi ba a, ibia yetum gye Ewuradze no dɔ ho kyim. Yebotum mpo enya atsenkã dɛ Nyankopɔn apow hɛn. Hɛn mbɔdzembɔ wɔ osuanyiyɛ nyina ekyir no, yebotum enya atsenkã dɛ hɛn nsa nnka nhyira ahorow a hɛn enyi da ho kwan no.

Enuanom, na nkyerɛbaa, anyɛnkofo adɔfo, ahyɛmu anamɔnkwan no yɛ kwan a ɔyɛ enyigye, ɔwɔ mu dɛ ɔtɔfabi a nyinsuwa wɔ mu. Sɛ enya atsenkã dɛ enyigye ho nhyehyɛɛ n’afa binom nnhyɛ mã wɔ w’asetsena mu seseiara a, yɛserɛ nya gyedzi dɛ Ewuradze dwen wo ho na obehyira wo wɔ Ne mber a ɔsɛ mu, dɛ mbrɛ Ne nyansa tse.

Gyedzi wɔ Jesus Christ na N’anohoba ahorow mu kenyan hɛn ma yɛhwɛ enyim, ɔnnyɛ ekyir. Ɔnam Ɔno ntsi, ɔnnsɛ dɛ biribiara a woesi wɔ ber bi a abasen kɔ anaa orisiw hɛn adzehwɛ kwan mprɛmprɛn fa hɛn daakye ndɔmmum. Ampa, hɛn nyinara yepira, anaa yebepira wɔ kwan kor bi do. Naaso yɛgye Ɔyarsafo Kɛse no dzi. Yɛtwer No—nokwar mu ara dɛ, yefua No bɔhyɛ ahorow, “yɛgyee dzii,” koraa ber mpo a wɔda do ara wɔ “ekyirekyir”. (Hebrewfo 11:13).

“Hɛn nyina nkaa dɛ, President Russell M. Nelson akã dɛ: “Ewuradze noara No kwan na mber mu no, wɔremmfa [nhyira] biara nnkam N’ahotseweefo anokwafo no.” Ewuradze bɔboa obiara na ɔama no akatua dɛ mbrɛ n’akoma mu ahwehwɛdze na ndzeyɛɛ tse.”

Mobɔ anohoba dɛ ber a yedzi hɛn Ɔsor Egya Ne nhyehyɛɛ ma ebusua ebusua do na yɛkyɛ no, Ɔnye hɛn bɛtsena, ɔbɔkora hɛn do, na ɔabɛka hɛn wɔ hɛn akwantu no mu. Orinngya hɛn nko, tsitsir sɛ nsɔhwɛ ba hɛn anaa hɛn adɔfo do a. Ɔbɛmaa hɛn do, na ɔdze hɛn aba anohoba asaase a ɔyɛ enyigye a Ɔno , nye Ne Ba, Jesus Christ, na hɛn ebusuafo kã ho—daapem.