Yag Ngomed e Tin ke Weliy nra Pi’ Ngomed

Ulan e mu’ulung umon e feylang, Chitimangiy nu Tharmey nike weliy ngak e pifak nib ya’el Rok’ morunga’agen e wo’en nifan e mon’og nib machalbog nge falfalaen’.

“Gu ra fal’eged e feyleng ere e gidii’ ney ni ra pared;

“Ma yow ra sikeng nag daed mar guyew fa’an ngad rin’ed urngin e tin ni ra fith en Somoel ni Got rodaed nira motochiyel nag ngodaed;

“Nge fa’an gadadba michaen’ ko e bin somm’on e sikeng rodad ningad pii’ed reb ngak, nge fa’an dad folgaed e bin somm’on e sikeng dad thapeged e fel’ngin ulane ta’ab e gil’lungun ko e gidii’ kar folgaed e bin somm’on e sikeng roraed, nge enra michaen’ ko e bin la’agruw e sikeng ran thapeg e fel’ngin nga dakaen e loelgen ko manemus.

“Nge fare Somoel nike yoeg: Mini’ Ningu pii’? Nge ta’areb e bee ni woed rogon e Fak e Gidii’ ke fulweg: Gu ba’aray; mu pii’eg nggu waen. Nge reb e bee’ nike yoeg me fulweg: Gu baʼaray, mu piiʼeg nggu waen. Ma fare Somoel e gaʼar: Gube l’oeg ni bin somm’on.

“Nge bin aningeg ke puwaen’, nge ke chuw bin somm’on e tafen rok’; nge, u rran ney, bo’or ni kar leaked ngak’” (Abraham 3:24–28).

Musap ni kemus ta’areb e wo’en nike yib ulan e mo’olung ney umon e yafos—wo’en rok’ Chitimangiy. Chitimangdad nu Tharmey dabi fith e duwer ni, “Mang gadad be rrin’ed?” De fith ngoraed nifan e ganop, lemnag, fa reb e wo’en. Ara, Ke dag e tin nib moem morunga’agen e wo’en rok’ nge fith, “Mini’ Ningu pii’?” Fan ko duwer rok’ be lemnag morunga’agen mini thingari yaen nga fulweg e madil nifan e wo’en Rok’.

Rangam sap e wengan rok’ e mo’oniyan bachane e cham rok’ ngalan fapi chep nib thothup.

“Aram rogon, bachan e togopuluw Mo’oniyan’ ngog, me gay rogon ni nge gathaynag fare mel’eg ko gidii’, ni KugI … pii’ ngak’, nge, kug pii’ ngak e gelngig … ,mugu fal’ag rogon ni ngan thuruy ngabut’;

“Nge nike mang Satan, … fare mo’oniyan, fare chitimangiy ko urngin e baen, ni nge baen me malmit nag e gidii’, me powi’iy e gidii’ ni ngar kalbus gaed ni bachan, nge urngin e gidii’ ni dabi motoyil nga lamag” (Moses 4:3–4; kan uneg ngay).

Lucifer de pii’ e wo’en ngak e gidii’ nifan e vote nge fare gidii’ ulan e mo’olung umon e feylang nge nikar dabun binem. Ir e gathi e bee’ nib kirbaen’ ni dabi gelnag fare election. Ke cham ngak! Uf’uf’, rib ga’ e uf’uf rok’, nge ir ba’adagen e pi fan ko cham rok’ ngak e tonom rok’ Chitimangiy.

Fare tonom me weliy e muruwel’ rorow e Chitamangiy nge fare Fak me fal’eg e rogon gubin e gidii’ nu feylang ni ra thapeged e tawa’ath ko yafos ni gubinfen.

Fare gospel rok’ Yesus Kristus me pii’ e rogon ni ngad thapeged fapi tawa’ath nike michmicheg ngodad ko wo’en rok’ Got, ni bay fare machib, yalen, gam’ing, nge micheg e pumo’on nge bpin thingarda mich u wun’med nge folgad. “dakuriy reb e fithingan nga bayang u tane tharmiy, ya kemus ni cha’aney i Yesus Kristus … ire rathap e gidii’ u dakean” (2 Nephi 25:20). Riyul, fare Somoel ni Yesus Kristus i ir “fare kanawo’, me gag e tin riyul’, me gag e yafos’ dariy be’ nrayag ni nge yan ngak e en ni Chitamangiy ya kemus ni gag e ra yan rog [Ngak]” (John 14:6; kan uneg ngay).

President Russell M. Nelson nibe filnag:

“Wo’en nem bt’uf e Sunmiy, nge tomur ni bt’uf gali pinem ni fare Mul nge fare Bayul. Tinem ir dalip e dayif nifan e wo’en. Fare sunmiy ko e feylang nib th’abi fel nike buch udakaen Got. Yafos nge yim’ ni yow ke buch u feylang udakaen e Mul ko Adam [muguy ko 2 Nephi 2:25; Moses 6:48]. Dowef ni dab ki yim’ nge rogon ko yafos ni gubinfen nike buch udakaen e Bayul rok’ Yesus Kristus [muguy ko 2 Nephi 2:21–28]. …

“… Gadad be dared nga feylang u ngiyal’ nib achigchig, athamgil nifan ko fapi sikeng nge pi mo’omaw’, nge t’aer midlen dad ni ngad dared nga lane lang nga na’un nib fal’ngin [muguy ko Psalm 116:15; Alma 42:8]. Fapi lemnag nge ngongol rodad ulan [a yafos ney] ra thapeg e fan nib mangil napan ni ngad nanged e wo’en rok’ Got nge pii e magar nge folgad e pi motochiyl Rok’ [muguy ko Doctrine and Covenants 59:20–21].”

Gadad ma filed e tin nib riyul’ nib gaa’ napan ni ngad nanged nge filed bo’or e pi fithingan nifan ko e tanom rok’ Chitimangiy ulan fare Babyor ku Mormon: Kureb e M’ag rok Yesus Kristus. Woed e susun ney, Mu lemnag morunga’agen bochi pi fithingan ney:

“Fare tanam ko wurengaen’ rok’ facha’ ni Tasunmiy ni th’abi gaa’” (2 Nephi 9:6).

“Fare tanam rok’ e Got rodaed” (2 Nephi 9:13).

“Fare wo’en e thap” (Jarom 1:2; Alma 24:14).

“Fare wo’en e bayul” (Alma 12:25, 26, 30, 32, 33; 42:11, 13).

“Fare wo’en e sulyarmen” (Alma 41:2).

“Fare wo’en e falfalaen’” (Alma 42:16).

“Fare wo’en fare murnguy” (Alma 42:31).

Urngin e fithingan ney me ayuwegdad ni ngad nanged nib mangil e pi micheg ni th’abi fel’ rok’ e wo’en rok’ Chitimangiy nge tawa’ath nag e lemnag rodad morunga’agen e fan nge ngongol ko yafos rodad.

Rib gaa’, fare fithingan gadad bu rungan’ nib yo’or morunga’agen e tanom Rok’ Got ulan fare Babyor ku Mormon me tay baga’ fan ko bayul nima buch udakaen e fare Bayul rok Yesus Kristus.

Ke yoeg Alma, “Ere chiney, e faʼan manga boech ni gathi bachan fare woʼen e bayul, niʼir e ni yarmiy u napʼan nni sunmiy e fayleng, ma ra yaeni aw ni dariy e foskoyamʼ ko pi yamʼ; machane bay ba woʼen e bayul nni yarmiy ngan tay, niʼir e ra yib nag fare foskoyamʼ ko pi yamʼ, niʼir e kan weliy morngaʼagen” (Alma 12:25).

Ma ki ga’ar, “Mu changar gaed mi gimed tabolngin nag e mich romed ngakʼ fachaʼ ni Fak Got, ni bay yib ni nge bayuliy e gidiiʼ rokʼ, ma yira gafgow nag min liiʼ ngemʼ ni bayul ko pi denen roraed; ma ra fos bayay ko yamʼ, niʼir e ra yib nag e foskoyamʼ, ni nge gubin e gidiiʼ ma thingar sakʼiy gaed nga pʼoewchen, ni ngan pufthin nagraed ko bin tomur e rran ni fare rran ko pufthin, u rogon e pi muruwel roraed” (Alma 33:22).

Ya’el rodad ra sugnag ko magar napan ni ngad lemnag morunga’agen e wo’en e thap nib mangil rok’ Got, bayul, fulweg, murunguy, nge falfalaen’. Ganop morunga’agen e wo’en Rok’ me pi e sap nib tolang puluwon ngodad, gaa’nag e falfalaen’ rodad, nge pii’ gelngin ngodad ni ngad gelnag fapi magawon rodad.

Chitamangiy nu Tharmiy me ba’adag ni ngad suloed Ngak’. Me pinning nge pii’ fapi michmicheg, machane dabiyog ni nge tawasariy, yoeg e tin nib kireb, fa fek e puf mat’awoy i dugliy an’uy rodad nike pii’ ngodad. Thingarda rrin’ed nge mel’eged ni ngad suloed ngak’ napan gadad ma folgad e susun ko Fakag nib T’uf Rok’.

Ya Kub K’iyeg Pa’ nge Paer, yib rok’ Elizabeth Thayer

“Fare woʼ e kan falʼeg rogon, ni faʼan gadaed ra sap ngay ma rayog ni ngad pired ni gubinfen” (Alma 37:46; kan uneg ngay).

Gub falfalaen’ ni nggu pii’ m’ag rog ni Chitimangiy nu Tharmey i ir e me sunmiy e wo’en nib thothup nifan ko bitir rok’. Yesus Kristus i’ir Tabiyul nge Tathapegdad. Gag ta’areb e Apostle u tin tomur e rran, ni nggu pii’ e m’ag rog ni ir “e kanawo’, me gag e tin riyul’, me gag e yafos” (John 14:6; emphasis added).