“Kowos Ipeis ke Moul Mutahl,” Liahona, Jacnweri 2026.
Pweng ke Liahona Mahlwem Nuhkewa, Jacnweri 2026
Kowos Ipeis ke Moul Mutahl
(Luo Peter 1:4)
Etuh ke plwacn in molwelah oraclah ngetnget kahto se, ahkahsruhpye engan lasr, ac ahkkweye kuht in kuhtanglah ma upac ac ma koluk.
Christ Calls Two Disciples[Kraist El Pahngon Mwet Tuhma Lutlut Luo], sel Gary E. Smith
Mwet Sap Peter el ahkacsmakihnye kuht lah ekihn mwet tuhma lutlut lal Jisus Kraist,“ Ku lun God ase tari nu sesr ma nukewa su kut enenu tuh kut in moul fal nu ke ma lungse lun God, ke sripen etu lasr ke El su pangon kut in ipeis ke fulatlana ac wolana lal:
“In ouiya se inge El ase nu sesr mwe sang yohk ac saoklana su El wulela kac: tuh ke sripen mwe sang inge kowos in ku wi ipeis ke moul mutal su ma lun God sifacna” (Luo Peter 1:3–4; mwe ahkuhtweyac ituckyang).
Plwacn luhn Pahpah ahkuhtweyac ma pwacye wolacna ac olwelah ma fahkwack lah suc kuht uh ac srihpac lasr ma pahtpaht.
Oacna ke ahkuhtweyucki lin “Sucu: Sie Mwet Fahkwack nuh fin Facluh”:
“Mwet nuhkwewa—mukul ac muhtwacn—oreklac ke luhman God. Kais sie pa tuhlihk mukul nguhn ac tuhlihk muhtwacn nguhn wolacna nuhtin pahpah ac ninac inkuhsrao, ac, kais sie eis luhman God ac in kuh in oacna God. …
“Ke moul se met liki moul se facluh inge, tuhlihk mukul nguhn ac tuhlihk muhtwacn nguhn uh elos etuh ac alu nuh sin God muh Pahpah ma Pahtpaht tuhmwaclos uh ac lwelah plwacn Lal suc ma sang tuhlihk Nahtuhl in eis mahno ac srah ac in puhlakihn ohiyac fin facluh in ahkwot nuh ke wolacna ac in eis akihlenyacn oreklac lalos uh ma som nuh ke moul ma pahtpaht.”
Pahpah Inkuhsrao El olwelah nuh sin tuhlihk Nahtuhl lah fin elos ukwe inkacnek ke plwacn Lal ac srihkasrak luhn Wen Kuloh Nahtuhl, karihngihn masap, ac kampare nuh ke sahflah, elos fah eis moul ma pahtpaht, suc pa mwe sang se ma yohk emet ke mwe sang luhn God” (Doctrine and Covenants 14:7).
Orekma luhn God som yohk nuh ke kapwack ac moul engan kaksak luhn tuhlihk Nahtuhl. Sroasrihk nuhkewa ke plwacn Lal oreklac in ahkinsewowoye mukul ac muhtwacn Nahtuhl ke srihpen moul luhn kais sie yohk srihpac nuh [Sel] (Doctrine and Covenants 18:10).
Plwacn luhn Pahpah
Ke toeni luhlahp se met inkuhsrao ah, Pahpah Inkuhsrao El ahkahlwemye nuh sin tuhlihk nguhn Nahtuhl plwacn Lal nuh ke kapwack ac engan ma pahtpaht lalos.
Kuht ac oraclah facl se ma elos uh e muhta kac;
Ac kuht e srihfaclos insacn, in liye lah elos e oruh ma nuhkewa ma Leum God lalos fah sapkihn nuh selos;
Ac elos suc karihngihn lohm luhlahp emet se ac ahkpuhsyeyuck; ac elos suc tiac karihngihn lohm luhlahp se ac fah tiac eis wolacna se ke tohkohsrahi se pacna ma mwet karihngihn lohm luhlahp se ingacn oasr kac; ac elos suc karihngihn lohm luhlahp ahkluo selos e fah laisyucklac nuh selos wolacna ne tok ma pahtpaht.
“Ac Leum El siyuck: Suc Ngac suhpwaclah uh? Ac sie topuk oacna Wen nuhtin Mwet: Nga inge, suhpweyuclac. Ac sie pac sahyac topuk ac fahk: Nga inge, suhpweyuclac. Ac Leum El fahk: Nga e suhpwaclah ma se met ah.
“Ac ma se ahkluo ah ahngyahng, ac tiac karihngihn lohm luhlahp se met sel; ac, ke lwen sacn, puhs mwet ukwacl” (Abraham 3:24–28).
Esam lah plwacn se fana pa ahkfahsryeyuck ke toeni se inkushrao ah—plwacn lal Pahpah. Pahpah tuhmasr Inkuhsrao El tiac siyuck kihsen siyuck ohinge, “Meac kuht e oruh uh?” El tiac eis nuhnak, kahsruh, kuh atac e orek. Tuhsruhk, El ahkahlwemye ip srihsrihk ke plwacn Lal ac siyuck, “Suc Ngac suhpwaclah uh?” Kalmen siyuck se Lal an pa suc e suhpweyuckme in ahfalyelah ma eneneyuck ac inkacnek nuh ke plwacn Lal.
Ma sikyak kahlwem ke lainyac uh ahkuhtweyucki oasr ke ma suhmuhslah.
“Ohinge, ke srihpen Satan el lainyuc, ac suk in kuhnahoslah sukosohk in sulwaclah luhn mwet uh, ma Nga … sang nuh sel, ac oacyacpac, nga in sang pac nuh sel kuh luhk … , Nga oruh tuh elan totolac nuh ten;
“Ac el pa Satan, … mwet koluk, pahpah tuhmwacn kikiacp nuhkewa, in kiacpuh ac ahklohsryelah mwet uh, ac in pacnuhlos lac in kapihr nuh ke kena lal, nuh selos nuhkewa suc tiac lohng puhsrek” (Moses 4:3–4; mwe ahkuhtweyac ituckyang).
Lucifer el tiac na akacsruhi plwacn se ma wotlac sin inkaiyen mwet ma wi toeni luhlahp se inkuhsrao ah. El tiac atac kuh mwet se ma kuf ke sramsram in eyeinse. El lain! Insefuhlwact, enuhm, ac ngwetngwet lucng puhrakack elan kuh in lain plwacn luhn Pahpah.
Plwacn lal Pahpah ac Wosasuc luhn Mwet Lahngo
Plwacn se inge ahkuhtweyac orekma luhn Pahpah ac Wen ma nuh sin mwet nuhkewa in eis mwe insewowo ke moul ma pahtpaht.
Wosasuc luhn Jisus Kraist akiyac inkacnek se pwacnacng kuht kuh in eis mwe insewowo ma uliyucklac ke plwacn luhn God, finne mwe luti pwacye, akwuck, ac wuhlweacng ma mukul ac muhtwacn enenuh in luhlahlfongi ac ukwe uh. “Wacngihn kuhtwena ine sahyac ma utuckuh ye kuhsrao sahyacn Jisus Kraist se inge … ke ma inge mwet uh kuh in moliyucklac” (2 Nephi 25:20). Pwacyena, Leum Jisus Kraist pa “inkanek, pwaye, ac moul; wangin mwet som nu yurin Papa fin tia ke [El]” (John 14:6; mwe ahkuhtweyac ituckyang).
Prestuhn Russell M. Nelson el ahkuhtweyac:
“Plwacn sac enenuh in oasr ma Oreklac, ac ma se ingacn enenuh kewana Puhtatlac ac Iwaclah. Pa inge ma tolu ma yohk srihpac ke plwacn sac. Oreklac luhn facl wolacna se tuhkuh sin God. Moul suhkawihl ac misac tuhkuh nuh facluh ke Puhtatlac lal Adam [liye 2 Nephi 2:25; Moses 6:48]. Moul kawihl ac moul ma pahtpaht oreklac ke Iwaclah lal Jisus Kraist [liye 2 Nephi 2:21–28]. …
“… Kuht tuhkuh nuh facluh ke pacl na fototo se, kuhtanglah mwe srihkasrak ac mwe sruhf, ac ahkolah in fahsr nuh met ac nuh lucng nuh yen wolacna [liye Psalm 116:15; Alma 42:8]. Nuhnak ac orekma lasr ke [moul suhkawihl] se inge e oasr kalmeyac fin kuht kahlwem ac kuloh kihn plwacn luhn God ac ahkos masap Lal [liye Doctrine and Covenants 59:20–21].”
Sifac ke Plwacn lin Puk luhn Mormon
Kuht lotelah ma yohk srihpac pwacye ke kuht lohacng yohk nuh kac ac lutlutkihn kain in sifac ke plwacn lal Pahpah lin Puk luhn Mormon; Sie pac Wuhlweacng ke Jisus Kraist. Sie srikasrak an, motko ke sifacn ekahsr suleyucklac inge:
“Plwacn in pahkotwen luhn Mwet Oraclah wo” (2 Nephi 9:6).
“Plwacn luhn God lasr” (2 Nephi 9:13).
“Plwacn in molwelah” (Jarom 1:2; Alma 24:14).
“Plwacn in molwelah” (Alma 12:25, 26, 30, 32, 33; 42:11, 13).
“Plwacn luhn sifil fohlohkihnyuckyak” (Alma 41:2).
“Plwacn in engan” (Alma 42:16).
“Plwacn wolacna luhn pahkotwen” (Alma 42:31).
Kais sie sifac inge kahsre kuht in kahlwem yohk ke olwelah wolacna ke plwacn luhn Pahpah ac tahpuhk liye lasr ke srihpac ac kalmen moul suhkawihl lasr uh.
Yohk liki nuhkewa, sifac se ma kwacna orekmakihnyuck ke plwacn luhn God lin Puk luhn Mormon sruhmuhn yohk ke molwelah ma tuhkuh ke Iwaclah lal Jisus Kraist.
Alma el fahk, ”Inge, fuhnuh tiac ma ke plwacn in molwelah, ma tuh akwucki e ke pwelucng luhn facluh, luhkuhn wacngihn sifilpac moulyak luhn mwet misac; tuhsruhk oasr sie plwacn in molwelah akwucki, suc fah ahkfahsrye sifilpac moulyak luhn mwet misac” (Alma 12:25).
El oacyacpac luti, “Muhtwacwacack in luhlahlfongi ke Wen Nuhtin God, lah El fah tuhkuh in molwelah mwet lal, ac tuh El fah kweok ac misac in iwaclah ma koluk lalos; ac tuh El fah sifilpac tuhkahkwek liki misac, suc fah use moulyak, tuh mwet nuhkwewa fah tu ye muhtahl, in nuhnuhnkweyuck ke lwen sahflah ac ke lwen in nuhnuhnkuh, fal nuh ke orekma lalos” (Alma 33:22).
Inkacnek uh Ahkoeyucklac
Insiacsr enenuh in sesesslah ke kaksak ke kuht nuhnkuh plwacn in molwelah wolacna, molwelah liki ma koluk, fohlohkihnyuckyak, pahkomuhta, ac engan luhn God. Etuh ke plwacn in molwelah oraclah ngetnget kahto se, ahkkahsruhpye engan lasr, ac ahkkweye kuht in kuhtanglah ma upac ac ma koluk.
Pahpah Inkuhsrao El kena kuht in fohlohk nuh Yohrohl. El suli ac olwelah mwe insewowo, tuhsruhk wacngihn pacl El sap kuh, ahkluhng, kuh kiacpuh in oruh sulwaclah lasr ke moul suhkawihl se El use nuh sesr inge. Kuht enenuh in orekma ac sulwaclah in fohlohk nuh Yohrohl ke kuht ukwe srihkasrak luhn Wen Kuloh Nahtuhl.
His Hand Is Stretched Out Still[Pahol Srackna Ahsroeyucklac], sel Elizabeth Thayer
“Inkacnek uh ahkoeyucklac, ac fin kuht ngetwacng kuht kuh in moul ma pahtpaht” (Alma 37:46; mwe ahkuhtewyac ituckyang).
Nga engan in loh kac lah Pahpah Inkuhsrao el pa mwet se ma suhmuhslah plwacn muhtahllacna luhn tuhlihk Nahtuhl. Jisus Kraist pa Mwet Lahngo ac Mwet in Molwelah lasr. Ac ekihn sie mwet sap luhn Leum ke Lwen-sahflah inge, nga fahkwack loh kac lah pwacye El “pa inkanek, ac pwaye, ac moul” (John 14:6; mwe ahkuhtweyac ituckyang).
© 2026 sin Intellectual Reserve, Inc. Suwohs nuhkewa fihlihyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lwenglah luhn Pweng ke Liahona Mahlwem Nuhkewa, Jacnweri 2026. Kosraean. 19932 868